Контакт

Изложби

Изложба „Мустаќлии“ во Мала станица

Објавено пред

Во знак на месецот ноември за подигнување на свеста за машкото здравје и глобалната кампања на пуштање на мустаќи кај мажите – Movember, Националната галерија ја организира изложбата насловена „Мустаќлии“ на дела од нејзината богата колекција која ќе биде отворена на 14 ноември, во Мултимедијалниот центар Мала станица, 20 часот. Изложбата ќе биде отворена до 8 декември.

Оваа изложба е првото издание на проектот „Од поинаков дискурс“, кој има за цел да вклучи интелектуалци чија дејност не е тесно врзана со ликовната уметност, критика и теорија, кои во соработка со ко-куратор од галеријата ќе работат на некоја тематика која ја задаваат, а е инспирирана од богатата колекција на Националната галерија, со цел од поинаков дискурс да се пристапи кон толкување, систематизација и истражување на нашето културно благо.

Темата „Мустаќлии“ ја предложил Владимир Мартиновски, професор, поет, писател, есеист, раскажувач, теоретичар и книжевен преведувач.

„Кога точно пред еден век Марсел Дишан (во 1919 година) ѝ доцртал мустаќи на Мона Лиза, покрај субверзивната пресметка со традицијата, тој ни оставил визуелно потсетување колку навидум ‘малите’ ликовни интервенции на лицето можат да го променат ‘личниот опис’ (а со тоа и идентитетот) на насликаниот модел. Во детството ретко кој не им цртал или доцртувал мустаќи на ликовите од фотографиите од старите весници: само со неколку потези со моливот или пенкалото, само со повлекување неколку линии т.е. влакна, за миг излегува сосема нов лик!

Таа миговна метаморфоза ни покажува дека мустаќите(грч. μύσταξ,)не се само ‘грст влакна над горната усна’ или ‘коса на лицето“, како што неретко се дефинираат. Имено, мустаќите не се само украс на човековото лице. Тие се визуелен знак, симбол, па затоа воопшто не се за потценување кога зборуваме за нивното присуство (или отсуство) во портретната уметност од нејзините почетоци до денес.

Постоеле епохи во кои мустаќите биле клучен визуелен знак за машкоста, храброста, јунаштвото… Иако денес само во ноември дел од мажите пуштаат мустаќи како видлива поддршка на глобалната кампања за подигнување на свеста за машкото здравје, до средината на минатиот век неретко се велело: ‘Маж без мустаќи не е маж’.

Во текот на XX век во македонската ликовна уметност се создадени низа впечатливи портрети на ‘мустаќлии’.

Преку избор од педесетина портрети на мажи со мустаќи од богатата колекција на Националната галерија на Македонија, реализирани во различни ликовни техники, изложбата ‘Мустаќлии’ има за цел да загатне низа естетски, семиотички, антрополошки, социолошки, културолошки и родови аспекти на овој феномен.“ (извадок од текстот на д-р Владимир Мартиновски)

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Изложба на слики „Порака“ од Роберт Цветковски во Куманово

Објавено пред

В четврток со почеток во 20 часот во Изложбениот салон на НУ Центар за култура „Трајко Прокопиев“ – Куманово ќе биде отворена изложба на слики со наслов „Порака“ од академскиот сликар Роберт Цветковски. Се работи за дваесеттина дела од неговата најнова продукцуја работени во техниката масло на платно.

Роберт Цветковски е роден во Куманово 1965 година. Дипломирал на Факултетот за ликовна умeтност во Скопје 1989 година во класата на Ана Темкова. Работи во гимназијата во Крива Паланка како ликовен педагог.
адреса: ул. „Св.Јоаким Осоговски“ бр.75, Крива Паланка.

 

Прикажи повеќе...

Изложби

Изложба „Скопје, одново“ во Музејот на современа уметност

Објавено пред

Вечерва во Музејот на современата уметност – Скопје со почеток во 20 часот ќе биде отворена изложбата „Скопје, одново“. Посетителите ќе можат да погледнат преку 100 дела од меѓународната колекција на музејот со посебен фокус на американските уметници.

„Вечерва во Скопје отвораме изложба која е специфична по повеќе основи. Овој пат имаме гостин куратор, а изложбата е подготвена од мешан кураторски тим, односно кураторката Ана Кац од њујоршка МоМА и Кумјана Новакова од МСУ Скопје. За првпат изложуваме некои дела од колекцијата, бидејќи кураторките со поставката даваат ново читање на познати, но и помалку познати дела од нашата вредна колекција, а овој пат и преку изложување документи и друг архивски материјал дадена е интегрирана информација за почетоците, за големиот ентузијазам во основачките години на музејот. Американската амбасада препозна вреден проект во ‘Скопје, одново’ за што сме им многу благодарни, нивната помош беше голема и искрена и нè охрабрува да размислуваме за нејзино претставување и надвор од нашата држава. Оваа изложба беше најавена и во списанието ‘Арт форум’, а работиме на тоа да ја претставиме и пред американската публика“, вели Мира Гаќина, директор на МСУ Скопје.

