Економија
Сопственикот на „Zara“ под лупа, затајувал данок

Европската комисија ќе ја разгледа шемата која ја користи Inditex, матичната компанија на „Zara“, кој на сопственикот му помогнала да одбегне плаќање данок во висина од 585 милиони евра данок.
Шемата е разоткриена во извештајот на групата на Зелените од Европскиот парламент, пренесе во петок, бриселскиот портал Euractiv.com.
Групата Inditex, која ги вклучува брендовите Zara, Bershka, Pull & Bear, Massimo Duti, е во сопственост на Армансио Ортега, втор човек по богатство во светот според магазинот Forbes.
Како што се наведува, Inditex, користел техники за избегнување данок на добивка така што данокот, место во земјите со висока стапка на данок, како Шпанија и Франција, се плаќал во земјите со пониски стапки, првенствено Холандија, Ирска и Швајцарија.
Извештајот покажал дека меѓу 2011 година и 2014 година Шпанија изгубила 218 милиони евра данок од Зара, Франција 76 милиони, Италија 57 милиони, Германија 25 милиони, Британија 22 милиони, Грција 20 милиони, Белгија 18 милиони, а Австрија 6 милиони.
Зелените сметаат дека даночната стратегија која ја користат „Zara“ и другите корпорации, иако е легална, отвора сериозно прашање дали групата која стои зад „Zara“ плаќа данок и таму каде што тргува.
Европската комисија ќе ги испита наводите од извештајот, вели портпаролката на ЕК за финансиски услуги, даноци и царини Ванеса Мок.
Претходно, Комисијата увиде дека и компаниите Starbucks, Apple и Fiat добивале нелегална државна помош во вид на даночни олеснувања. Истрага се води и за McDonald’s и за Amazon.
Индитекс порекнува дека направиле грешка, па соопштија дека Зара платила повеќе од 4,4 милијарди евра данок на добивка меѓу 2011 и 2014 година, според стапки во просек меѓу 22 и 24 отсто./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“
Економија
Дизелот поевтинува за 2,5 денари

Од ноќеска на полноќ дизелот ќе поевтини за 2,5 денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 28.6.2025 година од 00:01 часот максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 77,50 (денари/литар)
– Моторен бензин – ЕУРОСУПЕР БС – 98 – 79,50 (денари/литар)
– Дизел гориво – ЕУРОДИЗЕЛ БС (Д-Е V) – 70,50 (денари/литар)
– Масло за горење – Екстра лесно 1 (ЕЛ-1) – 72,00 (денари/литар)
– Мазут М-1 НС – 40,188 (денари/килограм)
Малопродажната цена на ЕУРОДИЗЕЛ (Д-Е V) се намалува за 2,50 ден/лит.
Малопродажната цена на Мазутот М-1 НС, се намалува за 1,499 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат.