Контакт

концерти

Со концерт на 6 октомври се отвора новата концертна сезона на Филхармонија

Објавено пред

Со концертот насловен „Зорнина“ на 6 октомври се отвора новата концертна сезона на Филхармонија насловена „Дамар на слободата“.

dobivaj vesti na viber

„Секоја концертна сезона има ново име, оваа музичка сезона ја насловивме „Дамар на слободата“, а инспирација ни беше последниот концерт во претходната сезона кој беше насловен „Слобода“. Насловот произлезе од слободата која ја донесе своевидното излегување од пандемијата, но и како слобода во музиката, изразот, живеењето. Во новата сезона ќе нè води дамарот, односно „пулсот“ на слободата. Насловите на концертите се инспирирани од архаични зборови во македонскиот јазик, со што сакаме да дадеме акцент на некои заборавени зборови од богатата ризница на нашиот јазик“, вели Тина Иванова, директорка на Филхармонијата.

На концертот на отворањето на сезоната како солисти ќе настапат врвните пијанисти Алексеј Володин и Едит Пења, а диригент е маестро Гудни А. Емилсон од Исланд. На програмата се дела од генијалниот Волгфанг Амадеус Моцарт – три клавирски концерти и увертирата од операта „Свадбата на Фигаро“.

„За првпат во една концертна вечер ќе бидат изведени три концерти за пијано од Моцарт, што претставува своевиден куриозитет на овој концерт“, вели Иванова.

Со концертот насловен „Далга“ кој ќе биде изведен и во Скопје на 12 октомври, оркестарот на Филхармонија ќе гостува и во Белград на 16 октомври. Диригент на овој концерт е маестро Габриел Бебешелеа, а како солист ќе настапи Рафаел Агире на гитара од Шпанија. На програмата се дела од Петровски, Родриго и Чајковски.

„Гостувањето во Белград е од исклучително значење за нашата институција, историски настан за нас“, вели Иванова.

До крајот на сезоната публиката ќе има можност да проследи низа интересни концерти со возбудливи солисти и диригенти и да чуе деликатно избрана програма. До крајот на годината со оркестарот на Филхармонија ќе настапат диригентите Кондрад ван Алфен, Емил Табаков, Борјан Цанев, Виктор Митревски, а како солисти ќе настапат и голем број македонски солисти – виолинистите Владимир Костов и Даниел Лазаревски, чембалистката Цветанка Созовска, тенорот Благој Нацоски.

Насловите на концертите во сезоната „Дамар на слободата“ се извлечени од богатата ризница на архаизми во македонскиот јазик – „Вида“, „Азно“, „Меѓа“, „Далга“…

Во рамки на програмата до крајот на оваа година е и концертот за деца „Магичен глас“ како и концертот „Омаж за маестро Александар Џамбазов“ кој ќе се реализира во рамки на програмата на фестивалот „Денови на македонската музика“.

Филхармонија за првпат по подолго време ќе соработува и со НОБ, со чии ансамбли заедно ќе го изведат Вердиевиот „Реквием“ на „Мајските оперски вечери“ како и музиката на Збињев Прајснер од филмот „Три бои сино“ на режисерот Кшиштоф Кишловски.

Промоција на албумот „Филхармонија во срцето“

На отворањето на новата концертна сезона „Дамар на слободата“ ќе биде промовирано и новото це-де „Филхармонија во срцето“ кое го издаде „Con:tempo“ во соработка со Филхармонија на РСМ.

-Исклучително сум среќна што токму овој концерт се најде на цедето, бидејќи станува збор за изведба во живо – вели Дијана Имери Илкоска, диригентката која во водеше концертот „Филхармонија во срцето“.

Албумот е снимка од истоимениот концерт на Камерниот оркестар на Филхармонија кој го водеше диригентката Дијана Имери Илкоска, а како солисти настапија Елена Дојчинова (флејта) и Владимир Лазаревски (обоа). На албумот може да се слушне изведбата на дела од Антон Аренски, Антонин Дворжак и од македонскиот композитор Томислав Зографски.

