Контакт

Економија

„Синами“– атрактивно место за работа кое буди интерес кај ИТ-кадрите

Објавено пред

„Добрите програмери сакаат две работи: да бидат добро платени и да работат на напредни, иновативни софтверски решенија. Во ‘Синами’ двете овие потреби им се задоволени“, вели Игор Лештар, македонски ИТ-претприемач, инвеститор и сопственик на ИТ-компанијата „Синами“ во интервју за Фактор.мк

ИТ-компанијата „Синами“ веќе буди голем интерес кај програмерите. Впрочем, компанијата е присутна речиси 20 години на пазарот како дел од групацијата на „Сеавус“, меѓутоа по аквизицијата на „Сеавус“ од страна на чешката групација „Арикома“, „Синами“ се ребрендира, и со нова енергија и нова визија, продолжува да ги освојува светските пазари.

Но, она што е интересно е дека компанијата одлично се позиционира и како одличен работодавач во ИТ-секторот, привлекувајќи голем број ИТ-професионалци. На нивната страница за кариера, како и на LinkedIn профилот на „Синами“ редовно се наоѓаат огласи за искусни ИТ-програмери, а она што најверојатно ги привлекува е дека компанијата нуди удобна, пријателска работна средина, континуирани можности за личен и професионален развој, можности за работа од дома итн.

Меѓутоа, како што вели сопственикот на „Синами“, Игор Лештар, инаку ИТ-претприемач и инвеститор кој досега во најголема мера беше препознаен како првиот човек на „Сеавус“, компетитивните плати и континуираната поддршка за развој на вработените не се единствените причини кои ги привлекуваат ИТ-професионалците. Како што вели тој во интервју за Фактор.мк, добрите програмери сакаат две работи: да бидат добро платени и да работат на напредни, иновативни софтверски решенија. За нив не претставува предизвик да работат на проекти кои се повторуваат или кои се од техничка природа. Во „Синами“ тие имаат можност да експериментираат со нови технологии и да работат на, како што се вели, „cutting edge“ продукти.

„Секако дека нашата стратегија за развој, меѓу другото, се темели и на силно вложување во нови ИТ-кадри и во постојан развој на постоечките, меѓутоа она што нè издвојува е дека во ‘Синами’ работиме на исклучително технолошки напредни продукти кои се предизвик за секој ИТ-професионалец“, вели Лештар и додава дека нивните тимови се вклучени практично во целиот процес на развивање на еден производ, односно од самата идеја, преку акциониот план, па сè до комплетната реализација.

Дополнителна предност е и тоа што во „Синами“ тие имаат можност да работат за светски познати брендови, а во нивното портфолио клиенти се вбројуваат дури 70% од најуспешните компании според Fortune 500. „Овде зборуваме за портфолио клиенти како Airbus, Rolls Royce, McLaren, SAP, Tesla и слични профили на клиенти од многу различни индустрии со просечна големина од 40.000 вработени“, објаснува Лештар.

Економија

ТИРЗ со најдобар прв квартал во последните четири години

Објавено пред

Во технолошко индустриските зони е регистрирана највисока економска активност во прв квартал во последните четири години и во однос на извозот и во однос на увозот, покажува редовната месечна анализа на ТИРЗ.

„ Во првиот квартал од 2021 година извозната активност во индустриските зони под надлежност на Владата достигна износ од 776 милиони евра што е за 30% повеќе од истиот период во 2020г. Во однос на 2018 година порастот е над 41%. И на месечно ниво, извозната активност во март 2021г. е највисока во изминатите 4 години и достигна ниво од 260 милиони евра, што е за 67 милиони повеќе од истиот месец во 2020г. Компаниите активни во зоните и понатаму се носители извозот во земјата со над 48% учество во вкупниот извоз што е највисок процент до сега“ се вели во извештајот.

И во однос на увозот е регистрирано највисоко ниво досега во однос на споредбата по квартали во изминативе четири години.

„ Така увозот во првиот квартал од годинава достигна 736 милиони евра и е за 34% повисок од првиот квартал лани, а дури за 50% повисок споредено со првиот квартал во 2018 година. Во зоните во март исто така е регистриран највисоко ниво на учество во севкупниот увоз досега – 36%. Истотака, месечниот увоз во ТИРЗ во 2021 година го надминува месечниот увоз за ист период во изминати четири години и е на ниво од 243 милиони евра односно 87 милиони повеќе од истиот месец лани“ покажува анализата.

