Свет
Кина ги зголемила капацитетите за производство на челик и покрај ветувањата
Кина минатата година ги зголемила капацитетите за производство на челик повеќе од двојно од британското годишно производство, покажа извештајот објавен во понеделник, и покрај ветувањата дека ќе го намали огромниот вишок во тој сектор.
Кина произведува повеќе од половина од светскиот челик, но заради забавување на домашната економија и намалувањето на глобалната побарувачка, се соочи со огромен вишок на производни капацитети.
Кинеските производители се на мета на критика дека ги пласираат своите производи на светскиот пазар по вештачко ниски цени, придушувајќи ги цените и кршејќи ги меѓународните трговски договори.
Минатата година кинеските власти во повеќе наврати ветуваа дека ќе се занимаваат со проблемот со прекумерно производство преку консолидација и затворање на фабриките кои не работат или се неефикасни.
Капацитетите навистина се намалени, но тоа намалување е компензирано со отворање на нови или со повторно активирање на затворените фабрики, се наведува во извештајот на советодавната компанија Custeel and Greenpeace East Asia.
Речиси три четвртини од затворените фабрики во 2016 година не биле активни, истакнуваат авторите на извештајот.
Кина мора да тежнее кон намалување на производството во активните фабрики за челик, а не во оние што се во состојба на мирување.
„Фабриките треба да се урнат, а не само да се затворат, за да се спречи нивно повторно отворање во иднина“, се вели во соопштението.
Така кинеските оперативни капацитети за производство на челик всушност се зголемени за 36,5 милиони тони, повеќе од двојно од вкупниот производствен капацитет на Велика Британија, констатираат авторите на извештајот.
Во тој контекст, американската влада на почетокот на месецот воведе големи царини на дел од увозот на кинески челик, во распон од 63 до 190 отсто, обвинувајќи ги кинеските извозници дека своите производи ги продаваат нечесно ниска цена, односно дека добиваат незаконски субвенции.
Во јануари и Европската унија(ЕУ) најави царини меѓу 30,7 и 64,9 отсто на одредени производи од кинески челик, во обид да ги заштитат европските производители. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.