Култура
(Видео) Тозија: Украдените пари од државниот буџет ги трошат на пропагандни видеа и шират лаги
Директорот на Агенцијата за филм Горјан Тозија преку соопштение до јавноста реагира во врска со објавените снимки на социјалните мрежи и вели дека станува збор за лаги со кои се се дефокусира јавноста од спроведената пресметка со криминалот во филмот, особено оној со серијата „Македонија“ и продукцијата Јадран филм и Винко Грубишиќ која ја оштети државната каса за 1.300.000 евра. Тој тврди дека наспроти клеветите од страна на протагонистите во видеото, против него никогаш не се водела и не се води никаква кривична постапка.
Во документите испратени до редакцијата, а потпишани годинава од страна на надлежните судски органи во Загреб а издадени по барање на Горјан Тозија пишува дека против него никогаш не е покренато никакво обвинение ниту пак кривична постапка.
„ Во врска со изнесените лаги и бесмислици од страна на некои медиуми и видео материјалот што се подметнува на социјалните мрежи, сакам да ја известам јавноста дека станува збор за обид да бидам дискредитиран од личности на кои им застанавме на патот на криминалот и можноста да го уништат македонскиот филм и да го осакатат државниот буџет. Имено, по разоткривањети на криминалните дејствија врзани за серијата „Македонија“, проект за кој од договорените 4,6 милиони се одлеани 1.300.000 евра на продуцентот Винко Грубишиќ и Јадран филм, а против кого Управата за финансиска полиција поднесе кривични пријави и Јавното обвинителство отвори случај, а воедно за истиот договор кривични пријави добија и поранешните директори на Агенцијата за филм, тие на секаков можен начин се обидуваат да ја измамат и дефокусираат јавноста и да удрат врз мојот интегритет“, реагира Тозија.
За случајот со серијата „Македонија“, институциите на системот водат постапки во кои има индиции и за други инволвирани одговорни лица во финансиски криминал. Ова е првиот случај кога се сврти бројчаникот и во државната каса се направи поврат на 300.000 евра.
Според Тозија исто така, по прекинување на штетните договори од страна на Агенцијата, и континуирано откривање на повеќе незаконски проекти, зaсегнатите немаат друг начин да го оправдаат криминалот освен да се служат со крајни нискости и да пласираат невистини за него.
За Тозија, очигледна е нервозата на оние кои беа разоткриени како незаконски се богатат на товар на буџетот на Република Македонија па откако се под лупа на законот и скратени им се парите за злоупотреба се обидуваат самите да се претстават како жртви.
„ Да биде иронијата поголема, човекот со десетици кривични пријави Грубишиќ и довчерашните абоненти на Агенцијата за филм наместо да ги вратат украдените пари ги трошат за медиумски тероризам и снимаат видеа во обид да шират лаги. Во битката со нелегалното работење во филмската дејност е значајна поддршката на јавноста и затоа реагирам и најодговорно тврдам дека се што досега е изнесено за мене е чиста лага. Останувам транспарентен и отворен со институцијата со која раководам и уште еднаш повторувам дека времето на измами и штетни проекти кои се закануваа да ја опустошат нашата кинематографија е минато. Сето ова нема да ме спречи, да продолжам да ја спроведувам започнатата стратегијата за развој на македонскиот филм во соработка со филмските професионалци за да го вратиме филмот во европска насока. Македонскиот филм оди напред!“, соопштува Тозија.
Минатата недела Агенцијата за филм и филмаџиите од ДФРМ, потпишаа меморандум за нова стратегија за развој на македонскиот филм и беше констатирано дека по долги години најзначајната филмска институција ќе стави крај на незаконското и нетранспарентно менаџирање на средствата за филм. По објавата, на социјалните мрежи кружи видео каде што извесни луѓе од Хрватска тврдат дека пред 28 години Тозија со измама продал стан на две лица. За еден од луѓето кој се претставува како Милан Јаковљевиќ а кој зборува во видеото дека е измамен од Тозија, хрватски Национал пишува дека станува збор за познат рекетар и измамник од хрватското подземје а линкот од написот беше испратен до редакцијата.
