Контакт

Актуелно

Симпозиум во МСУ на тема „Еј, што имаме да изгубиме? Архивирањето како колективен чин на отпор“

Објавено пред

Во Музејот на современата уметност вечерва во 20 часот почнува меѓународниот симпозиум на тема „Еј, што имаме да изгубиме? Архивирањето како колективен чин на отпор“. Симпозиумот го организира Здружението за современа уметност и кураторски практики „Проектен простор Прес ту егзит“ од Скопје.

Иницијална каписла за одржување на овој настан е пожарот што пред две години  го уништи Заводот за урбанизам и архитектура во Скопје и во кој голем број значајни документи беа пеплосани.

„По пожарот во кој беше уништен најголемиот дел од архивата на заводот како планови, меморандуми, извештаи, брошури, книги, урбанистички студии и макети, руините на објектот беа изложени на случајните минувачи. Ние како здружение реагиравме веднаш по пожарот, кога видовме дека барикадите околу просторот се отворени, а сите материјали расфрлани. Тогаш предложивме да го собереме сето она што остана. Во акцијата за расчистување на дел од документите и предметите што не изгореа успеавме да спасиме значајни документи од постземјотресно Скопје. Веднаш реагиравме во Државниот архив, Асоцијацијата на архитекти на Македонија и Музејот на град Скопје од каде добивме поддршка. И еве, две години подоцна, успеавме да поканиме и гости од странство и да ја претставиме идејата и да покажеме до каде сме стигнале со првичната замисла. Целта е да се создаде продуктивна дискусија и наедно гостите панелисти од странство да ги пренесат своите искуства, за тоа кои модели тие ги користат во своите земји околу архивирањето на значајни документи од културното наследство. Се стремиме кон таа убава, хумана идеја дека ќе ја сочуваме некако историјата и материјата за понатамошни изучувања. Сите треба да не интересира таа продукција на знаење и тоа заедничко одење понатаму“, велат Јане Чаловски и Христина Иваноска од „Прес то егзит“.

Настанот ќе биде од јавен карактер и секој заинтересиран посетител може да ги проследи панелите на учесниците овие два дена.

Во првиот панел вечерва ќе зборуваат Сабина Саболовиќ – членка на кураторскиот колектив од Хрватска What, How & for Whom/WHW, која ќе зборува за кураторскиот пристап кон архивата како нешто што оди подалеку од ригорозната или научна дефиниција. Илустрираното предавање на Чарлс Еше – директор на Ван Абе музеот од Ајндховен ќе се фокусира на музејот и употребата на музејските збирки, документација, спомени и односи во создавање специфични изложби и истражувачки проекти. Себастиан Цихочки – главен куратор на Музејот на модерна уметност во Варшава, во својата презентацијата ќе зборува за експериментот Бродно Биенале (Варшава, 2018).

Следниот ден програмата ќе почне во 12 часот на пладне и свои излагања ќе имаат претставниците на трите партнерски организации: Наташа Бодрожиќ (Слободни врски, Загреб), Марјока де Греф и Анастасија Пандиловска (Санс анд Старс, Амстердам), Јане Чаловски и Христина Иваноска („Проектен простор Прес ту егзит“, Скопје) кои се иницијатори и организатори на проектот „Заемно поле на културната меморија“ во чии рамки се одржуваат овие настани. Ќе биде промовирана и книгата „Потрошувачка култура на Социјалистичка Југославија“ на проектот Мотел Трогир. Понатаму свои излагања ќе имаат и Јасминка Намичева од Музеј на град Скопје, Сузана Стамболиска Мечевска од Државниот архив на Република Северна Македонија, Васе Аманито Петровски – фотограф, Лидија Пајевиќ – конзерватор на фотографија, Владо Данаилов – архитект и Ноеми Чаусидис – архитект.

