Контакт

концерти

Поповиќ: Покојниот градоначалник несебично го помагаше „Охридско лето“

Објавено пред

Во чест на покојниот градоначалник на Охрид, Јован Стојаноски, вчера српските солисти, мецосопранот Александра Петровиќ и тенорот Стеван Каранац, заедно со Српскиот камерен оркестар одржаа класичен концерт во рамките на фестивалот „Охридско лето“.

Публика уживаше во внимателно одбраниот репертоар со дела од Росини, Шопен, Сичински, Крајслер, Елгар, Лехар, Чајковски, Маскањи, Дебиси, Штраус и Калман.

Како што истакна директорката на Националната установа „Охридско лето“, Наташа Поповиќ, овој настан со исклучително талентирани уметници е посветен на Стојаноски кој несебично го помагал фестивалот.

„За жал, не успеавме до крај да ги реализираме нашите заеднички визии за напредокот на оваа национална установа и останавме без нашиот искрен пријател и поддржувач. Не постојат зборови со кои можеме да ја утешиме болката за загубата на семејството, ниту зборови со кои ќе ја искажеме благодарноста за неговиот придонес во градењето на успешната приказна наречена „Охридско лето“. Во овој момент ја нема насмевката на нашите лица, но покрај тагата, чувствуваме гордост и чест што бевме пријатели со човекот што го красеше добрината, искреноста и човечноста“, рече Поповиќ.

Младата уметница Александра Петровиќ првпат настапува на фестивалот „Охридско лето“, но како што нагласи, е воодушевена од организацијата на концертот и гостопримливоста на домаќините.

„На фестивалот „Охридско лето“ настапувале мои колешки и пријателки, но јас ја немав таа можност се’ досега. Навистина огромна е честа зашто знам дека на овој фестивал што постои долго, настапувале многу еминентни уметници“, рече мецосопранот Петровиќ.

И според тенорот Стеван Каранац, концертот на „Охридско лето“ бил воодушевувачки, не само за публиката, туку и за самите уметници.

„Исто како и публиката, и ние уживавме на сцената. Со мојата колешка Александра завршивме оперски студии во Народниот театар така што имаме прилика да соработуваме со големи стручњаци како што е маестро Ѓорѓе Павловиќ со кого го изведовме овој концерт, но и со нашите помлади колеги од оркестарот“, додаде Каранац.

Уметничкиот директор и диригент на Српскот камерен оркестар, Ѓорѓе Павловиќ, рече дека воодушевувачка е идејата, фестивалот „Охридско лето“ да ја прошири културната понуда и надвор стандардниот термин во лето.

По завршувањето на 58-то издание, „Охридско лето“ организира два концерти надвор од востановениот фестивалски термин. На 18 декември минатата година настапи еден од најоригиналните изведувачи на денешната класична музичка сцена, италијанскиот пијанист Емануеле Арчиули, а еден месец претходно, во фестивалската историја се впишаа и имињата на пијанистот Александар Синчук и флејтистот Артем Науменко од Русија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

Басистката Андреа Мирческа е првата жена добитник на наградата за најдобар млад џез-музичар „Златен орикс“

Објавено пред

Басистката Андреа Мирческа е добитник на годинешната награда за најдобар млад џез-музичар „Златен орикс“, доделена од „Катар ервејс“ како дел од Скопскиот џез-фестивал. Авиокомпанијата, која е традиционален поддржувач на фестивалот, ја доделува наградата за најдобар млад џез-музичар веќе трета година по ред за поддршка на младите музичари во нивните достигнувања од областа на културата.

Годинешната добитничка Мирчевска е прва жена што ја добива оваа награда откако претходните две години признанието заврши во рацете на пијанистот/клавијатурист Филип Димишковски и тапанарот Виктор Филиповски. Наградата ѝ беше врачена во вторникот на церемонијата во МКЦ клуб-ресторанот во Скопје.

Мирчевска студира џез-контрабас на Факултетот за музичка уметност во Скопје, во класата на професорот Кирил Туфекчиевски, каде што во моментот е дипломец. Иако е млада музичарка, таа веќе стекна значително искуство во џезот преку повремени настапи со групата „Летечки пекинезери“, а воедно беше дел од музичкиот фестивал во Сараево, учествуваше и во голем број концерти на „Јордан Костов трио“. Покрај редовните настапи на клупските џез-свирки во Скопје и другите градови во земјата, таа моментно е вклучена во најновиот авторски проект „Шамба“ на гитаристот Бојан Петков. Таа е исто така вклучена во многу уметнички проекти, како што се ГОДО, „Танго ритмо“, „ЗиБомб лабаво“ и „Фанки“ и други.

„Среќна сум што годинава сум добитник на оваа награда. Особено што мислам дека признанието доаѓа во време кога сè уште сум на почетокот на мојата музичка кариера, што е индикација дека го направив вистинскиот избор кога станува збор за музиката. Оваа награда ќе биде поттик да продолжам да работам на мојот сопствен развој и да понудам нови и квалитетни проекти“, изјави победникот Андреа Мирческа.