За скандалот со серијата „Македонија“ и продуцентот Винко Грубишиќ и Јадран филм, Макфакс пишуваше низа на написи по откривањето дека од договорената серија нема испорачано никаков материјал а за истата се дадени 1.300.000 евра. Судските органи ја водат неколкумесечната постапка и според наши информации наскоро ќе биде прогласен стечај на фирмата а следува и уште едно обвинение за Јадран филм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Македонскиот народен театар стана член на Европската театарска конвенција (ETC)
Директорот на Македонскиот народен театар, Никола Кимовски, престојува во Атина, на Генералното собрание на Европската театарска конвенција (ETC), во која членуваат најголемите театри од Европа.
Кимовски денес имаше официјално обраќање на собранието на кое го претстави МНТ и неговата работа и мисија.
Потоа со едногласна одлука од сите членки Македонскиот Народен Театар беше примен за член на најважната театарска мрежа во Европа.
Меѓународната театарска конференција на ETC, насловена како „Thrive Theatre Thrive! Keep the Flame Alive.“, ќе се одржи од 3 до 7 април 2025 година во Националниот театар на Грција во Атина. Со членството на Македонскиот народен театар во ETC, која е водечка мрежа на јавно финансирани театри во Европа, со 63 театри членки од 31 земја се отвораат можности за создавање европски коопродукции и размена на претстави и уметници со европските национални куќи.
ETC е посветена на промовирање на современата драма, олеснување на уметничките размени и поттикнување на културната разновидност во европската театарска уметност. Организацијата служи како платформа за дијалог, демократија и интеракција, со цел да рефлектира и да привлече разновидна публика и општества во постојан развој.
Во рамките на Генералното собрание директорот Кимовски оствари и средба со претседателката на мрежата госпоѓата Клаудиа Белхиор. Во следните два дена ќе се остварат повеќе одвоени состаноци со директори на Национални театри и фестивали со цел договарање на идна соработка и размена.
Култура
„Јон Вардар против галаксијата“ селектиран на престижниот филмски фестивал BAFICI во Буенос Аирес
Првиот македонски долгометражен анимиран филм „Јон Вардар против Галаксијата“ е селектиран на еден од водечките фестивали за независен филм во светот – BAFICI (Buenos Aires Festival Internacional de Cine Independiente) 2025.
Филмот ќе биде прикажан три пати пред фестивалската публика во Буенос Аирес, и тоа на 8, 10 и 11 април.
Мануел Рамирез, познатиот аргентински филмски критичар, кој е еден од програмерите на BAFICI, и работи за угледниот дневен весник „Пагина 12“, за филмот напиша: „Анимиран долгометражен филм од Македонија не е нешто што се гледа секој ден, но шармот на John Vardar vs. the Galaxy е далеку од тоа да биде само географски куриозитет. Оваа визуелна лудорија – со своите интергалактички авантури што наликуваат на халуцинација, откачени вонземјани и хумор со висока концентрација – се истакнува со рокерска дрскост и заразна комичност. Филмот е како црна дупка што го вовлекува гледачот во својот хаотичен универзум, каде секое чудовиште е повик на бегство од нормалното и прослава на лудото и необичното“.
Режисерот на филмот, Гоце Цветановски, за фестивалот рече дека многу го почитува поради неговата храброст да прикаже филмови што излегуваат од шаблоните.
„За нас, оваа селекција е како да сме испратиле балкански вселенски брод во срцето на Буенос Аирес. Горди сме што ‘Џон Вардар’ ќе има можност да се сретне со една отворена и љубопитна публика, каква што е аргентинската“, вели Цветановски.
Фестивалот BAFICI (Buenos Aires Festival Internacional de Cine Independiente) се смета за најголемиот и најважен фестивал за независен филм во Латинска Америка. Годинава ќе се одржи по 26-ти пат. BAFICI е познат по својата поддршка на авторскиот филм и по отворањето на нови хоризонти за независни продукции од целиот свет.
„Јон Вардар против Галаксијата“ е поддржан од Агенцијата за филм.
