Контакт

Книги

„Идентитетот е приказна“ од Иван Антоновски е меѓу топ трите книжевни настани во светот

Објавено пред

Книгата „Идентитетот е приказна” од Иван Антоновски, објавена од издавачката куќа „Полица” по повод 70 години од раѓањето на Горан Стефановски, се најде во изборот на топ трите книжевни настани во светот минатата недела, според изборот на интернет-страницата на специјализираниот журнал „Асимптот”.

dobivaj vesti na viber

„Стефановски работеше претежно во сферата на театарот и филмот, а „Идентитетот е приказна” претставува детална анализа на неговото есеистичко творештво, фрлајќи ја потребната светлина врз дел од неговиот опус на кој претходно не му беше посветено големо внимание”, пишува меѓу другото во освртот на страницата на „Асимптот”.

Во претставувањето на топ трите книжевни настани во светот минатата недела, на страницата на „Асимпотот” е истакнат и влогот на Стефановски во драмата, додека за книгата „Идентитетот е приказна” е нагласено дека носи нова светлина во вреднувањето и на неговото културно наследство и дека на јавноста ѝ открива важни аспекти за творештвото на овој култен автор. Покрај објавувањето и првата промоција на книгата за есеите на Стефановски, во изборот на „Асимптот” се издвоени и настани од Чешката Република и Индија.

Книгата „Идентитетот е приказна” се смета за исклучително проучување и на полето на современата македонска книжевна наука и на полето на македонската култура. Како што е посочено во освртот на „Асимптот“, таа за првпат беше достапна пред читателите на 4 октомври, а на 15 октомври се случи нејзината прва промоција за која во освртот на страницата на журналот има и подетални информации. Во освртот се претставени и дел од досегашните оцени на македонската критика за „Идентитетот е приказна“, а е нагласен и воопшто големиот интерес за оваа книга, која всушност е и прва студија во целост посветена на есеистиката на Горан Стефановски.

Инаку, „Идентитетот е приказна”, издавачката куќа „Полица” ја објави во соработка со Здружението за промоција и сочувување на културното наследство на Горан Стефановски. Во неа, покрај студијата на Антоновски е објавен и последниот, тестаментален есеј на Стефановски, „Искрата што се измолнува: наративи помеѓу чеканот и наковалната”, од кој е и цитатот што е испишан врз плочата во т.н. „Гораново катче”, кое беше отворено неделава на Универзитетот „Крајстчрч” во Кентербери, Англија.

Како што и претходно беше соопштено, книгата „Идентитетот е приказна“ е достапна за читателите во книжарницата на „Полица“ во центарот на Скопје, а наскоро се очекува да ја има и во другите поголеми книжарници во земјата.

Реномираниот електронски журнал „Асимптот” со седиште во Сингапур, доминантно е посветен на преводот на светската книжевност и е основачки член на мрежата за книги на британскиот весник „Гардијан”, со неделно претставување нови книжевни преводи кои може да ги прочитаат пет милиони претплатници. Во 2015 година, на Лондонскиот саем на книгата, „Асимптот” ја има добиено Наградата за меѓународна иницијатива за книжевен превод. Досега во журналот се објавени книжевни дела од 121 земја на 103 јазици.

Освртот за книгата „Идентитетот е приказна” од Иван Антоновски објавен на интернет-страницата на „Асимптот” во приказот на топ трите книжевни настани во светот минатата недела е на Софија Поповска. Со ова, Македонија за првпат се најде во изборот од топ три книжевни настани што го објавува овој реномиран журнал.

Книги

Излезе од печат најновата поетска книга на Борче Панов – „Анатомија на небото“

Објавено пред

Излезе од печат најновата поетска книга од познатиот македонски поет Борче Панов. „Анатомија на небото“ е седумнаесетта поетска книга на писателот Борче Панов. Книгата е поддржана од страна на Министерството за култура како авторско издание.

dobivaj vesti na viber

„Книгата соджи 9 циклуси со седумдесетина песни во кои поетот Борче Панов во својот препознатлив и специфичен стил со секој збор се бори за уште еден здив повеќе, за уште едeн зрак сонце повеќе во ова време на сеопшта закана за постоењето. Практично, целата книга е еден вид модерна актуализација на старите парадокси за божествената и човечка димензија на човековото постоење, така што, ако во Гилгамеш конфликтот со двете третини бог и едната третина човек е конфликт во кој човекот го влече божественото кон смртта, сега таа пропорција е уште повеќе влошена, односно сега само една третина во човекот е божествена, а две третини се земни и човечки. Од друга страна, божествената димензија станала антипод на самата себеси и сега прстот на тој антибог во нас секој миг виси над црвеното копче за сеопшта нуклеарна апокалипса. Маестрално, со исклучиелна поетска експресија и оригиналност, поетот Борче Панов нè бомбардира со жестоки опомени од ужасите на нашите современи војни, егзодусите, глобалната трагедија и Дамокловиот меч на себеуништувањето. За Панов, нема миг во оваа песна во која нема осуда на војната и на човековите несреќи предизвикани од нас самите, но веднаш по опомените, следуваат и лирските пасажи со неизмерна љубов, со која овој поет нè охрабрува повторно да човекуваме“, нагласува рецензентот на книгата, проф.д-р Даниела Андоновска-Трајковска.