Годинешниот Скопски џез-фестивал се одржува од 17 до 20 октомври во Македонската опера и балет, МКЦ и клубот „Епицентар“. Во фокусот на годинешното издание на фестивалот ќе биде одбележувањето на 50-годишнината од германската издавачка куќа ECM Records, на која ќе настапат светски познати звучни музичари, како што се американските гитаристи Дејвид Торн и Фред Фриц со своето трио, квартетот на Анару Брам, грчкиот лирски мајстор Сократ Синопулос, бендот „Арт ансамбл на Чикаго“, триото на норвешката џез-сензација Торд Густавсен, францускиот басист Joоел Леандер и многу други истакнати музичари. На Скопскиот џез-фестивал ќе бидат претставени и еклектичниот „Оркестар на магијата“ на Џијан Емин и групата Next To Silence.

„Катар ервејс“ е национален превозник на државата Катар, на патниците им обезбедува глобална мрежа од повеќе од 160 деловни и туристички дестинации, кои се достапни преку неговиот центар во Доха. Со отворањето на својата трговска канцеларија во Скопје пред две години овие дестинации нудат патувања како никогаш порано за патници од Северна Македонија.

Прикажи повеќе...

концерти

Концерт на Филхармонијата со дела од Дебиси, Копланд и Коларовски

Објавено пред

Филхармонијата, в четврток, 17 октомври, во 20 часот, ќе одржи концерт со наслов „Ќе се разбудам ли пак“, на кој ќе прозвучат дела од Дебиси, Копланд и Коларовски.

Насловот е извлечен од истоимениот вокален циклус на Гоце Коларовски (1959-2006), чија „Симфонија“ ќе биде дел од програмата на овој концерт. Со нејзината изведба Филхармонијата ќе одбележи 60 години од раѓањето на овој значен македонски композитор.

„Музичкиот опус на Коларовски е автентичен и препознатлив и во него доминира суптилен израз кој вешто ротира околу современата естетика изградена на интересни созвучија. Звукот во делата на Коларовски речиси секогаш е проткаен со своевидна мистика, специфична оркестрација и особен акцент на динамиката и музичкиот колорит. Симфонијата за оркестар, солист и ансамбл-баритони е негова дипломска работа и во неа може да се почувствуваат никулци на она што подоцна во своето творештво ќе го развие како автентичен музички израз и јазик“, се вели во најавата за концертот.

Како солист во изведбата на ова дело ќе настапи басот Владимир Саздовски, како и ансамблот баритони при хорот „Проарс“.

Под диригентката палка на маестро Сашо Татарчевски на овој концерт ќе прозвучи и Концертот за кларинет и оркестар од Арон Копланд во изведба на исклучителниот шпански кларинетист Пабло Бараган. Критиката пишува дека кларинетот под прстите на Бараган добива специфична сензуална боја и дека поседува силна и заведувачка техника со која му дава посебна моќност на овој дувачки инструмент.

На овој концерт Бараган ќе го чуеме како солист и во изведбата на „Прва рапсодија за кларинет и оркестар“ од францускиот композитор Клод Дебиси. Овој фантастичен композитор, чии дела имаат препознатлива структура и звучност, бил во постојан допир со природата – таа била негова вечна инспирација. Иако естетски и стилски неговиот опус има премногу допирни точки со автентичкиот концепт на импресионизмот, тој никогаш не сакал своето творештво да го става во рамка. Не сакал да го нарекуваат импресионист.

Иако „Првата рапсодија“ ја напишал за соло кларинет како нарачка на Парискиот конзерваториум, веќе една година подоцна го оркестрирал делото и тоа почнало да се изведува со оркестар. Делото е своевиден тест за кларинетот, ги истражува неговите можности и перформанси преку специфичен јазик и музичка естетика.

Прикажи повеќе...

концерти

Со претставата „Импулс #вол13“ отворена новата сезона на танцот

Објавено пред

Во Музејот на современа уметност, синоќа со изведбата на претставата „Импулс #вол13“, Скопје танцовиот театар ја отвори сезоната на танцот 2019/2020. Уникатниот амбиент, концептот и кореографиите на Адријана Данчевска, Дејан Битровски и Рисима Рисимкин, во простор осмислен од визуелните уметници Матеа Мијановиќ и Ивана Мојсовска, за публиката обезбедија несекојдневно естетко доживување.

„Вечерашниот настап во Музејот на современа уметност е она што сме ние во суштина. Уметностите секогаш одат рака под рака, а оваа локација и сценографија дополнително го оплеменија првото претставување за оваа сезона. Скопје танцовиот театар повторно покажува дека има извонреден број на следбеници, млада публика, која редовно нѐ следи и ужива во нашите проекти, што претставува голем поттик за нас. Уште една возбудлива сезона е пред нас и се радуваме на вака убав и впечатлив почеток. Голема благодарност до Музејот на современа уметност за соработката “, истакна Рисима Рисимкин,

На синоќешната претстава, беа претставени три приказни преку тензичен и возбудлив танц на Анастасија Данчевска, Бобан Русески, Исидора Краљевска, Борис Богдановски, Дамла Пинар Башар, Сара Цветковска, Анастасија Данчевска, Јована Зајкова и Тереза Лазарев. Младите танчери и кореографи беа поздравени со овации, а присутните потоа ги забавуваше музиката на познатиот диџеј Soul Case.  

