Култура
Агенцијата за филм досега расчистила со долгови во висина од 470.870.862 денари, се најавува нова стратегија за развој на филмот
Агенцијата за филм на РМ во соопштение до јавноста информираше дека во период од осум месеци успеала да расчисти повеќе од половина од наследените долгови или поточно 470.870.862 денари, а со снимање завршиле четири долгометражни филмови. Изготвиле и нацрт-програма за привлекување интернационални продукции на филмски и други аудиовизуелни дела, а во рамките на новата стратегија за аудиовизуелна дејност во подготовка е и нов закон кој ќе ја регулира дејноста.
„ Од затекнатиот пустош и големите долгови во кои се најде оваа најзначајна институција за филмската дејност, по неполна година успеавме да ја вратиме македонската кинематографија во европската насока, каде што таа бездруго и заслужено припаѓа. Иако мала кинематографија, оваа уметност е силен и можеби најафирмиран автентичен културен производ што ја претставува нашата земја во светски рамки. Откако ја кренавме рампата за криминално работење и претворање на филмот во ситно партиски интерес, каде што авторите биле мотивирани по принципот на ‘наши’ и ‘ваши’, направивме детална анализа за примена на соодветна методологија и критериуми за поддршка на проектите и можеме да соопштиме значајни резултати“, соопштува Агенцијата за филм.
Од институцијата информираат дека приоритетно ќе се стимулира соработка со странски продуценти, а законот ќе им ја олесни работата на домашните продукции.
„Во интензивна соработка со најповиканите во оваа дејност, филмските професионалци, ќе постапуваме по нова стратегија за која ќе биде потребно да се донесе и нов закон што ќе ги олесни административните пречки и нема да остави можност за манипулација, а филмаџиите ќе можат да се посветат на креативниот дел и да се отворат кон странските продуценти. Копродукциите, независно дали се тие од малцински или мнозински карактер, се одлична шанса за македонскиот филм да оди напред. Во стратегијата посебно место посветивме на начинот со кој ќе се привлечат странските продуценти“, се вели во соопштението.
Според новата стратегија, Агенцијата нагласува дека се напушта политиката на мегаломански проекти во кои по секоја цена се нагласува нашата историја, а единствена референца за нивна поддршка ќе бидат квалитетни, модерни, современи сценарија и издржани и темелни продукциски планови. Ветуваат поддршка на повеќе дебитанти и се приклучуваат кон светскиот тренд за поддршка на женските филмски автори.
„ Со рационално користење на буџетот, кој е намален оваа година, се обидовме да дадеме шанса на дебитантите и се надеваме дека само креативната компетиција меѓу повеќе автори ќе даде квалитет. Младите автори мора да добиваат шанса да работат бидејќи искуствата покажуваат дека тие со своите дебитантски дела ја однесоа Македонија подалеку од оние автори од постарата генерација кои добивале значајна поддршка без многу труд, а истите го затворија филмот во провинциски рамки“, стои во соопштението.
Со снимање се завршени четири долгометражни играни филмови , „Здивот на ангелот“ во режија на Јани Бојаџи, „Проект Хепинес“ во режија на Борјан Зафировски, „Дедо и внук“ во режија на Илија Пиперковски и „Господ постои, се вика Петрунија“ во режија на Теона С. Митевска.
На последниот конкурс се финансирани 17 филмски проекти , 3 долгометражни играни со македонски мнозински удел, 5 долгометражни играни со македонски малцински удел, 3 документарни филмови, 5 краткометражни играни и 1 краткометражен анимиран филм и за истите се доделени вкупно 151.375.000 денари.
Поодршката на проекти на конкусрот од национален интерес добиле 16 проекти за организација на филмски фестивали, 1 играна и 2 документарни серии и 4 проекти за проекти од национален интерес кои се однесуваат на Едукативни програми и програми за развој и унапредување на филмската култура и кинематографија и поддршка за членство на Република Македонија во меѓународни филмски организации, и за истите доделени се средства во вкупен износ од 55.320.000 денари.