Борче Панов е роден на 27 септември 1961 година во Радовиш, Република Северна Македонија. Член е на Друштвото на писателите на Македонија од 1998 година. Во два мандата бил член на претседателството на Друштвото на писателите на Македонија. Има објавено и поетски книги на други јазици: „Честички од хематит“ (2016 – на македонски и на бугарски јазик, објавена во Бугарија), „Вдах“ (2017 – на словенечки, објавена во Словенија), „Бричење балон“ (2018 – српски, објавена во Србија), „Фотостихеза“ 2019 – бугарски, објавена во Бугарија), „Крв што жонглира со 8,000 поетски мисли“ (2021 година на хрватски, објавена во Хрватска), „Подземно јаболко“ на арапски јазик, објавена во Обединетите Арапски Емирати во 2021 година од издавачката куќа „Равашен“ и „Подземно јаболко“ на англиски јазик (превод Даниела Андоновска-Трајковска) и објавена во Холандија од „Демер прес“ во 2021 година, „Гласови од глуварчето“ (коавтор) објавено во Индија (2021 година ). Неговата поезија е објавена во голем број антологии, литературни списанија и списанија дома и во странство, а неговите дела се преведени на 400-ина јазици.

Борче Панов е автор и на седум драми. Претседател е на меѓународната поетска маниефстација – Караманови средби. Составувач е на антологијата на Карамановите средби – „Петто календарско време во 2020 мг“. Како и на повеќе зборници и панорами на поезија. Добитник е на неколку книжевни награди.

Прикажи повеќе...

Книги

Промоција на последното дело од Петре Бакевски – поемата „Нова Атлантида“

Објавено пред

Последното дело од истакнатиот македонски писател Петре Бакевски, „Нова Атлантида“, што е во издание на „Арс либрис“, дел од „Арс ламина – публикации“, ќе биде промовирано на 23 ноември (среда), во 19 часот, во Галеријата на Младинскиот културен центар во Скопје. Промотори на книгата ќе бидат етаблираната критичарка, есеистка и театролог Јелена Лужина и познатиот новинар и колумнист Ерол Ризаов. Модераторка на настанот ќе биде Ана Зафирова.

dobivaj vesti na viber

Станува збор за последната книга на која Бакевски работел пред својата смрт во 2011 година. Изданието е сочинето од три пеења: „Бротче од хартија“, Ecce homo и „Јазол од ветрови“. Првиот дел (верзија), првично објавен во 2008 година, е добитник на наградата за најдобра поема „Григор Прличев“. Авторот подоцна се посветил на создавање на другите два последователни дела, кои се заокружени во една целина, со наслов „Нова Атлантида“. Првпат ексклузивно од печат излегува комплетираното дело со сите три пеења. Уредник е Томе Силјаноски, а поговорот го напиша Лужина.

Книгата е дел од едицијата „Македонски книжевни класици“, во рамките на која издавачката куќа „Арс ламина“ досега го (ре)објави дел од творештвото на книжевните великани: Петре М. Андреевски, Гане Тодоровски, Димитар Солев, Живко Чинго, Ѓорѓи Абаџиев, Влада Урошевиќ, Блаже Конески и Оливера Николова.

„Нова Атлантида“, како што има кажано Петре Бакевски, е сублимат на целото негово поетско, книжевно и животно искуство. Во неа се сите негови возвишувања и паѓања, сите негови соништа и изгубени илузии.

„Атлантида е метафора за исчезнувањето. Таа има двојно значење, и лично и општо. Животот на човекот се одвива во биолошки круг. Само времето постојано трае, се продолжува, се обновува, се пресоздава, ги пласти драмите, селективно и двоумно ги памети сеќавањата, предупредува и повторно се става на искушенија. И на нови предизвици. На нови потраги. На нови откровенија“, рекол Бакевски.

Петре Бакевски (Кавадарци, 5 јануари 1947 – Скопје, 25 август 2011) е еден од најзначајните македонски писатели, интелектуалци и книжевници. Беше долгогодишен главен уредник на книгоиздателството „Детска радост“. Добитник е на низа награди и признанија во македонската културна сфера и пошироко.

