Култура
Канскиот фестивал го објави изборот, агенциите го бојкотираат

Незадоволни со ограничувањата што ги наметнува органзитарот, светските водечки новински агенции AFP, Reuters i AP решија да ја бојкотираат прес-конференцијата со која во четврок во Париз е претставен изборот за 63. Кански филмски фестивал
„Решивме да ја бојкотираме конференцијата поради ограничувањата“, изјави Филип Масоне, директор на вести во AFP, појаснувајќи дека новите прописи ги казнуваат агенциските корисници ширум светот.Организаторот на Канскиот филмски фестивал кој ќе се одржи од 12 до 23 мај, ги извести агенциите дека на сила ќе стапи ограничување за сниамње на ѕвездите и конференциите за медиумите. Тие ограничувања произлегоа како резултат на договорот кој организаторот го потпиша со комбинираната француска телевизја Canal+ и филијалата на претплатничката телевизија Orange кои добиваат ексклузивно право на следење на фистивалските случувања и појавувањата на филмските ѕвезди.Германската агенција DPA во нејзиниот извештај од Париз објави дека само еден американски филм е вброен во годинашниов избор, а од Кина ниеден.Во конкуренцијата за награди ќе бидат филмови од 13 земји, а меѓу нив две првпат влегуваат меѓу филмовите кои ќе се натрпеваруваат за наградите, тоа се Чад и Украина.„Со ова се покажа дека филмот стана планетарна уметност“, вели главниот претставник на фестивалот, Тиери Фремон.Американската конематографија, како што рековме, е застапена со еден филм „Fair Game” на Дог Лиман со актерите Шон Пен и Наоми Вотс. Во филмот станува збор за случајот на агентката на CIA Валери Плејм, чиј идентитет го откри службеник од администрацијата на поранешниот претседател на САД, Џорџ Буш, како одмазда зато ашто нејзиниот сопруг откри дека Вашингтон со лажирање на податоците за наводната ирачка вооружена закан создал можност за напад врз Ирак.Во Кан ќе биде прикажан и новиот филм на Вуди Ален „You Will Meet a Tall Dark Stranger” (Ќе сретнеш висок темен странец), но по барање на самиот Вуди надвор од конкуренцијата.Меѓу натпреварувачите ќе се најдат и познатиот британски режисер Мајк Ли со „Another Year”, како и Мексиканецот Алехандро Гонзалес Инарриту со „Biutiful” во кој насловната ролја ја толкува шпанскиот актер Хавиер Бардем.Режисер на првиот филм од Чад кој ќе биде прикажан во речиси шест ипол-децениската историја на Канскиот филмски фестивал е Махамат-Салех Харун со филмот „A Screaming man” (Вриштач), а на украинскиот „You. My Joy” (Ти, моја радост), е Сергеј Лозница.Другите филмови во официјалниот избор се: (режисер-име-земја) Матје Амалрик „Tournee” (Турнеа), Франција; Хавиер Бовуа „Des Hommes et des Dieux” (Мажите и боговите), Франција; Бертран Траверние „La Princesse de Montpensier” (Принцезата од Монтпенсиер), Франција; Ришар Бушареб „Hors la Loi” (Надвор од законот), Алжир; Абас Киаростами „Copie Conforme” (Автентична копија), Иран; Такеши Китано „Outrage” (Навреда), Јапонија; Им Сонгасоо, „Домашна помошничка“, Јужна Кореја; Ли Чанг-донг „Poetry” (Поезија), Јужна Кореја; Даниеле Лучети „La Nostra Vita” (Наш живот), Италија; Никита Михалков „Utomlyonnye Solntsem 2″ (Изгорени од сонцето 2), Русија;; Апичатпонг Верасетакул „Loong Boonmee Raleuk Chaat” (Вујкото Бунми кој се сеќава на минатите животи), Тајланд; Претседател на годинешново жири во Кан е американскиот режисер Тим Бартон, а го сочинуваат уште и актерот Бенисио дел Торо и индискиот режисер Шакар Капур.Главниот претставник на фестивалот Фремо, обајви дека идните денови пописот на 16-те филмови во натпреварувачката конкуренција може да биде дополнет, појаснувајќи дека фестивалот е погоден од економската криза па и бројката прикажани филмови нема да биде поголема од минатата година. Исто така, соопштено е дека до организаторите биле испратени 1.665 долгометражни филмови, што е за пет фиолмови помалку од лани.Фестивалот ќе биде отворен на 12-ти мај со проекција на филмот „Робин Худ“ на режисерот Ридли Скот, во кој насловните улоги ги толкуваат Расел Кроу и Кејт Бланшет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Фестивалот „Културен амалгам“ почна во Скопје, а вечерва продолжува во Крива Паланка

