Контакт

Култура

(Видео) Четири „Оскари“ за „Боемска рапсодија“, ,,Зелена книга” ја освои наградата за најдобар филм

Објавено пред

Американската филмска академија ги додели најзначајните награди во светската филмска индустрија. Во театарот „Долби“ во Лос Анџелес беше одржано 91. издание на „Оскарите“, на кое најмногу златни статуетки – дури четири – доби филмот „Боемска рапсодија“.

Рами Малек за улогата на фронтеменот на легендарната група „Квин“, Фреди Мерјкури, во филмот „Боемска рапсодија“ го доби „Оскарот“ за најдобар актер. Оливија Колман е добитничка на „Оскарот“ за најдобра главна актерка во филмот „Миленичка“. На светската музичка ѕвезда Лејди Гага ѝ припадна статуетката „Оскар“ за оригинална песна Shallow од филмот „Ѕвездата е родена“, но не успеа да ја добие наградата за најдобра споредна актерка, која сепак заврши во рацете на Реџина Кинг за филмот If Beale street could talk.

За најдобар филм на 91. издание на „Оскарите“ е прогласен филмот Green Book („Зелена книга“). Пред почетокот на „Оскарите“ како фаворит за оваа награда се сметаше Roma на режисерот Алфонсо Куарон, но тој ја доби наградата за најдобар режисер. Двата филма, „Зелена книга“ и „Рома“, добија по три „Оскари“.

Мехершал Али е награден со „Оскар“ за споредна улога во филмот „Зелена книга“ .

„Рома“ е најдобриот странски филм , а „Спајдермен“ е најдобриот цртан филм. Marvel успеа да стигне до уште три „Оскари“ благодарение на Black Panther.

Култура

Јавен повик за учество на јубилејната „Бела ноќ“

Објавено пред

Оваа година 15-ти јубилејен пат, во организација на Град Скопје и ЈУ Универзална сала – Скопје, се одржува културната манифестација „Бела ноќ“.

За таа цел, распишан е отворен јавен повик, на кој заинтересираните уметници до 6 септември ќе може да се пријавуваат и со тоа да бидат дел од годинешната „Бела ноќ“.

Визуелните уметности, применетите уметности, музиката, филмот, јавната уметност, како и урбаните изведби и перформанси се областите што ќе бидат опфатени и кои скопјани ќе може да ги видат на „Белата ноќ“ в сабота, 5 октомври.

Заинтересираните уметници апликацијата ќе може да ја симнат од веб-страницата http://belanok.mk/, а пополнета ќе може да ја достават на адресата на ЈУ Универзална сала, булевар Партизански одреди бр. 45, 1000 Скопје, со назнака „За ‘Бела ноќ’“ или по електронски пат на [email protected]

По завршувањето на повикот, учесниците ќе бидат оценети врз основ на квалитетот на делото, иновацијата, како и карактерот во опсег на предложениот концепт, а конечната селекција ќе биде извршена од страна на организаторот.

Прикажи повеќе...

Култура

По 20 години од првиот филм, најавено четврто продолжение на „Матрикс“

Објавено пред

Официјално е најавено четвртото продолжение од култната научнофантастична трилогија „Матрикс“ во кое ќе биде вклучен најголем дел од тимот што работеше и на претходните три филма. Според холивудските медиуми, од продукцијата „Ворнер брос“ веќе потврдиле дека Кијану Ривс и Кери-Ен Мос се подготвени да ги повторат своите улоги како Нео и Тринити, а Лана Вашовски ќе го напише и режира филмот.

„Премногу сме возбудени што повторно ќе влеземе во матриксот со Лана“, изјави претседателот на „Ворнер брос пикчр груп“, Тоби Емерих.

„Лана е вистински визионер – единствен и уникатен креативен режисер – и ние сме воодушевени што таа го пишува, режира и продуцира ова ново поглавје во универзумот ‘Матрикс’“, додал тој во изјавата што ја пренесе IGN.

Трилогијата „Матрикс“ е креирана од Лана и нејзината сестра Лили Вашовски (кои пред промената на полот беа браќата Лери и Енди), а првиот филм беше вистински хит во киносалите пред точно 20 години во 1999 година.

