Контакт

Свет

СБ им одобри кредит на Турција и Азербејџан за реализација на гасоводот ТАНАП

Објавено пред

Светска банка(СБ) им одобри на Турција и на Азербејџан кредит од по 400 милиона американски долари за проектот за изградба на гасоводот Трансанадолија(ТАНАП).

Кредитот ќе биде реализиран со посредство на Меѓународната банка за обнова и развој.

Владите на Турција и на Азербејџан дадоа гаранции за кредитите кои Меѓународната банка за обнова и развој ќе ги уплати на турската компанија БОТАС на период од 24 години, со петгодишен грејс период и на азербејџанската компанија ЦГЦ на период од 30 години со ист грејс период.

Заменикот шеф на Светска банка за Европа и Централна Азија Кирил Милер, рече дека е задоволен од фактот што оваа финансиска институција ќе учествува во реализацијата на толку важен проект.

„Гасоводот ТАНАП не е важен само за Турција и Азербејџан, туку ќе придонесе и за економскиот развој на целиот регион. Истовремено, ќе овозможи развој на трговијата. Тоа е уште еден голем чекор кон јакнењето на енергетската сигурност на Турција и на цела Европа“, рече Милер.

Генералниот директор на проектот ТАНАП, Салтук Дузјол претходно соопшти дека станува збор за мега проект вреден вкупно 8,5 милијарди американски долари.

Гасоводот ќе биде долг 1,85 илјади километри, а се очекува во јуни 2018 година да почне испораката на гас кон Турција, а две години подоцна и кон Европа. /крај/он/ст



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Во Германија да се помести старосната граница за пензија на 69 години, бараат економистите

Објавено пред

Во Германија oд 2012 година возраста за пензионирање беше зголемена на 67 години, а според сегашните податоци, сè повеќе луѓе умираат пред да заминат во пензија. И покрај тоа, поради Ковид-19, се погласни се оние кои бараат таа граница да се помести на 69 години, пишува „Дојче веле“.

„ Во 2019 година, 17 проценти од починатите во Германија не наполниле 67 години, а 14,4 проценти не доживеале 65 години. Ова произлегува од одговорот на Министерството за внатрешни работи на барањето на пратеничката група на Левицата“, пренесува „Ноје Оснабрикер Цајтунг“.

Доколку возраста за пензионирање се зголеми на 69 години, логично е дека уште повеќе луѓе не би ја достигнале возраста за пензија, додава „Дојче веле“.

Во 2019 година, 19,8 проценти од сите смртни случаи биле на возраст под 69 години, или речиси секој петти. Во април, неколку економски институти го предложија зголемувањето на возраста за пензионирање на 69 години, со оглед на оптоварувањето на државниот буџет заради пандемијата.

„ Таквиот чекор ќе донесе двојна корист“, напишаа институтите во пролетниот извештај до федералната влада.

Од една страна, приходите од пензиско осигурување би се зголемиле, а од друга страна, повеќе луѓе би биле на располагање на пазарот на трудот. Германија има сè помало население кое старее, изјави потпретседателот на Институтот за економски истражувања од градот Хале, Оливер Холтемелер.

Во иднина, разликата помеѓу бројот на млади луѓе кои доаѓаат на пазарот на трудот и старите кои го напуштаат ќе биде околу 400.000 луѓе помалку годишно. Економистот предупредува дека ова ќе ѝ наштети на германската економија.

Германската централна банка исто така повика на зголемување на возраста за пензија.

„ Досега, очекуваниот животен век кој постојано расте, подразбира сè подолго траење на пензијата, додека периодите на плаќање на придонесите остануваат постојани. Затоа е логично да се зголеми старосната граница од 67 години за пензија “, стои во образложението на Бундесбанк.

Прикажи повеќе...

Економија

Пандемијата го измени списокот на десетте најголеми економии во светот, една земја отпадна

Објавено пред

Пандемијата од Ковид-19 го разниша рангот на најголемите економии во светот, туркајќи многу земји во најлоша економска рецесија во поновата историја.

САД, Кина, Јапонија и Германија и нaтаму се рангираат во првите четири како најголеми економии во светот, додека некои економии напредуваа или паднаа на ранг-листата како резултат на пандемијата, а една земја излезе од листата на првите 10 економии, според анализата на СНБС.

Овој американски медиум ги спореди земјите во однос на номиналниот бруто-домашен производ од 2019 година, изразен во долари, со проценките на БДП за минатата година од извештајот на ММФ.

Соединетите Американски Држави ја задржаа водечката позиција на списокот на топ 10 економии во светот, при што номиналниот БДП падна минатата година на 20,9 трилиони долари од 21,4 трилиони долари претходната година.

Наспроти ова, второпласираната Кина минатата година забележа номинален БДП на 14,7 трилиони долари од 14,3 трилиони долари една година порано.

Јапонија остана трета по големина економија во светот во 2020 година со БДП проценет на 5,0 трилиони долари (5,1 трилиони долари во 2019 година), додека Германија се најде на четвртото место чија економија задржа вредност од 3,8 трилиони долари.

Индија, петта по големина економија во светот во 2019 година, минатата година падна на шестото место, зад Велика Британија, иако споредбените податоци покажуваат дека БДП на двете земји паднал од нивото од 2,8 трилиони долари пред две години на 2,7 трилиони долари минатата година.

Седмата позиција сè уште ја држи Франција со номинален БДП од речиси 2,6 трилиони американски долари (2,7 трилиони долари во 2019 година), а осмата е Италија со вредност на економијата од приближно 1,9 трилиони долари во 2019 година).
Бразил, кој беше деветта по големина глобална економија во 2019 година, испадна од првите десет, препуштајќи ѝ го местото на Канада, чиј БДП минатата година беше проценет на 1,6 трилиони долари (1,7 трилиони милијарди минатата година), и е рангиран на 10-то место од најмоќните.

