Култура
Кевин Спејси одржа говор во Кан по скандалот; Фестивалот: Немаме никаква врска со тоа
Кевин Спејси одржа страстен говор во Кан, критикувајќи ја културата на откажување.
Во 2017 година, Спејси (65) беше обвинет за сексуален напад или несоодветно однесување од повеќе од 30 мажи. Неговата кариера тогаш практично запре. Во 2022 година, тој беше прогласен за невин на судење во Њујорк, а во 2023 година беше ослободен од девет обвиненија за сексуален напад во кривично судење во Лондон.
Години откако обвиненијата излегоа на виделина, тој се врати во Кан за прв пат од 2016 година. Актерот доби награда за животно дело од Фондацијата „Подобар свет“ на тивок настан за време на фестивалот. За време на говорот, кој го документира весникот „Варајети“, актерот зборуваше против културата на „црните листи“ и му се заблагодари на Мануел Колас де ла Рош, основачот на фондот што ја поддржува филмската индустрија.
„Сакам да му се заблагодарам на Мануел, основачот на Фондот за подобар свет. Какво прекрасно име. Организацијата чија цел е да прави добро во светот се нарекува „Подобар свет“. Но, тие прават повеќе од само добро, како што кажува нивното име“.
Тој додаде дека му е неверојатно што неговото присуство се смета за чин на храброст, со оглед на тоа што е ослободен од сите обвиненија.
„Кој некогаш би помислил дека почестувањето на некој кој бил ослободен од обвиненијата во секоја судница во која стапнал може да се смета за храбра идеја?“,
Тој потоа се спореди себеси со сценаристот Далтон Трамбо, кој беше на црната листа откако беше откриено дека има врски со комунизмот, но беше поддржан од актерот Кирк Даглас: „Но, еве сме. Размислував за некој друг кој се обидува да го направи овој свет подобро место, а тоа беше човекот што го видовте на екранот порано вечерва, Кирк Даглас, големиот американски актер.
Потоа зборуваше за мрачен период во кој животот и кариерата на професионалците беа уништени со лажни обвинувања.
„Секако, луѓето знаат за Трамбо, но мислам дека многу малку од вас знаат или некогаш слушнале за 475 други професионалци од индустријата чии животи беа уништени од лажни обвинувања, кои исто така не можеа да најдат работа во Холивуд во тој долг и мрачен период“, рече Спејси.
Својот долг говор го заврши цитирајќи ги зборовите од песната на неговиот пријател Елтон Џон: „Сè уште стојам“.
Организаторите на настанот подоцна се оградија од Спејси, велејќи за Телеграф дека тој „нема никаква врска со фестивалот“.
Во соопштението тие додаваат: „Филмскиот фестивал во Кан не бил вклучен или известен за поканата или наградата на г-дин Спејси за време на овој приватен настан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Воодушевувачки концерт на парискиот квартет „Модиљани“ на Охридско лето
Еден од најзначајните гудачки квартети на денешницата, „Модиљани“ од Франција вчеравечер музицираше на „Охридско лето“ воодушевувајќи ја фестивалската публика со нивната совршена изведба и внимателно избраната програма.
На репертоарот беа гудачки квартети од композиторите Хоакин Турина, Морис Равел и Лудвиг ван Бетовен.
Концертот беше во рамки на Вечерта на Европската унија што веќе осумнаесетта година по ред се организира на фестивалот со поддршка на Делегацијата на Европската унија во Р.С.Македонија.
Заменик-амбасадорот на Делегацијата на ЕУ, Бен Нупнау, истакна дека преку оваа соработка македонските уметници се промовираат во светот, а најдобрите европски уметници се претставуваат пред овдешната публика.
-Навистина ми е многу мило што веќе 18 години го поддржуваме овој фестивал. Тоа е дел од нашата долгогодишна посветеност кон промовирање на музичките вредности. На тој начин се трудиме да ги промовираме македонските уметници во светот, но и обратно, да донесеме различни европски уметници овде. Морам да изразам огромна благодарност до директорот на фестивалот „Охридско лето“, Ѓорѓи Цуцковски и до селекторката на музичката програма Симона Ѓорчева затоа што направија прекрасен избор со гудачкиот квартет „Модиљани“ кои ги слушнавме во исклучителната атмосфера на црквата „Света Софија“ што претставува една од најбесценетите богатства на Р.С.Македонија, рече заменик-шефот на Делегацијата на ЕУ, Нупнау.
Парискиот квартет „Модиљани“ во 2023 година ја прослави својата 20-годишнина. Во сезоната 2024/2025 овој гудачки состав е посветен на еден од најголемите потфати во нивната кариера, а тоа е снимањето на сите 16 гудачки квартети од Лудвиг ван Бетовен. Покрај тоа, во октомври минатата година остварија турнеја низ САД, а потоа и концерти во Хамбург, на биеналето на гудачки квартети во „Аудитори“ во Барселона, во Филхармониската сала во Стокхолм и на „Шубертијадата“ во Шварценберг.