Проекција на филмот „Амадеус“ во Кинотека

Во соработка со Кинотеката на РС Македонија, в среда, на 5 октомври со почеток во 20 часот ќе се прикаже антологиското кинематографско дело на режисерот Милош Форман – филмот „Амадеус“ биопик, посветен на генијалниот композитор Волфганг Амадеус Моцарт. Проекцијата на филмот ќе биде своевидна увертира, пред концертот на 6 октомври на кој оркестарот на Филхармонија и пијанистите Алексеј Володин и Едит Пења ќе изведат четири дела од богатиот музички опус на Волфганг Амадеус Моцарт.

-Успеавме да ги обезбедиме правата за прикажување на филмот, откако го исконтактиравме синот на продуцентот на филмот „Амадеус“. Парите со кои требаше да ги платиме парите за прикажување, на барање на продуцентската куќа ќе ги донираме во хуманитарни цели – вели Владимир Ангелов, директор на Кинотеката на РС Македонија.

Филмот „Амадеус“ е снимен во 1984 година, а сценарист е Питер Шефер. Филмот е адаптација на истоимената театарска претстава на Шефер, во која акцентот е ставен на наводното соперништво помеѓу Волфганг Амадеус Моцарт и Антонио Салиери, двајца композитори кои живееле во Виена, Австрија, во втората половина на XVIII век.

„Амадеус“ беше номиниран за вкупно 53 награди од кои освои 40, меѓу кои и осум „оскари“ (вклучувајќи и „оскар“ за најдобар филм), четири БАФТА награди, четири „Златни глобуси“ и една од Режисерското здружение на Америка.

Во 1998 година, Американскиот филмски институт го рангираше филмот на 53. место на листата „100 години… 100 филмови“.

Освен проекцијата на „Амадеус“, Кинотеката во соработка со Филхармонија ќе прикаже уште четири филмови „Малер“ на Кен Расел, „Проба на оркестарот“ на Фредерико Фелини и немиот филм „Сатанска рапсодија“ од 1917 година за кој музиката ја напиша Пјетро Маскањи.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

„Есенски музички свечености“: Концерт на флејтиската Марија Јакимовска и пијаниската Петровска во КИЦ

Објавено пред

Вечерва, со почеток во 20 часот, во Културно-информативниот центар, концерт ќе одржат флејтиската Марија Јакимовска и Билјана Петровска – пијано.

dobivaj vesti na viber

Концертот е во рамките на манифестацијата „Есенски музички свечености 2022“.

Јакимовска Марија е родена 1988 година во Скопје, музичкото образование го започнува на во ДМБУЦ „Илија Николовски-Луј“, во класата на проф. Радмила Попоска.

Своето средно образование го продолжува во ДМБУЦ „Илија Николовски-Луј“, каде што и стекнува диплома за завршено училиште за средно музичко образование и диплома за покажани исклучителни резултати, проширени и продлабочени знаења од областа на науката, уметноста и другите видови дејности за талентирани ученици во јуни 2007 година.

Од октомври 2007 година се запишува како редовен студент на Факултетот за музичка уметност во Скопје – отсек флејта, во класата на проф. Страшо Темков. Во 2011 година дипломира и стекнува титула дипломиран флејтист. Во јуни 2013 година магистрира на ФМУ – Скопје во истата класа. Има посетувано повеќе стручни семинари и мастер-класи кај еминентни професори, како: проф. Лаура Левај и проф. Моше Арон Епштејн, семинари по камерна музика, под раководство на проф. Страшо Темков и други. Настапувала како солист со камерниот оркестар при ДМБУЦ „Илија Николовски-Луј“, настапи со Македонската филхармонија и голем број настапи на културно-уметнички манифестации, хуманитарни концерти и неколку самостојни рецитали. Од 2012 година е член на Скопскиот дувачки квинтет, како и на камерниот оркестар „Скопски солисти“, понатаму на камерниот состав The Quartet, 10-годишен член на квартетот флејти „Аулос“ и симфонискиот оркестар за филмска музика F.A.M.E’.S. . Редовен учесник на едукативни проекти, како еден од позначајните проектот, кој инаку беше дел од паневропската акција Balckboard music project – подржан од ЕУ и Министерството за култура – евроинтеграции и се презентира во две земји (Данска и Белгија) во 2016 година, беше оценет со високи оценки и пријатно изненадувачки прифатен од возрасни групи ( 7-12 гододини) во овие земји.