Неговата книжевна биографија ги вклучува буквално сите родови и жанрови: поетски (во распон од лирски песни до поеми, епски, најчесто испишани во слободен стих), прозни (во распон од раскази и романи, до книжевни и театарски критики, есеи, репортажи, коментари, полемики), драми (секакви, во проза и во стих).

Книгата „Нова Атлантида“ е достапна во сите книжарници на „Литература.мк“, како и онлајн преку www.literatura.mk.

ПР

Прикажи повеќе...

Книги

(Видео) Смеење до солзи и музика на промоцијата на книгата „Џабе живиш у Скопје“ на Зоран Спасов Ѕоф

Објавено пред

Со многу хумор, анегдоти, смеење до солзи и музика, синоќа во скопскиот локал „Интермецо мјузик бар“ се одржа промоцијата на новата книга на Зоран Спасов Ѕоф, „Џабе живиш у Скопје“.

dobivaj vesti na viber

Книгата, како и претходните хит-романи на Ѕоф: „Торонто експрес“ и „Тито, мојот претпоследен херој“, е во издание на „Попули“, дел од „Арс Ламина – публикации“.

„Џабе живиш у Скопје“ е збирка актуелни, изумрени и подзабораени поими, фрази, изрази, идиоми, апсурди, фазони, афоризми, синоними, топоними, акроними, криптоними и многу други „–ними“. Книгава е локализирана у покушај да се долови хајлевел шегобијноста на скопјаните, бидејќи авторот е цврсто убеден дека ние Македонците (заедно со Србите) имаме најбољи хумор у свет. Дел од изразите се користат поише од петсто години, дел стотина, дел од 1945 година, па навака, дел откако Тито го заболе ногата, дел откако Кљусев искочи на бина… Авторот ги реактуелизира со цел да се разбудат и расталасаат некои чувства што дугачко време дремат у латентна состојба. Оваа книга е вивисекција на скопските: (не)култура, историја, менталитет, хумор и јазик, но и одолжување на авторот на неговото Скопје.

Авторот Зоран Спасов Ѕоф на промоцијата истакна дека откако му се оддолжи на Торонто со својата книга „Торонто експрес“ и на Тито со „Тито, мојот претпоследен херој“, сакал да му се оддолжи и на Скопје, на скопскиот дијалект и хумор. Така дошол до идејата да го создаде своето ново дело: „Џабе живиш у Скопје“.
– Идејата за „Џабе живиш у Скопје“ е стара три години, но пишувањето и преродбеничката активност траеја повеќе од две. Едноставно, дојде денот кога ова мораше да се напише зашто постоеше сериозна опасност скопскиот сленг да изумре како таков. Ако го исклучиме Пемба из Ниш од „Среќна Нова…“, сфаќаме дека сите дијалекти се негуваат, освен нашиот – скопски, што е анатемисан од сите институти и институции. Насловот на книгата е комбинација на два збора што ги нема во литературниот македонски јазик, но затоа, пак, ги има во скопскиот „јазик“ и, нормално, самото Скопје. Пораката е дека треба да се негуваат скопскиот говор и скопскиот хумор. Во книгата има повеќе од 900 приказни. Има и неколку малку подразработени теми што нема да им се допаѓаат на две држави и неколку религиозни институции, но затоа, пак, читателите ќе уживаат во нив. Повеќе од половина од поимите, идиомите и афоризмите од книгата ми се омилени. Можам да ги издвојам оние на кои при секое читање се смеам на глас. Стопати да ги прочитам – стопати се смеам. Имам и еден фаворит, ама не го кажувам јавно пошто ќе ми се налути една комшиска држава… „Џабе живиш у Скопје“ е водич до сигурна смрт од смеење. Во предговорот убаво пишува дека скопскиот хумор е еден од најдобрите на светот… Ако човек не се смее (па, макар и во себе) значи дека не ни живее. Башка, смеењето е лек за сите болести – рече Ѕоф.

Специјални гости на настанот беа шоуменот Игор Џамбазов, Бранко Огњановски (познат како Миле Паника) и Сашо Мацановски-Трендо. Тие биле инспирација за дел од анегдотите и шегите во книгата, а се најдоа и на корицата на изданието.

– Има десетина ликови кои ми се инспирација, од кои само овие тројца сè уште се меѓу нас. Со нив имам специјална конекција. Со Џамбазов заедно го работевме „Џандар збира“ и го сметам за најголем во сите области каде што твори, Трендо е главниот виновник што почнав да пишувам и најзаслужен за огромниот успех на „Тибам штркот“, додека Бранко за мене е единствениот национален херој што оваа држава го има – изјави Ѕоф.

