Култура
(Видео) Љутков: Власта има купи ден политика во културата, министерката покажува тотално непознавање

Министерката за култура, Бисера Костадиновска-Стојчевска уште еднаш јасно покажа целосна неупатеност во проблематиката, немање на визија, немање концепт за развој на културата, ниту пак грижа за културните работници! Со вакво еклатантно непознавање на културата, Бисера Костадиновска- Стојчевска воопшто не знае кој ресор го претставува!, истакна Зоран Љутков, член на ИК на ВМРО-ДПМНЕ.
„Според неа: Конкурсот за поддршка на проекти од национален интерес во културата, ќе биде објавен на 17 октомври 2022 година. Тоа е незаконски, тоа е кршење на Законот за култура, член 62. Вообичаениот тајминг за објавување на Конкурсот бил најдоцна до 5 септември. Сето ова влијае на: Именување на Стручните Комисии со задоцнување, кратење на рокот за одлучување, и објавување на Годишната програма и реализација на проекти безмалку во мај 2023 година. Повторно ќе имаме половина година изгубена како и оваа. Покрај непознавање на проблематиката, министерката покажува и елементарна некултура и нервоза во јавноста, недостојна за позицијата. На прашање дали во 5 години Министерството има реализирано капитални проекти и кои објекти, одговорот и беше дека не знае, а всушност нема ниту еден!“, вели Љутков.
Според него, сите проекти почнати во време пред 2017 година, наследени и незавршени во 5 цели години и ја делат судбината на автопатот Охрид-Кичево.
ВМРО-ДПМНЕ, додаде тој, постојано реагира на недоследностите кои се составен дел од работењето на министрите за култура, почнувајќи од скандалозните Годишни програми, незаконски избори на директори, злоупотреба на функциите на истите, вршење притисоци и мобинг кон вработените, дури и нивно бркање од работните места.
„За негрижата и девастирањето на: објектите на културните установи, археолошките локалитети, сакралните објекти и останатите културни добра. Немање на однос кон музејските збирки, нематеријалното културно наследство, стимулацијата и грижата кон домашното творештво.
По истиот принцип не водите сметка ниту за културните работници, луѓе кои секојдневно ја испишуваат македонската културна историја! Оваа година под силен притисок на јавноста и на синдикатите ги зголемивте платите кои законски следуваат според колективниот договор, пренаменувајќи средства од програмските содржини. Со ова направивте огромни долгови кои ќе се прелеат во идната година, знаејќи дека буџетите за годишните програми во 2023 година ќе бидат скратени, а со тоа нема да има од каде дополнително да префрлате средства. Кратко кажано, свесно влеговте во оваа авантура само за моментален спас на Вашата Влада!“, истакна членот на ИК на ВМРО-ДПМНЕ.
„Министерке Вие и Вашата Влада сте купи ден политика, манипуланти кои си поигруваат со судбините на 3.000 луѓе во културата! Вие, кои ниту знаете ниту сте дел од оваа фела ниту некогаш ќе припаѓате, и не претставувате никаков авторитет во очите на културните работници.
Со ваквите постапки го уништувате и тоа малку што е останато од културното наследство, националниот идентитет и достоинството на Македонците!“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Фестивалот Credence Dance почнува на 16 јуни

Третото издание на фестивалот Credence Dance започнува на 16 јуни, а ќе трае до 21 јуни со програма конципирана тематски, Вечери на класичен балет и Вечери на современ танц.
Фестивалот оваа година има и дополнителна програма која ќе се состои од работилници и трибини. На програмата се фрагменти од бисерите на класичното наследство „Лебедово езеро“, „Рајмонда,“„Копелија“, „Дон Кихот“, „Силфида“ и други.
Освен тоа во делот на модерниот и современиот танц премиерно ќе бидат изведени дела на Игор Киров, Бојан Мицов, Џонс Хинг, Франциско Руиз и Јована Петровска кој кореографите наменски ги подготвија за фестивалот.
Овогодинешниот Credence Dance фестивал ќе понуди ексклузивни гости од Кина, САД, Италија, Франција, Германија, Велија Британија итн. Ова е исклучителна и ретка можност да се видат овие уметници на домашна сцена.
Во рамки на фестивалот традиционално ќе биде врачена Наградата за трајни вредности во танцовата уметност. Настанот се одржува во Националата опера и балет.
Фестивалот е поддржан од Министерството за култура и Универзитетот „Св Кирил и Методиј“, Скопје. Влезот е слободен.
Култура
Во Москва излезе „Пиреj“ од Петре М. Андреевски