Во рамките на настанот на 1 јуни ќе биде отворена и изложба на уметниците Антонис Питас од Холандија, Тјаша Калкан од Хрватска и Јане Чаловски, курирана од Јованка Попова, како и изложба на дел од материјалите, кои беа прибрани за да се заштитат од понатамошно уништување од опожарениот Заводот за урбанизам и архитектура во Скопје во 2017 година.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Актуелно

Хуманитарен концерт и донаторска акција за лекување на Јана Арсовска

Објавено пред

Во рамките хуманитарната акција за лекување на Јана Арсовска (33) од Охрид, која боледува од многу редок карцином, во сабота 12 октомври од 19:30 часот во Центарот за култура „Григор Прличев“ во Охрид ќе биде одржан хуманитарен концерт под мотото „ЗАЕДНО ЗА ЈАНА“ на кој ќе настапат Фолтин, Камелеон, Ѓоко Танески и Владимир Четкар.

Цената на влезницата е 300 денари, а сите собрани средства ќе одат на сметката за лекување на Јана.

Во рамките на првиот месец од кампањата за собирање средства за лекување на Јана, на сите сметки (банкарските денарска и девизна, броевите за донации преку телеком операторите и интернет донирањето на gofundme.com/hopeforjana) собрани се речиси 80.000 евра, додека пак цената на целокупниот третман во Барселона чини 213.329 евра.

Болницата во Барселона, која се согласи да ја лекува Јана, не прифаќа аванс за почеток на терапија, туку бара истата да биде исплатена во целост пред почетокот на лекувањето. Токму затоа акциите за донации мора да зачестат и да добијат на поголем обем.

Охриѓанката  Јана Арсовска (33) е болна од многу редок карцином, адултен неуробластом во рамките на чие лекување двапати беше трансплатирана со коскена срж (2016 и 2018 година) со поддршка од ФЗО на Република Македонија.

По втората трансплатација специјалистите од клиниката во Фленсбург, Германија, каде Јана била лекувана препорачале итно продолжување на лекувањето со имунотерапија, нешто што беше одбиено од Фондот за здравствено осигурување.

Дополнително, од страна на ФЗО не и била понудена алтернатива за третман на болеста и покрај одбивањето на итното барање на германските специјалисти, кои неколку пати нагласиле дека без имунотерапија животот на Јана е сериозно загрозен.

Јана е веќе 10-ти месец без терапија, а донаторската акција во моментов е единствената надеж дека ќе успее да ги собере парите за терапијата која е докажана со децениски истражувања и е дел од стандардните протоколи за лекување на оваа болест во сите развиени земји во светот.

Хуманитарниот концерт во Охрид е само еден од настаните преку кои одговорните граѓани во Македонија наоѓаат начин како што побргу да и помогнат на Јана да ја добие шансата која ја заслужува.

„Изминатите 10 месеци поминаа во чекање на човечност, хуманост и почитување на законите од институциите кои потфрлија и ја оставија на немилостa на опасниот и редок канцер, односно на милоста на хуманите и одговорни граѓани, индивидуалци, групи и компании. Останатите начини за донирање во секој еден момент се преку мобилните оператори Т-Мобиле на 143 -143 и преку А1 на 143-467. Донации преку денарска жиро сметка може да се уплатат на 5305-0001-0490-410, Охридска Банка а сметката за банкарски уплати од странство е IBAN:MK07530280003077681 , SWIFT: OHRDMK22. Преку интернет може да се донира на страницата gofundme.com/hopeforjana“, информираат од тимот кој се бори Јана да добие соодветен медицински третман.

 

Прикажи повеќе...

Актуелно

Започна 34. издание на Фестивалот на забавни мелодии „Макфест“

Објавено пред

Со препознатливата макфестовска химна, синоќа во Центарот за култура „Ацо Шопов“ во Штип започна 34-то издание на Фестивалот на забавни мелодии „Макфест”.

„Задоволство е да се биде на еден фестивал, кој долги години, почнувајќи од далечната 1986 година во контиунитет е бренд на градот Штип, но истовремено е и симбол на препознатливост на нашата музичка култура и во многу пошироки рамки“, истакна Министерот за култура Хусни Исмаили пред почетокот на првата фестивалска вечер на „Макфест“.

