Економија
OPEC договори намалување на производството првпат од 2008-та

Организацијата на земјите извознички на нафта (OPEC) во средата договори намалување на производството првпат од 2008 година за да се ограничи снабдувањето и да ги поддржи цените на нафта.
Во OPEC постигнаа договор за намалување на производството на 32,5 милиони барели дневно, објави кувајтскиот министер за нафта. Во намалувањето би требало да учествува и Ирак кој ќе го намали производството за 200.000 барели дневно, на 4,251 милиони барели дневно, додаде.
Во Алжир, на неформалниот состанок кон крајот на септември, беше договорено намалување на вкупно 32,5 до 33 милиони дневно.
Договорот стапува на сила во јануари идната година, објави претседателот на OPEC, Мохамед Бин Салех ал-Сада. Според него, најголемиот произведувач во рамките на картелот Саудиската Арабија, ќе го намалува производството за 486.000 барели дневно, во однос на сегашните повеќе од 10 милиони барели дневно.
Ирак, пак, според наводите на неименувани извори, би требало да ја замрзне производството во близина на сегашните нивоа од 3,797 милиони барели дневно. Индонезија, пак, одби да учествува во намалувањето па го суспендираше членството на OPEC, вели челникот на картелот.
Големите независни произведувачи, исто така, се подготвени во согласност со OPEC и начелно имаат намера да го намалат производството, рече ал-Сада, наведувајќи ја само конкретно Русија којашто според него е подготвена да го намали производството за 300.000 барели дневно, од сегашните малку повеќе од 10 милиони барели дневно.
Кувајт, Венецуела и Алжир ја преземаа задачата за спроведување надзор на договорот. Претставниците на OPEC ќе се сретнат со независните производители на 9-ти декември./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.