Контакт

Култура

Каталонската поетеса Миреја Калафељ доби препев на македонски кај „Макавеј“

Објавено пред

Меѓу поетските изданија на „Макавеј“ се појави стихозбирката „Ние, кои“ од каталонската поетеса Миреја Калафељ. Таа е шпанска писателка што пишува на каталонски јазик. Препевот е на поетесата и преведувачка Наташа Сарџоска, а изданието е спонзорирано од каталонскиот институт „Рамон Љуљ“.

dobivaj vesti na viber

По повод излегувањето од печат на книгата од Калафељ, Наташа Сарџоска ја опиша поезијата на Миреја Калафељ како поезија што „се занимава со теми што се многу значајни и за македонската читателска публика бидејќи се однесуваат на виталните каталонски прашања, како што се прашањето за јазикот, националната историја, признавањето и, конечно, за независноста и слободата. Нејзината поезија се развива под влијанието на поетиката на големи каталонски поети, како Жоан Маргарит. Насловот „Ние, кои“ го поставува прашањето на припадноста и на самоопределувањето. Калафељ ја следи богатата каталонска поетска традиција со изразени мелодичност, ритам и заумни аналогии. Таквата поезија би била вистинско поетско освежување за македонската книжевна сцена и би отворило нови хоризонти на читање и пишување поезија“, изјави Наташа Сарџоска.

Миреја Калафељ дипломирала хуманистика на Универзитетот „Помпеу Фабра“. Од 2016 година кодиректор е на поетскиот фестивал Poesia i +.
Авторка е на книгите „Поетики на телото“ (Galerada, 2006; награда за поезија Amadeu Oller во 2006 година и VIII меморијал Anna Dodas, 2008), „Кроеви“ (2010; награда за поезија „Јосеп Марија Лопес Пико“, 2009 година), „Толку неми жени“ (2014; награда за поезија Oliver Benvingut, 2013) и „Ние, кои“ (2020). Во 2015 година ја освоила наградата „Златно слово“ за најдобра книга објавена на каталонски за книгата „Толку неми жени“, збирка поезија што потоа е преведена и на шпански јазик. Некои нејзини песни се објавени во антологии во Аргентина, Бразил, Холандија, Обединетото Кралство, Обединетите Арапски Емирати и во Шпанија.

Култура

Костадиновска-Стојчевска: Продолжуваме со поддршката во заштита на културното наследство

Објавено пред

„Културното наследство, материјално и нематеријално, со својата разновидност и посебност е богатство на човештвото, а неговата заштита е еден од најзначајните показатели за препознавање, дефинирање и афирмација на културниот идентитет“, рече министерката за култура Бисера Костадиновска-Стојчевска на промоцијата на публикацијата „Европските начела за квалитет за интервенции финансирани од ЕУ со потенцијално влијание врз културното наследство“, која се одржа денеска во „Европска куќа“ (Europe House) – Скопје.

dobivaj vesti na viber

Костадиновска-Стојчевска истакна дека поддршката на ЕУ за издавање на оваа публикација на македонски јазик е значаен придонес во збогатувањето на домашната стручна литература којашто ќе помогне да бидеме во чекор со најсовремените пристапи во заштитата на културното наследство.

„Верувам дека оваа публикација ќе биде корисно четиво за сите корисници од оваа дејност, особено во поглед на управувањето со проекти. Суштината на ова издание не е да наметне модалитети за интервенција, правила кои се обврзувачки, и да даде готови технички решенија, туку да ги збогати сознанијата, да посоветува, да препорача и да им помогне во донесувањето одлуки на сите што се вклучени во проекти финансирани од ЕУ, а кои имаат потенцијал да влијаат врз културното наследство“, рече Костадиновска-Стојчевска.

Потенцираше дека Министерството за култура годинава поддржа повеќе проекти што се во функција на развој, афирмација и промоција на културата.

Министерството за култура, додаде Костадиновска-Стојчевска, ќе продолжи да ги поддржува граѓанските иницијативи што водат кон зголемување на граѓанското учество во сферата на заштитата на културното наследство.

Амбасадорот и шеф на Делегацијата на Европската Унија во Северна Македонија, Дејвид Гир, истакна дека Северна Македонија изобилува со неверојатно културно и природно наследство коешто треба да се заштити и да се промовира.

Прикажи повеќе...

Култура

Промоцијата на романот „Ноќите кога заспивавме во Помпеја“ од Давор Стојановски

Објавено пред

Вечерва во кафе-книжарницата „Буква“ во 20 часот ќе се одржи промоцијата на романот „Ноќите кога заспивавме во Помпеја“ од Давор Стојановски, во издание на „Или-или“. Промоторка на книгата ќе биде писателката Николина Андова-Шопова. Романот влезе во најтесниот круг за наградата „Роман на годината 2021“ на Фондацијата „Славко Јаневски“.

dobivaj vesti na viber

„Давор Стојановски напишал сјаен роман! Возбудлива и непредвидлива приказна, прецизна нарација со брилијантно чувство за ритам и драматургија, со одлично изградена атмосфера и ликови, со вешто вклопени контемплативни прелевања (некои од нив антологиски парчиња). Му посакувам (и предвидувам) голем успех. Топла препорака“. Николина Андова-Шопова

„Ноќите кога заспивавме во Помпеја“ е извонредно возбудлив роман поделен во три дела, во кои од различна перспектива се објаснува приказната. Уште по првата прочитана страница читателот добива чувство на возбуда и заинтересираност, што не попушта до последната. Романот се чита во еден здив, а потоа уште долго време останува во потсвеста. Срѓан Ивановиќ, Плусинфо.

