концерти
Џез-концерт на Jazzna Jaaz Quartet во Кавадарци
Со почеток од 20 часот во Домот на културата ,,Иван Мазов – Климе“ во Кавадарци официјално ќе биде затворена традиционалната манифестација ,,Кавадаречка културна есен 2018“.Манифестацијата донесе четириесетина културни и уметнички настани, исклучително добро посетени и тоа театарски претстави (премиери и гостувачки) концерти на блуз, џез и класична музика, ликовни и фотографски изложби, промоции на книги и др.
,,Кавадаречка културна есен 2018“ официјално ќе биде затворена со целевечерен џез-концерт на Jazzna Jaaz Quartet, џез-бенд составен од искусни музичари од повеќе градови во Македонија.
Што се однесува до останатите настани во Домот на културата ,,Иван Мазов – Климе“ во Кавадарци, тие ќе се одвиваат секојдневно до крајот на годината. Следува детската новогодишна претстава на Театарот при Дом на култура ,,Иван Мазов – Климе“, Театар на сенки ,,Рибарот и златната рипка пловат до Лапонија“, која за учениците од основните училишта од општина Кавадарци ќе се игра десет пати поради големиот интерес, и тоа од 17 до 21 декември 2018 од 12 и 13 часот.
Два литературни настани ја очекуваат кавадаречката публика: на 20 декември од 19 часот промоција на првото прозно дело ,,Аранел“ од младиот кавадарчанец Лазар Каров и традиционалното поетско чествување на членовите на Клубот на писатели ,,Тиквешки цветови“ од Кавадарци, на 24 декември од 19 часот. Меѓу другите настани до Нова година би ги издвоиле и новогодишните концерти на најнаградуваното македонско балетско студио „Венус“ од Кавадарци на 25 декември од 18 и 19:30 часот, како и годишната изложба на Друштвото на ликовни уметници од Кавадарци (ДЛУК) на 28 декември од 19 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
концерти
„Медитеранска магија“: Концерт за две пијана и четирирачно пијано на дуото Аврамовска–Мариновски
Во Салон 19 19, на 26 ноември 2025 година со почеток во 19:19 часот, ќе се одржи концертот „Медитеранска магија“ — музичка вечер посветена на јужниот медитерански дух, во изведба на дуото Аврамовска–Мариновски. Наратор на концертот ќе биде Мимоза Рајл.
Публиката ќе има можност да доживее ретко музичко патување исполнето со сончеви ритми, страст и виртуозност. На програмата се дела од италијански, француски и шпански автори, како и премиерни изведби и специјално подготвени аранжмани.
Програма:
Жорж Бизе – Свита „Арлезијанка“ бр. 2
Жорж Бизе – Свита „Арлезијанка“ бр. 1
Ернесто де Куртис – Non ti scordar di me (солист: Илија Белистојановски)
Rodolfo Falvo – Dicitebcelli (солист: Илија Белистојановски)
Г. Росини – Увертира „Крадливата страчка“
Исаак Албениз – Rapsodia Española
Дуото, активно веќе девет години, има бројни настапи во Македонија и во странство — меѓу кои Турција, Бугарија и САД. Нивната работа е посветена на спојот меѓу македонската традиција и современиот музички израз, со концертни програми што ја освојуваат публиката со емоција и уметничка длабочина.
„Медитеранска магија“ ветува вечер исполнета со топлина, енергија и дух на јужниот Медитеран — музика која ги надминува границите и допира директно до публиката.
концерти
Почна фестивалот „Виноскоп 2023“
Со настапи на Стефан Петановски, Пајак, „Офчестра“, „Брас брадрс“ и „Фолтин“ вчера беше отворен фестивалот „Виноксоп“, кој веќе тринаесет години по ред ја промовира македонската винска култура.
![]()
Со учество на над 40 винарници и гурмански катчиња фестивалот продолжува до сабота, а денеска концертни настапи ќе имаат „Баклава“, Нино Величковски, Сале Певац, Дани Димитровска и „Куку леле’.
![]()
Програмата почнува во 17 ч со „афтер ворк“ забава, а до 19 ч на секои две купени вина, посетителите ќе добијат едно гратис.
концерти
Петтото издание на музичкиот фестивал „Андерфест“ Скопје
Музичкиот фестивал „Андерфест“ ќе се одржи петти пат на 13 октомври во Младинскиот културен центар (МКЦ).
На овој јубилеј публиката ќе може да ужива во музиката од алтернативната, рок, панк-рок, метал, хардкор-сцената од нашата држава, која ќе покаже дека е одлична и има што да понуди.
Од најавените бендови, сите ѝ се одлично познати на македонската публика. Се работи за актуелни музички имиња за кои организаторите очекуваат многу публика и ветуваат забава.
На „Андерфест 5“ ќе настапат: Преку ред, Ред 18, Конспираси, Луфтанза, Пич Ваис и Последен удар.
Продажбата на билети за концертот e почната и можете да ги набавите преку следниот линк.

