– Мајк Зафировски на една од претходните настани на Македонија2025

Во рамките на Македонскиот економски самит кој ќе се одржи од 18-ти до 20-ти ноември во Скопје, на кој во текот на трите програмски денови ќе бидат претставени идеи и најдобрите практики за тоа како да се подобри индустријата и деловниот сектор во Македонија, почесен говорник е Финецот Томи Ахонен, кого престижниот деловен магазин Forebs го назначи како водечки експерт за дигитални технологии во светот

Во рамките на Македонскиот економски самит кој ќе се одржи од 18-ти до 20-ти ноември во Скопје, на кој во текот на трите програмски денови ќе бидат претставени идеи и најдобрите практики за тоа како да се подобри индустријата и деловниот сектор во Македонија, почесен говорник е Финецот Томи Ахонен, кого престижниот деловен магазин Forebs го назначи како водечки експерт за дигитални технологии во светот

Организаторот на овој самит, Македонија2025, покани експерти од повеќе од 15 земји од регионот и светот кои ќе ги претстават своите предлози, анализи и програми за економски развој.

Томи Ахонен, кој претходно работел на извршни функции во Nokia, сега е советник на ИТ нации како Сингапур, Финска, Малезија, Ирска, во однос на нивната трансформација кон дигитални општества. Тој зборува на настани во Силиконската долина и Токио, како и на повеќе од 100 конференции низ светот. Има напишано 12 книги и има дадено свои излагања во повеќе од 140 публикации во кои со неверојатна прецизност ги предвидува идните технолошки текови. Ахонен е клучен говорник на самитот во Скопје каде ќе даде примери за неговиот ангажман во Европа, ќе зборува за трансформацијата на Јужна Кореа во дигитално чудо и за неговиот удел во развојот на тој сектор во Кенија, Ирска, Јужна Африка и Колумбија. Ахонен ќе ја претстави неговата визија за трансформирање на Македонија во создавање развоен центар во Скопје за паметни технологии и позиционирање на земјата како регионално инфо-технолошко средиште.

Од Македонија2025 се гордеат на учеството на голем број професионалци и експерти кои потекнуваат од Македонија, а работат во успешни и познати странски компании. Луѓе како Филип Мисовски од SAP Германија, Петар Кајевски од Orracl Австрија, Дино Граматиков од Inmarsat Швајцарија, Бистра Кумбароска од Imact Hab во Виена, Лу Наумовски од Кинрос Голд Корп Русија и многу други, со голем ентузијазам сакаат да придонесат до подобрување на визијата за поуспешна и понапредна Македонија на економски и деловен план.

Преку несебично споделување на знаењето, но и со проширување на капацитетите за тоа знаење да се апсорбира, Македонија може да се преобрази во центар за развој на иновативни технологии и развојни индустрии. Тоа што е значајно за економскиот развој, додаваат од организацијата основана во дијаспората, е потребата за некои сегменти во индустријата да се трансформираат, да се вклопуваат со други, да соработуваат, како и да целат кон интегрирање со индустрии и сектори надвор од Македонија. Од Македонија2025 ги покануваат сите професионалци, претприемачи и аналитичари на бизнисот во земјата да дојдат на самитот, да се поврзат со меѓународните учесници и да работат на своите визии за развој на своите сегашни или идни капацитети и компании.

За сите детали поврзани со настанот како и можностите за регистрација која уште е во тек заинтересираните може да се обратат на адресата www.macedonia2025.com/summit./крај/мф/сн

Извор: Макфакс