Свет
Елегантна и секогаш во тренд: Сара Џесика Паркер на интервју на улица
Сара Џесика Паркер и нејзиниот сопруг Метју Бродерик во четвртокот беа забележани додека снимаат интервју во паркот „Вашингтон сквер“ во Њујорк.
Херојката од популарната ТВ-серија „Сексот и градот“ (54) е облечена во шик црно-бел капут додека ги интервјуираат заедно со сопругот.
Сара и Метју, кои се во брак од 1997 година, неодамна во изјава за весникот „Волстрит џурнал“ открија дека се подготвуваат да работат заедно првпат.
Обајцата глумат на Бродвеј во комедијата на Нил Сајмон, Plaza Suite, а Паркер призна дека не знае многу за сопругот како актер.
„Знам најмалку илјада луѓе подобро отколку што го познавам Метју како актер“, рече таа. „Знам како работи… но подобро го знам Крис Нот (другиот протагонист во преставата) кога е пред камерата.“
Таа додаде дека постојат лични причини поради кои досега не работеле заедно и дека се среќни со одделни професионални животи.
И Бродерик смета дека ќе биде тешко. „Многу ретко работиме во исто време“, вели тој.
Премиерата на комедијата Plaza Suite е закажана на 13 април во бродвејскиот театар „Хадсон“. Комедијата, во режија на Џон Бенџамин Хајки, ќе се прикажува само 17 недели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.