Како што се додава, трендот на раст на увоозот е поврзан и со зголемената инвестициска активност во зоните. Само во првиот квартал од годинава се потпишани договори со три компании чиј вкупни инвестиции се очекува да достигнат 50 милиони евра. Директорот на ТИРЗ, Јован Деспотовски неодамна најави и нови странски инвестиции.

„ Изминативе 5 месеци успеавме да поттикнеме инвестициски проекти кај 15 компании кои вкупно тежат околу 250 милиони евра и кои предвидуваат отворање на дополнителни 5.500 нови работни места. Едната е инвестиција во 9 цифри, односно повеќе од 100 милиони евра. Со овие компании разговараме во моментов и можам да кажам дека добар дел од нив веќе се во фаза во која подготвуваме одредени симулации за тоа што компанијата може да очекува како поддршка од државата што е чекор пред склучување на договор,” изјави директорот на ТИРЗ, Јован Деспотовски.

Редовната месечна анализа на Дирекцијата за ТИРЗ за месец март покажува продолжување на позитивниот тренд и во однос на покриеноста на увозот со извозот. Така, во март 2021 нето извозот е 5%, додека на државно ниво (за месец февруари) овој однос е -21%.

Анализата покажува дека и во првиот квартал од годинава бројот на вработени во зоните останува стабилен. Во овие компании работат околу 14.000 лица, а во дел од нив веќе има постапки за отворање нови работни места.

Инаку, во 2020 година регистриран е раст на просечната бруто плата од 5,5% и просечната нето плата од 2%, при стабилен број на работни места.

Прикажи повеќе...

Економија

Македонските хотели со специјален попуст за српските туристи

Објавено пред

Хотелите во Охрид и Струга ќе понудат поевтини резервации за туристи од Србија до 20% од мај до октомври, во зависност од должината на престојот, соопшти Здружението на хотелиери (ХОТАМ).

Целта на хотелиерите е да ги охрабрат српските туристи да го поминат својот летен одмор на Охридското Езеро, или да останат во Грција уште неколку дена по враќањето од летниот распуст, а не само да ја поминат ноќта.

Полупансион, со појадок и вечера во хотел со четири вездички, ќе чини околу 25 евра, рече претседателот на ХОТАМ, Крсте Блажески.

Досега повеќе од 90 проценти од хотелите ја прифатија идејата за намалување на цените, рече Блажески, додавајќи дека агенциите од Северна Македонија и Србија исто така ќе ги понудат овие специјални пакети.

Хотелиерите велат дека со оваа иницијатива сакаат да ја поддржат препораката на Владата за придобивки за граѓаните на Србија во знак на благодарност за бесплатните вакцини што ги испратија во Северна Македонија.

Прикажи повеќе...

Економија

Ивент индустријата ќе добие финансиска помош за смислување настани за Денот на независноста

Објавено пред

Следната недела ќе биде објавен јавниот повик за финансиска поддршка од 1 милион евра за компаниите да можат да реализираат настани од јавен интерес со домашни изведувачи, најави вицепремиерот задолжен за економски прашања, Фатмир Битиќи, на средбата со претставници на Асоцијацијата на ивент индустријата (ИВАП).

Преку јавниот повик ќе бидат ангажирани исклучиво домашни организатори, изведувачи и подизведувачи за реализација на настани осмислени од апликантите за одбележување 30 години независност на Македонија, во периодот јуни – септември 2021.

Владините претставници информираа дека повикот за финансиска поддршка ќе биде објавен во најбрз можен рок, во текот на наредната недела, за вкупен износ од 61 милион и 500 илјади денари, а на него ќе може да аплицираат и да бидат поддржани сите компании кои организираат настани и кои ќе исполнат јасни и прецизни критериуми.

Настаните кои ќе бидат поддржани не се дел од официјалните државни настани кои Владата преку засебна програма ќе ги организира за официјално одбележување на 8 септември, Денот на независноста.

Владата информираше дека ќе ја оценува секоја апликација поединечно и ќе бодува според поставените критериуми и согласно тоа бројот на апликанти нема да влијае врз оценките за секоја индивидуална апликација. Тоа значи дека одлуката зависи од оценката на апликацијата за тој проект, а не од тоа колку апликации стигнале на повикот – има доволно буџет за сите кои ќе ги исполнат условите.

Прикажи повеќе...

Најново

Свет10 часа

Убиецот кој застрела осум луѓе во „Федекс“ го купил оружјето легално

Момчето кое уби осум лица со огнено оружје во објект на „Федекс“ во Индијанаполис, САД, а потоа изврши самоубиство, купил...

Свет11 час

Келин: Руските власти нема да дозволат Навални да умре во затвор

Рускиот амбасадор во Велика Британија, Андреј Келин, изјави денеска во интервју за Би-Би-Си дека власта нема да дозволи Алексеј Навални...

