Контакт

Книги

„Антолог“ го објави романот „Просечен индекс на среќата“, добитник на европската награда за книжевност

Објавено пред

Издавачката куќа „Антолог“ од Скопје го објави романот „Просечен индекс на среќата“ од португалскиот писател Давид Машадо. Книгата е добитничка на Наградата за литература на Европската Унија за 2015, а преводот на македонски е на Ненад Трповски.

„Романот е потрага по она што е навистина важно за да се биде среќен, но и обид да се сфати колку едно срце може да биде големо. Радост, болка, носталгија, песимизам, надеж и љубов заедно спакувани во книга“, велат од издавачот.

Погодено од финансиската криза во Португалија, семејството на Даниел се разделува. Неговата сопруга Марта заедно со децата се отселува кај своите родители. Но, Даниел верува дека ќе најде работа и повторно сè ќе биде како порано. Даниел е нараторот што ја пренесува приказната преку имагинарен дијалог со својот пријател Алмодовар. Даниел ги губи и своите хонорарни работни места бидејќи своето време го користи за да им помогне на Шавиер – агорафобичар што не може да го напушти својот стан, Авила – поранешен професор, малтретиран од средношколска банда, Вашко – синот на Алмодовар, кој постојано запаѓа во неволји. Шавиер има математичка теорија поврзана со среќата и прави секој да се замисли кој е индексот на среќата во неговиот живот. Но, има ли среќата нумеричка вредност?

„Просечен индекс на среќата“ е неверојатно патување до себе, додаваат од „Антолог“. Книгата е објавена со поддршка на програмата „Креативна Европа“ на Европската Унија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Објавен третиот роман на Ирена Јорданова

Објавено пред

Од

Денеска од печат излегува новиот, трет роман на Ирена Јорданова насловен „Послушен брод што плови“, во издание на „Или-или“.

По дебитантската книга „Помеѓу“, која во 2008 влезе во финалето за наградата „Роман на годината“, и „Катализатор 33“ од 2010 година (преведен на англиски јазик, во 2012 година беше еден од најсимнуваните романи на „Амазон“), талентираната Јорданова, која дипломираше на Филолошкиот факултет „Блаже Конески“ на катедрата по Општа и компаративна книжевност, ни подарува нов роман, нова приказна која одлично се надоврзува на сето она што таа претходно го објави, и кое од критичарите и од публиката беше одлично оценето и прифатено.

„Во својот нов роман Јорданова врви по еден длабок, неистражен пат каде што на автентичен начин ги спојува уметноста и човечноста. Романот изобилува со една нова димензија на битисувањето. Од една страна ја следиме формата, човечкото движење, човечкото тело, човечката егзистенција, се’ она што всушност можеме сетилно да го искусиме во рамки на формата додека сме живи и постоиме. Од друга страна, пак, Јорданова нè води со свесноста, со нешто што е поголемо од формата, од градивото на сетилното, што останува зад нас, па дури и по смртноста на формата“, вели Славица Гаџова Свидерска во рецензијата кон книгата.

Илустрацијата на корицата е дело на Бојан Кртолица, дизајнот го финализираше Марија Смилевска, а излегувањето на книгата финансиски е поддржано од Министерството за култура.

По повод излегувањето на книгата, денеска и утре во книжарницата „Или-или“ книгата ќе се продава по промотивна цена, а промоцијата на „Послушен брод што плови“ ќе се случи кон крајот на летото.

Прикажи повеќе...

Книги

„Играле моми по месечина“ – промоција на еротскиот фолклор на Иван Котев во Струмица

Објавено пред

Од

Денеска во НЦУК „Антон Панпв“ во Струмица со почеток во 20 часот ќе биде промовирана книгата со еротска содржина „Играле моми по месечина“ од струмичанецот Иван Котев. Книгата ќе ја промовира д-р Ана Витанова Рингачева, а низ промоцијата ќе води Ѓорги Калајџиев.

„Играле моми по месечина“ е книга од 160 страници меѓу чии корици се сместени 87 песни, 16 анегдоти, 11 народни приказни и стотици пословици и поговорки. Книгата ја рецензирала Ана Мартиновска, која, меѓу другото, напишала: „Иван Котев е еден од ретките доследни и долгогодишни собирачи на богатствата од македонското народно творештво, неуморен во своите напори да ги собира и избира скапоцените и ретки фолклорни бисери за да ги зачувува од заборавот и да им ги остави во наследство на идните генерации. Таа своја благородна фолклористичка и публицистичка мисија, Котев во оваа пригода ја продолжува со едно исклучително значајна збирка на македонски народни умотворби со еротски мотиви насловена како ‘Играле моми по месечина’. Овој релативно неутрален наслов крие во себе провокативна и опсцена содржина, односно избор од народни умотворби од различни жанри – песни, приказни, пословици, гатанки, афоризми и други творби, кои поради својата тема и лексика недвојбено можеме да ги вброиме во она што се нарекува еротски фолклор.“

Ова е прва книга со ваква содржина во Струмичко.

