По успешната премиера што се одржа вчера, Националната опера и балет ја најавува втората изведба на балетот „Госпоѓа Бовари“, која ќе се одржи на 27 јуни, со почеток во 20.00 часот.

Ова балетско дело, поставено во два чина, е инспирирано од безвременскиот роман на Г. Флобер и ја раскажува драмата на женската душа – копнежот по страст, слобода и нејзиниот трагичен судир со општествените норми.

Диригент е Едуард Амбарцумјан од Ерменија, кореографијата ја потпишува Виктор Ишчук од Украина, кој со прецизност и современ израз го доловува духот на 19 век, додека музичката подлога е составена од дела на К. Сен-Санс, М. Равел, Ж. Масне, Ф. Менделсон и Г. Ф. Хендл, сценографијата и костимографијата се на Андреј Злобин и Гана Ипатиева од Украина, светло дизајн, Милчо Александров, а концерт-мајстор е Климент Тодороски, пијанист: Андреја Наунов, генерален менаџер на проектот: Киро Павлов.

Особено значајно е што оваа претстава е посветена на примабалерината, Марија Кичевска Шокаровска, која со својата уметничка кариера остави неизбришлив печат во историјата на македонскиот балет.Таа ќе ја толкува главната улога на Ема Бовари, во останатите улоги ќе настапат, Франциско Хименез Руиз (Шарл Бовари), Балаж Лочеи (Рудолф Буланже), Дмитро Чеботар (Трговецот Лере) и Ендру Кук (аптекар) заедно со солистите, балетскиот ансамбл и оркестарот на Националната опера и балет.

Во фоајето на МОБ e поставена изложба со фотографии од Марија Кичевска Шокаровска – по повод 25 години уметничка кариера. Изложбата опфаќа внимателно селектирани фотографии од нејзините највпечатливи настапи низ годините, претставувајќи ја нејзината еволуција како балерина, емоциите на сцена и клучните моменти од нејзиниот творечки пат. Посетителите ќе имаат ретка можност да ја доживеат магијата на балетот низ објективот на времето.

Вечерва, 26. јуни, во рамки на 46. издание на фестивалот „Скопско лето“ ќе се одржи концерт за деца насловен „Песна за жирафата“ во изведба на ансамблот „Консонанс“ со почеток во 20:00 часот во Сули ан.

Влезот ќе биде регулиран со влезници по цена од 300 денари (родител+дете), кои ќе може да се купат пред почетокот на настанот на влезот на Сули ан.

„Песна за Жирафата” е музичка приказна за деца која преку прекрасната музика на композиторот Ф. Ј. Хајдн и забавниот и едукативен текст, ни ги претставува и доловува специфичностите на секој од инструментите, на интересен и креативен начин.

Наменета за деца од различна ворзст, приказната ќе им ја разбуди љубопитноста за различните бои кои ги произведува еден жичан инструмент како што е виолината, или пак некој од дувачките инструменти како што се флејтата или пак кларинетот.

Во текот на музичката приказна, актерот толкувајќи го ликот на самиот композитор Ф. Ј. Хајдн, на еден мошне забавен и весел начин ќе ги едуцира децата за многу аспекти од класичната музика и инструментите кои се користат во нашиот ансамбл „Консонанс“.

Во оваа музичка приказна преку приказна и интеракција, децата ќе можат да се заапознаат со музиката од периодот на класицизмот и да ги слушнат аранжманите напишани специјално за овој концерт, кои нè едуцираат за познатата музика на Ф. Ј. Хајдн изведена од квинтет сочинет од следниве инструменти: виолина, флејта, англиски рог, кларинет и бас кларинет. Сите овие инструменти се солистички инструменти кои можат да настапуваат и сами, но најчесто се употребувани во поголеми ансамбли, во голем симфониски оркестар, оперска и балетска музика.

„Консонанс“ ансамблот основан во 2007 година, е истакнат ансамбл кој на почетокот беше составен исклучиво од дрвени дувачки инструменти, но денеска во својот состав вбројува и други инструменталисти кои го збогатуваат звукот на овој ансамбл.

„Консонанс“ е посветен на изведбата на камерната музика истражувајќи ги огромните можности пред сè на дрвените дувачки инструменти кои го сочинуваат ансамблот, а тоа се: флејта, кларинет, англиски рог, бас кларинет, како и останатите инструменти вклучени најчесто како концертни гости.

