Култура
На ИФФК „Браќа Манаки“ годинава ќе се прикажат 95 филмски наслови
Годинава имаме фестивал со богата, интензивна, интересна и квалитетна програма. Многу филмови, голем број на работилници, мастер класови и тркалезни маси.
Годинава имаме фестивал со богата, интензивна, интересна и квалитетна програма. Многу филмови, голем број на работилници, мастер класови и тркалезни маси.
Првпат ќе може публиката да ужива во седум филмови од оставнината на Браќата Манаки, но и во прекрасната музика од концертот „Слушајте филм“ на македонската филхармонија, рече Лабина Митевска, директорката на фестивалот „Браќа Манаки“.
На овогодишното 31-во издание на Интернационалниот фестивал на филмска камера „Браќа Манаки“ ќе бидат претставени 95 филмски наслови во девет програмски селекции, поточно главна, документарна, јуниор програма, фокус на новиот фински, израелски и бугарски филм, програма на краток филм, ЕФА програма на краток фил, како и ретроспективна програма и македонска панорама.
За првпат оваа година ќе биде воведена и детска програма во која ќе бидат прикажани пет детски анимирани филмови, а истите ќе бидат проектирани два пати дневно во периодот од 17 до 20 октомври. Голема заинтересираност е покажана за документарните филмови и годинава биле пријавени рекорден број на 67 документарни филмови од кои за прикажување се избрани девет.
На ова издание на фестивалот „Браќа Манаки“ ќе присуствува и добитникот на специјалната награда „Камера 300“, Роџер Прат, кој е потписник на 40 филмови, меѓу кои се и „Чоколадо“, „12 мајмуни“, „Бетмен“ и многу други.
Фестивалот ќе се одржи во Домот на културата во Битола од 16 до 22 октомври, а на неговото официјално отворање ќе се прикаже филмот „Мајки“ на Милчо Манчевски. Меѓу присутните гости на претставувањето на програмата за овогодишниот фестивал беше и внукот на Милтон Манаки, кој го носи неговото име и презиме.
Предвидени се многу работилници, меѓу кои и работилницата за филмска критика со уредничката на „Варајети“ Кристин Вајлдер, Тркалезна маса за филмската критика, Недостига ли женскиот „допир“ во филмот, Работилница за зудиција за улоги со Беатрис Кругер и многу други. За реализација на фестивалот се потрошени 200 илјади евра, во кои Министерството за култура учествува со 4 милиони денари./крај/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Премиера на кратките филмови создадени во „Филмска училница“
На 13 декември, сабота, со почеток во 19:00 часот, во киносалата на Кинотеката ќе се одржи специјална проекција на кратките филмови изработени од младите филмаџии – учесници на работилницата „Филмска училница“, реализирана од Кинотеката на Република Северна Македонија и Гете-институт Скопје, како дел од меѓународниот проект ФилмЕД.
Премиерно ќе бидат прикажани четири кратки филма создадени во рамките на училницата: КЛЕТВАТА НА ПАПАГАЛОТ, ТИ И ЈАС, РОДЕНДЕНСКА МИТЕРИЈА, ПИСМОТО ЗА НАСТАВНИЧКАТА и ДЕВОЈЧЕТО НА СЛИКАТА.
Филмските училници од проектот ФилмЕД се одржуваа секоја сабота во Кинотеката во текот на првото полугодие од учебната 2025/26 година, а во нив учествуваа деца на возраст од 11 до 14 години. Под менторство на режисерите Саша Станишиќ, Светислав Подлешанов и Кирил Каракаш, младите учеа за основите на филмската уметност и активно работеа на создавање на свои први кратки филмови – во улоги на режисери, сниматели, актери и сценаристи.
„Филмска училница ФИЛМЕЈ“ е дел од проектот ФилмЕД, кој, покрај развој на методологии за филмска едукација, има за цел да ѝ понуди на младата публика можност да гледа филмови, но и место за дијалог и критичко промислување за нив. Преку интерактивни и креативни процеси, учесниците стекнаа основни знаења за филмот и филмската уметност, развија критичко размислување и добија практични вештини за создавање видео-содржини како средство за лично изразување. Кратките филмови што ги создадоа на овие училници утревечер ќе бидат прикажани пред нивните семејства, пријатели и пошироката јавност.
Кинотеката на Северна Македонија и Гете-институтот Скопје се дел од меѓународниот проект FilmED (Film Education), финансиран од Европската Унија преку програмата МЕДИА. Покрај нив, во проектот учествуваат партнери од Полска (Centrum Kultury Filmowej im. Andrzeja Wajdy), Унгарија (Nemzeti Filmintézet Közhasznú Nonprofit Zrt.), Чешка (Kruton) и Словачка (Kino Úsmev), а координатор на целиот проект е Гете-институтот во Прага.
Култура
Сашо Блажес изложува на меѓународна изложба во Кина
Современиот уметник Сашо Блазес е учесник на меѓународната групна изложба „Par-delà les nuages – abstraction“, организирана од реномираниот француски колектив Réalités Nouvelles, која се одржува во Сужоу, Кина, од 14 декември до 25 февруари.
Изложбата обединува современи апстрактни уметници од повеќе земји и ја истражува апстракцијата како универзален визуелен јазик што ги надминува културните и географските граници.
Проектот е куриран од Оливие Ди Пицио (Франција) и реализиран во соработка со француски и кинески културни институции.
Култура
Промоција на поетската книга „Ситна боранија“ од Јовица Ивановски
Во понеделник, 15.12.2025, со почеток во 20 часот, во новиот ЛАБОРАТОРИУМЛабораториум (12 Македонска Ударна Бригада бр. 2а, на паркингот позади старата Градска болница – некогашен Јукан), ќе се одржи промоција на поетската книга „Ситна боранија“, од Јовица Ивановски.
Книгата ќе ја промовираат Владимир Јанковски и Сашо Гигов-Гиш.
Авторот, воедно, прославува и двоен јубилеј: триесет години творештво и дваесетта книга поезија.
Jовица Ивановски е роден во Скопје, 1961 година. Автор е на дваесет книги поезија и неколку избори на македонски и англиски. Застапен е во повеќе антологии и препеан на петнаесетина јазици. Добитник е на наградата „Браќа Миладиновци“ на Струшките Вечери на Поезијата за книгата „Човек“ (2019).

