Контакт

Изложби

Изложба на Свилен Стефанов во Софија како дел од проектот „Поврзување“

Објавено пред

Денес, во галеријата на КИЦ во Софија, ќе биде отворена изложбата на ликовниот уметник Свилен Стефанов. По „Изгубени простори“ на Марјан Ѕингаров, оваа втора изложба од проектот „Поврзување“ на КИЦ на РСМ во Софија е во духот на поврзувањето на творештвата на авторите од Северна Македонија и Бугарија.

dobivaj vesti na viber

Свилен Стефанов (1966, Софија) е ликовен уметник, историчар на уметноста, критичар и куратор. Живее и работи во Софија. Своето академско образование го добил во Националната ликовна академија во Софија. Професор е по историја на уметноста на ХХ век во Националната ликовна академија, доктор по теорија и историја на уметноста. Неговата приказна како уметник, куратор и критичар е сврзана со групата XXL, создадена во Софија во 1994 година.

„Моето сликарство е резултат од доволно долго искуство на полето на самата материјалност на оваа уметност, но неспоредливо повеќе тоа е последица од моите занимања со теоријата и историјата на уметноста, како и со мојата дејност како ликовен уметник во 90-тите кога преферираните мои изразните средства беа фотографијата, текстот и перформансот. Уште во последната деценија од минатиот век бев меѓу основачите на идеологијата на групата XXL, преку која нашата современа уметност доби ново звучење, поинакво од постојните тогаш социјалистички парадигми, или од наметнуваниот (од определени средини) како задолжителен за современиот уметник неоконцептуализам. И денес, сосема со умисла, работам во полето на ликовното, кое е сврзано со традицијата, но тоа е повторно дел од моите разбирања за независност.
Моето сликарство е наративно и на прв поглед раскажува разни истории, но логичките нишки на таа тематичност се намерно прекинати. Во нив нема нешто што по некаков начин би можело да биде обврзано со конкретност од животот. Суштината на мојата работа е длабоко вкоренета во истовремениот усет за божественост на битието и длабокиот сомнеж во сите идеологии, кои ја карактеризираат социјалната страна на современиот живот“.

Отворањето на изложбата ќе се одвива со почитување на мерките за справување со Ковид-19. Во таа смисла ќе биде регулиран бројот на посетителите во изложбената сала, во која ќе биде важно да се одржува дистанца од 1,5 метар меѓу секој од посетителите. Поради големината на галеријата, во еден ист момент ќе може да присуствуваат 10-12 посетители, кои ќе се задржуваат најмногу до 20 минути. За настанот се обезбедени дезинфициенси и помошници ќе внимаваат за настанот да помине без собирање многу луѓе на едно место. Заштитните маски остануваат задолжителни.

Официјалниот дел на вечерта е предвиден за 17 часот по што посетителите што ќе дојдат подоцна ќе може да го видат видеото од официјалното обраќање на директорот и авторот.

По отворањето, изложбата ќе остане отворена и ќе може да се види во работно време на КИЦ во Софија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Отворена изложбата на Зоран Кардула во Крушево

Објавено пред

Синоќа, на четвртиот ден од манифестацијата „Десет дена Крушевска Република“ беше отворена изложба на Зоран Кардула на која присуствуваа повеќе од 500 луѓе. Настанот продолжи со диџеј-перформанс на Томи Бојаџи.

dobivaj vesti na viber

Изложбата на Зоран Кардула ќе биде отворена 20 дена, а истата е инспирирана од познатиот филмски серијал „Стар ворс“ (Star Wars) и вонвременскиот изглед на споменикот Илинден. Изложбата ја отвори професорот од Филолошкиот факултет Блаже Конески, Владимир Мартиновски.

Денес на програмата на „Десет дена Крушевска Република“ е влашката вечер која ќе се одржи на летната сцена во 21 часот.

Прикажи повеќе...

Изложби

Отворена изложбата „Еден друг круг“ на Роберт Михајловски

Објавено пред

Во рамките на програмата на Битолското културно лето, Бит-фест, синоќа, во Офицерскиот дом, беше отворена изложбата на графики од Роберт Михајловски, „Еден друг круг“.

dobivaj vesti na viber

На изложбата беа прикажани дрворезите на Михајловски, кои го истражуваат пејзажот на урбаното и невидливо присуство на човечката дејност во овој сѐ покомлициран лавиринт.

На отворањето на изложбата присутните ги поздрави директорката на културниот и информативен центар, Лили Бошевска, која зборуваше за почетоците и досегашното творештво на авторот, кој живее и работи во Мелбурн и во Битола:

„Михајловски креативните и школските почетоци ги добил во родниот град. Студирал историја на уметност со археологија во Скопје, Белград и во Мелбурн, графички студии и сликарство во Њујорк и Мелбурн. Графиките на Михајловски го покажуваат концептот на времето, кое е со одредено темпо, кое повеќе се навраќа кон минатото, кое ја преобликува виртуелната иднина“, рече Бошевска.