Добитник е на повеќе лични награди и признанија од државни и интернационални натпревари, семинари. Моментно вработена во оркестарот на Националната опера и Балет.

Билјана Петровска припаѓа на генерацијата македонски музички уметници пијанисти, кои активно творат. Дипломира и магистрира на отсекот интерпретација на пијано. Покрај соло настапите, акцентот на интерпретациското творештво кај неа е ставен на камерното музицирање. Има настапувано со многу македонски уметници, како и со уметници од светот. Досега има многубројни настапи во земјата и надвор од неа и има издадено свој компакт-диск заедно со кларинетистот Петар Колевски, како „Дуо Пан“. Освен со „Дуо Пан“, Билјана е основач и активно настапува и со камерните состави, триото „ВивАрт“, квартетот „Анумус“ и квартетот THE QURTET, со кој исто така активно настапува. За својата дејност како камерен музичар е добитник на награда за исклучителни резултати како камерен музичар на натпреварот за дрвени дувачи инструменти во Пожаревац, Арангеловац, и на меѓународниот фестивал во Перник, Бугарија. Редовно е вработена во ДМБУЦ „Илија Николовски -Луј“ како професор по пијано и пијано-соработник. Како професор по пијано има забележано многу успеси со своите ученици, со освоени награди на државни и меѓународни натпревари. Од 2012 година е хонорарен уметнички соработник на Факултетот за музичка уметност во Скопје.

Прикажи повеќе...

концерти

„Раат“- електроакустична ѓурултија со Џијан Емин

Објавено пред

В четврток, со почеток во 20 часот, ќе се одржи концертот со наслов „Раат“ – авторски проект на композиторот Џијан Емин со оркестарот на Македонската филхармонија.

dobivaj vesti na viber

Концертот е електроакустичен и претставува премиера на новиот музички проект на Џијан Емин, кој воедно ќе застане и зад пултот со оркестарот на филхармоничарите.

„Раат“ е мултимедијална приказна раскажана преку несекојдневен третман на звукот обликуван во препознатливиот авторски стил на композиторот Џијан Емин.

Најубавите работи во животот – љубовта, среќата, мирот, разумот, небото, морето, реките, планините – се бесплатни и не може да се купат. Една од тие убави и важни работи е и раатот што може да го создадеме исклучиво само ние самите. Раатот не можеш да го купиш, ниту да го излажеш или измамиш, не можеш да го предвидиш, можеш да флертуваш со него, но најдобро е да му се препуштиш потполно. Раатот ќе ти даде сила и љубов кога мислиш дека најмалку ја имаш. Ќе ти даде разум кога најмногу ти треба. Ќе ги намести срцето и душата на своите места. Сите си имаме свој раат, на разни места и во разни нешта, но чувството е исто… раат.

Џијан Емин е човек со (без) име и презиме. Токму онака како што своевремено пееше „Архангел“, група во која едно време и самиот беше член. Име и презиме, кое се запаметува на прва, човек за кого и светот слушна. Неговата силна желба сето она што како музички уметник во младоста го стекнал и го практикувал да го преточи еден ден во, велат, најкомплексниот сегмент од најубавата уметност – диригирањето нему му се оствари. Џијан Емин застана зад пултот со Македонска филхармонија во повеќе значајни проекти изминативе неколку години, во некои од нив и како оркестратор привлекувајќи го силно вниманието на јавноста.