Култура
Голем сценски спектакл „Сонцето, колку е блиску сонцето“ Made in МNT
На 13 ноември во 20:00 часот премиерно ќе се одржи голем сценски спектакл „Сонцето, колку е блиску сонцето“ Made in МNT, од истакнатиот режисер Дејан Пројковски, информираат од Македонскиот народен театар.
„Во оваа претстава ќе се доживее спојот на минатото и сегашноста преку клучните вредности на Македонскиот народен театар – љубов, умeтничка храброст, посветеност, визија, тимска работа, чување на традицијата и создавање нови вредности за иднината. Претставата ќе претставува аудиовизуелно патување низ македонската драматургија, поезија, проза и ликовна уметност. Емотивна приказна посветена на сите големи актери, режисери, драматурзи, но и на сите оние луѓе кои се позади кулисите и помагаат во создавањето на сценскиот универзум во МНТ“, се наведува во соопштението.
Во претставата ќе учествува огромна актерска екипа од ансамблот на Македонскиот народен театар, соло пејачи, воздушни акробати и балетски играчи.
„Публиката ќе биде на едно големо патување во театарот на сонцето. Овој голем сценски спектакл ќе спои повеќе изразни средства со посебен акцент на воздушната акробатика и 3Д-видеомапингот. Идејата е преку создавањето на мултимедијални сцени на оригинален начин пред сѐ преку силно визуелен израз да се раскаже за 80- годишното театарско постоење на МНТ“, велат од театарот.
Во авторскиот тим на овој голем спектакл се потпишуваат: Дејан Пројковски – режисер, Валентин Светозарев – сценограф, Горан Трајкоски – композитор, Сергеј Светозарев – дизајнер на 3Д-видеомапингот и Марија Пупучевска – костимограф.
Премиерата е на 13 ноември, следните изведби се на 14 и 17 ноември 2025 година. Билетите за изведбите на спектаклот ќе бидат пуштени во продажба од денес, 4 април, преку веб-страницата, www.mnt.mk, како и на билетарницата во МНТ.
Притвор за 15-годишно дете кое неколкупати силувало 5-годишно девојче
Основното јавно обвинителство Гостивар до судијата за деца во гостиварскиот суд поднесе барање за поведување подготвителна постапка и предлог за...
Мицкоски: Потребен е механизам за спречување блокади на билатерална основа
Да се воведат механизми кои нема да дозволат билатерални спорови да се пречка за остварување на заедничка цел, порача премиерот...
Министерство за здравство: 69 пациенти се на лекување во странство и нема промена во нивната состојба
Министерството за здравство информира дека во моментов 69 пациенти се на лекување во странство и нема промена во нивната состојба,...
(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното
Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири...
(Видео) Кузеска: Со Тошковски на чело, МВР е во хаос – бодигарди аздисуваат на улиците како на див запад
Со Панче Тошковски на чело на МВР хаос се случува по македонските улици, безбедноста е загрозена, нема никаков ред и...
(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена
Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска...
Словенија ја поддржува реформата на јавната администрација во Македонија
Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни...
Семејствата на починатите во кочанската дискотека денеска излегуваат на протест
Семејствата на починатите во кочанската дискотека организираат „Марш за ангелите“. Протестот ќе се одржи денеска во 12:05 часот. Маршот ќе...
САД почнаа да ги наплаќаат новите царини на Трамп од 10%
Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи...
Денеска облаци и сонце, утре дожд и снег
Утре голема промена на времето. Времето денеска ќе биде променливо облачно со сончеви периоди. Локално ќе има услови за развој...
(Видео) „Поршето“ во Дебар маало не било на полицаец туку на ексамбасадорот Срѓан Керим
Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...
Се организира транспортот на телото на Александар Карадакоски – управителот на „Пулс“ кој почина во Литванија
Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...
90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија
Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...
Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“
Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...
Обвинителството ја запре постапката против починатиот управител на „Пулс“
Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...
Повредени две лица меѓу кои и дете, биле во возилото што излета во Вардар
Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...
Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“
Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...
Уште една жртва од пожарот во Кочани, почина управителот на дискотеката „Пулс“
По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...
ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?
„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...
„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата
„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...