Ликовниот уметник Владо Ѓорески за авторот и за неговите дела вели:

„Дрворезите на Михајловски го истражауваат пејзажот на невидливото присуство на човечката дејност во тој сѐ покомплициран лавиринт. Неговите отпечатоци се со одредена симболика и асоцијативност, која е на границата помеѓу одредена поетика и распадност, која е присутна во севкупната речиси унифицирана мундијална архитектура. Тоа се убави пејзажи создадени од луѓето, не како идилечен свет тука, туку како свет за елементарна егзистенција, сурова, отпадничка и често отуѓена во својата линиска структурираност слична на стапица, затвор, неслобода, психолошки алиениран амбис“, вели Ѓорески.

Прикажи повеќе...

Изложби

Изложбата „Слобода?!“ на 15 ликовни уметници гостува во уметничката галерија „Илија Бешков“ во Плевен

Објавено пред

Третото и последно претставување на групната изложба „Слобода?!“ ќе се одржи на денешното отворање со почеток од 18 часот во уметничката галерија „Илија Бешков“ во Плевен (булевар Скобелев 1). Оваа патувачка изложба до сега ги посети градовите Созопол и Ловеч. Првпат градот Плевен ќе биде домаќин на изложба од проектот „Поврзување“ на КИЦ на Република Северна Македонија во Софија. Изложбата ќе остане отворена за посетителите до 12 август 2022 година.

dobivaj vesti na viber

Во составот на изложбата се делата на уметниците од неформалната група „Конекција“, кои се од Северна Македонија, но живеат и работат во Софија, Бугарија: Перица Георгиев-Пепси (Скопје), Марјана Иванова (Виница), Зоран Мише (Охрид), Иво Пецов (Виница), Павел Целкоски (Охрид) и Марјан Ѕингаров (Струмица).

Тука се делата и на ликовните уметници и професори од факултетите за ликовна уметност во Северна Македонија: Беди Ибрахим (Скопје, ФЛУ), Јован Шумковски (Скопје, ФЛУ), Катерина Деспот (Штип, УГД) и Срѓан Микиќ (Скопје, IBU).

Со своите македонски колеги изложуваат и бугарските ликовни уметници и професори од Националната ликовна академија во Софија: Георги Јанков, Нина Русева, Свилен Стефанов и Васил Колев. Свое учество има и уметницата Марија Алексиева од Бургас.

Во изложбата најзастапени се сликарските дела. Се среќаваат разни техники и авторски искази, кои кореспондираат со зададената тематска насока. Од користење разни форми на комбинација на сликарските техники до еднородна сликарска техника во конвенционален вид. Употребуваните сликарски материјали се движат во широк дијапазон, со употреба на маслени и акрилни бои, молив, креда, пастел, апликација на дополнителни материјали кон основата, која може да е хартија, платно или МДФ. Со сликарски дела се претставуваат Беди Ибрахим, Катерина Деспот, Марија Алексиева, Марјан Ѕингаров, Нина Русева, Перица Георгиев-Пепси и Свилен Стефанов.

Графиката е претставена во најголем дел со класичните графички техники – висок и длабок печат, како: линорез, мецотинта, акватинта, бакропис, сува игла, како и комбинации меѓу некои од нив, а исто така е застапен во помал дел и дигиталниот печат. Со свои графички дела учествуваат уметниците Срѓан Микиќ, Павел Целкоски, Васил Колев, Зоран Мише и Иво Пецов.

Плакатната уметност е претставена со делата на двајца од авторите. Со користење на компјутерските можности за дизајн и дигитален печат, како и со умешноста во областа на визуелната комуникација, се претставуваат авторите Георги Јанков и Маријана Иванова.

Од вкупно 40 дела, кои ја составуваат изложбата, 3 се фотографии од концептуални дела на македонскиот уметник Јован Шумковски, кои сами по себе претставуваат посебна ликовна единица.

Изложбата е составена од авторските наслови, како: „Птици“, „Право или праведност“, „Реквием“, „Ослободително средство“, „Изохипси од Африка“, „Храбар нов свет“, „1984“, „Приказната на слугинката“, „Цикада“, „Реминисценции“, „Пејзаж“, „Почеток“, „Крај“, „Каде одиш?“, „Слободата, портал кон вистината“, „И во огнот штом ќе запролети“, „20 години матура“, „Артефакт“, „Фраер“, „Три нејасни објекти“, „Светлосна патека“, „Нејасна лекција по геометриска апстракција“, „Проникнување“, „Летен ручек“, „Копчето на длабокото езеро“, „Тотем – нескршлив дух“ и „R = 1: 2 и 1 : 200“.

Прикажи повеќе...

Најново

Топ28 минути

Приведено лице од скопско, предизвикало пожар на отворен простор

Синоќа во 19.20 часот на подрачјето на Драчево од полициски службеници од Полициска станица Драчево од слобода е лишен Ф.С.(59)...