На пример, масовните концерти „Скопје за Боуви“ и „Пинк флојд“ во Градскиот парк на манифестацијата „Види музика, слушни слика, добиј книга“, музичко-сценскиот спектакл „Музика универзалис“ во охридскиот Антички театар, со еден од пионерите на детроитската техносцена, Дерик Меј, и повторно Македонската филхармонија, проект со кој го прошета светот (САД, Австралија, Франција), потоа се памети и настапот со Белградскиот симфониски оркестар и американскиот диџеј Јуан Аткинс – уште еден експериментален влог во кој фузијата на електронската и класичната музика се покажа мошне инспиративна, минатогодишниот концерт „Париз, те сакам“ по повод Денот на вљубените, на кој француски познати шансони беа во негови аранжмани, проект со кој исто така излезе надвор од нашите граници (Прага, Будимпешта), мултимедијалниот проект Neuland Sensorium, што се одржа во „Мала станица“, а кој се издвои како еден од иновативните звучни проекти и во авторска, но и во продукциска конотација, како диригент на Симфонискиот концерти за деца, на новиот и мошне активен ансамбл на Здружението на џез-музичарите на Македонија…

„Секој уметник што се стреми да биде голем презема храбри чекори и одговара на предизвиците во уметноста, кои се круцијални за добивање нови форми, нов израз, нови начини, кои носат воспоставување нови медиуми“. Токму тоа Џијан Емин во разни форми и жанрови досега умешно го прави тежнеејќи да претстави една нова музичка перцепција, да наметне нова звучна естетика, која се базира на неговото навистина огромно искуство како мултимедијален музичар – многу години како прв хорнист во Македонска филхармонија, клавијатурист, гитарист, композитор, аранжер, сега и диригент…

Вели дека не може да ги наброи сите свои досегашни проекти и соработки затоа што се многу. Сепак, ќе издвоиме уште неколку од нив: концертите како хорнист со Македонската филхармонија, но и со Белградската, концертите како класичен солист, камерен музичар, активностите во другите жанрови со бендовите, како што се „Проект жлуст“, Д.Н.О., Квартетот на Георги Шаревски, „Скопје конекшн“, многу проекти со „Архангел“, соработките со Бодан Арсовски, Тони Китановски, Кирил Џајковски, „Фолтин“ и Никола Коџабашија, многуте дискографски изданија, ангажманите со оркестарот за снимање филмска музика „Фејмс“, меѓу чии проекти се најде и неговата оркестрација на музиката на Мет Феди, која го одбележа најголемиот новогодишен огномет, кој беше во Дубаи, соработки со Малколм Брн, продуцент што работел и со „У2“, Питер Габриел или Боб Дилан, потоа со Вилијам Паркер, Грег Хопкинс, Питер Херберт, Дамо Сузуки, Џовани Фалцоне, Френк Лондон, Боб Стјуарт, Џанлука Петрела, Лука Аквино, Ернст Рејсегер…

За Џијан Емин, музиката има магична моќ. На разни начини успева да нè води низ времето, ни ги пренесува мудростите на животот, среќата, радоста, тагата…, несвесно влијае на нашиот разум и нè прави подобри луѓе. Тој го следи своето срце, кое, признава, му нанело многу болки, но за возврат денес ја има слободата што носи безмерна среќа, а која сака да ја споделува со луѓето.

Прикажи повеќе...

концерти

Андре Риу и неговиот оркестар „Јохан Штраус“ утре со концерт во Скопје

Објавено пред

„Крал на валцерот“ од Холандија, Андре Риу, утре, 23 ноември, ќе одржи концерт во арената „Борис Трајковски“ во Скопје.

dobivaj vesti na viber

Риу во Македонија доаѓа со својот „Јохан Штраус оркестар“, најголемиот приватен оркестар на светот, кој бори 60 члена

Концертот се очекува да понуди совршена забава со светски познатите, романтични и мелодии полни со душа, како и со многубројни изненадувања, хумор и првокласни интернационални солисти.

Прикажи повеќе...

Најново

Свет1 минута

Убиен чеченски блогер во Шведска, голем критичар на Кадиров

Познатиот чеченски антирежимски блогер Тумсо Абдурахманов е убиен во Шведска, потврди чеченското опозициско движење 1ADAT. Според извештаите, Абдурахманов бил убиен...

