Утре, 22 јули, со почеток во 20:30 часот во Музејот на македонската борба за самостојност ќе се одржи концерт на италијанската пијанистка Цинзија Бартоли.

Бартоли студирала и дипломирала со почести на Конзерваториумот „Н. Паганини“ во Џенова (Италија). Откако се стекнала со „Diplome Superieur d’enseignement“ на Ecole Normale de Musique „Алфред Корто“ во Париз во училницата на Жан Мико (последниот помошник и поважен ученик на големиот пијанист Алфред Корто), таа посетувала курсеви за усовршување кај професорите Пол Бадура-Шкода и Стефан Аскеназе на Музичката академија „Оторино Респиги“ во Асизи (Италија).

Од 1986 до 1990 година, Цинзија Бартоли ги продолжила студиите кај г-ѓа Илонка Декерс во Милано, една од потомците на Унгарската школа за пијано на Франц Лист. Во текот на студиите, таа е наградена со награди и признанија на бројни национални и меѓународни натпревари, вклучувајќи ги натпреварите Албенга и Стреза во Италија (1-ва награда), натпреварот „Ф. Шуберт“ и музичките натпревари во Франција (2-ра награда) и добила заслуга на Меѓународниот натпревар „Златна палма“ во Финале Лигуре (Италија). Настапувала во 24 земји во најважните градови и концертни сали од нив (Франција, Германија, Швајцарија, Белгија, Полска, Унгарија, Романија, Србија, Црна Гора, Хрватска, Грција, Албанија, Шпанија, Португалија, Норвешка, САД, Канада, Аргентина, Бразил, Уругвај, Парагвај, Јапонија, Австралија, Кина, Јужна Кореја).

Таа настапувала и во цела Италија во најважната концертна сала во земјата. Нејзината репутација како солист ја одвела на толку престижни места низ целиот свет, заедно со нејзината љубов кон камерната музика и редовно се појавувала на камерни и оркестарски музички рецитали. За време на неодамнешниот турнир во Германија, критичарите ја сметале за „извонреден интерпретатор“ на Равел (Рајн-Некар-Хајделберг). Во 2019 година го свирела интегралниот опус за пијано на Равел во Париз во Театарот на островите Сент Луис. Во 2023 година, го снимила интегралниот опус за пијано на Равел за издавачката куќа „Кентаур рекордс“ во Луизијана.

Исто така, има изведено многу снимки за RAI (Италијанско радио и телевизија) како соло пијанистка и придружничка на оперски пејачи. Таа била професорка по пијано многу години во Рим на Академијата за уметности, Музичката академија Алирио Дијаз, Парма и Конзерваториумот за музика Ла Специја и на Академијата „Каса дела музика“ во Џенова. Всушност, предава пијано на постдипломските студии по музика при италијанското Министерство за образование. Предавала и на бројни мајсторски курсеви низ целиот свет: Аргентина, Бразил, САД, Јапонија, Кина и Европа. Промоторка и претседателка на Музичкото друштво „Дионисо“ од Савона, Чинција Бартоли, веќе 35 години организира концертна сезона со важни национални и меѓународни настапи во Џенова и Савона (Италија). Во 2017 година ја освои наградата „Одлични жени во уметноста“ од Италијанското здружение ФИДАПА. Била членка на жирито на бројни меѓународни натпревари по пијано.

Министерот за култура и туризам, Зоран Љутков, учествува на првиот министерски форум „Поврзување на дестинациите: Италија – Балкан туристички форум“ (Bridging Destinations: Italy – The Balkans Tourism Forum), што денеска се одржува во Рим, Италија.

На форумот, на кој учествуваат министри за туризам од Албанија, Србија, Хрватска, Бугарија, Грција, Црна Гора и од Македонија, како и претставници на бизнис-секторот од Италија, се одржаа неколку панел-дискусии посветени на создавање нови заеднички туристички програми, производи и иницијативи за подобро интегрирање на балканскиот и на медитеранскиот туристички простор.

Во своето обраќање министерот Љутков пред присутните ја нагласи потребата од регионална интеграција во туризмот потенцирајќи дека Балканот треба да се гледа како единствена туристичка целина, а не како изолиран пазар.

„Туризмот е многу повеќе од економија, тоа е мост што ги поврзува луѓето, културите и историјата. Балканот има шанса да стане обединета дестинација, која ќе нуди уникатно, автентично и мултинационално искуство“, истакна Љутков.