Економија31 минута

Шефот на „Рајанер“: Крај на ерата на евтини летови од 10 евра

Мајкл О’Лири, извршен директор на „Ryanair“, изјави дека ерата на евтини билети од 10 евра е завршена и дека нискобуџетната...

Македонија1 час

ВМРО-ДПМНЕ: Срамна епизода „Стево и Плочата“ до вчера се фалеше, денес вели дека била спомен плоча од времен карактер

Според опозицискиот ВМРО-ДПМНЕ, Пендаровски води политика од денес за утре. „Се е сведено само на гол пиар и зад неговите...

Македонија1 час

СДСМ: Лагите на ВМРО-ДПМНЕ потонаа, во ЕУ со заштитен македонски идентитет и јазик

СДСМ со одговорен, државнички пристап за само пет години ги реализира двете најголеми стратешки цели на државата, поставени при осамостојувањето...

Европа2 часа

Тајван го отфрла кинескиот модел „една земја, два системи“

Тајван го отфрла моделот „една земја, два системи“ што Пекинг го претстави во својата стратегија за решавање на тајванското прашање,...

Македонија13 часа

Изолација и епидемиолошко следење за сите суспектни случаи на мајмунски сипаници во земјава

Комисијата за заразни болести на денешниот состанок ја анализираше актуелната состојбата поврзана со појавата на суспектен случај на мајмунски сипаници...

Македонија14 часа

Кабинет на Пендаровски: Плочата за АСНОМ во манастирот „Св. Прохор Пчињски“ за Илинден беше од времен карактер

„Плочата за АСНОМ којашто беше поставена во манастирот ‘Св. Прохор Пчињски’ за Илинден беше од времен карактер со цел да...

Европа15 часа

Силвио Берлускони најави враќање на политичката сцена

Поранешниот италијански премиер Силвио Берлускони (85) најави дека ќе се кандидира за место во Сенатот на изборите следниот месец и...

Топ16 часа

Фатен е бегалец од затвор баран со потерница, осуден на казна затвор од над 10 години

Од МВР информираат дека денеска (10.8.2022) во 16:45 часот полициски службеници од Оперативен тим – потраги при СВР Скопје во...

Свет16 часа

Кинескиот амбасадор во Москва: Вашингтон е иницијатор и главен двигател на кризата во Украина

Кина денеска ги нарече САД „главниот двигател“ на кризата во Украина. Во интервју за руската новинска агенција ТАСС, објавено денеска,...

Македонија17 часа

Нови 693 позитивни на Ковид-19, починати се две лица

Согласно податоците од Институтот за јавно здравје, Министерството за здравство информира дека во последните 24 часа: Направени се 1.480 тестови,...

Економија22 часа

Државата нема контрола како се враќаат парите од ковид-мерките, тоа ќе ја чини 23 милиони евра

Државата не предвидела како ќе го контролира враќањето на доделените средства за финансиска поддршка на работодавците и физичките лица за...

Македонија23 часа

Нема хоспитализиран пациент со мајмунски сипаници на Клиниката за инфективни болести

Нема хоспитализиран пациент суспектен за мајмунски сипаници, информираат од Клиниката за инфективни болести. „Во врска со пациентот што се споменува...

Европа23 часа

Полскиот премиер ја обвини ЕУ за империјалистичко однесување кон помалите членки

Полскиот премиер Матеуш Моравјецки ја обвини Европската Унија за империјалистичко однесување кон помалите членки во статија објавена на веб-страницата „Велт“...

Свет23 часа

Хаос на аеродром во Париз, маж се заканувал со нож, полицијата го убила

На парискиот аеродром „Шарл де Гол“ полицијата отворила оган врз маж вооружен со нож, јавува BFMTV повикувајќи се на неименуван...

Македонија1 ден

Гори борова и дабова шума во Охридско

Сè уште е активен пожарот кај охридските села Вапила и Сирула. Како што соопшти Центарот за управување со кризи, гори борова...

Свет1 ден

Кина најави нулта толеранција за сепаратистичките активности на Тајван

Предупредувањето од Пекинг, кој го смета Тајван за своја територија, дојде неколку дена по невидените воени вежби на Кина во...

Свет1 ден

Зеленски: Војната на Русија против Украина мора да заврши со ослободување на Крим

Украинскиот претседател Володимир Зеленски изјави денеска дека конфликтот со Русија нема да заврши додека не се ослободи црноморскиот полуостров Крим,...

Свет1 ден

Јенс Столтенберг: Србија со години е близок партнер на НАТО

Генералниот секретар на НАТО, Јенс Столтенберг, оцени дека Северноатлантскиот сојуз е долгорочен и близок партнер со Србија велејќи дека партнерството...

Свет1 ден

Русија: Од почетокот на август од Украина се извезени 370.000 тони храна

Над 370.000 тони храна се извезени од украинските пристаништа во 12 брода од почетокот на август, изјави шефот на рускиот...