Контакт

Книги

Книга со избрани песни од македонскиот поет Јовица Тасевски–Етернијан е објавена во Србија

Објавено пред

Книга со избрани песни од македонскиот поет Јовица Тасевски–Етернијан, насловена „Пат кон благоста“ (Пут ка благости), деновиве беше објавена во Србија. Изборот на песните од Етернијан и преводот на српски јазик го направи поетот, критичар и преведувач Ненад Трајковиќ, јазично-стилската редакција е на познатиот српски поет Обрен Ристиќ, а книгата ја издаде Уметничката академија „Исток“ во едицијата „Мостови“.

Во поговорот, м-р Мирослав Радовановиќ истакнува дека Јовица Тасевски–Етернијан со својот блескав возлет кон небото и светлината ги разрешува и ги отфрла недоумиците, несигурните вредности, парадоксите, го доведува во прашање целокупниот систем на уверувања и знаења, исто така тој негира сè што носи обележја на воспоставени конвенции, лажна стабилност и самоуверена рационалност, при што во неговата поезија создава поубав свет на посигурни вредности. Според Радовановиќ, Етернијан е бунтовник против мочуришната и каллива стварност, творец на чудесни светови. За неговата поезија е карактеристичен естетскиот мистицизам во кој исчезнуваат приземните нешта, а на нивно место блескаат контурите на илуминираните внатрешни пејзажи. Со зборовите и со нивната тежина поетот ги надминува границите на стварноста, воспоставувајќи нова рамнотежа на духовниот и светлосниот принцип, односно јазикот формулира една нова стварност, логика и визија при што се раѓа невидена и дотогаш непозната реалност. Јовица Тасевски–Етернијан во песните од кои е составена книгата „Пат кон благоста“ ја величи убавината која е негова поетска определба и ги отвора просторите на бескрајот и слободата, ги надминува границите на времето, при што за овој поет таа е метафизички поим што го пробива патот кон апсолутот и неговата светлосна димензија, заклучува во поговорот м-р Мирослав Радовановиќ.

Јовица Тасевски–Етернијан е афирмиран македонски поет, книжевен критичар и есеист. Автор е на шест поетски и две критичко-есеистички книги. Го има добиено интернационалното поетско признание „Восхитувачки поет“ што се доделува во Индија за исклучителен придонес во современата поезија. Неговата поезија е преведена на дваесетина јазици и објавена е во списанија и антологии во околу триесет држави. Уредник е на списанието за литература, култура и уметност „Стремеж“. Уредник-консултант е на индиската книжевна ревија „Инчентин версис“. Член е на Издавачкиот совет на референтното научно списание „Сајбер литература“ и на Советодавниот одбор на „Меѓународното списание за истражувања и хуманистички студии“ (International Journal of Research and Humanities Studies). Бил стручен советник за македонска поезија во завршениот меѓународен поетски проект „Други гласови“ – антологија на светската поезија вклучена во референтната листа (World Poetry Directory) на УНЕСКО.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

„Што ќе речат нашите внуци“ – нова поетска книга од Раде Силјан

Објавено пред

„Матица македонска“ од Скопје ја објави стихозбирката „Што ќе речат нашите внуци“ од Раде Силјан. Во своето најново дело поетот застапува седумдесет песни, во кои со чувство на длабока проникливост пее за судбинските процеси на нашето време.

Според академик Витомир Митевски, насловот на оваа стихозбирка јасно ја навестува тематската област во која континуирано се движи поетска мисла на Раде Силјан. Тој е гласник на злото време во кое живееме, гуслар кој не пее од радост, туку од очај. Во насловната песна поетот им се обраќа на сите оние што денес тргуваат со нашето минато, сегашност и иднина.

Свесен дека им се обраќа на луѓето што во обземеноста од сопственото лажно величие ниту го слушаат ниту умеат да го разберат, поетот искажува клетви со надеж дека тоа ќе го чуе некој горе Семоќен и ќе искаже сомилост кон нас. Неговите песни се исполнети со притаена надеж, но и тага, горчина, стравувања, носталгија, констатира академик Витомир Митевски во поговорот кон книгата со наслов „Поетот и трагизмот на нашето време“.

