Контакт

Економија

Opel повторно ќе го воведе под-брендот GSe за динамични модели

Објавено пред

Opel повторно ќе го воведе под-брендот GSe за динамични модели

dobivaj vesti na viber

• Модерен пресврт: GSe ќе се врати како динамичен, електрифициран под-бренд на Opel

• Извршниот Директор на Opel, Florian Huettl: „GSe сега исто така значи Grand Sport Electric“

• Сеопфатна електрифицирана понуда: од Corsa-e до Astra plug-in хибрид и Movano-e

GSe – три букви со многу јасна конотација за клиентите на Opel: високо опремени, спортски модели. Денес, со јасниот план на германскиот производител на автомобили да понуди електрифицирана верзија на секој модел во своето портфолио до 2024 година и да биде целосно електричен бренд во Европа до 2028 година, Opel го оживува и редефинира GSe како нов подбренд со врвна понуда. За разлика од минатото кога ознаката беше кратенката „Grand Sport Einspritzung“ (Grand Sport вбризгување) како на Commodore GS/E и на Monza GSE, таа ќе има ново значење во иднина.

„Многу сум среќен што можам да го објавам враќањето на GSe, спортски подбренд како наше врвно достигнување во гамата,. Повторно зедовме инспирација од нашето богато наследство – како што направивме за нашиот нов храбар и елегантен дизајн – и му дадовме модерен пресврт. Во иднина, ознаката GSe не само што ќе означува динамични, забавни автомобили за возење, туку и ќе претставува „Grand Sport electric “, во целосна усогласеност со нашите амбициозни планови да станеме целосно електричен бренд“, рече Извршниот Директор на Opel, Florian Huettl.

Покрај спортскиот изглед заснован на наградуваниот дизајн на Opel, идните клиенти на GSe може да се радуваат на поставување на шасијата за да обезбеди високо ниво на забава и атрактивно возење. И како и сите модели на Opel, линијата GSe ќе биде безбедна на автопат благодарение на опсежните тестирања по германските автопати.

Opel неодамна ја претстави Manta-e GSe, модерен изглед на легендарната Manta од 1970 година. Тоа покажува колку безвременски се линиите од 1970 година и денес. Она што беше скулптурно и едноставно пред половина век, сè уште совршено се вклопува со дизајнерската филозофија на Opel денес. Зазема моќен, јасен став и самоуверено започнува нова иднина: електрична, без емисија – полна со емоции. Opel Manta-e GSe е исто така креација во чест на прекрасната Manta A која неодамна беше инспирација за дизајнот на новото лице на брендот – Opel визорот, кој совршено ги интегрира во еден единствен модул: решетката, системот за осветлување и Blitz амблемот на брендот. Сите нови модели на Opel го имаат визорот – вклучувајќи ги новите Opel Astra и Opel Astra Sports Tourer.

Повеќенаградуваната Manta-e GSe, исто така, го следи „едноставниот електричен“ пат на Opel до електрификацијата на брендот, без разлика дали станува збор за патнички или лесни комерцијални возила. Секој модел на Opel ќе биде електрифициран до 2024 година, а купувачот веќе има избор помеѓу 12 електрифицирани модели денес, од plug-in хибриди како Grandland и Astra до целосно електрични возила со батерии, од малиот автомобил Corsa-e до Zafira-e Life „салон на тркала“ и од Combo-e Cargo до комерцијалното возило Movano-e.

ПР

Економија

Георгиева: 48 земји во светот се особено изложени на криза со храна

Објавено пред

Меѓународниот монетарен фонд (ММФ) денеска објави дека до 20 земји, од кои многу се во Африка, би можеле да побараат итна помош за справување со глобалната криза со храна.

dobivaj vesti na viber

Директорката на ММФ, Кристалина Георгиева, говорејќи на конференција во Саудиска Арабија, рече дека 141 милион луѓе ширум арапскиот свет може да бидат изложени на недостиг на храна, пренесува Ројтерс.

ММФ во петокот одобри нова рамка за задолжување со храна, потпирајќи се на постојните инструменти за финансирање во итни случаи за да им помогне на ранливите земји да се справат со недостигот на храна и високите трошоци кои произлегуваат од војната во Украина.

Георгиева рече дека 48 земји во светот се особено изложени на криза со храна, од кои 10 до 20 најверојатно ќе имаат потреба од итна помош во храна, а повеќето од нив се во субсахарска Африка.

Ројтерс пренесува дека ММФ ќе го даде својот глас во борбата против ограничувањата во трговијата со храна за да ја олесни ситуацијата и планира да го финансира недостигот на храна.

Британската агенција забележува дека земјите од регионот на Блискиот Исток зачекориле напред за да ги поддржат државите кои се борат со висока инфлација и недостиг на храна, влошени од зголемениот ризик од глобална рецесија.

Георгиева изјави дека арапските држави од Персискиот Залив планираат наскоро да се обврзат да обезбедат првични 10 милијарди долари за ублажување на глобалната криза со снабдување со храна.

Прикажи повеќе...