Ансамблот го сочинуваат членови од Македонската Филхармонија и тоа: Здравко Ангелов – кларинет, Маја Чанаќевиќ – англиски рог, Сашко Темелкоски – Бас кларинет и Елена Дојчинова – флејта како и виолинстката Ивана Здравкова. Сите овие музичари со долгогодишно искуство подеднакво се посветени на оркестарската, соло и камерната музика.

„Консонанс“ како ансамбл има настапувано на најпрестижните национални фестивали и настани во Македонија како и во Црна Гора, Бугарија, Хрватска, Турција и САД. Ансамблот има издадено и едно ЦД.

Утре, 27.06. (петок), во рамки на програмата на 46-тото „Скопско лето“ ќе се одржат два настана.

Со почеток во 20:30 часот во Сули ан ќе се одржи детска театарска претстава „Во царството на другарството“ во продукција на Театар Хит – Скопје.

Со почеток во 20:30 часот во Музејот на македонската борба за самостојност ќе се одржи концерт на Марија Ташевска (сопран) и Анастасија Кочева (пијано) насловен „Звуците на љубовта низ италијанскиот романтизам“.

Младите македонски стрип автори убедливо доминираа на Меѓународниот стрип конкурс „ СЕ ШТО САКАМЕ ДА РЕЧЕМЕ Е ДАЈТЕ МУ ШАНСА НА ПОМИРУВАЊЕТ0“

Организатор на оваа повик е Клубот на визуелни уметници „Рашка школа за цртање“ од Рашка,Србија, во партнерство со Creative City Center – Мултифункционален социјален и културен центар од Албанија и соработници од и Србија. Конкурсот е заснован на истоимениот грант од Младинскиот фонд за култура на Западен Балкан(WBYCF) а беше наменет за ученици од основните и средни училишта од Србија, Албанија и Северна Македонија.

Како што извести Томе Трајков –оперативен координатор на проектот , во категорија Средношколци од вкупно 12 учесници наградени се :

1) Матеа Аризановска, Скопје,

2) Викторија Асаматај, Валона, Албанија

3) Елена Апостолова, Скопје,

специјални награди

-Матија Стаменковиќ Лесковац, Србија за колор

-Урош Гајиќ, Рашка, Србија за приказна

-Андреа Младенова, Скопје, за техничко изразување

Што се однесува во категорија на ученици од основно училиште од вкупно пријавени 140 учесници) наградите ги добија

1 место Михаела Ордев, Иван Тасева и Јована Салтирова Свети Николе,

2 место Ива Давидовска, Крива Паланка

3-то место Јасмина Јовчевска, Скопје

3-то место Кристина Маркоска, Брвеница

специјални награди

• Вук Стојановиќ, Лесковац, Србија за боја

• Ардеа Соколи Валона, Албанија за порака

• Јанко Јанковиќ Врање, Србија за уметнички израз

Членови на жирито беа :

• Горан Трајковиќ, РАШКА-СРБИЈА

• Славица Купенкова, СКОПЈЕ –

• Валбона Абдулај, ВАЛОНА-АЛБАНИЈА

Треба да се истакне и трудот на менторите на младите стрип автори од сите земји,преку споменување на нивните имиња:

• Сузана Ќелешоска, Струга

• Ивана Настеска, Тетово

• Лина Тренкоска, Брвеница

• Љиљана Стриже Трајковиќ, Врање

• Илко Стојановски, Велес

• Марко Стојановиќ, ЛЕСКОВАЧКО СТРИП УЧИЛИШТЕ „Никола Митровиќ Кокан“

• Снежана Стефановска Велес

• Даниела Стојчева Илиев Скопје

• Дејан Марков .Штип

• Пале Јовановска, Велес

• Валентина Штеркова Лукарева, ОУ Даме Груев с. Ержелија

• Иванка Тодорова Милошевска, ООУ „Гоце Делчев“-Љубанци, Скопје

• Ликовно студио Кристина Стојанова Имагинариум, Битола

• Силвана Ѓуровска ООУ АЦО ШОПОВ – СКОПЈЕ

• Ване Ѓорговски Ацо Шопов Скопје

• Татјана Антевска Маркоска, Тетово

• Игбал Мемиши, Скопје

• Мег’Вана Авдулај Валона, Албанија

• Јонида Малила Валона, Албанија

Наградите и дипломите ќе се доделат на отварањето на мегународната стрип колонија во Рашка, Србија ,којашто ке се одржи од 18 до 22 јули.