Прикажи повеќе...

Книги

Објавен „речник на хомонимите помеѓу македонскиот и турскиот јазик“ од Филиз Мехметоглу

Објавено пред

Од

Друштвото за издавачка дејност „Македоника литера“ од Скопје неодамна ја објави лексикографската публикација „Речник на хомонимите помеѓу македонскиот и турскиот јазик“ од Филиз Мехметоглу од Истанбул, Турција. Ова е прв научен и лексикографски труд и прва публикација за хомонимите меѓу овие два јазика.

Речникот е, всушност, адаптирана верзија за печатење на истоимената магистерска теза којашто беше одбранета, во 2015 година, на Филолошкиот факултет „Блаже Конески“ на Универзитетот „Св. Кирил и Методиј“ во Скопје.

Овој труд е составен од два дела. Првиот дел содржи текстови со кои се објаснува и се образложува речникот. Најнапред е дадено објаснување на зборот хомоним според лексикологијата и етимолошките речници; се објаснува како термин во смисла на литературата, потоа авторката дава објаснувања за структура на речникот, главните принципи на речникот, методологија во врска со преводот и принципите за избор на зборовите…

На почетокот Филиз Мехметоглу ја образложува целта на својот труд – проучување на хомоформите, т.е. зборовите со иста форма или ист гласеж, но со различно значење и неповрзано потекло, на релација турски и македонски јазик. Тие критериуми, пак, елиминираат многу зборови кои македонскиот ги презел од и преку турскиот јазик. Авторката констатира дека, според нејзината евиденција, темата е слабо разработувана во лингвистиката воопшто, а помеѓу македонскиот и турскиот јазик воопшто не е разработена. Мехметоглу истакнува дека дел од нејзиниот научен интерес се турцизмите во македонскиот јазик, но смета дека пред да се испитуваат турцизмите, треба да се проучат оние зборови кои погрешно може да се толкуваат како турцизми, иако тоа не се. Нивното проучување, пак, смета дека ќе биде корисно за сите што го познаваат турскиот јазик и го учат македонскиот и за сите оние што го учат турскиот јазик и го познаваат македонскиот јазик. Секако, и секој што се занимава со компаративна лексикологија и лексикографија на релација македонско-турски јазични споредби може да дојде до значајни сознанија во овој труд.
Во вториот – главен дел, којшто го содржи речничкиот материјал, каде зборовите се дадени по азбучен ред со значењата и во двата јазика, прво се даваат значењата на македонски јазик, а потоа се даваат значењата на турски јазик со македонски превод. Кај секој збор најпрво се бележи стилистичката употреба (дијалектен говор, арго, вулгаризам и сл.). Потоа од граматички аспект се додава и морфолошката припадност по зборовни групи. Ова има цел да укаже на фактот дека припадноста кон различна зборовна група најчесто е доволен показ дека овие зборови немаат идентично значење во двата јазика.

Филиз Мехметоглу е родена во 1974 година во Штип, каде и што го завршила своето основно образование. Во 1985 година со фамилијата се иселила во Истанбул, Република Турција. Гимназија завршила во Истанбул, а потоа, на Универзитетот Анадолу, завршува економски факултет.
Магистрира на Универзитетот „Св. Кирил и Методиј“ во Скопје, на Филолошкиот факултет „Блаже Конески“, насока – Македонски јазик.
Истовремено дипломира и на Истанбулскиот универзитет, насока – Филозофија.

Мехметоглу е коавтор на три книги и на 17 научноистражувачки трудови, подготвувани првенствено за меѓународни конференции, симпозиуми и научни списанија. Речиси сите директно или индиректно се однесуваат и на македонскиот јазик.
Живее и работи во Истанбул.

Прикажи повеќе...

Најново

Македонија57 минути

Коѕијас: Условите за постигнување на договорот за името беа зрели

Условите за постигнување на договорот за името беа зрели, изјави министерот за надворешни работи на Грција, Никос Коѕијас, во интервју...

Венко Филипче, тендер Венко Филипче, тендер
Daily news5 часа

(Видео) Филипче: Тендерот уште не е доделен, сè уште е во фаза на евалуација

Министерството за здравство не склучило договор и фирмата која се споменува во јавноста се уште не го добила тендерот за набавка...

Економија6 часа

Немаме мандат да ја проверуваме сопственоста на компаниите, велат од Фондот за иновации

По бурните реакции во јавноста за доделените грантови, од Фондот за иновации и технолошки развој велат дека немаат мандат, ниту...