Тој предложи Балканот да се вклучи како образовна рута во италијанскиот едукативен систем преку организирање екскурзии за ученици и студенти, кои би се запознале со културното наследство на регионот и би ја продлабочиле врската меѓу Италија и земјите од Југоисточна Европа.

Министерот ја промовира и идејата за создавање нови заеднички програми, продукти, проекти, кои би ги обединиле земјите од регионот и Италија како една дестинација. Во тој контекст, како конкретна иницијатива, тој предложи соработка во рамките на проектот „По стапките на славните Римјани“, кој ќе ги поврзе историските и археолошките локалитети од Македонија, од Балканот и од Италија, а со цел да се привлечат туристи од глобалниот пазар, особено од Азија, Америка и од Блискиот Исток.

Министерот Љутков потенцира дека Македонија нуди препознатливо, автентично и културно богато туристичко искуство, што е во тесна врска со интересите на италијанските патници, особено оние што бараат историја, авантура и култура. Тој ги посочи локалитетите Стоби, Таор и Охрид како силни туристички адути на Македонија, особено привлечни за љубителите на античката историја и на културен туризам, а Вевчани и Крушево ги издвои како успешни примери за одржлив и зелен туризам.

„Со визија, почит и креативност можеме да го претвориме културното наследство во вистински двигател на одржлив туризам и европска поврзаност. Заедно со Италија можеме да изградиме не само мостови меѓу дестинациите, културите, туку и меѓу народите“, порача Љутков.

Инаку, форумот, кој е во организација на Министерството за туризам на Италија, има цел да поттикне соработка и стратешко позиционирање на Италија и на земјите од Балканот како единствена туристичка дестинација. Учеството на Македонија, пак, претставува значаен чекор кон нејзино поинтензивно интегрирање во регионалните и во европските туристички текови, поголема видливост на македонската туристичка понуда, зајакнување на институционалната соработка, пристап до добра практика, како и позиционирање на земјата како дел од една поширока европска туристичка приказна.

Од 20 до 28 јули, годинава по 14 пат во Трпејца ќе се одржи културно – забавната манифестација „На зајдисонце“. Организаторот Здржението „За Трпејца со љубов“, ветува интересна програма за туристите и домаќините.

На денот на отворањето во недела од 20.30 часот по поздравниот говор на претставник на општина Охрид под чие покровителство се одржува манифестацијата, Фото клубот „Охрид“ ќе ја претстави најновата продукција на фотографии насловена „Убавината на дофат“. Вечерта со својот настап музички ќе ја „обои“ познатиот саксофонист Горан Папаз.

Во понеделник на 21 јули во истиот термин ќе биде промовиран првиот роман на младата трпејчанка Анастасија Ристеска „Париска сложувалка“ напишан на англиски јазик. Промотор ќе биде д-р Габриела Неделкоска. Претходно деца од Трпејца пред публиката ќе ги покажат своите таленти.

Филмот како уметност годинава има посебно место на Зајдисонцето во Трпејца. Под ведро небо како што впрочем сите овие години се одвива манифестацијата во вторник на 22 јули ќе гостува Антонио Вељаноски, млад режисер, сценарист и фотограф кој живее на реалцијата Охрид – Прага. Присутните ќе можат да го погледаат неговиот филм „И(с)згубени“.

Во среда од 19 и 30 часот ќе се одржи популарната Трка со куфери по скалинадата во Трпејца која има натпреварувачки карактер а потоа ќе настапат Мила, Македонка и Билјана. Трите девојки недоамна дипломираа на ФМУ во Скопје.

Ден потоа гостува Драмското студио „Цвет“ под раководство на Драгана Боцеска со претставата „Приказни“ а пред тоа ќе бидат прикажани и наградени најдобрите три фотографии од Трпејца направени со мобилен од страна на туристите.

Петокот е резервиран за промоцијата на монографијата „Златните години на КК „Рибар“ од Трпејца од авторот м-р Милчо Јованоски. Промотор ќе биде новинарот и публицист Горан Момироски. Претпладнето ќе се одржи традиционалната регата „Номче Митрески“.

Во сабота на 26 јули ќе гостува Театарскиот проект на ОСУ „Св. Климент Охридски“од Охрид со „Виолината што одекнува низ вековите“од авторот и ментор м-р Михаил Патчев а ќе биде прикажан и документарецот „Охридските трубадури“.