Џамбазов, во свој стил, пред присутните интерпретираше дел од содржината на „Џабе живиш у Скопје“, доловувајќи го скопскиот сленг и хумор автентично, како што го документирал Ѕоф во својата книга.

Дизајнот на корицата повторно е на битолскиот стрип-авторот Михајло Димитриевски – Тxе Мичо. На промоцијата авторот му додели и плакета, како благодарност за оваа соработка.

– Тхе Мичо е повеќе граѓанин на светот отколку битолчанец. Несекојдневен и неповторлив лик. Доволно е да му пратам две-три страници од текстот и толку. Тоа што ќе го нацрта тој е многу подобро од она што можам да го замислам јас, па дури и да го напишам – рече Ѕоф.

По промоцијата, гостите го проследија настапот на „Бијело дугме трибјут“.

Прикажи повеќе...

Најново

Македонија8 часа

Утре ќе бидат блокирани клучните крстосници во Скопје поради протест на превозниците

Поради протестот на приватните автобуски превозници утре во Скопје почнувајќи од раните утрински часови ќе има посебен сообраќаен режим потврди...

Македонија10 часа

Османи смета дека уставните измени треба што побрзо да стигнат во Собранието и темата да биде затворена

Темата за уставните измени треба што побрзо да биде отворена во Парламентот вели министерот за надворешни работи Бујар Османи. Тој...

Регион11 часа

Остри реакции во Бугарија по ветото од Холандија

Најавата на Холандија дека одлучила да го блокира приемот на Бугарија во Шенген зоната без гранична контрола предизвика остри реакции...

Свет13 часа

Огромна победа за жените во Иран, укината полицијата за морал, можеби ќе падне и задолжителниот хиџаб

По неколкумесечните протести во кои загинаа повеќе од 300 луѓе, Иран одлучи да попушти и да ја укине моралната полиција....

Економија14 часа

Бо Буџетот за следната година 800 милиони евра капитални инвестиции

Капиталните инвестиции во Буџетот за 2023 се проектирани на 800 милиони евра. Владејачкиот СДСМ коментира дека буџетот за наредната година...

Економија14 часа

Бислимоски: Домаќинствата со 16,32 проценти помала потрошувачка на струја

Домаќинствата за 16,32 проценти ја намалиле потрошувачката на електрична енергија во скапа (висока) тарифа откако се воведени блок тарифите, покажуваат...

Македонија15 часа

Најстудено на Попова Шапка, снег во Маврово

Утрово најстудено е на Попова Шапка (минус еден степен), а најтопло во Гевгелија (9 степени). Управата за хидрометеоролошки работи соопшти...

Свет15 часа

Трамп повика на укинување на американскиот устав по објавата на интерните мејлови на Твитер

Поранешниот американски претседател Доналд Трамп повика на укинување на Уставот на САД со цел да се сменат резултатите од претседателските...

Македонија16 часа

ВМРО-ДПМНЕ: Предложени 458 проекти низ општините, граѓаните за првпат одлучуваат за што ќе се трошат нивните пари

„Огромна заинтересираност и предложени 458 проекти од страна на граѓаните за само еден ден низ општините каде градоначалниците се од...

Спорт1 ден

Австралија ги намачи, но Аргентинците закажаа дуел со Холандија

Аргентина е во четврт-финалето на Светското првенство и ќе игра против Холандија. „Гаучосите“ успеаја да ја победат Австралија со 2:1,...

Економија1 ден

Ковачевски: Повисоки пензии, повеќе пари за општините и здравството во буџетот за следната година

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи...

Македонија1 ден

МВР: Немало закани кон полицајци во Арачиново, случајот е целосно расчистен

МВР тврди дека никој не им се заканувал на полициски службеници во Арачиново, а случајот е целосно расчистен. „По извршени...

Македонија1 ден

Украдено возило на Итната помош во Кочани, полицијата го пронашла по пет часа

Доцна синоќа околу 03.40 часот од Општа болница Кочани било украдено службено обележано специјално возило „тојота“, сопственост на Итната медицинска...

Свет2 дена

(Видео) САД го претставија новиот стелт бомбардер, може да носи и нуклеарни бомби

САД синоќа го претставија својот нов стратешки стелт бомбардер Б-21 Рајдер, авион што може да лета без екипаж и да...

Македонија2 дена

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Забава2 дена

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Спорт2 дена

Џака: Дресот на Јашари беше за мојот млад соиграч од Македонија

Капитенот на Швајцарија, Гранит Џака, објасни зошто по победата над Србија носеше дрес со презимето Јашари. Играчот од средниот ред...

Македонија2 дена

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет2 дена

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет2 дена

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...