концерти
Концерт на „Дактили“ вечерва во МКЦ
Вечерва, со почеток од 21 часот, во МКЦ (сала „Фросина“), ќе се одржи концерт на бендот „Дактили“.
Kонцертот може да се следи и во живо, но ќе биде пренесуван и преку социјалните мрежи.
Настанот е организиран во согласност со протоколите за организирање настани во затворен простор, што значи дека бројот на посетители е намален, носењето маски е задолжително за време на целиот настан, а задолжително е седење на позицијата означена на билетот.
Билетите по цена од 100 денари се достапни на билетарницата во МКЦ.
Бендот „Дактили“ е оформен 2018 година во Струмица од страна на Ставре Ангелаков, Столе Велков и Душко Манушев. Најпрвин почнува да дејствува како инструментален (авторски) бенд и како таков настапува на повеќе локали во југоистокот на Македонија. Во таа прва етапа од приказната на „Дактили“ е снимено едно парче музика (EP) со наслов Ventana de Passillo, кое е всушност снимка од нивниот настап на „Лузерфест“. Набргу, пред самиот крај на 2018 година, кон составот се приклучува и вокалистот Милан Анастасов. Таа четворка (Ставре, Столе, Душко, Милан) во 2019 година настапува на фестивали (Strumica Open-Fest, „Синестетика“, „Сирова култура“, „Д-фест“, „Слободна зона“ итн.) и го снима првиот студиски албум „Рандом дестинација“ во студиото „Ал-Шар“ во Скопје. Во почетокот на 2020 година „Дактили“ настапува на „Земјотрес“ и го објавува албумот како самоиздание на повеќе интернет-платформи. Во август 2020 година на тапанарското столче седнува Љубен Маџиров и во тој состав „Дактили“ успева да направи концертна промоција на албумот во амфитеатарот во Струмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
концерти
„Медитеранска магија“: Концерт за две пијана и четирирачно пијано на дуото Аврамовска–Мариновски
Во Салон 19 19, на 26 ноември 2025 година со почеток во 19:19 часот, ќе се одржи концертот „Медитеранска магија“ — музичка вечер посветена на јужниот медитерански дух, во изведба на дуото Аврамовска–Мариновски. Наратор на концертот ќе биде Мимоза Рајл.
Публиката ќе има можност да доживее ретко музичко патување исполнето со сончеви ритми, страст и виртуозност. На програмата се дела од италијански, француски и шпански автори, како и премиерни изведби и специјално подготвени аранжмани.
Програма:
Жорж Бизе – Свита „Арлезијанка“ бр. 2
Жорж Бизе – Свита „Арлезијанка“ бр. 1
Ернесто де Куртис – Non ti scordar di me (солист: Илија Белистојановски)
Rodolfo Falvo – Dicitebcelli (солист: Илија Белистојановски)
Г. Росини – Увертира „Крадливата страчка“
Исаак Албениз – Rapsodia Española
Дуото, активно веќе девет години, има бројни настапи во Македонија и во странство — меѓу кои Турција, Бугарија и САД. Нивната работа е посветена на спојот меѓу македонската традиција и современиот музички израз, со концертни програми што ја освојуваат публиката со емоција и уметничка длабочина.
„Медитеранска магија“ ветува вечер исполнета со топлина, енергија и дух на јужниот Медитеран — музика која ги надминува границите и допира директно до публиката.
концерти
Почна фестивалот „Виноскоп 2023“
Со настапи на Стефан Петановски, Пајак, „Офчестра“, „Брас брадрс“ и „Фолтин“ вчера беше отворен фестивалот „Виноксоп“, кој веќе тринаесет години по ред ја промовира македонската винска култура.
![]()
Со учество на над 40 винарници и гурмански катчиња фестивалот продолжува до сабота, а денеска концертни настапи ќе имаат „Баклава“, Нино Величковски, Сале Певац, Дани Димитровска и „Куку леле’.
![]()
Програмата почнува во 17 ч со „афтер ворк“ забава, а до 19 ч на секои две купени вина, посетителите ќе добијат едно гратис.
концерти
Петтото издание на музичкиот фестивал „Андерфест“ Скопје
Музичкиот фестивал „Андерфест“ ќе се одржи петти пат на 13 октомври во Младинскиот културен центар (МКЦ).
На овој јубилеј публиката ќе може да ужива во музиката од алтернативната, рок, панк-рок, метал, хардкор-сцената од нашата држава, која ќе покаже дека е одлична и има што да понуди.
Од најавените бендови, сите ѝ се одлично познати на македонската публика. Се работи за актуелни музички имиња за кои организаторите очекуваат многу публика и ветуваат забава.
На „Андерфест 5“ ќе настапат: Преку ред, Ред 18, Конспираси, Луфтанза, Пич Ваис и Последен удар.
Продажбата на билети за концертот e почната и можете да ги набавите преку следниот линк.