Филмот бргу стана феномен, па во 2003 следуваа и две продолженија, „Матрикс рилоудед“ и „Матрикс револушнс“ (напишани и режирани од дуото Вашовски), како и еден засебен анимиран филм со наслов „Аниматрикс“.

„Многу идеи што Лили и јас ги истражувавме пред 20 години за нашата реалност како човештво сега се уште порелевантни. Многу сум среќена што ги враќам овие ликови во мојот живот и сум благодарна за шансата одново да работам со моите брилијантни пријатели“, нагласува Лана Вашовски во кратката пишана изјава.

Прикажи повеќе...

Култура

Со претставата „Одисеј“ на Горан Стефановски се спушта завесата на Охридско лето

Објавено пред

Театарската претстава „Одисеј“ на Горан Стефановски вечерва на Античкиот театар со почеток во 21 часот ќе го означи крајот на годинешното 59. издание на фестивалот Охридско лето. Се работи за копродукциски проект на театрите „Гавела“ од Загреб, „Улисис“ од Бриони, Српскиот народен театар од Нови Сад, „Драма“ од Марибор, „Ателје 212“ од Белград, Стериин театар и Театар „Навигатор“ од Скопје.

Како што истакна на денешната завршна прес-конференција селекторот на драмската програма на фестивалот Охридско лето, Александар Поповски, кој воедно е и режисер на претставата „Одисеј“, да се донесе оваа претстава и да се соберат овие луѓе беше како да се состави мозаик на камчиња, слики што пред 5-6 години се растуриле по светот.

„Овие луѓе патуваат, играат, настапуваат насекаде во светот и воопшто не е едноставно да ги соберете на едно место. Желба ми беше заради Горан, оваа претстава да ја играме во Охрид и тука на своевиден начин тој да ја најде својата Итака. Не се надевав дека ќе успеам во тоа, но одговорот на сите уметници на кои им се обратив беше фасцинантен, сите тие откажаа и снимања и патувања да се соберат тука и да ја одиграме оваа претстава. Тоа за мене се работи што кажуваат дека вреди што се занимавам со оваа професија“, рече Поповски.

Процесот на создавање на претставата врз сите што се дел во неа оставил трага како во нивните животи така и врз нивниот професионален ангажман, смета српскиот актер Светозар Цветковиќ, кој ја игра улогата на богот Зевс.

Загрепскиот актер Озрен Грабариќ публиката вечерва ќе го види во главната улогата на Одисеј.

„Во текстот на Горан има една реченицата: ‘Итака никогаш не била цел за себе, туку целта било самото патување’. Затоа ми се чини логично и убаво и Горан и ‘Одисеј’ и оваа дива хорда да продолжи да патува и понатаму. Верувам дека и во иднина ќе има такви излети“, порача Грабариќ.

Актерот Никола Ристановски во претставата „Одисеј“ ја толкува улогата на пејачот Тиресиј. Како што рече, особено му е мило што по седум години оваа претстава стигна во Македонија, што за него претставува своевидна симболика на затворање еден циклус, тема што зборува за враќањето на еден човек дома.

„Во таа смисла недвојбено Горан Стефановски е најважниот дел од целата таа приказна. Физички и метафизички Горан е меѓу нас тука и сето тоа што би имал да го кажам на оваа тема тоа го кажува самата претстава, а на публиката оставам да ги донесе сите други заклучоци, впечатоци, доживувања“, додаде Ристановски на денешната прес-конференција.

Целокупната драмска програма во рамките на годинешното издание на фестивалот Охридско лето беше посветена на големиот драмски писател Горан Стефановски, кој почина во ноември минатата година, но остави силен печат врз македонската драма.

Прикажи повеќе...

Најново

Топ2 часа

Скопјанец загина при пад на кран кај зградата на ФФМ, оштетени се и две возила

Скопјанец на возраст од 56-години загинал при работен зафат на зградата на ФФМ во попладневните часови на 20 август. Како...

Регион3 часа

Опозицијата во Албанија го обвини Рама дека украл милијарда евра

Лидерот на албанската опозиција, Љуљзим Баша, во нова видеопорака на социјалната мрежа „Фејсбук“ го обвини албанскиот премиер, Еди Рама, за...

