Култура
(Видео) МНТ ја почнува сезоната со претставата „Еден месец во село“, Паоло Маџели по 30 години во Скопје
Со претставата „Еден месец во село“, Македонскиот народен театар ќе ја почне новата сезона. Делото е напишано од рускиот писател Иван Сергеевич Тургенев, а го режирал Паоло Маџели. Во МНТ ќе се изведува на 29 септември. Претставата, која е трагикомедија, се работела девет месеци, а во делото се раскажува селска приказна каде што Наталија, сопруга на богат човек, и младата Верочка се вљубуваат во истото момче, студент, учител на синот на Наталија. Така скроената ситуација Тургенев ја полни со разни љубови, односно љубовни обиди. За некои ликови таа љубов е извор на надеж за подобра иднина, за некого е занес во кој привремено се губи себеси, некој љуби од навика, друг се согласува со целата илузија, а трет благодарение на љубовта повторно се чувствува жив.
Режисерот Паоло Маџели, кој по 30 години се враќа да работи со МНТ, вели дека не е лесно да се работи текстот од Тургенев бидејќи тој лесно може да се банализира.
„Возбуден сум бидејќи во Скопје доаѓам по 30 години. Деновиве водев интензивен дијалог со овој град, а тоа ќе остане моја тајна, која е мрачна. Се надевам дека овдешниот театарски свет ќе има можност да се покаже и докаже. Среќен сум што се враќам во МНТ“, вели Маџели.
Авторот на музиката, Љупчо Костадинов, рече дека музиката ќе се изведува од самите актери, а процесот на работа не бил воопшто лесен. Актерот Ѓорѓи Јолевски, кој ја игра улогата на богат земјопоседник, вели дека првпат се сретнува со автор како Тургенев и го споредил со Чехов. Јолевски бил внимателен додека го градел ликот, а рече и дека со актерската екипа, која ќе ја изведува претставата, може да се рушат кинески ѕидови.
„Ликот што го играм е комплициран, ситуациите почнуваат комично, а завршуваат трагично. Секоја сцена е поинаква. Ова е трагикомедија која има силни последици врз самите актери. Таа е политичка бидејќи сцената е еден клавир ставен во сено, а претставува како целиот процес на европеизација е заглавен во трски“, рече Јолевски.
Меѓу актерите се и имињата на Сашко Коцев, Никола Ристановски, Тина Трпкоска, Дарја Ризова, Лука Софрониевски, Димитар Илијевски, Александар Цветковски, Дамјан Цветановски. Нино Леви, кој во претставата игра ролја на сосед, вели дека додека работел на претставата, го усовршил свирењето на гитара.
„Она што не ми успеа изминативе години, ми успеа сега. Ослабев 5 килограми“, рече Леви.
Младите актерски имиња беа воодушевени од работата со искусните колеги и режисерот на претставата, Паоло Маџели. Стефан Спасов вели дека работел на четири претстави во МНТ, а со подготвувањето на „Еден месец во село“ тој запознал многу нови колеги и стекнал нови искуства. Дека претставата била исполнета со многу љубов, говореше актерката Ана Стојановска, која ќе глуми слугинка.
„Со Паоло Маџели работев пред 30 години. Многу сакав да го повторам искуството. Драмски го испушти од раце, МНТ беше паметен, па го врати назад. Сите ќе се воодушевите од претставата и целата глума“, вели актерката Катерина Коцевска.
На сцената за време на преставата ќе проаѓаат луѓе што ќе се обидуваат да размислуваат, да мечтаат и да живеат. Ќе се обидуваат да се борат и да се надеваат. Тие истовремено ќе се тажни и смешни бидејќи условите во кои се среќаваат и во кои пропаѓаат нивните различно доживеани љубовни (не)прилики се тесни и досадни.
Премиерата на „Еден месец во село“ ќе се одржи на 29 септември, а првата реприза на 2 октомври во Македонскиот народен театар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Во Центарот за култура „Трајко Прокопиев“ втора Меѓународна изложба на уметничка фотографија Мотус 2025
Здружението за промоција на интелектуални, мултикултурни и спортски вредности – Мотус од Куманово, преку својот Фото клуб – Мотус, во период од 18 декември (четврток) 2025 во просториите на Центар за култура „Трајко Прокопиев“ во Куманово, ќе ја организира втората Меѓународна изложба на уметничка фотографија Мотус 2025.
На изложбата ќе бидат изложени пеесетина фотографии. Учество зедоа 249 автори од 50 земји.
Финансиер на изложбата е Општина Куманово, преку програмата за подршка на културни манифестации за 2025 година, а истата е под патронат на Меѓународната Федрација на Фотографска Уметност (ФИАП 2025/393), (Фото Сојуз на Македонија (ФСМ 2025/003) и Меѓународна Фото Асоцијација Дунав (ДИПА 2025/054).