Култура
Повикот за музичката манифестација ‘Нешто што ќе остане” трае до утре
Градоначалникот Горан Герасимовски ги повикува сите регистрирани здруженија, организации и правни субјекти што работат во полето на културата и кои имаат седиште во Општина Центар, да се пријават на јавниот повик за финансиска поддршка за реализација на музичкиот хепенинг „Нешто што ќе остане“. ж
Тој потенцира дека оваа музичка манифестација и годинава повторно ќе го размрда Паркот на франкофонијата со звуците на македонските изведувачи.
„Лани, ‘Нешто што ќе остане’ беше нашиот настан на годината. Заедно со скопјани уживавме во добра квалитетна музика, ги пеевме најпознатите македонски хитови. Културата е таа којашто не спојува, културата е душата на Центар, на Скопје. Затоа, ги повикувам сите заинтересирани да се пријават на настанот и повторно да создадеме нешто што ќе остане, што ќе го паметиме и ќе бидеме горди“, вели Герасимовски.
Општина Центар бележи континуирано зголемување на буџетот за култура, кој од 4 милиони денари на почетокот на мандатот на градоначалникот Герасимовски, денес изнесува 13 милиони денари, што претставува трикратно зголемување.
Овој повик нуди можност за финансиска поддршка до 1.840.000 денари за организација на културниот настан, со цел поддршка на македонската музика, уметници и продукција. Пријавените треба да предложат целосна четиричасовна програма со реномирани македонски изведувачи и водител, како и целокупна логистика за реализација на настанот.
Рокот за пријавување трае до утре (четврток), односно 7 дена од денот на објавувањето на повикот на веб-страницата на Општина Центар: www.centar.gov.mk
Пријавите се доставуваат во архива (барака 6) или по пошта на адреса: Општина Центар – Скопје
Сектор за јавни дејности / Одделение за култура
ул. „Михаил Цоков“ бр. 1, 1000 Скопје
со назнака: „Јавен повик за финансиска поддршка за реализација на проектот ‘Нешто што ќе остане’“
Формуларот за пријава е достапен на веб-страницата на Општината: https://www.centar.gov.mk/?p=25930, пријави се!
Култура
Утревечер, со солистички концерт на Кокан Димушевски почнува 19. издание на балканскиот етнофјужн-фестивал „Локум-фест – музика и традиција 2025“
Утревечер во познатото Пацио на НУ Завод и Музеј со солистички концерт на Кокан Димушевски, ќе започнува 19-то издание на Балканскиот етно фјужн фестивал „Локум фест-музика и традиција 2025 “.
Никола, Кокан, Димушевски, е роден во Скопје, 26. Ⅳ 1958 – клавијатурист, аранжер, композитор и продуцент. Кариерата ја започнал како клавијатурист на групата „Леб и сол”, а има напишано над 200 аранжмани за различни автори и изведувачи во Македонија и во Европа.
Автор е на музика (околу 1.500 минути) за голем број театарски претстави во Европа и во САД. Создавал музика (аудиодизајн) за повеќе радио и ТВ станици. Одржал над 1.000 концерти во целиот свет. Соработувал со Ѕамаха и Радио Франце Интернационал. Издал дваесетина ЦД и ДВД-носачи.
Локум фест е единствен ваков фестивал во Македонија и на Балканот кој ги спојува традиционалната градска музика со fusion & world music, и зад себе има преку 110 реализирани концерти на ансамбли од Македонија, Балканот и светот, а се одржува на културно-историски локации промовирајќи ги истите како сцена , што годинава е и слоган на фестивалот. „Наследството како сцена“.
Инспирацијата за Локум фест доаѓа од живото културно наследство на некогашна конзулска Битола, која била важен воено-економски центар и цивилизациска крстосница, дом на бројни етноси и амалгам на култури, каде се вкрстувале византиската, ориенталната , сефардската и европската култура. Сето тоа резултираше со неверојатно богатство на музички влијанија, обичаи, архитектура и др. Локум фест е фестивал кој повикува на средба, помеѓу културите и еден дух. Истовремено е атрактивен за туристи од земјата и странство и веќе со години промовира културен туризам као дел од локалната и национална туристичка понуда. Локум фест е член на Most music, Without borders, EFFA, и други регионални и европски фестивалски асоцијации.
За прв пат паралелно со Битола, Локум фест се случува и во Скопје. Во соработка со Public room на 18 јули таму ќе настапат грчката група Reggetiko project и русите VEDAN KOLOD, под мотото „Однадвор кон центарот“. Ова е редок пример на културна дисперзија од крајниот југозапад на државата кон центарот и ги најавува амбициите за следната година кога се одбележува 20 години Локум фест, а фестивалот ќе се дисперзира на неколку автентични локации во Македонија и регионот.
Фестивалот е една од ретките манифестации која доследно се држи до јавниот карактер и е не се приклонува кон естрадизација на културата. Се одржува на јавни простори без наплата на средства и е проект од национално значење финансиран од Министерство за култура и туризам и Општина Битола, а се одржува во склоп на Бит фест 2025 година.