Топ7 часа

Малолетник прободен со нож во автобус на ЈСП, двајца приведени

Седумнаесетгодишно момче вчера било прободено со нож во автобус на ЈСП со број 22, во близина на Поликлиниката Ѓорче Петров....

Македонија7 часа

Фротир производи и путер меѓу грантираните од Фондот за иновации

„Нова ера во индустријата за фротир производи“ гласи името на проектот кој бил одобрен од Фондот за иновации и технолошки...

Vlada na RM Vlada na RM
Македонија8 часа

Владата објави тендер од 2,6 милиони евра за обезбедување државни објекти

За сума од приближно 2,6 милиони евра без ДДВ, Службата за општи и заеднички работи при Владата објави тендер за...

Македонија9 часа

Димитриевски: Ако обвинувањата за тендерите и грантовите се точни, мора да ги осудиме

Доколку и еден промил од овие тешки обвинувања за тендерите, грантовите… е точен, мораме да се свртиме кон нас самите,...

плажа, одмор, Европска Унија плажа, одмор, Европска Унија
Македонија10 часа

Македонија на врвот на листата на земји во кои луѓето не можат да си дозволат годишен одмор

Според истражувањето на Евростат, една третина од популацијата на Европската Унија (32,9 отсто) не можат да си дозволат годишен одмор...

Лос Анџелес, заложници Лос Анџелес, заложници
Вести10 часа

(Видео) Заложничка драма во продавница во Лос Анџелес, убиена една жена

Вооружен напаѓач упаднал во продавница во Лос Анџелес и околу три часа како заложници држел 50-тина луѓе пред да ѝ...

Светска банка, јавен долг, Министерство за финансии Светска банка, јавен долг, Министерство за финансии
Економија11 час

МФ: Светска банка забележа напредок во управувањето со јавниот долг во Македонија

Светската банка забележа дека Македонија за кус период има исклучителен напредок во управувањето со јавниот долг, соопшти Министерството за финансии....

Македонија1 ден

Измените на Изборниот законик в понеделник на собраниска седница

Пратениците в понеделник на седница ќе расправаат за предлог-законот за изменување на Изборниот законик, по завршување на комисиската расправа. Измените...

Македонија1 ден

Лидерската продолжува в понеделник во девет наутро

Лидерската средба ќе продолжи во 9 часот в понеделник во истиот состав како и минатиот пат, потврдија извори од Владата...

bugarija-eu bugarija-eu
Регион1 ден

Бугарскиот парламент и забрани на владата реадмисија на мигрантите од ЕУ

Бугарскиот парламент синоќа, со мнозинство гласови, ја усвои резолуцијата со која на владата и забранува да потпише билатерални договори со...

Debarsko Ezero Debarsko Ezero
Топ1 ден

Рибар го пронајде телото на лице што се водеше за исчезнато во Дебар

Утрово по шест часот, било пријавено дека во водите на Дебарско Езеро од страна на рибар, пронајдено било телото на...

sad-kina sad-kina
Свет1 ден

ЦИА: Кина води тивка студена војна против САД

Главниот експерт на ЦИА за Азија, предупреди дека Кина води „товок вид на студена војна“ против САД, користејќи ги своите...

Македонија1 ден

Четири лица добија кривични за сообраќајката во која починаа двајца мигранти

МВР поднесе кривична пријава против четири лица, во врска со настанот од 25-ти минатиот месец, кога при собраќајна незгода починаа двајца...

Македонија1 ден

Полицаец пронајден мртов со прострелна рана во главата

Надлежен јавен обвинител од Основното јавно обвинителство Прилеп со екипа од крим-техника, изврши увид на местото во близина на локалниот...

Македонија1 ден

Демократската фракција на ВМРО-ДПМНЕ бара oд Мицкоски да поднесе оставка

ВМРО ДПМНЕ – Демократска Фракција преку соопштение го повика лидерот на опозицијата, Христијан Мицкоски итно да поднесе оставка од функцијата...

Македонија2 дена

Груби ја затвори расправата за Изборниот законик без ниту еден прифатен амандман

Претседателот на Комисијата за европски прашања, Артан Груби, ја затвори расправата за Изборниот законик, без да прифати ниту еден амандман....

artan grubi, komisija. vmro-dpmne, amandmani, dik, izborni izmeni, zakonik artan grubi, komisija. vmro-dpmne, amandmani, dik, izborni izmeni, zakonik
Македонија2 дена

Алими побара нова пауза за проверка на преводот, опозицијата вели: „Власта не сака да дебатира“

По паузата од два часа, пратеникот Ејуп Алими побара нова пауза на Комисијата за европски прашања за да го проверат...

Досие