Давор Стојановски (1987, Скопје) е писател, поет, преведувач и музичар. Магистрирал на Филолошкиот факултет во Скопје. Неговите дела се застапени во домашни и во странски антологии. Неговиот прв роман „Ненасловена месечева соната“ (2013) влезе во потесниот круг за наградата „Роман на годината“ на „Утрински весник“, а со вториот роман „Собирачи на пепел“ (2016) стана лауреат. Третиот роман „Утеха за голите“ (2018) беше номиниран за Наградата за литература на ЕУ за 2020 година.

Прикажи повеќе...

Култура

Познатиот уметник Ахмет Огут со изложбата „Скокни“ во МСУ – Скопје

Објавено пред

На 26 мај, во 20 часот, во Музејот на современата уметност – Скопје ќе биде отворена самостојна изложба на еден од значајните уметници на интернационалната сцена, Ахмет Огут.

dobivaj vesti na viber

Кураторки на изложбата насловена како „Скокни!“ се Мира Гаќина и Јованка Попова.

Проектите на Ахмет Огут во голема мера се однесуваат на собирање локални приказни и барање сличности на друго место. За изложбата во МСУ – Скопје, уметникот ќе изработи ново дело насловено „Скокни!“ Делото е инспирирано од чинoт на солидарност, кога по скопскиот земјотрес во 1963 година, светски познати уметници подарија свои дела, а МСУ – Скопје станува симбол на солидарноста и дом на исклучителна колекција на современа уметност во земјата. Огут ќе постави дел од делата од колекцијата, по негов личен избор, високо над окото на набљудувачот, во изместен хоризонт, кој реферира не само на поместениот баланс при земјотресот, туку и на поместување на политичкиот хоризонт и нивната меѓусебна поврзаност.

„На изложбата во Скопје посетителите ќе можат да видат повеќе дела кои се однесуваат на концептот заедништво, комуникација и споделување во периоди на криза, но и коегзистирање со останатиот жив свет. Неговите дела се колаборативни, тој бара начин да ја ангажира публиката или случајните минувачи во ситуации кои ја менуваат нивната перцепција за социјалните норми и однесувања. Преку хумор и мали гестови во делата тој често коментира сериозни социјални и политички прашања. Инспириран од приказната за настанување на самиот Музеј и неговата колекција, во Скопје тој создава инсталација во која на возбудлив и игрив начин, со скок во височина, ги повикува посетителите да ги активираат нивните сеќавања поврзани со колективната траума од земјотресот и специфичната историја на солидарност, со поглед од поинаква перспектива на делата од колекцијата“, велат кураторките Гаќина и Попова.

Преку инсталации, скулптури, цртежи, колажи и видеодела, инспирирани од општествената, културната и политичката реалност, изложбата со императивен наслов „Скокни!“ го поканува посетителот да излезе од комфорната зона и досегашните навики на перципирање и размислување и да одговори на новите предизвици од поинаква перспектива. Уметникот нè повикува да ја презамислиме поврзаноста помеѓу човечкиот и нечовечкиот живот, нивната зависност и симбиоза, да направиме „скок“ во променети општествени норми, наспроти културата на секојдневното грубо и политички сурово. Според тоа, средбата со неговите дела станува еден вид покана за општествен ангажман.

Ахмет Огут (1981) е уметник кој живее и работи во Амстердам, Берлин и Истанбул. Самостојно изложувал во повеќе музеи и институции низ светот меѓу кои Ван Абемусеум, Кунстверајн Дрезден, Кунстхал Шарлотенборг . Изложувал на бројни групни претставувања и во Музејот Стеделијк Амстердам, Музејот на современа уметност во Сеул, 13. Биенале во Лион, 5 Биенале на визуелни уметности, Њујорк, 12. Истанбулско биенале, Триеналето на Новиот музеј, Њујорк, 5. Берлинско биенале за современа уметност. Огут ја претставувал Турција на 53. Биенале во Венеција во 2009 година Бил резидентен уметник на Ријксакадемија, Амстердам во 2007-2008 година и Фондацијата Делфина, Лондон, во соработка со Тејт, во 2012 година.

Изложбата „Скокни“ во МСУ Скопје се реализира со поддршка на Министерството за култура на Република Северна Македонија, Асоцијацијата Саха од Турција, ЕВН Македонија и Тиквеш.

Прикажи повеќе...

