Контакт

Актуелно

Танц фест 2020 – дводневен уметнички спектакл на отворено

Објавено пред

Викендов, под мотото „Потрага по допир“ се одржа шеснаесеттото издание на фестивалот Танц фест Скопје. На отворената сцена кај МКЦ, публиката уживаше во петнаесет авторски кореографии на млади домашни и гостински кореографии кои го одбележаа 30. јубилеј на македонската современа танцова сцена.

„Исклучително е чувството успешно да се реализира настан во овие околности, а особено годинешниот јубилеј од триестгодишното постоење на македонската танцова сцена. Работевме во рестриктивни околности, но публиката ја почувствува и се соживеа со љубовта што ја прикажавме на сцена. Особено се радувам што и покрај сè, имавме и гостински танчери, дел од програмата ФОКУС:САД кои на љубителите на танцот им покажаа една поразлична димензија, во живо и преку танцови филмови. Годинава на Танц фест Скопје дебитираа најголем број македонски кореографи што навистина ветува. Ќе продолжиме посветено да работиме и да ги шириме границите преку она што најмногу го сакаме – танцот“, изјави Рисима Рисимкин, уметнички директор на фестивалот и кореограф која оваа година прослави 30 година активно кореографско творештво.

Покрај младата кореографка Адријана Данчевска, која годинава, покрај авторската претстава се потпиша и на истоимениот прв македонски танцов филм „ДОМА“, со свои кореографии се претставија Ивана Коцевска, Дејан Битровски, Ивана Балабанова, Валентино Апостоловски, како и апсолвентите при УГД – Бобан Русески, Тереза Лазарев и Сара Цветковска.

Како дел од годинешниот репертоар, фестивалот за првпат ја претстави програмата ФОКУС, со кореографи и танчери од Соединетите Американски Држави – Меган Бриџ и Кристин Бонансеа, кои гостуваа на фестивалот, но и Шамел Питс, кој се престави преку својот танцов филм “Lake of Red”.

Традиционално, и оваа година се додели наградата „МЕНАДА за животно дело“, која ѝ припадна на американската танцова легенда, госпоѓата Џоан Мајерс Браун, и „МЕНАДА за млад уметник во областа на танцот“ со која се закити првата македонска балерина со професионален ангажман во рускиот Бољшој – младата Стефанија Гаштарска.

Како дел од дневната програма на фестивалот, се одржаа неколку танцови работилници со кореографките Меган Бриџ и Кристин Бонансеа, а свој настап како дел од програмта „Танцуваме со Виталија“ имаа и танцовите студија „Reverence” од Струмица, „УЛТРА“ од Куманово, „Анабела“ од Велес, „АКВА“ и “Beatrix Crew” од Скопје.

Дел од годинешните поддржувачи на Танц фест беа Министерството за култура, Град Скопје, американската амбасада и организацијата American Dance Abroad.

Покрај публиката која присуствуваше на отворената сцена во парк МКЦ, настанот беше проследен и интернационално, преку јутјуб-каналот на Танц фест Скопје.

Актуелно

„Потрагата по допир“ – 16. издание на Танц фест Скопје

Објавено пред

Вечерва и утре, со почеток во 20:00 часот, на отворената сцена во парк МКЦ, публиката ќе може да ужива во најголем број авторски претстави на македонските кореографи Адријана Данчевска, Ивана Коцевска, Дејан Битровски, Валентино Апстоловски, Ивана Балабанова, како и апсолвентите на Универзитетот „Гоце Делчев“ – Бобан Русески, Тереза Лазарев и Сара Цветковска.

Покрај нив, од танцовиот маратон со кој ќе се одбележи 30. јубилеј на македонска современа танцова сцена ќе бидат дел и реномираните американски кореографи Меган Бриџ со претставите Consent и Morphic Resonance и Кристина Бонансеа со исклучителната GAMER, кои ќе се претстават пред публиката во живо, додека делата на Стивен Петронио, Шамел Питс и Даг Верон ќе се прикажат онлајн во рамките на фестивалот, за првпат како дел од програмата ФОКУС:САД.