Свет9 минути

Дојава за бомба во авион за Бристол, летот пренасочен кон Прага

Летот на компанијата „ИзиЏет“ од Краков, Полска до Велика Британија безбедно слета откако беше пренасочен кон Прага поради извештаи за...

Македонија26 минути

Блокирани клучните крстосници во Скопје поради протест на превозниците

Поради протестот на приватните автобуски превозници денеска во Скопје од раните утрински часови има посебен сообраќаен режим. „Министерството за внатрешни...

Македонија19 часа

Османи смета дека уставните измени треба што побрзо да стигнат во Собранието и темата да биде затворена

Темата за уставните измени треба што побрзо да биде отворена во Парламентот вели министерот за надворешни работи Бујар Османи. Тој...

Регион20 часа

Остри реакции во Бугарија по ветото од Холандија

Најавата на Холандија дека одлучила да го блокира приемот на Бугарија во Шенген зоната без гранична контрола предизвика остри реакции...

Свет21 час

Огромна победа за жените во Иран, укината полицијата за морал, можеби ќе падне и задолжителниот хиџаб

По неколкумесечните протести во кои загинаа повеќе од 300 луѓе, Иран одлучи да попушти и да ја укине моралната полиција....

Економија23 часа

Бо Буџетот за следната година 800 милиони евра капитални инвестиции

Капиталните инвестиции во Буџетот за 2023 се проектирани на 800 милиони евра. Владејачкиот СДСМ коментира дека буџетот за наредната година...

Економија23 часа

Бислимоски: Домаќинствата со 16,32 проценти помала потрошувачка на струја

Домаќинствата за 16,32 проценти ја намалиле потрошувачката на електрична енергија во скапа (висока) тарифа откако се воведени блок тарифите, покажуваат...

Македонија23 часа

Најстудено на Попова Шапка, снег во Маврово

Утрово најстудено е на Попова Шапка (минус еден степен), а најтопло во Гевгелија (9 степени). Управата за хидрометеоролошки работи соопшти...

Свет24 часа

Трамп повика на укинување на американскиот устав по објавата на интерните мејлови на Твитер

Поранешниот американски претседател Доналд Трамп повика на укинување на Уставот на САД со цел да се сменат резултатите од претседателските...

Македонија1 ден

ВМРО-ДПМНЕ: Предложени 458 проекти низ општините, граѓаните за првпат одлучуваат за што ќе се трошат нивните пари

„Огромна заинтересираност и предложени 458 проекти од страна на граѓаните за само еден ден низ општините каде градоначалниците се од...

Спорт1 ден

Австралија ги намачи, но Аргентинците закажаа дуел со Холандија

Аргентина е во четврт-финалето на Светското првенство и ќе игра против Холандија. „Гаучосите“ успеаја да ја победат Австралија со 2:1,...

Економија2 дена

Ковачевски: Повисоки пензии, повеќе пари за општините и здравството во буџетот за следната година

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи...

Македонија2 дена

МВР: Немало закани кон полицајци во Арачиново, случајот е целосно расчистен

МВР тврди дека никој не им се заканувал на полициски службеници во Арачиново, а случајот е целосно расчистен. „По извршени...

Македонија2 дена

Украдено возило на Итната помош во Кочани, полицијата го пронашла по пет часа

Доцна синоќа околу 03.40 часот од Општа болница Кочани било украдено службено обележано специјално возило „тојота“, сопственост на Итната медицинска...

Свет2 дена

(Видео) САД го претставија новиот стелт бомбардер, може да носи и нуклеарни бомби

САД синоќа го претставија својот нов стратешки стелт бомбардер Б-21 Рајдер, авион што може да лета без екипаж и да...

Македонија2 дена

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Забава2 дена

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Спорт2 дена

Џака: Дресот на Јашари беше за мојот млад соиграч од Македонија

Капитенот на Швајцарија, Гранит Џака, објасни зошто по победата над Србија носеше дрес со презимето Јашари. Играчот од средниот ред...

Македонија2 дена

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...