Тој додаде дека овој фестивал на забавната музика, кој опстојува 34 години стана бренд не само на градот Штип, туку е и манифестација која овозможи бројни сегашни музички ѕвезди да блеснат на сцената за прв пат.

„Овој фестивал можеби е и повеќе на текстописците, на композиторите и на многу луѓе коишто работат позади сцената, вклучувајќи ги и новинарите. Со еден збор сакам да кажам дека поради значењето на овој фестивал, ние како Министерство за култура и понатаму ќе продолжиме да го поддржуваме, а како што и оваа година беше и нашата најголема поддршка во однос на минатите години“, вели Исмаили.

Во рамки на 34-то издание на Фестивалот на забавни мелодии „Макфест“ во двете полуфинални вечери ќе бидат изведени 30 композиции, а финалната вечер е во сабота.

Прикажи повеќе...

Актуелно

Поетите Танос Гогос од Грција и Марија Дејановиќ од Хрватска на „Словорум“ во Струмица

Објавено пред

Здружението за развој на култура и заштита на културното наследство „Контекст – Струмица“ во петок (11 октомври), во коктел бар South side со почеток во 19:30 часот, организира Балканско поетско читање и разговор (Словорум) со поетите Танос Гогос од Грција и Марија Дејановиќ (Хрватска). Разговорот ќе го води и модерира Митко Гогов.

„Секојдневно сме сведоци на огромната книжевна продукција и во овие брзи времиња навистина е важно да бидеме во тек со современите пристапи во литературата, односно поезијата. Танос Гогос и Марија Дејановиќ се пример за тоа како патувањата, флексибилноста, адаптацијата во различни простори, номадството, ослободувањето од наметнатите стандарди и норми во општеството можат да бидат круцијален елемент, инспирација за творење, преиспитување на познатите светогледи и аспекти на животот, но истовремено и откривање на пространства кои дополнително не мотивираат за истражување“, велат од здружението „Контекст – Струмица“ во најавата за настанот.

Од таму објснуваат дека „Словорум“ има за цел да направи простор за словото кое доаѓа од различна дирекција и има за цел да облагороди онаму каде што се слуша и да продолжи понатаму во насока полезна како за постоењето на мислата сама по себе, но и на зборот, речта и делото како патоказ кон правото поетско реализирање.

Гостувањето на Гогос и Дејановиќ е прво во низата гостувањата на меѓународни автори предвидени со проектот „Словорум“ кои треба да се претстават пред струмичката публика.

До крајот на месецот „Контекст – Струмица“ ќе ја претстави творечката работа и граѓанскиот активизам со помош на женското писмо на поетесата Дорит Вајсман од Израел.

 

Прикажи повеќе...

Најново

Македонија13 часа

Заев: Мицкоски мисли дека со продажба на уделот ќе ги сокрие трагите во хидроцентралите

Мицкоски мисли дека ако го продаде уделот во хидроцентралите, дека ќе ги затскрие трагите, истакна претседателот на СДСМ и премиер,...

Македонија15 часа

Се демонтира угостителскиот објект од покривот на ГТЦ

Согласно одлуката на Градоначалникот Петре Шилегов, денеска почна демонтажата на угостителскиот објект на кровот на ГТЦ. Со овие активности, велат...

Македонија16 часа

Заев очекува позитивна одлука за ЕУ, Мицкоски смета дека можно е да нема датум

Лидерите на двете најголеми партии СДСМ и ВМРО-ДПМНЕ, Зоран Заев и Христијан Мицкоски денеска испратија пораки за очекувањата во врска...

Македонија18 часа

ВМРО-ДПМНЕ: По примерот на Мицкоски и Заев да се отуѓи од 12 фирми во кои има удел

По примерот на Христијан Мицкоски и премиерот, Зоран Заев, да се отуѓи од 12 фирми во кои има удел. Ова...