Прикажи повеќе...

Економија

Европа живее на кредит, економската криза во Италија ја тресе цела ЕУ

Објавено пред

Јавниот долг на Германија надмина две милијарди евра, но експертите од земјите во еврозоната се најмногу загрижени за Италија. Намерата на Европската Унија е да се извлече од кризата со задолжување. Тоа веројатно ќе продолжи и следната година.

Германскиот Бундестаг во четвртокот гласаше за ребаланс на буџетот за оваа година, со што се овозможи рекордно задолжување од 240 милијарди евра. Ова ќе го зголеми јавниот долг на Германија на 2,2 трилиони евра и тоа е рекорд. Германскиот долг денес изнесува 80 проценти од БДП, оценуваат германските медиуми.

Другите членки на ЕУ исто така беа принудени да живеат на кредит поради кризата. Долговите се натрупуваат од Финска до Грција. Евростат објави дека вкупната задолженост во државните буџети на еврозоната ќе изнесува скоро сто проценти од БПД.

Кој ќе плати за цехот на крај?

„Стапката на економски раст е секогаш одлучувачка за високите долгови. Доколку се постигне голем раст, тогаш проблемот со задолженоста ќе се реши само по себе. Политиката на државни заштеди за големи долгови помага само во мала мера “, објаснуваат експертите.

Ваквото мислење го споделува и Маркус Фербер, германскиот европратеник, експерт за финансии на демохристијаните.

„Во моментов, ние не сме загрижени за стабилноста на еврото“, рече тој за ДВ. Сепак, смета дека границата за задолжување во еврозоната треба да се врати следната година. Во спротивно, смета тој, постои опасност некои членови да продолжат да ги решаваат проблемите со нови долгови наместо реформи.

Фербер нагласува дека заедничкото задолжување на ЕУ во износ од 750 милијарди евра за ублажување на последиците од кризата мора да остане осамен преседан. „Оние што мислат дека ги рехабилитираат националните буџети со пренесување долгови кон Европа, нема да успеат. Бидејќи тие долгови мора да ги отплатат и земјите членки. А тоа значи следните генерации“, изјави европратеникот.

Грција веќе се приближува до јавен долг од 200 проценти. Сепак, аналитичарите не сметаат дека ова е голем проблем затоа што Грција се рехабилитираше во претходните години.

„Грција ме загрижува помалку од некои други земји. Мојата најголема грижа е Италија “, вели европскиот парламентарец Фербер. Тој предупредува дека со зголемувањето на каматните стапки италијанската држава и банките може да наидат на сериозни тешкотии. Јавниот долг на Италија во моментов изнесува 180 проценти од БДП.

Прикажи повеќе...

Најново

Македонија6 часа

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија9 часа

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија10 часа

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија11 час

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија12 часа

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија12 часа

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија13 часа

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет15 часа

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Македонија16 часа

Министерството за здравство: Вчера се аплицирани 14.033 дози вакцини

Вакцинацијата се одвива непречено на сите пунктови во државата. Интересот за вакцинација секојдневно се зголемува, а досега бројот на лица...

Регион16 часа

Во Србија пораст на бројот на вакцинирани по ветувањето на Вучиќ од 25 евра

Корона-бројките во Србија продолжуваат да паѓаат и покажуваат помалку од 1.000 заразени втор ден по ред, а белградските медиуми тврдат...

Македонија16 часа

Владата денеска ќе одлучува за новите рестриктивни мерки

Владата денеска ќе ја одржи редовната 69-та седница со повеќе точки на дневниот ред, информираат владините служби. На седницата, која...

Свет17 часа

СЗО: Сите треба да бидеме загрижени поради индискиот сој на коронавирус

Светската здравствена организација (СЗО) го класифицира индискиот сој на коронавирусот, исто така познат како двоен мутант, како можност од нова...

Свет18 часа

(Видео) Најмалку 20 загинати, меѓу нив 9 деца во синоќешните израелски напади

Палестинците рано утрово лансираа десетици ракети од Газа, а Израел возврати со нови воздушни напади. Израелската армија објави дека во...

Регион1 ден

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Македонија1 ден

Филипче: Значајно се испразнети болниците, хируршките одделенија се вратени во функција

Eпидемиолошката крива е во опаѓање и бројот на хоспитализирани пациенти во континуитет се намалува во изминатите денови, изјави министерот за...

Македонија1 ден

Инспекторатот за животна средина: Рудникот „Казандол“ не претставува опасност

Рудникот „Казандол“ во моментот не претставува опасност за животната средина и локалното население, соопшти Државниот инспекторат за животна средина, кој...

Македонија2 дена

Средба Заев – Фон дер Лаен: Идентитетски прашања не смее да бидат на масата за разговори

Претседателот на Владата на Република Северна Македонија, Зоран Заев, во рамките на посетата на Брисел, оствари средба и со претседателката...

Македонија2 дена

Заев од Брисел: Идентитетот не може да биде причина за блокада на европските интеграции

Премиерот Зоран Заев, придружуван од заменик-претседателот во Владата за европски прашања, Никола Димитров, министерот за надворешни работи, Бујар Османи, и...

Македонија2 дена

Од 12 до 18 мај полициски час од 24 часот, дозволено да биде и организирање настани на затворено

Кризниот штаб предложи олеснување на рестриктивните мерки – полицискиот час да почнува од 24 часот, угостителските објекти да работат до...

Свет2 дена

(Видео) Застрашувачки снимки од Индија, пациенти оставени да умираат, лекарите се кријат

Во Индија се појавија застрашувачки снимки од пациенти заразени од коронавирус, кои, според тврдењата на нивните семејства, лекарите ги оставиле...

Досие