Претседателот на СДСМ, Зоран Заев и претседателскиот кандидат, Стево Пендаровски повикаа граѓаните на масовна излезност и поддршка на опцијата Заедно Напред во име на економскиот развој на државата, правдата и евро-атлантските интеграции на државата.

Тие најавуваат ревизија на сите добри потези што оваа влада ги направила и за коишто, како што велат,  добиле пофалби од целиот свет.

„Кој се не дојде за да ни стегне рака и да ни каже дека ‘ова не верувавме дека ќе го направите’. Заради тоа добивме и покана за во НАТО и за тоа ќе добиеме датум за ЕУ во јуни, два месеца од сега. Ги стабилизиравме финансиите, ја стабилизиравме економијата, имаме редовна исплата на плати и на пензии, сите економски индикатори одат нагоре, меѓутоа за тоа требаше време, енергија, трпение, визија, храброст и знаење. Тоа го направивме“. Заев посочи дека низ евро-атлантските интеграции е само можен економскиот развој којшто е почнат во нашата земја, а дека патот кон ЕУ и НАТО е можен единствено со Стево Пендаровски кој ќе води на патот кон ЕУ и НАТО.

„Ветивме економија и `се што направивме, и домашното единство, и договорот со Бугарија, и договорот со Грција, и НАТО и ЕУ, `се е за економијата, за повисок животен стандард. Секоја земја го постигнала економскиот прогрес низ интеграциите во НАТО и ЕУ. Тоа и овде ќе го постигнеме. Доаѓа убаво блескаво време за сите нас, време во кое што секој од нас ќе каже “видовте ли дека се можело ако се сака“.  Тоа ќе го докажеме. Затоа што повеќе пречки повеќе немаме, тегови што влечат назад немаме. Сите патишта се отворени. Ќе има работни места. Знам дека младите ќе бидат среќни, ќе имате опции за работа, невработеноста ќе драстично ќе се намали. Сакам државнича исправна одлука од мојот народ“, побара претседателот на СДСМ и премиер, Заев.

Тој ги повика граѓаните на масовна излезност и избор на опцијата Заедно Напред, за да има и правда во државата, којашто е можна само со претседателскиот кандидат Пендаровски. Упати јавно прашање до Силјановска.

„Дали е изработувачот на актот за амнестијата што го даде Иванов е Гордана Силјановска, нека каже. Правда и амнестија се две разлчни работи. Таа чека мандат, да даде амнестија за Груевски да се врати. Затоа, Заедно Напред, порача претседателот на СДСМ и премиер Заев“, на трибината со граѓаните во Велес.

Ќе фаќа метлата и на другата страна, на оние што опструираа. Ние сме добри, сите сме еднакви. Слушам пак списоци во Велес правеле. Ние не сме глупави, знаеме. Ќе има метла и на другата страна. Во мојот кабинет работам со луѓе што ги затекнав. Со сите што засукаа ракави работевме. Ама нема да дозволиме некој да враќа режим“, рече претседателот на СДСМ, Зоран Заев, на вечерашната граѓанска трибина за поддршка на кандидатот за претседател Стево Пендаровски.

Заев рече дека Стево Пендаровски е симболот на правдата и правичноста и порача дека правото и законите денеска важат еднакво за сите, дека пресуди ќе се носат за сите за кои има докази, а не како претходно по нарачка.

Градиме еден концепт што се вика граѓанско општество, каде што сите имаме намера да бидеме еднакви, порача претседателот на СДСМ и премиер Зоран Заев на вечерашната средба со жителите на селото Оризари, Велешко.

Тој посочи дека ова село заслужува посебно внимание затоа што неговите жители знаеле да дадат во важни моменти поддршка за напредни опции и ги повика тоа да го направат и на 5 мај во вториот круг на претседателските избори.

„Само со единството можеме да ги решаваме проблемите, за да има подобро образование и здравство, развиени локални средини, но за тоа да се случи државата мора да се движи напред. Тоа е возможно само преку започнатите евро-атлантски интеграции. Претседателот на државата не решава за водоводи, канализации и патишта, но без неговата поддршка ова ќе оди потешко. Имаме кандидат кој ќе биде сојузник во процесите, а не блокатор како досега. Дојден сум да побарам поддршка за претседателскиот кандидат Стево Пендаровски. Дајте поддршка за Стево Пендаровски и да продолжиме побрзо напред“, повика претседателот на СДСМ и премиер Зоран Заев во село Оризари.