Раде Силјан е автор на богат поетски опус, а дваесет и шест негови книги се преведени на: англиски, руски, полски, украински, италијански, турски, унгарски, албански, бугарски, српски, босански, есперанто, романски, црногорски, молдавски, влашки и на грчки јазик. Добитник е на национални и меѓународни награди, меѓу кои и на наградите „Браќа Миладиновци“ на Струшките вечери на поезијата, „Ацо Шопов“ и „Димитар Митрев“ на Друштвото на писателите на Македонија, како и на највисоките државни признанија „11 Октомври“ и „Свети Климент Охридски“ за животно дело од областа на културата.

Прикажи повеќе...

Книги

Фестивалот „ПРО-ЗА Балкан“ ќе почне вечерва во Куршумли ан

Објавено пред

Интернационалниот литературен фестивал „ПРО-ЗА Балкан“ ќе биде отворен вечерва во 19.30 часот во Куршумли ан во Скопје. Врвни автори од регионот, како и домашни автори, се гости на фестивалот, кој ќе трае до 17 септември.

На првата фестивалска вечер ќе ви претставиме тројца од нашите гости. Со македонската публика ќе се сретне Мухарем Баздуљ, Углеша Шајтинац, Калина Малеска и со Дамир Каракаш, кој ќе учествува со видеомонолог.

Баздуљ е писател, новинар и преведувач и е еден од најчитаните во регионот. Неговите 20-ина книги се преведени на повеќе странски јазици, а ги има добиено голем дел од значајните новинарски награди во БиХ и во Србија. Две негови книги се преведени на македонски јазик – „Ѓаурот и Зухејда“ („Готен“) и „Кукла од марципан“ во издание на „Везилка“.

Српскиот автор Углеша Шајтинац е наградуван драматург и писател, добитник на Европската награда за литература за романот „Сосема скромни дарови“.

На првата вечер ќе биде претставeно делото и на нашата писателка Калина Малеска, професорка по англиска книжевност на Филолошкиот факултет „Блаже Конески“ во Скопје. Нејзини раскази се преведени на неколку јазици и објавени во списанија во земјата и странство, а учествувала и на повеќе македонски и меѓународни книжевни фестивали. Нејзиниот расказ „Поинаков вид оружје“ е застапен во антологијата Best European Fiction 2018.

Со нив ќе разговараат уметничкиот директор на фестивалот, Александар Прокопиев, и претседателот на одборот за доделување на наградата „Прозарт“, Ермис Лафазановски.

Во продолжение ќе следува креативно и луцидно видеоизлагање на хрватскиот писател Дамир Каракаш, автор на пет романи, три збирки раскази, патопис и две претстави за неговите книги и светот во кој моментално живееме. Некои од неговите книги имаат култен статус кај читателите. Според неговата збирка раскази „Кино Лика“ снимен е филм што освои многубројни награди на реномирани филмски фестивали.

Првата вечер ќе биде промовирана и „Срчки“, новата книга на Бранислав Николов (Пијан Славеј), а на промоцијата ќе настапат авторот и басистот Гоце Јованоски.

На 15 септември во 13 часот во Europe House ќе се одржи тркалезна маса  на тема „Литература и криза: почетна точка за нови противотрови“, на која ќе учествуваат гостите писатели и членовите на програмата „Скопје fellowship“. Поради ковид-протоколите, настанот е затворен за публика. Традиционално фестивалот организира средба на членовите на оваа програма со претставници на Македонската асоцијација на издавачите и ќе имаат можност да воспостават идни соработки.

Вечерта во 19.30 часот следува второто претставување на писателите и нивните дела. Маја Солар, авторка која се занимава со феминистички и филозофски теми, како и младата книжевна ѕвезда во регионот, Магдалена Блажевиќ (БиХ), и македонската писателка и книжевна теоретичарка Елизабета Баковска, ќе разговараат со Александар Прокопиев, Ермис Лафазановски и со Владимир Јанковски.

Музичарите Гоце Јованоски и Андреа Мирческа ќе изведат експериментална звучна импресија од филмот „Устав на Република Хрватска“ по сценарио на Анте Томиќ. Потоа ќе следува получасовен видеоразговор меѓу Миљенко Јерговиќ и Анте Томиќ, изработен специјално за публиката на фестивалот.

Фестивалот ќе биде затворен на 16 септември во Куршумли ан во 19.30 часот кога ќе биде прочитан говорот на добитникот на наградата „Прозарт“, Исмаил Кадаре, а писателите гости ќе читаат извадоци од своите дела.

Во рамките на дополнителната програма на фестивалот, на 17 септември во летното кино на Кинотеката, ќе биде прикажан документарецот „Медена земја“. Преку видеоприлог Миленко Јерговиќ ќе зборува за филмот по проекцијата.