Изложбата е резултат на соработката помеѓу МСУ – Скопје и Амбасадата на САД во Скопје.

Изложени се повеќе од 100 дела и архива поврзана со процесот на креирање на колекцијата и кореспонденцијата со авторите на делата. Така, за првпат, МСУ – Скопје ќе изложи дел од личната кореспонденција со автори како: Александер Калдер, Џаспер Џонс, Шила Хикс, Алекс Кац, Јон Григореску, Сол ЛеВит, Вифредо Лам, Мина Ситрон, Џеф Расел, Бриџит Рајли…

„Скопје, одново“ ја обработува најголемата меѓународна акција на солидарност во уметноста организирана во октомври 1963 од Меѓународната асоцијација на пластични уметности, паралелно со глобалната кампања за реконструкција на градот Скопје, по земјотресот. Со подароците од автори од цел свет, МСУ – Скопје станува дом на единствена и исклучителна колекција на современа уметност во земјава. Најголем дел од делата ги потпишуваат водечки уметници на глобалната современа сцена во двете децении по земјотресот, што води и до основањето на МСУ во 1964 година. Полската влада во тоа време финансира тим на прогресивни млади архитекти, кои во 1970 година го градат објектот, кој денес е постојан дом за музејот.

Прикажи повеќе...

Изложби

Изложба на скулптури во МКЦ на македонскиот скулптор Aлександар Eфтимовски

Објавено пред

Изложба на скулптури „Фрагментум“ на академскиот скулптор Александар Ефтимовски ќе биде отворена во галеријата на Младинскиот Културен Центар (МКЦ) на 16-ти ноември со почеток од 19:30 часот.

Името на оваа изложба доаѓа од латинското име „Фрагментум“ што буквално претставува конкретен дел, одделен од една целина. Истиот тој „фрагмент“ е секое едно дело создадено од потребата на авторот од физичка активност и темпераментно дејствување врз материјалот. Секој еден дел или фрагмент е изработен во различно време и околина и е активниран од различни сетилни дразнења, што во тој даден период го обележува и претставува моменталното авторско творештво. Соединувањето на овие скулптурални дела во една целина ја потенцира уметничката имплозија и го објаснува текот на артистичкото создавањето на скулпторот. Искуствата, кои скулпторот ги стекнува со неговите патувања, метафорички ги материјализира или врежува во материјалот и на тој начин ја обележува сегашноста на неговото уметничко творење. Сите стекнати искуства, не се поврзани само со процесот на изработка на една скулптура, туку и со сетилните дразби кои остануваат вмрежани некаде во неговиот ум, за подоцна да бидат исфилтрирани во едно или повеќе дела.

Иако на оваа изложба ќе бидат изложони 10-тина дела, сепак тие се конструирани од повеќе делови или фрагменти. Тие ги симболизираат енергијата, времето на творење и животот на авторот, безмалку кажано тоа се деловите преку кои авторот го опишува творечкиот момент. Авторот ужива во спонтаноста на формата која доаѓа со самата изработка на скулптурата, преку еден своевиден Формалистички приод кој може да се забележи во еден дел од неговите творби. Тој од самото запознавање со тродименизоналната форма на израз од секогаш го возбудувала апстратната скулптура како ликовна творба, и во неа комплетно ги пронаѓал неговите идеи. Почнувајќи од геометриските форми како наједноставен израз, преку аморфните па се до органските форми, авторот наоѓа начин како во ваквите форми да ги интерпретира неговите идеи. Тој во неговото досегашно творештво ги користи традиционалните материјали како дрво, камен и бронза, но особено задоволство му причинува користењето на каменот во сите негови бои, структури и цврстини.

Александар Ефтимовски е визуелен уметник од областа на скулптурата. Тој во неговото творештво како основен материјал за изразување го користи каменот во сите негови бои, структури и цврстини.  За создавање на неговите скулптури, авторот најмногу ја користи апстракната форма, која преку геометриските и овалните аморфни форми го карактеризира неговото дело. Александар своето ликовно знаење го стекна на Академиите за уметност во Фиренца и Карара (Италија),  каде магистрираше во 2013 година. Во неговото едно децениско творештво, Ефтимовски го претстави својот авторски израз учествувајќи на голем број ликовни фестивали. На многуте биеналиња и симпозиуми за скулптура во Европа, Америка и Азија, Александар изработи скулптури во голем формат и учествуваше во голем број ликовни изложби. Тој е добитник на повеќе награди и признанија, но најдраго и особено значајно му е првото место добиено на симпозиумот за скулптура во ОГрове, Шпанија.  Дел од неговите творби се во постојаните колекции на Националниот ликовен музеј на Кина во Пекинг, колекцијата на Шиан како и приватни колекции низ Европа.

Прикажи повеќе...

