Култура
Имагинацијата може да го надмине стравот: Пораки за Светскиот ден на театарот за деца и млади

Децата и младите ги почувствуваа последиците од губењето на социјализацијата, самодовербата и надежта, а тоа остави длабока трага на нивното ментално здравје. На нашата млада публика и учесници им треба уметност, култура, театар и претстави повеќе од кога било досега, оние клучни искуства кои го отвораат патот, пошироки перспективи, можност за неможност, забава и чуда, убавина и емоции, искуства кои му даваат смисла на хаотичниот свет и не потсетуваат на блискоста на целото човештво – изјави Сју Џејлс, претседател на Аситеж по повод Светскиот ден на театарот за деца и млади.
Меѓународното здружение го одбележува Светскиот ден на театарот за деца и младинци – 20 март со традиционална порака и специјални програми во кои се нагласува важноста на театарската уметност за најмладите, особено оваа година за време на се уште актуелната пандемска криза и уништувањето на војната.
Заедно со традиционалната порака од претседателот на мрежата, овогодинешната порака од Србија, на покана на националниот центар на таа организација, ја испраќа и наградуваниот актер и режисер во областа на куклениот театар, Јован Каран.
Претседателката на Аситеж, во пораката посочи дека Светскиот ден на театарот за деца и младинци, за кој организацијата традиционално вели: Однесете го детето во театар денес – како потсетување на одговорноста на возрасните да им овозможат на децата и младите да ја искусат уметноста колку што е можно повеќе.
„Носењето на детето во театар значи повторно поврзување со живи претстави, идеи и емоции, врски меѓу луѓето, а значи и негување на правото на децата и младите на уметноста, културата и слободата на самоизразување. Слушањето на децата и младите е многу важно – уште поважно е да ги слушнете и да ја прифатите потребата за промени – изјави таа.
Цитирајќи го Манифестот на таа организација, таа рече дека треба многу повеќе да се направи за да се исполнат обврските на сите земји поврзани со членовите 13 и 31 од Конвенцијата на ОН за правата на детето.
„Ова е особено случај во светлината на актуелната пандемија, воените кризи кои се случуваат во толку многу земји во светот, како и итната потреба за еднаквост и еднакви можности за секое дете да живее во одржлив, безбеден и здрав свет. Уметноста и културата ни даваат можност да го замислиме светот што сакаме да го создадеме со нашите деца и млади луѓе за нив, и затоа се клучни додека работиме за да обезбедиме подобри услови за општеството во кое живееме – рече Џејлс.
Потенцирајќи дека ова е време кога театарот и изведбите во живо се повеќе од неопходни како потврда дека имагинацијата може да го победи стравот, таа посочи дека ова е време кога храброста и убедувањето на уметниците кои создаваат театар и претстави за младата публика ширум светот може да помогне да се создаде простор за ослободување, катарза и изразување на радост на децата и младите, каде и да се.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Од јануари до јули годинава Македонија ја посетиле 730.793 туристи

За 10,2 проценти е зголемен бројот на туристите од јануари до јули годинава и нашата стратегија е Македонија да се развива како регионален туристички хаб кој комбинира економски раст, културна промоција и меѓународна видливост, порача од Крушево министерот за култура и туризам Зоран Љутков кој присуствуваше на манифестацијата „Одржлива трансформација во туризмот“ за денешниот светски ден на туризмот.
-Од јануари до јули годинава Македонија ја посетиле 730.793 туристи, што претставува зголемување од 10.2 % во однос на истиот период минатата година. Кај странските туристи имаме значителен раст од 15.1 %, што ја потврдува позитивната динамика на меѓународниот интерес за Македонија како туристичка дестинација. Вкупниот број на ноќевања во овој период изнесува 1.750.979, што е зголемување од 5.5 % во споредба со претходната година. Најмногубројни се гостите од Турција, Србија, Полска и Холандија. Овие податоци јасно покажуваат дека Македонија станува сè поатрактивна туристичка дестинација, особено за странските пазари. Тоа е резултат на активните политики и промоции што ги спроведуваме, но и доказ дека туристичката слика на нашата земја се менува во позитивен правец, рече Љутков при обраќањето на манифестацијата во крушевскиот хотел „Панорама“.
Туризмот за Македонија е прашање од стратешко значење. Нашата географска положба – на крстопатот на Балканот, каде се сечат европските Коридори 8 и 10 – ни овозможува да бидеме транзитен центар, но и повеќе од тоа.
-Наша цел е патниците кои минуваат низ земјата да станат гости, а гостите да станат амбасадори на македонската култура, природа и гастрономија. Тоа е дел од нашата стратегија: Македонија да се развива како регионален туристички хаб кој комбинира економски раст, културна промоција и меѓународна видливост, порача министерот за култура и туризам Љоран Љутков.
На манифестацијата беа презентирани туристичките можности и капацитети на Крушево, а беа претставени и гастрононските специјалитети како уникатност на традицијата и на културата што привлекува посетители и туристи. Воедно, Крушево ги претстави и сите предности на природните ресурси за планински и алтернативен туризам.
Култура
15 издание на „100 Илјади поети за промена“ во Струмица

Во Струмица во сабота, 27 септември 2025 година ќе се одржи јубилејното 15. издание на манифестацијата „100 Илјади поети за промена“. Програмата ќе биде реализирана во НУ Завод за заштита на спомениците од културата и Музеј – Струмица.
Со почеток во 19:30 часот најпрво ќе биде промовирана годинешната збирка „100 Илјади поети за промена“ и ќе се одржи поетско читање на дел од застапените поети, меѓу кои гостите од Унгарија, Словенија, Грција, Албанија, Косово, Србија, Бугарија и Македонија, за потоа да продолжи во 21:30 во кафе бар „Нагоре“ со ретроспективна изложба на платаите од изминатите години и концерт на хип хоп составот „Пука козметика“
На конкурсот годинава конкурираа повеќе од 200 учесници.
Култура
МОБ: Почеток на сезоната со „Реквием“ од Моцарт на 3 октомври

Остануваат уште неколку дена до свеченото отворање на сезоната 2025/2026 во Македонската опера и балет со едно од најмоќните и најемотивни ремек-дела во историјата на класичната музика – „Реквием“ од Волфганг Амадеус Моцарт, најавија од Националната опера и балет.
„Ова монументално остварување повеќе од два века ја фасцинира и инспирира публиката ширум светот и се смета за едно од најзначајните и најизведувани дела во светската музичка литература. Секоја нота од „Реквием“ го носи печатот на Моцарт и ја потврдува неговата вечна музичка величина“, истакна организаторот.
Големата сцена на Македонската опера и балет, на 3 октомври, во 20 часот ќе оживее со енергијата на маестро Џанлука Мартиненги и магијата на солистите Биљана Јосифов, Николина Јаневска, Јане Дунимаглоски и Владимир Саздовски, придружени од хорот и оркестарот при МОБ.