Македонија13 часа

Заев: Со згрозување ја примив информацијата дека за Мицкоски гласањето во Собрание било тероризам

Со згрозување ја примив информацијата дека за Христијан Мицкоски овој чин бил тероризам. Мицкоски се дрзна гласањето помош за граѓаните...

Македонија14 часа

Мицкоски за болните пратеници во Собранието: Ова е тероризам, а не 27 април

Лидерот на ВМРО-ДПМНЕ, Христијан Мицкоски, го коментира доаѓањето на пратениците болни од коронавирус во Собранието. „Ова во Собрание е тероризам,...

Македонија15 часа

Во Македонија 364 нови случаи на коронавирус, починаа 24 лица

Во последните 24 часа во Македонија се потврдени 364 нови случаи на коронавирус, 24 лица починаа, а оздравеа 689 заболени,...

Македонија16 часа

Изгласан петтиот пакет мерки, гласаа и двајца пратеници позитивни на Ковид-19

Собранието го изгласа петтиот пакет економски мерки за помош на стопанствениците и економијата погодени од пандемијата. Изгласани се Законот за...

Македонија17 часа

ВМРО-ДПМНЕ: Заев го загрозува јавното здравје и тера пратеници болни од ковид да одат во Собрание

Зоран Заев го загрозува јавното здравје и тера пратеници болни од КОВИД во изолација, во скафандери да одат во Собрание,...

Свет19 часа

Инцидент на забава во САД – подот од куќата пропадна во подрумот, повредени над 30 луѓе

Најмалку 30 луѓе се повредени на забава кога се урнал подот на двокатна куќа во американската држава Џорџија. Полицијата соопшти...

Свет20 часа

Бабиш: Агeнтите кои го отруја Скрипаљ, се поврзани со експлозијата во Чешка

Двајца руски државјани, обвинети за труење на Сергеј Скрипаљ во 2018 година во градот Солсбери во Велика Британија, се поврзани...

Македонија21 час

Во ковид центрите во Скопје хоспитализирани нови 42 пациенти

Во изминатите 24 часа во ковид центрите во Скопје се хоспитализрани 42 нови пациенти поради компликации од корона вирусот. Вкупно...

Свет22 часа

(Видео) Во Кина пуштен во функција воз без машиновозач

Во Кина почна да работи линија на автономен воз без машиновозач и екипаж. Линијата е отворена во Чонгкинг и е...

Регион22 часа

Белград би можел да биде домаќин на самитот Бајден и Путин

Прашањето дали Белград, како неутрален терен, може да биде домаќин на средбата меѓу рускиот претседател Владимир Путин и американскиот претседател...

Македонија22 часа

Утре пристигнуваат вакцините на „Фајзер“

Во Македонија утре ќе пристигнат 10 илјади вакцини на компанијата „Фајзер“. Исто толку вакцини се очекува да пристигнат и на...

Свет1 ден

Чешка протера руски дипломати

Чешка одлучи да протера 18 вработени во руската амбасада во Прага, за кои надлежните чешки служби тврдат дека се руски...

Свет1 ден

ФСБ спречи атентат на Лукашенко

Руската Федерална служба за безбедност (ФСБ) уапси две лица кои планирале да извршат воен удар во Белорусија на 9 мај...

Македонија2 дена

Нови 824 заболени и 31 починат од Ковид-19

Во последните 24 часа се направени 3.988 тестирања, а регистрирани се 824 нови случаи на КОВИД-19 во: Скопје – 313,...

Свет2 дена

Познати личности од целиот свет му напишаа писмо на Путин

Повеќе од 70 познати личности од целиот свет му напишаа отворено писмо на рускиот претседател Владимир Путин. Во писмото бараат...

Свет2 дена

(Видео) Погреб на принцот Филип – Цела нација со една минута молк

Принцот Филип, војводата од Единбург и сопруг на кралицата Елизабета Втора, кој почина минатата недела на 99-годишна возраст, ќе биде...

Економија2 дена

Ивент индустријата ќе добие финансиска помош за смислување настани за Денот на независноста

Следната недела ќе биде објавен јавниот повик за финансиска поддршка од 1 милион евра за компаниите да можат да реализираат...

Македонија2 дена

Османи ги претстави првите економски советници кои ќе бидат испратени во Варшава, Минхен, Анкара и Абу Даби

Министерот за надворешни работи, Бујар Османи, ги престави првите четири избрани економски советници, кои ќе бидат упатени во рамките на...

Досие