Најново

Економија2 часа

Владата го утврди ребалансот на буџетот: „Кратење на непродуктивните трошоци за заштита на стандардот на граѓаните“

Владата на денешната 47. седница го усвои предлогот за изменување и дополнување на буџетот за 2022 година. „Предлогот за ребаланс...

Македонија3 часа

(Видео) Петков бара да се свика Советот за национална безбедност поради преговорите со Македонија

Бугарскиот премиер Кирил Петков во видеообраќање го повика претседателот на државата Румен Радев да го свика Консултативниот совет за национална...

Европа3 часа

(Видео) Зеленски објави снимка од проектил кој погоди зграда, загинале 11 лица

11 лица загинале по гранатирањето на местото Лозова во украинскиот регион Харков, изјави украинскиот претседател Володимир Зеленски. На снимката се...

Македонија7 часа

Пресуда за уривањето на „Космос“: Груевски доби девет години затвор, Јанакиески три, а Трајковски четири

Судиите Огнен Ставрев и Осман Шабани донесоа осудителни пресуди за сите обвинети за случајот познат како „ТНТ“, за уривањето на...

Европа8 часа

(Видео) Командант на Азов: Добивме наредба да престанеме да го браниме Мариупол

Командантот на украинскиот полк од Азов, Денис Прокопенко, се обрати до јавноста и рече дека во Азов добиле наредба да...

Европа9 часа

Шојгу: Русија ќе формира 12 нови воени бази на западот од земјата како одговор на проширувањето на НАТО

Русија ќе формира 12 нови воени бази на западот од земјата како одговор на зајакнувањето на НАТО и очекуваното проширување...

Македонија9 часа

(Видео) Вработените во градинките ќе добијат цели плати за периодот на штрајкот

Министерството за труд и социјална политика и СОНК ги потпишаа измените и дополнувањата на Колективниот договор со којшто се регулира...

Македонија10 часа

Комисијата за односи со верските заедници: Ги подржуваме мудрите чекори во црковната дипломатија

Комисијата за односи со верските заедници и религиозни групи со особена внимателност ги следи актуелните случувања околу меѓународната активност на...

Македонија10 часа

Вархеји ја повика Софија во јуни да даде согласност за старт на преговорите со Скопје

Еврокомесарот за проширување и добрососедска политика Оливер Вархеји очекува Софија во рок од три недели да се согласи за почеток...

Македонија11 час

Петровска од Софија: Новата безбедносна реалност во Европа повикува на сплотеност

Новата безбедносна реалност на европскиот континент повикува на сплотеност и соработка, а нашата безбедност лежи во колективната безбедност на нашите...

Европа12 часа

Дипломат на ЕУ: Русија не може да биде запрена, а нема договор за ембаргото на руската нафта и гас

Неуспехот на земјите членки на Европската Унија да се договорат за ембарго на руската нафта покажува дека блокот ги достигнува...

Европа12 часа

(Видео) „Њујорк тајмс“: Имаме докази дека Русите убивале затвореници во Буча

„Њујорк тајмс“ објави нови видеа за кои тврдат дека докажуваат дека руските сили убиле најмалку осум украински затвореници на 4...

Европа12 часа

Шолц: Интеграцијата на Северна Македонија, БиХ, Црна Гора, Србија, Албанија и Косово е во наш интерес

Германскиот канцелар Олаф Шолц изјави дека ќе отпатува на Западен Балкан пред состанокот на Европскиот совет следниот месец, носејќи ја...

Регион13 часа

Шарл Мишел денеска доаѓа во Босна и Херцеговина

Мишел доаѓа во Сараево во рамките на посетата на регионот, вчера беше во Србија каде што се сретна со претседателот...

Свет13 часа

Пукање во Чикаго: Едно лице загина, неколку се ранети

Едно лице загина, а четворица се повредени во престрелка во Чикаго, соопштија денеска локалните власти. Портпаролот на полицијата изјави дека...

Европа13 часа

(Видео) Зеленски: Последната фаза од војната ќе биде најкрвавата

Украинскиот претседател Володимир Зеленски вчера зборувајќи пред украинските студенти рече дека сè уште не може да ги повика Украинците да...

Европа13 часа

Медведев: Санкциите против Русија се безвредни кога се во прашање енергијата и храната

Заменик-претседателот на Советот за безбедност на Русија, Дмитриј Медведев, оцени дека Русија ги има сите можности да спречи кризи со...

Свет13 часа

Блинкен: Русија ја користи храната како оружје во Украина

Американскиот државен секретар Ентони Блинкен ја обвини Русија дека користи храна како оружје во Украина. „Не станува збор само за...

Македонија24 часа

Димитров до Ковачевски: Не е точно дека земјите членки на ЕУ ја оправдуваат уцената на Бугарија со историјата

Никола Димитров ја критикува изјавата на премиерот Ковачевски дека сите земји членки на ЕУ ја оправдувале уцената на Бугарија со...

Европа1 ден

Шолц: Можна е измена на договорот за ЕУ

Германскиот канцелар Олаф Шолц денеска изјави дека не ја исклучува можноста за измена на договорот за Европската Унија, договорот од...