И покрај новиот амбиент и отворена сцена за годинешното издание на Танц фест, заинтересираноста на публиката е исклучителна. Влезот за фестивалот е слободен, но со ограничен број нместа, согласно протоколите донесени од страна на надлежните.

На фестивалот за првпат ќе биде прикажан и првиот македонски танцов филм „ДОМА“ на младата кореографка Адријана Данчевска, во продукција на Скопје танцов театар.

Публиката ќе има можност програмата да ја проследи и онлајн, интернационално, преку јутјуб-каналот на Танц фест, како и преку националната МРТ и локалната ВИС Телевизија Струмица.

Фестивалот е поддржан од Министерството за култура, Град Скопје и американската амбасада во Скопје.

 

 

Прикажи повеќе...

Актуелно

Во новата сезона Филхармонија добива шеф диригент, на програмата дела што може да се изведат со помал состав

Објавено пред

Новата сезона на Филхармонија почнува в четврток (20 часот) со концерт симболично насловен „Музика на два метри“ на кој ќе прозвучи антологиското дело за два гласа и оркестар „Песни за земјата“ од Густав Малер.

Како солисти ќе настапат тенорот Корби Велч (САД) и мецосопранистката Хајке Веселс (Германија). Диригент е Габриел Бебешелеа од Романија, новиот шеф диригент на Филхармонија.

„Исклучително сме среќни што по неколкумесечна пауза повторно се враќаме на сцена. Почетокот на сезона беше навистина тежок, но откако ги изработивме протоколите за заштита можеме конечно да почнеме, во строго контролирани услови кои ќе обезбедат заштита и на музичарите и на публиката. Како што веќе ве информиравме ќе се продава 30 отсто од капацитетот на големата сала или околу 300 билети“, вели директорот Виктор Илиески.

Во рамките на конференцијата за печат беше исто така најавено новото повеќегодишно спонзорство на Филхармонија со НЛБ Банка и Мастеркард кое ќе донесе нови можности за соработка и подигнување на квалитетот на музичката програма и воопшто работењето на оваа реномирана институција.

Целокупната програма во новата сезона е изработена во согласност со параметрите за заштита и вклучува дела кои може да се изведат со помал состав.

„Избравме дела кои може да се изведат со помали состави, за да има простор за дистанца на сцена. Дел од концертите се проекти кои требаше да се реализираат минатата сезона – Концертот со Јерухам Шаровски и Даниеле Акта, настапите на Дмитри Маслеев, Миша Бругергосман, Шерон Ковакс… Во новата сезона ќе настапат исклучителни солисти како руската виолончелиститка Анастасија Кобекина, виолистот Тимоти Рајдаут, виолинистот Филип Квинт и други уметници кои во моментов се актуелни на светската музичка сцена“, истакна Илиески.

Оркестарот во новата концертна сезона ќе го водат диригентите Антони Вит, Емил Табаков, Конрад ван Алфен, Кристијан Рајф…

„Поголем дел од концертите ќе ги води и нашиот нов шеф диригент Габриел Бебешелеа. Тоа што Филхармонија по две децении повторно добива шеф –диригент е исклучително важно за нашата институција. Претходно шефови диригенти биле Ванчо Чавдарски, Тадеуш Козловски, Андреј Андреев, Леонид Николаев. Значаен е и придонесот на Борјан Цанев, кој до лани, пред да замине на ФМУ беше матичен диригент на Филхармонија. Секој од нив оставил трага во развојот на оркестарот, но и во креирањето на програмскиот концепт на иституција. Последниве години бевме во потрага по шеф –диригент, неизмерно сме задоволни што успеавме со маестро Бебешелеа да постигнеме договор за соработка која ќе трае две години. Улогата на шефот диригент за секој оркестар и институција е многу важна, бидејќи тој игра голема улога во креирањето на програмската политика, согласно капацитетот на оркестарот и секако во подигањето на квалитетот и звукот во оркестарот“, нагласи директорот на Филхармонија.