Изложбата ќе биде отворена на 18 (четврток) декември 2025 во 19:30 часот во просториите на Центар за култура „Трајко Прокопиев“ во Куманово.
Култура
„Интер(но)фејс“ на Борис Шемов во „Мала станица“
На 18 декември 2025 година, со почеток во 20.00 часот, во Мултимедијалниот центар „Мала станица“, во рамките на програмските активности на Националната галерија, ќе биде отворена изложбата „Интер(но)фејс“ на уметникот Борис Шемов, курирана од д-р Ана Франговска.
„Интер(но)фејс“ е мултимедијален проект кој се фокусира на односот меѓу човекот и вештачката интелигенција, на улогата на јазикот како визуелно, идеолошко и комуникациско средство, како и на пост-интернет естетиката како нова културна реалност. Преку различни медиумски форми – текстуални интервенции, видео-содржини, алгоритамски и дигитални процеси – изложбата отвора прашања за моќта, контролата, технологијата и трансформацијата на субјектот во современиот дигитален контекст.
Насловот „Интер(но)фејс“ упатува на двојната природа на интерфејсот – како техничка површина на комуникација меѓу човекот и машината, но и како внатрешен, идеолошки простор во кој се преговараат значењата, одлуките и позициите на моќ. Изложбата го третира интерфејсот не само како функционален медиум, туку како критичка зона на судир меѓу човечкото искуство и алгоритамската логика.
Проектот се надоврзува на актуелните уметнички и теориски дискурси за постхуманизмот, визуелната култура и дигиталната медијација на реалноста. Во таа рамка, „Интер(но)фејс“ ја поставува вештачката интелигенција не како неутрален технолошки алат, туку како активен фактор во креирањето на современите културни, политички и етички релации.
Изложбата „Интер(но)фејс“ може да се посети во периодот од 18 до 24 декември 2025 година во Мултимедијалниот центар „Мала станица“, Национална галерија, Скопје.
Култура
Концерт на Драган Ѓорѓевиќ-Сузуки и Дино Имери во Музејот на македонската борба
На 17 декември (среда), со почеток во 20 часот, во амбиентот на Музејот на македонската борба, ќе се одржи концерт на двајцата истакнати уметници од регионалната и меѓународната сцена – виолончелистот Драган Ѓорѓевиќ Сузуки, еден од најценетите и највлијателни виолончелисти во регионот, и пијанистот Дино Имери, волшебникот на пијаното.
Сузуки е препознатлив по својата извонредна техничка виртуозност, длабока музикалност и силно сценско присуство, а критиката и публиката го вбројуваат меѓу најдобрите виолончелисти на Балканот. Заедно со Дино Имери, еден од најреномираните македонски пијанисти, тие носат концертна вечер од врвен уметнички ранг.
Публиката ќе има можност да ужива во внимателно избрана програма со дела од: Бетовен, Шнитке, Шуман, Дебиси, како и композиции од Имери Илкоска, носејќи свеж и современ израз во концертната вечер.
Концертот е со слободен влез, претставувајќи ретка можност за љубителите на класичната музика да доживеат висок уметнички квалитет и инспиративна интерпретација.
(Видео) Украинците нападнаа уште една рафинерија во Русија
Нафтена рафинерија во рускиот град Славјанск на Кубан во Краснодарската област беше потресена од силни експлозии синоќа. Се верува дека...
(Видео) Филипче го соопшти новото раководство на партијата: СДСМ има нов тим, нова сила – нова енергија!
Претседателот на Социјалдемократкиот сојуз на Македонија, д-р Венко Филипче, по завршувањето на вчерашната седницата на Централниот одбор на СДСМ го...
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во...
Стојаноски: СДСМ ја напуштија седницата кога требаше да се разговара за Резолуцијата за наводни мигранти
Лицемерието на СДС излезе на виделина, ја напуштија собраниската седница кога требаше да се разговара за Резолуцијата за наводни мигранти,...
Уапсен возачот кој денеска со камион усмрти велосипедист во Гостивар
Полицијата го уапси возачот кој денеска со товарно возило усмрти велосипедист во Гостивар. Според информациите на МВР, денеска (16.12.2025) околу...
(Видео) СДСМ бара оставка од директорката на ГАК по смртта на новороденчето: „Има сомнежи за лекарска грешка“
СДСМ бара оставка од директорката на Клиниката за гинекологија и акушерство по смртта на новороденчето. „Денеска со огорченост стоиме пред...
Јавниот обвинител Љупчо Коцевски поднесе оставка
Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...
ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово
Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...
(Видео) Манасиевски: Никој не сака да биде во тимот на Заев и Филипче
„Никој не му се нафаќа на Филипче да му биде дел од тимот, затоа што со Зоран Заев ја држат...
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави „Ројтерс“
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