(Видео) Еруптираше вулкан во Исланд, евакуирана е позната туристичка дестинација
Впечатлива сцена од оган, чад и блескава лава беше снимена денес во југозападен Исланд, каде што еруптираше вулкан на полуостровот...
Американски сенатор до Путин: „Што по 50 дена? Нека му се јави на ајатолахот и нека го праша“
Американскиот сенатор Линдзи Греам го поддржа рокот од 50 дена што Доналд Трамп му го даде на Владимир Путин да...
Сообраќајот на патниот правец Битола – Граничен премин „Меџитлија” е нормализиран
Сообраќајот на патниот правец Битола – Граничен премин „Меџитлија” е нормализиран, извести АМСМ. Од 16 часот, на регионалниот пат Р-1101...
Докторка затекната при примање поткуп во битолска болница: најостра осуда од Министерството за здравство
Министерството за здравство најостро го осудува секој облик на коруптивно однесување во здравствениот систем. Во врска со случајот во ЈЗУ...
Незгода на патниот правец Битола – Прилеп: сообраќајот во прекин за тешки моторни возила, патничките се пропуштаат наизменично
Од 15:45 часот поради вршење на увид на сообраќајна незгода на магистрален пат А-3 Битола – Државна граница Маџитлија кај...
Во земјава има 200.000 дивоградби, предничи Гостивар, вели Меџити и повикува институциите да делуваат, но не селективно
Сегашниот вицепремиер и министер за животна средина, Изет Меџити, кој 12 години беше градоначалник на Општина Чаир, повика институциите да...
Меџити не исклучува можност да биде кандидат за градоначалник на Чаир: Сè е на маса
Првиот вицепремиер и министер за животна средина, Изет Меџити, не ја исклучува можноста да му биде противкандидат на Бујар Османи...
Активни три пожари во државата, оној кај Николиќ ставен под контрола
Активни се три пожари во државата, соопшти Надица Вчкова од Главниот штаб за управување со кризи. Во моментот сѐ уште е...
Доцнење на прегледи и на резултати, скопјани со најмногу поплаки за здравството – Алиу ветува дека ќе го слуша гласот на народот
Министерството за здрвство добило 90 пријави од граѓани кои се пожалиле на функционирањето на здравствениот систем. Министерот за здравство Азир...
Токму полициски службеници на Тошковски се фатени за диви приклучоци, проблемот не е водата, туку тие што ја добиваат бадијала и институциите што ги штитат, велат од Град Скопје
ВМРО-ДПМНЕ, кога обвинува за недостиг на вода во град Скопје, заборава да додаде дека токму полициските службеници на Панче Тошковски...
55 ветерници ќе обезбедуваат струја за 100.000 домаќинства – почна изградбата на ветерниот парк кај Штип
Со поставување камен темелник денеска стартуваше изградбата на ветерен парк во близина на Штип, каде „Алканзар енерџи партнерс“, со инвестиција...
Дивоградбите ќе се уриваат ако се утврди дека се проблем за безбедноста на граѓаните, рече Тошковски
Министерот за внатрешни работи Панче Тошковски потврди дека една од општините во која вчера е влезено од страна на Одделот...
Тошковски: Арсовска одбива да соработува, полициските службеници не може да обезбедат изјава
Министерот за внатрешни работи Панче Тошковски вели дека градоначалничката Данела Арсовска одбива да соработува со полициските службеници од Одделот за внатрешна...
Пренесувале и продавале дрога: осомничените откриени преку скај-комуникација
Врз основа на доказите добиени преку скај-комуникацијата, предметен обвинител од Основното јавно обвинителство за гонење организиран криминал и корупција донесе...
Полицаец се обидел да внесе дрога во Идризово, приведен е
Приведен е полицаец поради сомнеж дека се обидел да пренесува дрога во Идризово. „При претрес на Х.А.(42) од Скопје, вработен...
Апелација повторно го осуди Васил Јованов на три години и десет месеци за дрогата
Aпелациониот суд повторно го осуди Васил Јованов, кој ја прегази младата Фросина Кулакова, на три години и десет месеци затвор...
Трамп: Ракетите за системите „Патриот“ веќе се на пат кон Украина, пристигнуваат од Германија
Ракетите за системот за воздушна одбрана „Патриот“ наменети за Украина веќе се на пат, изјави американскиот претседател Доналд Трамп, објави...
Огласот за прием на 150 нови полициски службеници е во тек
Министерството за внатрешни работи распишува конкурс за прием на 150 униформирани полициски службеници. „Да се биде полицаец е повик а...
Трамп: Бонди треба да објави сè што смета за веродостојно за Епштајн
Американскиот претседател Доналд Трамп изјави дека државната обвинителка Пам Бонди треба да објави „сè што го смета за веродостојно“ за...
Со потврда од матичен лекар, невработените до четврток можат да се пријават за гаснење пожари за 24.000 денари месечно
Огласот за ангажирање 400 невработени лица за помош при гаснење пожари на Владата е отворен до четврток, потсети денес Стојанче...