Свет3 часа

Преродба на големата осумка, Трамп и Макрон ја поканија Русија на Г7

Американскиот претседател, Доналд Трамп, го одобри предлогот на Емануел Макрон да ја покани Русија на самитот Г7 во САД в...

Македонија4 часа

Сончево и топло време со температури до 38 степени

Времето денеска ќе биде сончево и топло. Ќе дува слаб до умерен ветер претежно од североисточен правец. Минималната температура ќе...

Регион4 часа

Помпео ѝ се закани на Атина со санкции поради иранскиот танкер

САД ќе преземат сѐ што е можно за да спречат иранскиот танкер да достави нафта во Сирија, изјави американскиот државен...

Македонија5 часа

На Богородица и Табановце се чека до 30 минути

Интензитетот на сообраќај на патните правци надвор од градските средини е зголемен, информираат од Автомотосојузот на Македонија. На граничните премини...

Hitech15 часа

„Фејсбук“ ќе престане да ве следи на интернет, но ќе мора да го побарате тоа

Социјалната мрежа „Фејсбук“ објави дека ќе ја промени својата досегашна политика и ќе им овозможи на корисниците да ги гледаат...

Македонија22 часа

(Видео) Јанева по распитот за „Рекет“: Сведок сум и не чувствувам вина

Катица Јанева, по распитот кај обвинителката Вилма Русковска, рече дека таа засега е сведок во случајот „Рекет”. Таа најави дека...

Македонија1 ден

ОЈО отфрли иницијатива на антикорупциската за вработување судски соработник, застарело делото

Надлежен јавен обвинител од Основното јавно обвинителство Скопје донесе решение за отфрлање на иницијативата за кривично гонење поднесена од Државната...

Македонија1 ден

Спасени две лица што заталкале на Шар Шланина

Полициски службеници спасија двајца браќа на Шар Планина што заталкале упатувајќи се со мотоцикли кон Титов Врв по што планирале...

Македонија1 ден

Почнува трансформацијата на ординациите по општа медицина во ординации по семејна медицина

Специјалистите по семејна медицина од денеска може да почнат постапка за трансформација на своите ординации по општа медицина во ординации...

Македонија1 ден

Изгаснати пожарите кај селата Љубин и Кондово

Локализирани се пожарите што избувнаа вчера кај селата Љубин и Кондово, соопшти полицијата. До пожарот на потегот помеѓу селата Љубин и...

Свет1 ден

Епстејн потпишал тестамент два дена пред самоубиството

Новите судски податоци покажуваат дека милионерот Џефри Епстејн, кој беше вклучен во педофилија, потпишал тестамент само два дена пред самоубиството...

Свет1 ден

Макрон по средбата со Путин: Иднината на Русија е врзана за Европа

По средбата со рускиот претседател Владимир Путин во тврдината Брегансон, францускиот претседател Емануел Макрон истакна дека иднината на Русија е...

Свет1 ден

Коалициската влада на Џузепе Конте пред распаѓање

Италијанскиот премиер Џузепе Конте се очекува, денеска, во 15 часот, по локално време, да поднесе оставка пред Сенатот. Доколку Конте...

Свет1 ден

Британија најави укинување на слободата на движење

Во случај на тврд брегзит или брегзит без договор, на 31 октомври, Велика Британија најави дека ќе ја укине слободата...

Македонија1 ден

На дел од граничните премини задржување до 30 минути

Интензитетот на сообраќај на патните правци надвор од градските средини е зголемен, соопшти АМСМ во утринскиот извештај. На граничните премини...

Регион2 дена

Според Мета, Албанија не може да биде дел од дијалогот Косово – Србија

Албанскиот претседател Илир Мета вели дека „Албанија не може да биде дел од дијалогот Косово – Србија“. Во изјавата што...

Свет2 дена

Литванија со јод ќе се бори против радијацијата

Литванската влада соопшти дека ќе купи повеќе од четири милиони таблети јод во вредност од 900.000 евра, бидејќи соседна Белорусија...

Регион2 дена

Меркел: Европа ќе биде целосно обединета кога Западен Балкан ќе се приклучи на ЕУ

Европа ќе биде целосно обединета кога Западен Балкан ќе влезе во Европската Унија, рече германската канцеларка Ангела Меркел. Таа ја...

Досие