Најново

Регион3 часа

Мигрант силувал две студентки во Љубљана

Триесет и осумгодишен државјанин на Мароко е уапсен под сомнение дека силувал две студентки во Љубљана. Како што пренесуваат локалните...

Македонија3 часа

Хрватска го поддржува писмото за Северна Македонија, но нема да го потпише

Хрватска го поддржува писмото кое во врска со Северна Македонија и Албанија на Европската комисија ѝ го испратија министрите за...

Европа4 часа

Членките на ЕУ поделени за предлогот на Франција

Земјите членки на Европската Унија се поделени за предлогот на Франција, некои од нив изразиле поддршка, а други се воздржани...

Македонија6 часа

(Видео) Катица Јанева спроведена во домашен притвор

Поранешната специјална обвинителка, Катица Јанева, од затворот во Шуто Оризари беше спроведена во домашен притвор во стан во Скопје кога...

Македонија8 часа

(Видео) Мицкоски: Најавеното покачување на пензиите е лажно ветување на Заев

Владата на СДСМ и Зоран Заев не ги зголемија пензиите 700 денари, туку, напротив, ги намалија 400 денари, изјави на...

Свет9 часа

Шведска ја прекина истрагата за силување против Асанж

Шведското обвинителство ја отфрли истрагата поради обвинение за силување против основачот на „Викиликс“, Џулијан Асанж, покренато уште во 2010 година....

Македонија9 часа

Екоактивистите ќе протестираат итно да се одземе концесијата од „Еуромакс ресурсис“

Се ближи датумот кога оваа влада нема да може да донесува и спроведува одлуки, а Министерството за економија сè уште...

Македонија11 час

(Видео) Дуковски: На Боки 13 не му работи бубрегот и мокри крв

Адвокатот на обвинетиот Бојан Јовановски, Сашко Дуковски, на наменска прес-конференција за јавноста рече дека е загрижен поради здравствената состојба на...

Топ11 час

(Видео) Во камион пронајдени над 100 килограми марихуана, приведен маж од Валандовско

Граничната полиција на преминот Табановце ноќеска во камион со приколка со бугарски регистарски ознаки пронајде 100 килограми марихуана. Приведен е...

Македонија12 часа

Тупураинен: ЕУ нема да му го сврти грбот на Балканот

Претседавачката со Советот на ЕУ, финската министерка за европски прашања, Тити Тупураинен, порача дека министрите на ЕУ од денешниот состанок...

Македонија13 часа

Дисциплинска за адвокатот Даути зашто бараше да бидат преведени сите списи на албански во ТНТ

Адвокатската комора со допис го известила судот дека повела дисциплинска постапка пред дисциплински обвинител за адвокатот на обвинетата во ТНТ...

Топ13 часа

Дрога и муниција пронајдени во куќа на 25-годишник во Ѓорче Петров

Полицијата уапси двајца скопјани на возраст од 25 и 32 години при извршен претрес во дом во населбата Ѓорче Петров....

Интервју/Дебата15 часа

(Интервју) Италијанскиот амбасадор Ромео: Ќе сториме сè за да ја поправиме историската грешка за вашата држава

На денешниот редовен Совет за општи работи во Брисел, на кој по иницијатива на Италија ќе се расправа за прашањата...

Економија15 часа

САД одново ги одложија санкциите за „Хуавеј“

Администрацијата на американскиот претседател Доналд Трамп ја одложи забраната за продажба на американски производи на кинеската компанија „Хуавеj“ за уште...

Европа15 часа

Во Советот на ЕУ дискусија за реформата за проширување

На состанокот на Советот за општи работи денеска во Брисел, министрите на ЕУ ќе разговараат за ситуацијата во областа на...

Свет1 ден

Три лица убиени во пукање во супермаркет во САД

Најмалку три лица се убиени во пукање во супермаркетот „Волмарт“ во Данкан, Оклахома, објавија американските медиуми. Од локалната полиција наведоа...

Македонија1 ден

Османи се сретна со Тимоние: „Процесот на интегрирање во ЕУ не е запрен“

Вицепремиерот задолжен за европски прашања, Бујар Османи, денеска оствари средба со францускиот амбасадор во земјата, Кристијан Тимоние, на која главна...

Економија1 ден

Бензините поевтинуваат

Бензините од ноќеска на полноќ ќе поевтинат за половина денар, додека цената на дизелот ќе остане иста, соопшти Регулаторната комисија...

Македонија1 ден

(Видео) Таткото на Боки 13 осуден на шест месеци затвор

Миле Јовановски, таткото на Бојан Јовановски, познат како Боки 13, е осуден на казна затвор во траење од шест месеци,...

Македонија2 дена

Серија земјотреси ја погодија Битола

Вчера и денеска регистрирани се серија земјотреси со епицентри во пограничното епицентрално подрачје Битола – Лерин во Грција, соопшти Сеизмолошката опсерваторија...

Досие