Економија

ССК: Правото на сопственост е неприкосновено, да се најде фер решение за топланите во Скопје

Објавено пред

Сојузот на стопански комори ги повикува институциите на државата транспарентно да остварат дијалог со сопственикот на топланите Исток и Запад, компанијата „Адора инженеринг“ и безусловно да го решат прашањето во врска со топланите за навремено да се обезбеди топлинска енергија за градот Скопје.

dobivaj vesti na viber

„Само на овој начин државата ќе покаже дека имаме институции и владее правото во оваа држава, бидејќи и компанијата, а и граѓаните трпат огромни штети“, велат оттаму.

„Ги повикуваме, Регулаторната комисија за енергетика, ЕСМ АД Скопје и Владата како координатор на целиот процес во оваа кризна состојба да се најде праведно и фер решение за користење на топланите преку договор за закуп, кој нема да биде на штета на компанијата или со откуп на топланите од страна на ЕСМ АД. Јавно ја поддржуваме нашата членка ‘Адора инженеринг’, за која, како што може да се разбере од целата комуникација само сака да си ги наплати финансиските долгови, кои законски и следуваат. Во обид да најде решение прифатливо за сите засегнати страни истакнуваме и дека од компанијата „Адора инженеринг“ се доставени околу 100 дописи до надлежните институции, од нив 29 се до стечајниот управник, 25 до Регулаторната комисија за енергетика, 10 до ЕСМ АД, 4 до Владата. На сите овие дописи институциите останаа неми на потребата за решавање на проблемот и важноста на истиот и кон приватната домашна компанија, ‘Адора инженеринг’ и пред сè јавниот интерес и општото добро за граѓаните“, се вели во соопштението на ССК.

Оттаму истакнуваат дека „Сојузот на стопански комори на Македонија јавно ги повикува надлежните институции да го почитуваат принципот на владеењето на правото, како и со Устав загарантираното правото на располагање со приватна сопственоста и во најкус можен рок да овозможат остварување на владение од страна на „Адора инженеринг“ на топланите во Скопје, кои се купени во транспарентна постапка на јавно наддавање“.

„Имено, иако компанијата се стекна со сопственост врз топланите Исток и Запад во градот Скопје во септември 2021 година, сè уште нема владение врз имотот за кој што плати 9,26 милиони евра со сите давачки. На наддавањето Адора Инженеринг даде највисока понуда и ги купи топланите Исток и Запад за што навремено ја исплати целосната сума. И покрај тоа, пoради административни, институционални и други системски недоследности, како инвеститор, ‘Адора инженеринг’ не може и до ден денес, веќе 13 месеци од продажбата да го оствари правото на сопственост врз објектите на топланите и покрај тоа што ги употребија сите правни механизми за тоа.’ Адора инженеринг’ е принудена да финансира и дел од работењето на топланите со свои основни средства, а во исто време за тоа не може да добие ниту владение, ниту надомест. ‘Адора инженеринг’ трпи огромни финансиски и штета врз угледот на компанијата поради неможноста да го запише имотот што го купила под хипотека во корист на банката од која е обезбеден кредитот“, велат од Комората.

Прикажи повеќе...

Економија

Битиќи: Иднината на образованието и пазарот на труд се вештини потребни за четвртата индустријализација

Објавено пред

Според статистиката на Агенција за вработување, имаме над 90 % од невработените лица, кои според сегашните побарувања на пазарот на трудот се невработливи или според дефиницијата на Меѓународната организација на трудот, влегуваат во категоријата „функционално неписмени“, изјави заменик-претседателот на Владата задолжен за економски прашања, координација на економските ресори и инвестиции, Фатмир Битиќи.

dobivaj vesti na viber

„Ова значи дека ова е кадар кој жедниот пазар за труд не може да го впие затоа што е несоодветен и ова е веќе децениски проблем. Тука она што е завршено и во иднина ќе се развива со овој проект е исклучително важно. За ова треба да зборуваме“, додава тој.

Средните стручни училишта, според Битиќи, се можеби столбот на развојот на образованието, нивниот развој, заедно со центрите за стручно образование, кои веќе се оперативни во Тетово, Куманово и во Охрид и дополнителните два што ќе се отворат, а ќе нудат доквалификација и преквалификација на кадар, може значително да ја променат оваа слика.

„Концептот на доживотно учење, промена, флексибилност и адаптирање на кадарот кој што сака да остане активен на пазарот на труд е реалност што секој мора да ја прифати. Знам дека ова е процес кој оди бавно и тешко имајќи го предвид системот од кој излеговме, кој не го поттикнуваше овој динамичен пазар на труд, туку, напротив. Но, поминаа 3 децении, време е да го фатиме чекорот. Затоа денеска посакувам добра конференција, но и повеќе од тоа, очекувам жива дискусија на оваа важна тема.

Погледот напред е дека треба да се свртиме кон вработливоста, односно да го мериме кадарот со квалификации што му се потребни на современиот пазар на труд, а тоа веќе не подразбира тешка индустрија, туку кадар подготвен за четвртата индустријализација, односно роботика, мегатроника и вештачка интелигенција.