„Имав можност да работам со оркестарот на Филхармонија и она што ме импресионираше е желбата на овој оркестар да свири добро. Имавме големи планови за програмата, но тие делумно пропаднаа поради пандемијата со Ковид-19. На отворање свириме исклучително дело ‘Песни за земјата’ кое одлично кореспондира со целокупната ситуација“, вели маетро Бебешелеа.

На тенорот Корби Велч и мецосопранистката Хајке Веселс кои ќе настапат на концертот в четврток ова им е прв настап по шест месеци.

„’Песни за земјата’ е исклучително дело, посебно последниот став кој претставува победа на смртта. Станува збор за фантастично дело и одличен избор за почеток на сезона во вакви услови“, велат двајцата солисти.

Прикажи повеќе...

Актуелно

Мајкл Мур: Речиси цел свет ги затвори границите за Американците, но може да ја посетите Северна Македонија

Објавено пред

Познатиот американски политички активист, режисер, коментатор и писател Мајкл Мур, познат по своите отворени и критички погледи на глобализацијата, големите корпорациии и насилството предозвикано од огненото оружје, објави статус на својот фејсбук профил, промовирајќи ја земјава како една од само осумте можни дестинации за патување на Американците.

Тој во својот статус со револт зборува за американскиот народ, велејќи дека 60 отсто од народот нема ниту пасош, ниту пак некогаш ја напуштиле државата, па оттаму не можат ниту да ги сфатат последиците од оваа криза, со која, како што напиша, „се справуваат еден идиот и еден социопат“.

На крајот од својот статус, Мур дури и им препорачува на Американците каде да се сместат, ако одлучат да дојдат во земјава.

„Планирате патување за празниците? Знаете дека остатокот од светот нè смести во приватен затвор, така? Дека ни е забрането да патуваме и да влеземе во било која држава на планетата. Само осум држави дозволуваат влез со американски пасош, без никакви рестрикции (карантин, тестирање, виза). Ова се осумте нации каде како Американци можете слободно да патувате, без прашања или лекарска белешка:

Северна Македонија
Косово
Тунис
Турција
Доминиканска Република
Мексико
Малдиви
Србија
(има уште 23 држави кои би нè пуштиле, но со ограничувања и карантини), објаснува режисерот.

„Нас нè сметаат за голем ризик по здравјето за остатокот на светот, повеќето би сакале да откажат посети од американски деловни луѓе, банкари, туристи, студенти, научници, директори на Волмарт, филмски продуценти, продавачи на Кока-Кола. Сите ние сме закана (но, тоа не е ништо ново).

Сведоци се на нашиот неуспех сериозно да ја третираме оваа пандемија. Ја набљудуваат нашата индиферентност, додека дозволивме 165.000 наши луѓе непотребно да умрат (165.000 мртви е еквивалент на педесет и пет 9/11, инцидент што нè натера да полудиме од гнев, барајќи проклет одговор!

Остатокот од светот е вознемирен што во оваа криза нè водат идиот и социопат. За светот ние сме чума. Ние сме опасни. Ние сме болни. Тие ја заклучија портата, го повлекоа катанецот, ја треснаа вратата. Повеќето од нас немаат идеја дека светот нè стави во домашен притвор. Тоа е затоа што огромното мнозинство од нас никогаш не ги напушта САД во текот на животот. Речиси 60 проценти од нас немаат пасош. Имаме мал интерес за остатокот од планетата – и тоа е во ред со нив“, пишува режисерот Мур.

На крајот тој го препорачува Скопје како интересна дестинација за патување во една од државите каде сè уште е дозволен пристап за американски граѓани.

Прикажи повеќе...

Најново

Македонија43 минути

Алаѓозовски и Поповски именувани за национални координатори во Владата

Владата на денешната седница ги именува поранешниот министер за култура Роберт Алаѓозовски и поранешниот министер без ресор задолжен за комуникации,...

Македонија55 минути

Владата одобри целоднeвна настава во училиштата

По препорака на Комисијата за заразни болести, Владата на денешната седница одобри целодневна настава во училиштата. „Одобрена е организацијата на...