Фестивалот ќе го отвори директорот Дејан Трајкоски. Гости ќе бидат и четворицата членови на програмата „Скопје fellowship“ – Назли Бериван Ак од Турција, Јасмина Радојичиќ од Србија, Доротеа Монова и Милен Милев од Бугарија.

Добитник на наградата „Прозарт“ за авторски придонес кон балканската книжевност е големиот писател Исмаил Кадаре. За жал, тој не можеше да дојде во Скопје и да се сретне со својата читателска публика.

Интернационалниот литературен фестивал „ПРО-ЗА Балкан“ е во организација на издавачката куќа „Прозарт“, а е поддржан од Министерството за култура, ТРАДУКИ, Институтот „Јунус Емре“ од Скопје, Делегацијата на ЕУ, Град Скопје, Амбасадата на Босна и Херцеговина и од Кинотеката.

Прикажи повеќе...

Книги

Саемот на книга со продолжено работно време денеска и в сабота

Објавено пред

Поради зголемениот интерес од страна на читателската публика, а воедно и поради почитување на протоколите за заштита од Ковид-19, организаторите на Саемот на книга заедно со Македонската Асоцијација на издавачи, Здружението на издавачите и книжарите на Македонија – ЗИКМ, Здружението на албанските издавачи од Македонија и Сојузот на албански издавачи во Македонија, донесоа одлука Саемот на книга да има продолжено работно време во петок (11.9.2020) и сабота (12.9.2020).

Работното време за петок (11.9.2020) е од 10:00 до 21:00 часот, а работното време за сабота (12.9.2020) е од 10:00 до 22:00 часот.

Сите други денови останува со редовното работно време.

Билетите можат да се набават и преку онлајн електронскиот систем на www.karti.com.mk по цена од 30 денари.

Прикажи повеќе...

Најново

Македонија15 минути

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет26 минути

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ2 часа

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ2 часа

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија3 часа

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет4 часа

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет5 часа

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија6 часа

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа6 часа

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Свет7 часа

Институт „Гамалеја“: Некои вакцинирани лица развиваат заштитни антитела по првата доза

Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните...

Топ16 часа

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Економија16 часа

Четвртиот пакет мерки е во вредност од 350 милиони евра

Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и...

Европа18 часа

СЗО: Во Европа се зголемува заразата со коронавирусот

Брзината на пренесување на Ковид-19 и хоспитализацијата растат во Европа, предупреди директорот на Светската здравствена организација за вонредни ситуации, Мајкл...

Македонија19 часа

Пахор со поддршка за членството во ЕУ: „Не смее да има одложување на меѓувладината конференција“

Словенија ќе продолжи да ја поддржува Северна Македонија на патот кон полноправно членство во Европската Унија, истакна претседателот на Словенија,...

Македонија22 часа

Починаа 9 лица, регистрирани 143 новозаразени

Во последните 24 часа се направени 1.504 тестирања, а регистрирани се 143 нови случаи на Ковид-19, и тоа во: Скопје...

Македонија23 часа

(Видео) Кривична пријава и суспензија за полицаецот кој претепа Ром во Битола

Одделот за внатрешна контрола, криминалистички стандарди и професионални истраги во МВР поднесе кривична пријава до Основното јавно обвинителство за гонење...

Европа1 ден

Напаѓачот уапсен, полицијата пронајде мачета и сатар на местото на нападот во Париз

„Бев во мојата канцеларија. Слушнав врисоци на патот. Погледнав низ прозорецот и видов жена која лежеше на подот и имаше...

Македонија1 ден

Пендаровски до Пахор: Споделуваме сегашност во НАТО, уверен сум дека ќе имаме и заедничка иднина во ЕУ

Денеска во претседателскиот кабинет во „Вила Водно“ претседателот Стево Пендаровски на церемонија со највисоки државни и воени почести го пречека...

Македонија1 ден

Казна за Рудникот САСА – ќе плати 65 илјади евра поради истекувањето јаловина

Откако при направениот увид и констатиран прекршок водостопанскиот инспектор на Државниот инспекторат за животна средина предложи постапка за посредување согласно...

Свет1 ден

(Видео) Ковид-19 создал мутација којашто е уште позаразна

Резултатите од една нова студија покажуваат дека Ковид-19 создал нова мутација која се чини дека е уште позаразна, а експертите...

Досие