Економија
Во 2017 година влегуваме со 2,6 милијарди корисници на смартфони
Во моментот кога ќе зачекориме во 2017 година, 2,6 милијарди луѓе ќе користат паметни телефони, што е третина од светската популација.
Толкава застапеност на мобилни телефони ќе доведе до големи промени во многу сфери од животот, пред се во комуникацијата, забавата, едукацијата, но и во бизнисот, купувањето и огласувањето, се наведува во соопштението на швајцарската софтверска агенција Namics, чии стручнаци анализираат на кој начин тие технолошки промени ќе влијаат на потрошувачите.
Според податоците од „Hostingfacts.com“, до сега има повеќе од они кои имаат пристап на интернет преку паметни телефони (52,7 отсто), отколку преку desktop, додека четири од пет корисници на паметни телефони одлучиле да купуваат преку паметен телефон.
Менување на навиките предизвикани од оваа технолошка револуција, доведе до развој на мобилен бизнис познат како “М-трговија”, што му олеснува на модерниот потрошувач шопинг и пребарување на производи со помош на мобилни апликации.
„Истражувањата покажуваат дека така наречената „М-трговија“ расте побрзо од „Е-трговија“, дути и до 200 отсто побрзо, па така се повеќе ги има оние кои место за своите услуги и производи ги нудат на клиентите на мобилните платформи”, објаснува Катерина Симон од Namics, швајцарската агенција за развој на софтвер и бизнис мобилни апликации.
„Мобилните апликации, не се захтевни за мобилните телефони, не бараат силна интернет конекција, не содржат многу тешки елементи, како што се видео клипови, затоа се и достапни и лесни за употреба. Секоја апликација нуди безжичено плаќање, па за купување не е физички потребна банкарска картичка, туку само нејзиниот број “, вели Симон.
“Живееме во време во кое производите и услугите се наоѓаат на нашиот паметен телефон. Изборот стана виртуелен, како и парите. Продавачите размислуваат како купувачи. Доколку е потребно да платите сметки, изберете мебел или купите подарок, мобилните бизнис апликации им нудат само клик до исполнување, па затоа во 2017 година можеме да очекуваме овој тип на бизнис да биде се”, заклучува Кетрин Симон од Namics. крај/мф/дѓс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.