Романот „Пиреj“ излезе од печат во Москва на инициjатива на Олга Панкина, познат популаризатор на македонските културни вредности во Русија. Таа го преведе уште во 2008 година, го обjави издавачката куќа „Феникс“, Скопjе. Како што обjаснува Панкина, романот на руски веднаш предизвика интерес каj публиката, но сепак книгата не можеше да допре до широк круг рускоjазични читатели. Сметаjќи го романот на основоположникот на современата македонска проза Петре М. Андреевски за ремек дело, таа си постави за задача да го преобjави во Москва.
Оваа година идеjата jа поддржа Центарот за книга „Рудомино“ со коj Олга Панкина плодно соработува веќе петнаесет години (Центарот за книга има обjавено творби на над 20 македонски автори).
Ова издание на „Пиреj“ е многу квалитетно (368 страни, тврд повез) и изгледа современо. На корицата има фрагмент од сликата „Стара куќа“ на Олга Панкина. Блескав предговор за книгата напиша Венко Андоновски, коj даде за руска читателска публика основни информации за историјата која е заднина на личната драма на едно македонско семејство од почетокот на ХХ век, семејството на Јон и Велика, jа подвлече актуелноста на романот и го нарече како најголем македонски бестселер на сите времиња.
Тукушто обjавениот роман веќе заживее своj книжевен живот – почна да стекнува читатели. Минатата недела, од 3 до 7 jуни, беше презентиран на Саемот на книга на Црвениот плоштад во Москва на штандот на издавачот Центар за книга „Рудомино“.
Култура
Со концерт на „Леб и сол“ на 𝟤𝟨 јуни започнува „Бит фест“

Со концерт на македонската музичката група „Леб и сол“, на 26-ти јуни, во античкиот локалитет „Хераклеја“, ќе започне 17. издание на Битолското културно лето. На денешната прес-конференција, градоначалникот на општина Битола, Тони Коњановски, информираше дека „БИТ ФЕСТ“ оваа година ќе трае до 31 август и ќе содржи културни содржини кои ќе бидат вистинска атракција за битолчани, но и добра можност за поттикнување на културниот туризам во градот.
„Програмата ќе се реализира во соработка со КИЦ и националните установи од културата, но и со учество на голем број домашни изведувачи, уметници и културни работници кои ќе претстават доста интересни одржини за сите возрасти. Целосната програма ќе биде објавена во следните 10 дена, кога ќе имаме и точно заокружена рамка на планираниот буџет за културните содржини ова лето, вклучувајќи ги сите манифестации за кои имаме обезбедено финансиска поддршка како општина, а ќе бидат дел од културните содржини кои ќе се реализираат во градот ова лето.
Традиционални манифестации, како: Битола отворен град, Локум фест, Парко – фестивал, Илинденски денови, Битолино – Детски театарски фестивал, Мјузикленд, Фестивал на староградска музика, Широк сокак во бело, исто така се дел од БИТ ФЕСТ.
На 3 август, Битола ќе биде домаќин на еден од најголемите музички настани во историјата на градот. На Градскиот стадион „Петар Милошевски“ ќе настапи светската музичка ѕвезда и еден од највлијателните DJ артисти на сите времиња – Армин ван Бурен. За овој настан општината го обезбедува просторот и потребната логистичка поддршка“, изјави градоначалникот на општина Битола, Тони Коњановски.
Директорот на ЈОУ КИЦ, Благојче Божиновски, истакна дека и оваа година КИЦ е значаен партнер на општината, како во подготовката на програмските содржини, така и во обезбедување на логистичка поддршка во реализацијата на програмата.
На денешната прес конференција присуствуваа и членовите на групата „Леб и сол“, кои најавија дека од Битола го започнуваат одбележувањето на големиот јубилеј 50 годишнината од постоењето и активното работење на групата.
„Ви благодариме Битола. Ни давате верба во живот, дека она што сме го правеле во изминатите 50 години, вредело и оставило трага во нашата меморија и во нашата музичка историја. Тоа е нешто што длабоко во душата секој го посакува: да биде почитуван и сакан, затоа што чувствувам дека онаа моја искреност и желба со која сме го работеле сето ова и вербата дека хармонијата во музиката може да се пренесе и во хармонијата на живеењето има некој што знае да го почитува и ќе го чуваме и ќе го оставиме за следните поколенија. Ова е само една алка во нашата историја, која покажува дека сме постоеле и ќе постоиме понатаму. Само искрено со верба во животот и љубовта и со полно срце можеме да ги поделиме вековните вредности. Ви благодариме многу и ќе се обидеме да бидеме квалитетни како и секогаш“, велат од „Леб и сол“ и најавуваат прекрасен концерт на 26 јуни во Хераклеја.