Една од најдобрите вести што ги прочитав во последниот период е насловот за средното стручно „Михајло Пупин“ и нивната ученичка компанија, дополнително, училиштето е енергетски ефикасно бидејќи има инсталирана фотоволтаична централа, а учениците се активно вклучени во практична настава во компании. Вака изгледа иднината. Секоја чест за професорите, менторите и, секако, за учениците, кои верувам дека пред себе имаат успех“, порача Битиќи.

Прикажи повеќе...

Најново

Регион25 минути

Радев не ја поддржа декларацијата за членство на Украина во НАТО

Бугарското претседателство објави официјален став за одбивањето на шефот на државата Румен Радев да ја поддржи декларацијата на деветмина негови...

Европа2 часа

Украинските сили со голема брзина ги пробија руските линии на југот на земјата

Украинските сили го постигнаа најголемиот успех на југот на земјата од почетокот на војната со пробивање на линијата на фронтот...

Свет2 часа

(Видео) Нов испад на Бајден, ја погреши насоката за движење

Еден ден по гафот на кој ја повика починатата конгресменка обраќајќи и се како да е сè уште жива, американскиот...

Македонија5 часа

(Видео) Ако не се извинат, Ковачевски најави тужба за ВМРО-ДПМНЕ: Јас сум веќе две недели под константни напади

Најдолни лаги, според премиерот Димитар Ковачевски, се обвинувањата од ВМРО-ДПМНЕ за тоа дека го избегнал служењето војска правејќи се неспособен...

Регион5 часа

(Видео) Вучиќ од Будимпешта: Србија нема да биде паркинг за мигрантите

Денеска, во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција...

Македонија6 часа

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале...

Економија7 часа

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 0,50 денари/л. Малопродажната цена на „евродизелот (Д-Е V)“ се...

Македонија7 часа

Тупанчески на првиот академски час: Не учете за оцена! Учете да научите! Учете за да знаете!

Министерот за правда, Никола Тупанчески, се обрати на првиот академски час на Правниот факултет „Јустинијан Први“. На идните студенти им...

Економија7 часа

Бонус до 3.000 евра ќе добијат вработените во Германија поради инфлацијата

Вработените во Германија ќе може да добиваат регреси и премии до 3.000 евра годишно, без даноци и придонеси, за полесно...

Свет8 часа

Рамзан Кадиров ги испраќа своите малолетни синови во војна

Лидерот на Чеченија, Рамзан Кадиров, најави дека тројца негови малолетни синови набргу ќе заминат на фронтот во Украина. „Тоа што...

Свет8 часа

Русија ќе го тестира новото оружје „Посејдон“, предупреди НАТО

Како што напредува војната во Украина, има сè повеќе информации за нов тип на оружје што го користат двете завојувани...

Економија9 часа

Меѓународната агенција за енергетика со совет до ЕУ: „Штедете гас“

Меѓународната агенција за енергетика (ИЕА) ја советува Европската Унија да штеди гас за да се избегнат празните магацини и ризикот...

Свет9 часа

Си-ен-ен: Времето на Путин истекува и тој тоа го знае

Времето на рускиот претседател Владимир Путин истекува и тој тоа го знае. Во меѓувреме, неговиот бомбастичен настап продолжува – објавувајќи...

Македонија9 часа

Без струја утрово во скопски Карпош, граѓаните во страв дека рестрикциите се почнати

Жители на Карпош 1, 2, 3 и 4 утрово пријавуваат дека останале без струја. Речиси еден час траел прекинот, а...

Свет11 час

Бројот на загинати од ураганот Јан се искачи на повеќе од 80, штетата е проценета на десетици милијарди евра

Бројот на загинати од ураганот Јан во САД се искачи на повеќе од 80 бидејќи жителите на Флорида и Јужна...

Свет11 час

Саливан вети дополнителна американска поддршка за Украина

Американскиот советник за национална безбедност, Џејк Саливан, вчера во Истанбул се сретна со Андриј Јермак, шеф на кабинетот на украинскиот...

Свет11 час

Руски гувернер: Половина од мобилизираните во регионот вратени дома, командантот разрешен

Командантот на руската област Хабаровск е сменет од должност кога половина од мобилизираните мажи биле испратени дома бидејќи не ги...

Европа11 час

Карл Нехамер: Ако ЕУ не дејствува, самите ќе треба да се заштитиме од илегалната миграција

Сè додека ЕУ не презема ефективни мерки, ние мора сами да дејствуваме и затоа Австрија прави сè за да се заштити...

Свет11 час

Поранешниот шеф на ЦИА, Дејвид Петреус, испрати предупредување до Русија

Соединетите Американски Држави и нивните сојузници ќе ги уништат руските војници и опремата во Украина и ќе ја потопат нејзината...

Свет12 часа

Најмалку седум лица починаа од колера на Хаити поради недостиг на чиста вода за пиење

Најмалку седум лица починаа од колера на Хаити откога болеста ненадејно се врати поради недостиг на гориво и чиста вода...