Писателот Томислам Османли е добитник на Рациновото признание за 2020 година, соопшти градоначалникот на општина Велес, Аце Коцевски, во својство на претседател на Организацискиот одбор на меѓународната поетска манифестација „Рацинови средби“.

Оваа година жири-комисијата за доделување на Рациновото признание за прозно дело за 2020 година, во состав академик Катица Ќулавкова, претседател, и членовите, Трајче Кацаров и Гордана Јовиќ-Стојковска, одлучи да му припадне на писателот Томислав Османли за книгата расказаи „Парадоксион“ во издание на „ВиГ зеница“ од Скопје.

А Организацискиот одбор, во состав Аце Коцевски, претседател, и членовите, проф. Кристина Николовска, проф. Људмил Спасов, проф. Гоце Ристовски и проф. Стефани Андреевска, донесе одлука почесното Рациново признание за афирмација и популаризација на македонската литература и култура надвор од границите на Република Северна Македонија да им се додели на проф. д-р Виктор Фридман од Чикаго, САД, и на проф. д-р Јоуко Сакари Линдстет од Хелсинки, Финска.

57. по ред „Рацинови средби“ ќе се одржат на 25 и 26 септември, на отворената сцена на амфитеатарот во Младинскиот парк во Велес, кога ќе им бидат врачени и Рациновите признанија на годинешните добитници.

Сите настани, кои се дел од 57. „Рацинови средби“, ќе бидат одржани според протоколите и мерките за заштита од ширење на Ковид-19.

Денес се навршуваат точно 92 години од првото прикажување на анимираниот цртан филм „Паробродот Вили“, кој е првиот звучен цртан филм во историјата.

Покрај тоа што претставува пресвртна точка во анимираните филмови, „Паробродот Вили“ е и првиот цртан филм на Мики Маус. „Паробродот Вили“ е краток цртан филм во режија на Волт Дизни и Уб Иверкс.

View this post on Instagram

Happy Anniversary to Walt and Lillian Disney. They were married 95 years ago today. 💘 These photos (of photos) were taken on my first trip to the @wdfmuseum, just last year. They were displayed on a wall with multiple framed photographs of the loving couple. 💘 Image 1: Walt and Lilly, circa 1932. Image 2: Walt and Lilly on deck of the S.S.Rex arriving in New York from a European trip, August 1935. Both photographs are courtesy of The Walt Disney Company. 💘 #WaltDisneyMuseum #WaltDisney #LillianDisney #WaltAndLillian #WaltAndLilly #WaltAndLillianDisney #WaltAndLillyDisney #WDFMuseum #WaltDisneyFamilyMuseum #disneyhistory #DisneyFamilyMuseum

A post shared by Disney Sisters (@disneysisters) on Jul 13, 2020 at 10:18pm PDT

Произведен е во црно-бела боја од студиото „Волт Дизни“. Во ова остварување за првпат се појавува Мики Маус, како и неговата девојка Мини. Тоа е исто така прв филм на Дизни со синхронизиран звук, како и прво остварување со неговата оригинална музика.

View this post on Instagram

Autumn has arrived 🍂 🎃🐭 #mickey #mickeymouse #fantasy #disney #steamboatwillie #disneyaddict #disneygirl #castle #quoteoftheday #disneydreamer #mylife #disneyland #disneyworld #hakunamatata #princess #princessandthefrog #disneyquotes #disneylife #disneyfan #disneylandparis #disneyprincesses #lovedisneyland #mickeycollection #minnie #disneyparks #disneymagic #disneyinsta #disneylove #mickeymemories #hiddenmickey

A post shared by disney_adventura (@disney_adventura) on Sep 20, 2020 at 6:26am PDT

Веднаш по својата премиера, „Паробродот Вили“ станал најпопуларниот цртан филм на своето време. Во 1994 година „Паробродот Вили“ е рангиран во 50-те најдобри цртани филмови на сите времиња, заземајќи го 13. место. Американскиот национален филмски регистар го карактеризираше како културолошко, историско и естетски значајно достигнување.

Во текот на следната седмица, поточно од 28 септември до 3 октомври, ќе се одржи Фестивалот на комедијата ,,Гола месечина“, кој е во заедничка продукција на НУ „Театар комедија“ и на Општина Аеродром.

,,Фестивалот на комедијата годинава се одржува малку подоцна, на поинаква локација и со малку подизменет концепт. Мора да истакнеме дека долго анализиравме дали воопшто да се одржи годинашново издание на Фестивалот или да се одложи за следната година. Сепак, одлучивме да го одржиме, но да е од ревијален карактер, со тоа што годинава ќе изостанат претставите од соседството, а целосниот фокус ќе биде ставен врз македонската продукција на комедии. И локацијата на одржување на фестивалот е сменета, бидејќи така налагаат протоколите, па овој пат тој ќе се одржува на фудбалското игралиште покрај детската градинка ‘Сонце’ во реонски центар Аеродром.

Подготовките за овогодишното издание веќе привршуваат, а програмата на фестивалот ќе биде објавена кон крајот на оваа седмица. Целата органзација и реализација се одвиваат во рамките на протоколите кои се одобрени од страна на Комисијата за заразни болести за организација на настани на отворено. Ќе бидат запазени сите мерки за безбедно следење на фестивалот од публиката, како и за безбедноста на сите учесници. Задолжително ќе биде носењето заштитни маски, столчињата на кои ќе седи публиката ќе бидат распоредени на соодветно растојание, а ќе бидат спроведени и сите други мерки кои се во согласност со протоколите за одржување настани на отворено. Сите претстави ќе почнуваат во 20 часот, а вратите за влез на публика ќе бидат отворени од 19 часот. Како што споменавме, во текот на оваа седмица ќе ја објавиме целосната програма на фестивалот, како и протоколот“ – истакнуваат од управата на „Театар комедија“.