Почната е процедура за потпишување договор за меѓусебна соработка со Република Бугарија и Република Косово, како и со фестивалот на македонски филм во Торонто, Канада, а се разговарало за потпишување договори за меѓународна соработка со Франција и со Канада (Телефилм Канада).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Претставата „Едмонд“ денес премиерно во Битолски театар
Претставата „Едмонд“ според текстот на Дејвид Мемет, а во режија на Оливер Мицевски, денес премиерно ќе биде одиграна на големата сцена на Битолскиот народен театар. Се работи за петта по ред премиера за оваа година. Директорот Васко Мавровски вели дека во периодот септември 2024 / јуни 2025, е постигнат е апсолутен рекорд на премиерно изведени претстави, 12, а следи и премиерата на “Рибарски караници” која ќе се одигра на 25.07.
„Во овој период одиграни се 129 претстави, или на секои 2.5 дена се изведувала по една претстава. Во салите на НТБ, не посетиле 25.141 гледач, или во просек сме имале по 194 гледачи по претстава“, рече директорот Мавровски.
„ Јас сум радосен што работам овде, бидејќи не сум работел во земјава од 2011, и е убаво да се работи на својот јазик. Ние имавме многу убави осум недели работа и веруваме дека завршивме одлична работа. Беше задоволство да се работи со талентираниот ансамбл на Народен Театар Битола, предводен од Огнен Дранговски, еден од најдобрите актери во Македонија и Балканот. Верувам дека ЕДМОНД ќе стане значајна точка во несомнено богатата историја на Народен Театар Битола“, рече режисерот Оливер Мицевски.
Претставата го следи вртоглавото / спирално патување на бизнисменот Едмонд Бурк и неговите кошмарни 48 часа во њујоршкото подземје, каде што барајќи возбуда и среќа, од баналноста на неговата канцеларија и монотон семеен живот завршува како убиец и подоцна како затвореник, најверојатно осуден на доживотен затвор. Богат со многу параболи, референци на Хамлет и Библијата, прошаран со несекојдневно брутален јазик и агресивни сцени, главното прашање коешто Едмонд го отвора е прашањето на слободата. Што е слободата всушност? Дали потрагата по слобода прави всушност, незабележително да станеме робови на својата (потрага по) слобода. Дали откажувањето / лимитирањето на своите желби го олеснува патот кон слободата? Не случајно, мотото на Едмонд е : “Внимавај што посакуваш.”
Покрај Дранговски во претставата играат Валентина Грамосли, Соња Михајлова, Марјан Георгиевски, Ана Грамосли, Борче Ѓаковски, Александар Стефановски, Филип Мирчевски, Викторија Степановска-Јанкуловска и Маја Андоновска-Илијевски. Сценографијата е на Валентин Светозарев, костимографијата на Благој Мицевски, а музиката на Марјан Неќак.
Култура
Скопско лето: В понеделник џез концерт на Ѓорги Шаревски трио во Сули ан
Дирекцијата за култура и уметност на Скопје в понеделник повикува на џез концерт на Ѓорги Шаревски трио во Сули ан со почеток во 20.30 часот. Покрај Шаревски, ќе учествуваат и Акира Накамура од Окинава, Јапонија на тапани и Оливер Јосифовски на контрабас.
„Извонредна интеркултурна соработка, каде што триото на Георги Шаревски се обединува со еминентниот јапонски тапанар Акира Накамура за динамичен настап што умешно ја обединува источната прецизност со европската џез естетика.Предводено од македонскиот гитарист и композитор Георги Шаревски, фокусот на ова посебно трио се автентични авторски композиции, прецизна меѓусебна комуникација и соврмени хармонски структури. Со приклучувањето на Накамура и неговиот изразен ритмички јазик и смела импровизациска визија, овој исклучителен настап претставува возбудливо музичко патување исполнето со спонтаност, експлозивна енергија и бесконечен грув“, велат од Дирекцијата за култура и уметност.
Публиката ќе има можност да слушне внимателно избрана програма составена од авторски композиции, кои ги прошируваат хоризонтите на современиот џез израз.
Култура
Џез концерт на 30 јуни – Георги Шарески Трио во Сули ан
Во рамки на програмата на Скопско лето на 30 јуни (понеделник) во 20:30 часот во Сули ан (Стара Чаршија) ќе се одржи концерт на Георги Шарески Трио.
Организаторите велат дека овој концерт претставува извонредна интеркултурна музичка соработка, каде што триото на македонскиот гитарист и композитор Георги Шарески се обединува со врвниот јапонски тапанар Акира Накамура, како и со истакнатиот контрабасист Оливер Јосифовски. Настапот нуди динамична комбинација на автентични авторски композиции, ритмичка прецизност, импровизација и бесконечен џез грув.