Македонија4 часа

(Видео) Потпишан етичкиот кодекс, функционерите се обврзаа на транспарентно и одговорно работење

На седница на Владата денеска беше потпишан кодексот за етичко однесување на носителите на јавни функции. По тој повод, заменик-претседателот...

Свет4 часа

(Видео) Војската на Нагорно-Карабах соборила два азербејџански хеликоптера

Војската на Нагорно-Карабах собори два азербејџански хеликоптера користејќи ракети „земја-воздух“ – „игла“, објави прес-секретарот за ерменското Министерство за одбрана, Шушан...

Македонија4 часа

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија5 часа

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија6 часа

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Македонија6 часа

(Видео) Затворска казна за Груевски, а условна за Јанакиески и за извршителите во „Насилство во Центар“

Судот изрече казна затвор од 1 година и 6 месеци за Никола Груевски, а за Миле Јанакиески условна казна од...

Македонија6 часа

Илјадници ученици и денес не може да се приклучат за онлајн-учење, Царовска повикува на трпение

Фијаско и на генералната проба, Националната платформа за онлајн-учење и денес паѓа. Илјадници ученици, наставници и родители и утрово не...

Свет7 часа

(Видео) Гори цивилен автобус погоден од азербејџански дрон

Ерменскиот министер за одбрана објави на „Твитер“ дека гори цивилен автобус, погоден од азербејџански дрон. In #Vardenis which is located...

Македонија7 часа

Средба Османи – Вархељи: Почетокот на преговорите ќе биде јасен сигнал за европскиот курс на целиот регион

Министерот за надворешни работи, Бујар Османи, во рамките на работната посета на Брисел оствари средба со еврокомесарот за соседство и...

Топ8 часа

Се преврте автобус со 16 војници на АРМ, пренесени се во болница со полесни повреди

Изутринава се случи сообраќајна незгода на патот Струмица – Штип кога се преврте автобус во кој се превезувале 16 војници...

Македонија8 часа

МОН: За еден ден, на платформата за учење на далечина 
се пријавиле над 88 илјади корисници

„Како што беше најавено во текот на вчерашниот ден, кога почнавме со тестирање на Националната платформа за учење на далечина,...

Свет9 часа

Трамп и Бајден ќе се соочат на првата дебата за претседателските избори

За прв пат лице в лице, во првата од трите претседателски дебати, Доналд Трамп и Џозеф Бајден ќе се сретнат...

Свет10 часа

(Видео) Судирот ескалира: соборен авион на азербејџанските сили, убиени се уште 26 ерменски војници

Армијата на Нагорно-Карабах собори авион на азербејџанските сили, изјави портпаролот на претседателот на таа непризнаена република, Ваграм Погосјан. Како што...

Македонија10 часа

Министрите на владина седница ќе потпишат кодекс за етичко однесување

Владата на Република Северна Македонија, денеска, со почеток во 12 часот, во свечената сала ќе ја одржи седмата седница. На...

Свет10 часа

Итна седница на Советот за безбедност на ОН за Нагорно-Карабах

Денеска треба да се одржи итна седница на Советот за безбедност на ООН за регионот Нагорно- Карабах, каде се водат...

Европа10 часа

Село во Романија третпат избра ист градоначалник иако е мртов

Жителите на едно село во Романија го реизбраа истиот градоначалник на локалните избори, иако тој почина пред две недели од...

Спорт19 часа

Дури 11 фудбалери на Џенова имаат КОВИД-19, нејасно е дали Пандев е меѓу нив!

Италијанските медиуми тврдат дека дури 11 фудбалери на Џенова и 3 членови на тимот имаат позитивен тест на КОВИД-19, вклучувајќи...

Регион21 час

Србинка заврши со притвор со новороденчето – била шеф на балканска наркобанда во Шпанија

37-годишна Србинка заедно со нејзиното новороденче е притворена во Шпанија, откако тамошната полиција спровела истрага во која е откриена балканска...

Досие