концерти
Солистички концерт на пијанистката Елена Костовска
Соло-концертот „Пијано рецитал“ на Елена Костовска ќе се одржи во Културно-информативниот центар на Република Македонија во Софија денеска, од 18:30 часот.
Во програмата на концертот се предвидени композиции на светски познатите композиторски имиња како Франсоа Купрен, Клод Дебиси, Фредерик Шопен, Роберт Шуман, Ернесто Лекуона, а исто така ќе бидат интерпретирани и композиции на познатиот македонски композитор Томислав Зографски.
Елена Костовска е родена во Скопје. Во родниот град го има завршено Средното музичко училиште „Илија Николовски Луј“, во класата на проф. Драгољуб Апостолов. По завршувањето на Факултетот за музичка уметност, во класата на проф. Тодор Светиев, во 1997 година е примена на постдипломските студии по пијано на Високата школа за музика во Есен-Дуизбург, Германија, во класата на проф. Бернард Вамбах. Магистрира на истата школа во 1999 година, како стипендист на Лионс Клубот од Дуизбург, Министерството за култура на Република Македонија и Фондацијата „Сорос“.
Има учества на натпревари во Република Македонија, а во 1995 година учествува на меѓународниот натпревар „Музиката и Земјата” во Софија, Бугарија, каде ја добива специјалната награда, а учествува на меѓународниот натпревар во Виоти Валсесиа, Италија, 1999 година. Учествува на бројни мајсторски школи кај познати пијанисти и педагози (В. Крпан, Е. Корољов, А. Валдма), а посебно плодна соработка остварува со пијанистката Жени Захариева од Бугарија, проф. Арбо Валдма од Германија и проф. Питер Фојхтвенгер од Англија.
Елена Костовска има одржано концерти во Република Македонија, Германија, Грција и Велика Британија, а свој прв компакт-диск има снимано во 2016 година.
По завршувањето на постдипломските студии во Германија, од 1999 до 2003 работи како корепетитор на гудачка класа при Државниот музичко-балетски училишен центар во Скопје. Во моментот работи како наставник по пијано во истото училиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
концерти
„Медитеранска магија“: Концерт за две пијана и четирирачно пијано на дуото Аврамовска–Мариновски
Во Салон 19 19, на 26 ноември 2025 година со почеток во 19:19 часот, ќе се одржи концертот „Медитеранска магија“ — музичка вечер посветена на јужниот медитерански дух, во изведба на дуото Аврамовска–Мариновски. Наратор на концертот ќе биде Мимоза Рајл.
Публиката ќе има можност да доживее ретко музичко патување исполнето со сончеви ритми, страст и виртуозност. На програмата се дела од италијански, француски и шпански автори, како и премиерни изведби и специјално подготвени аранжмани.
Програма:
Жорж Бизе – Свита „Арлезијанка“ бр. 2
Жорж Бизе – Свита „Арлезијанка“ бр. 1
Ернесто де Куртис – Non ti scordar di me (солист: Илија Белистојановски)
Rodolfo Falvo – Dicitebcelli (солист: Илија Белистојановски)
Г. Росини – Увертира „Крадливата страчка“
Исаак Албениз – Rapsodia Española
Дуото, активно веќе девет години, има бројни настапи во Македонија и во странство — меѓу кои Турција, Бугарија и САД. Нивната работа е посветена на спојот меѓу македонската традиција и современиот музички израз, со концертни програми што ја освојуваат публиката со емоција и уметничка длабочина.
„Медитеранска магија“ ветува вечер исполнета со топлина, енергија и дух на јужниот Медитеран — музика која ги надминува границите и допира директно до публиката.
концерти
Почна фестивалот „Виноскоп 2023“
Со настапи на Стефан Петановски, Пајак, „Офчестра“, „Брас брадрс“ и „Фолтин“ вчера беше отворен фестивалот „Виноксоп“, кој веќе тринаесет години по ред ја промовира македонската винска култура.
![]()
Со учество на над 40 винарници и гурмански катчиња фестивалот продолжува до сабота, а денеска концертни настапи ќе имаат „Баклава“, Нино Величковски, Сале Певац, Дани Димитровска и „Куку леле’.
![]()
Програмата почнува во 17 ч со „афтер ворк“ забава, а до 19 ч на секои две купени вина, посетителите ќе добијат едно гратис.
концерти
Петтото издание на музичкиот фестивал „Андерфест“ Скопје
Музичкиот фестивал „Андерфест“ ќе се одржи петти пат на 13 октомври во Младинскиот културен центар (МКЦ).
На овој јубилеј публиката ќе може да ужива во музиката од алтернативната, рок, панк-рок, метал, хардкор-сцената од нашата држава, која ќе покаже дека е одлична и има што да понуди.
Од најавените бендови, сите ѝ се одлично познати на македонската публика. Се работи за актуелни музички имиња за кои организаторите очекуваат многу публика и ветуваат забава.
На „Андерфест 5“ ќе настапат: Преку ред, Ред 18, Конспираси, Луфтанза, Пич Ваис и Последен удар.
Продажбата на билети за концертот e почната и можете да ги набавите преку следниот линк.