Програмата опфаќа внимателно избрани композиции кои ја истражуваат границата помеѓу современиот џез и традиционалната музика, исполнета со енергија, спонтаност и иновативност. Ова е прво гостување на Акира Накамура во Македонија – музичар со светска кариера, кој има соработувано со имиња како Хироми Уехара, David Fiuczynski и BIGYUKI.
Билетите се продаваат по цена од 400 денари, и можат да се набават на влезот од Сули ан, на денот на настанот и онлајн преку платформата Купи карти: https://www.karti.com.mk/skopsko-leto.nspx.
Скандалозен тендер за возачки испити, СДСМ бара истрага и одговорност од Тошковски
СДСМ алармира за нов скандал во Министерството за внатрешни работи, овој пат поврзан со сомнителен тендер вреден милиони денари за...
Девојка (27) пронајдена мртва во Дебарско Езеро, Обвинителството истражува
Телото на 27-годишната С.А. од Дебар вчера беше пронајдено во водите на Дебарското Езеро. Како што информираше ОВР Дебар, околу...
(Видео) Најмасовниот руски напад досега, кон Украина полетаа 537 крстосувачки, балистички и хиперсонични ракети и дронови
Украински пилот загина, а неговиот борбен авион Ф-16 е соборен во голем руски ракетен и беспилотен авион напад во текот...
Ѓоковиќ од Вимблдон преку Макфакс порачува: Ветувам, многу бргу се гледаме во Македонија!
Пред почетокот на годинешниов трет гренд слем турнир во Вимблдон, на воведната прес конференција, најдобриот тенисер на сите времиња, Новак...
(Видео) Македонски камионџија уапсен во Грција по несреќата во која загинаа татко и дете
34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која...
Земјотрес рано утринава ги разбуди граѓаните на Валандово и на околината
Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката...
(Видео) Протестот заврши, хаосот почна! Еве што се случуваше откако студентите се повлекоа од белградските улици
Синоќа во Белград се одржа масовен протест во организација на студентите под слоганот „Се гледаме на Видовден“, на кој, според...
Нова крвава ноќ во Газа, најмалку 56 загинати во израелските напади
Најмалку 56 лица се убиени во последниот бран израелски воздушни напади врз Појасот Газа што започнаа вчера изутрина, соопштија палестински...
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата
Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни...
(Видео) Студентите на протестот во Белград ќе развеат знаме „какво што не се очекува“
Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва...
Плоштадот Славија во Белград се преполни, реки луѓе доаѓаат од сите страни на видовденски протест
Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки...
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија
И покрај забраната на Владата на Виктор Орбан, огромен број луѓе денес почнаа да се собираат во главниот град на...
Скенирањето сметки на апликацијата „МојДДВ“ е со прекини, УЈП извести за технички проблеми
Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на...
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите
Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на...
Пијан Турчин приведен во Охрид, со нож влегол во угостителски објект
Охрдиската полиција приведе пијан Турчин. Викал и непристојно се однесувал на улица, а потоа влегол во угостителски објект каде што...
Муцунски: Одлуките донесени во Хаг без водството на Трамп и САД, немаше да бидат можни
Министерот за надворешни работи и надворешна трговија, Тимчо Муцунски, на маргините на НАТО Самитот во Хаг, имаше интервју со етаблираниот...
Разбојништво во фризерски салон во Битола: му го зел прометот на фирзерот и му се заканил дека ќе го испрска со солзавец
Основното јавно обвинителство Битола донесе наредба за спроведување истражна постапка против 22-годишен битолчанец осомничен за кривично дело – разбојничка кражба...
Герасимовски повикува на концерт, ВМРО-ДПМНЕ му ги брои нереализираните проекти: Центар не доби парк и административна зграда кај ПУИК
Откако утрово градоначалникот на Општина Центар, Горан Герасимовски ги повика скопјани на концерт со Александар Тарабунов вечерва, ВМРО-ДПМНЕ во соопштение...
„Ве чекам во 20 часот, на плочникот кај Градски ѕид“, Герасимовски повика на концерт
Градоначалникот на Општина Центар, Горан Герасимовски, ги повика сите скопјани, вечерва да бидат дел од културната манифестација „Центарска симфонија“ што...
Голем видовденски протест вечерва во Белград, студентите се огласија за ненадлежни за она што ќе се случува по 21 часот
Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...
