Култура
„Три дена култура“ – младински уметнички фестивал
Art house Karev, културно-уметничка организација при скопската гимназија „Никола Карев“, и оваа година повторно физички, четврти пат, го организира фестивалот „Три дена култура 4“.
Оваа креативно движечка иницијатива е наменета за млади уметници и претставува простор во кој тие може да си го престават својот креативен импулс, велат организаторите.
„Станува збор за фестивал со рекорден број посетители во текот на годините пред пандемијата, фестивал од кој проникнале бендови што денеска ја сочинуваат младата македонска рок-сцена. Гимназијата ‘Никола Карев’ е место каде што уметничката нота го наоѓа своето прибежиште, место каде што културната слободата е најважната алатка. Фестивалот традиционално се одржува во гимназијата ‘Никола Карев’ и трае три дена, од кои првиот ден е наменет за краткометражни филмови, вториот за театарски претстави и перформанси, а третиот ден е наменет за музика, изложба. Оваа година нашиот фестивал ѝ ги отвора вратите и на литературата преку креативен литературен конкурс“, велат организаторите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Над 450 гости и домашна публика вечерва ќе минат на црвениот килим на Фестивалот „Браќа Манаки“
Над 450 гости кинематографери од САД, Велика Британија, Италија, Франција, Шпанија и Австралија заедно до домашната публика, вечерва во Битола ќе минат на црвениот килим за да го проследат свеченото отворање на 45. издание на Фестивалот „Браќа Манаки“.
Меѓународниот собир и натпревар на кинематограферите ќе почне со доделување на наградата „Златна Камера 300“ за животно дело која годинава му припадна на францускиот кинематографер Бруно Далбонел, како и со доделување на наградата „Голема ѕвезда на македонскиот филм“, чиј добитник е Димитар Грбевски, македонски филмски и телевизиски монтажер.
Во текот на фестивалот којшто трае до 27 септември, ќе бидат емитувани 12 филмови во главната селекција за наградите „Камера 300“, почнувајќи од „Партенопе“, филм со кој вечерва почнува фестивалот.
Култура
Со фотографии од наши фотографи во Холандија ќе се прикажува културната и музичката сцена на земјава
Во Утрехт, Холандија, денеска ќе биде отворена изложбата „5х10“, која ќе ги обедини делата на пет реномирани македонски фотографи: Маја Аргакијева, Огнен Ацевски, Роберт Атанасовски, Зденко Петровски и Стефан Рајхл. Оваа групна изложба, составена од по 10 фотографии од секој фотограф, ќе прикаже повеќе од две децении фотографско творештво, фокусирано врз доловувањето моменти од музички фестивали и концерти во Македонија.
Како што соопштија од Скопје Синема Сити, фотографиите претставуваат уникатен приказ на културната и музичката сцена во земјата, каде што емоциите, енергијата и атмосферата на настапите се доловени преку објективите на овие фотографи.
– Овој настан не само што ја промовира македонската фотографија, туку и нуди можност за интеркултурна размена, покажувајќи ја поврзаноста помеѓу музиката и визуелната уметност пред интернационална публика. Претходно изложбата беше поставена во рамките на „Скопје Синема Сити“, фестивалот за музички документарни филмови, и имаше одличен прием кај публиката, се наведува во соопштението.
Изложбата е организирана од здружението „Номад-Арт“ Скопје, со поддршка на Министерството за култура на Македонија и Македонската православна црковна општина во Утрехт, „Свети Стефан.“
– Настанот има за цел да го промовира македонското културно наследство, а истовремено и да им овозможи на уметниците да се претстават пред европската публика, стои во соопштението од Скопје Синема Сити.
Култура
„Оро без граници“ вечер во Градски парк
На Школка во Градски парк вечер од 19 часот ќе се одржи централниот настан од 33. Меѓународен детски фолклорен фестивал „Оро без граници“.
Детскиот културен центар „Карпош“ со својот фолклорен ансамбл е домаќин и организатор на фестивалот под покровителство на Град Скопје.
Директорката на фестивалот Билјана Лалчевска-Серафимовска истакнува дека „Оро без граници“ е симбол на пријателствo меѓу децата кој континуирано се одржува од 1991 година.
-Еден од главните и најсимболични моменти на фестивалот е дефилето на учесниците, каде се формира најголемото оро, кое не познава граници, оро кое е симбол на пријателство меѓу децата. Овој детски фолклорен фестивал придонесува за зачувување и презентирање на традицијата и културата и промовирање на знаменитостите по кои е препознатливо Скопје, истакнува Лалчевска-Серафимовска во најавата за настанот.