„Скопје танцовиот театар“ ветува богата сезона, нови оригинални продукции, гостувања на кореографи од странство, но и гостувања на театарот низ земјава и во странство. Покрај редовните активности, театарот се подготвува и за гостувањето во Националниот театар за современ танц „Шајо“ во Париз, во сезона 2020/2021. Престижниот француски театар, еден од симболите на светската културна елита, ќе биде домаќин на „Скопје танцовиот театар“ следната сезона, во која „Шајо“ ќе одбележи еден век постоење.

Прикажи повеќе...

Најново

Македонија2 часа

(Видео) Заев до европските лидери: Бидете наши херои, не гасете ја ѕвездата кон која се стремиме

Премиерот Зоран Заев попладнево е во Брисел, каде што заедно со еврокомесарот Јоханес Хан одржа прес-конференција во обид да издејствува...

Европа4 часа

Карл Билд: Ветото на Франција би значело колапс за кредибилитетот на ЕУ на Балканот

Шведскиот политичар Карл Билд на „Твитер“ порача дека ЕУ се соочува со можноста за пропаѓање на целиот нејзин кредибилитет на...

Македонија5 часа

АВМУ: Досега не е побарана промена на сопственоста на „1ТВ“

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат...

Македонија6 часа

Велика Британија го ратификува протоколот за членство на Северна Македонија во НАТО

Велика Британија денеска го ратификува протоколот за полноправно членство на Северна Македонија во НАТО. Британскиот министер за надворешни работи, Доминик...

Македонија7 часа

Заев: Ако нема одлука за датум, Владата може да падне

Понатамошно одлагање за добивање датум за преговори со Европската Унија би можело да доведе до пад на Владата, рекол премирот...

Македонија7 часа

Прогласени пет нови природни реткости – меѓу нив и Чинарот во Охрид

Министерот за животна средина и просторно планирање донесе решение за прогласување 5 нови природни реткости: Киселичката пештера, Чинарот во Охрид,...

Свет8 часа

(Видео) Кара: Додека не го исчистиме регионот од терористи, акцијата во Сирија нема да престане

Операцијата „Извор на мирот“ на Турција во Сирија ќе продолжи сè до расчистување на регионот од терористи. Досега се убиени...

Регион9 часа

Малолетник украл автобус и ги развезувал патниците низ Белград

Младо момче, според неофицијални информации малолетник, за време на такси-блокадата во Белград, украл автобус на линијата 59, кој го држи...

Македонија9 часа

Јанакиески: Не можам да бидам вработен, една година сум во притвор

На повторниот нов почеток на судењето за предметот „Насилство во Општина Центар“, судијата Душан Јосифов им го утврдуваше идентитетот на...

Свет11 час

Ким Џонг-ун јавајќи бел коњ се искачи на корејската света планина

Водачот на Северна Кореја, Ким Џонг-ун, вети дека ќе ги совлада меѓународните санкции за кои рече дека донеле многу тешкотии...

Свет11 час

Ердоган го одби повикот на САД за примирје

Турскиот претседател, Реџеп Таип Ердоган, го одби повикот на САД за итен прекин на огнот во северна Сирија. Ова следува...

Свет11 час

Семејство во Холандија живеело 9 години во подрум чекајќи го крајот на светот

Во подрумот на куќа во Руинерволд, Холандија, е пронајдено семејство што таму живеело изминативе девет години чекајќи го крајот на...

Регион12 часа

Полицијата во Словенија во воз пронајде 13 килограми хероин вреден над милион евра

Словенечката полиција откри повеќе од 13 килограми хероин во меѓународен патнички воз што патувал од Турција за Австрија, што е...

Европа12 часа

САД ги повикаа каталонските демонстранти на умереност

Соединетите американски држави ги повикаа каталонските демонстранти на умереност во реакцијата на судската пресуда за политичарите што организираа референдум за...

Македонија23 часа

Спасовски најави намалување на казните за сообраќајни прекршоци

Потпретседателот на СДСМ и министер за внатрешни работи, Оливер Спасовски, на граѓанската трибина во Кичево најави дека наскоро ќе следува...

Свет1 ден

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија1 ден

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа1 ден

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Регион1 ден

Косово го повлече барањето за прием во Интерпол

Премиерот во оставка на Косово, Рамуш Харадинај, денеска испрати писмо до Собранието на Интерпол во кое се вели дека Приштина...

Спорт1 ден

Михајлов ја презеде одговорноста, си поднесе оставка

Претседателот на Фудбалскиот сојуз на Бугарија Борислав Михајлов ја напуштил функцијата по расистичките испади на навивачите на синоќешниот квалификациски натпревар...

Досие