Спорт18 часа

Македонија подготвена за полската „стапица“ (галерија)

Македонската фудбалска репрезентација го оддржа официјалниот тренинг на „ПГА Народови арената“ во Варшава, каде што утре од 20.45 часот не...

Македонија18 часа

Соботка: Блокирањето на преговорите штети на кредибилтетот на ЕУ

Претседателот на австрискиот парламент, Волфганг Соботка истакана денеска, во пресрет на состанокот на Интерпарламентарната унија (ИПУ) во Белград, дека секој...

Македонија19 часа

Европската народна партија повика на започнување разговори за пристапување на Северна Македонија и Албанија

Следната недела, земјите-членки на Европската унија (ЕУ) ќе се соочат со стратешки избор во врска со започнувањето на пристапните преговори...

Регион20 часа

Словенија го менува законот – невработените со надомест од 402 евра

Владата на Словенија предложи измени и дополнувања на Законот за пазарот на трудот, со што би се зголемила минималната бруто...

Македонија21 час

Меркел ќе го убедува Макрон да попушти за Северна Македонија и Албанија

Германската канцеларка, Ангела Меркел, и францускиот претседател Емануел Макрон утре треба да остварат средба, која според уверувањата на дипломатите, е...

Бизарно22 часа

(Видео) Тепачка за ,,Патики на Исус“ со мирис на темјан кои чинат 3 000 долари

MSCHF, компанија со седиште во Бруклин, на пазарот пушти во продажба патики кои ги нарече Jesus shoes (Патиките на Исус),...

Топ22 часа

Над 160 казни за возачи во Скопје

Одделението за безбедност на сообраќајот при Секторот за внатрешни работи Скопје на 11.10.2019 во времето од 06,00 до 24,00 часот...

Свет22 часа

Американскиот секретар за внатрешна безбедност поднесе оставка

Претседателот на САД Доналд Трамп соопшти дека вршителот на должноста секретар за внатрешна безбедност, Кевин Мекалинен (48) поднел оставка, а...

Свет22 часа

САД и Кина пред договор, се ближи крајот на трговската војна

САД и Кина се многу блиску до крај на трговската војна, изјави американскиот претседател Доналд Трамп по средбата со кинескиот...

Култура22 часа

„Медена земја“ репризно в недела на „Киненова“

Програмата на фестивалот „Киненова“ продолжува до недела кога во 18 часот, поради голем интерес на публиката репризно ќе биде прикажан...

Спорт1 ден

Македонските фудбалери тренираа во Полска, Адеми е неизвесен за в недела

Македонските фудбалски репрезентативци вечерва го одржаа својот прв тренинг во Варшава, во пресрет на гостувањето кај Полска во мечот од...

Свет1 ден

(Видео) Пожари во Лос Анџелес – евакуирани речиси 100 000 лица

Околу 100.000 луѓе се евакуирани од своите домови во Лос Анџелес поради пожарите кои избувнаа во долината Сан Фернандо, соопштија...

Свет1 ден

Почина рускиот космонаут кој го направи првиот чекор во вселената

Почина рускиот космонат Алексеј Леонов, првиот човек што прошета во вселената на 85- годишна возраст, јавуваат агенциите. Во 1965 година,...

Европа2 дена

Европол: Запленета дрога вредна 85 милиони евра

Помеѓу 16 и 20 септември, Европол координираше обемна операција против трговци со дрога низ цела Европа, трговци со луѓе, криумчарење...

Македонија2 дена

(Видео) Интервју со Мицкоски: Може поседуваме, може не, снимки за „Рекет 2“

Лидерот на ВМРО-ДПМНЕ, Христијан Мицкоски, во интервју за „Макфакс“ рече дека ги продал уделите од седум проценти во хидроцентралите за...

Македонија2 дена

Фросина Ременски времено суспендирана од сите позиции во СДСМ

Фросина Ременски е суспендирана на сите позиции во СДСМ, поради обвинението во продолжената истрага од случајот „Рекет“, изјави денеска премиерот, Зоран...

Досие