Првата вечер од второто издание на фестивалот „Културен амалгам“ започна во Културно информативен центар – Скопје на 15 јули со впечатлив настан во Скопје, обединувајќи фотографија, документаристика и уметнички експеримент во еден културен мозаик. Публиката во КИЦ Скопје имаше ретка можност да ја проследи изложбата „ФотоСинтеза“, која претстави над 40 автори од Романија специјализирани за алтернативни фотографски техники како цијанотипија, вандајк и гум-бихромат. Делата беа силно поетични, но и технички прецизни, нудејќи свежа перспектива на историските процеси во современ контекст.
Веднаш потоа, беше прикажан документарниот филм „Манaки – Приказна во слики“, режиран од Роберт Јанкулоски, кој со внимателно истражена нарација и автентични фотографии нè врати во времето на првите балкански кинематографери, преку факти кој ретко кој ги знаел. Филмот остави силен печат врз публиката со својот достоинствен пристап кон културното наследство, давајќи историски контекст на приказната.
Со ова, фестивалот започна како што и најави: со јасна визија, културна длабочина и отвореност кон интердисциплинарна уметност.
Вечерва Крива Паланка станува нова станица на патувачкиот фестивал „Културен амалгам 2025“. Во просториите на Градскиот музеј, од 20 часот, публиката ќе има можност да ја проследи ревијалната изложба „ФотоСинтеза“, која прикажува редок избор на алтернативна фотографија од фотоклубот „Ирис“. Техники како цијанотипија, гумоил и вандајк ќе бидат изложени преку дела на над 40 автори, кои го оживуваат минатото со современа чувствителност.
По изложбата ќе следува и проекција на документарниот филм „Манаки – прикзна во слики“, посветен на животот и делото на пионерите на балканската фотографија – браќата Манаки.
Настанот е бесплатен и отворен за сите љубители на уметноста, културата и фотографијата.
Следна станица на естивалот е Куманово на седми август во Центарот за култура „Трајко Прокопиев“.
Со овие активности Културно-информативниот центар – Скопје настојува да поттикне децентрализација на културата во Македонија и да воспостави трајна соработка меѓу културните институции низ земјата.
Целта е да се заживеат локалните простори преку изложби, проекции, работилници и трибини, како и да се создадат нови услови за самоорганизирано културно делување. Годинешната тема е фотографијата, со фокус на нејзиниот историски развој и алтернативни техники кои повторно стануваат актуелни. Проектот има и амбиција да се прошири на регионално и меѓународно ниво.
Фестивалот е поддржан од Министерството за култура и туризам.
Култура
14. издание на Интернационалниот детски театарски фестивал „Битолино“

Под мотото „Театарот го менува светот“ од 3 до 7 август во НУ Центар за култура – Битола ќе се одржи 14. издание на Интернационалниот детски театарски фестивал „Битолино“.
Во традиционалниот термин на две сцени во Центарот за култура ќе се одиграат десет претстави. А покрај официјалната натпреварувачка програма, фестивалот оваа година подготви богата придружна програма.
Шест претстави од Грузија, Унгарија, Хрватска, Бугарија, Албанија и Македонија ќе се натпреваруваат за фестивалското Гран-при за најдобра претстава во целина. Дел од програмата се театрите „Нодар Думбадзе“ и „Пиро Ќеци“, национални установи од Грузија и Албанија. А ни доаѓаат и признатите независни продукции: „Колибри“ од Унгарија и „Мала сцена“ од Хрватска кои важат за најстари и водечки театри за деца во своите земји. На програмата е и куклениот театар „Сенџу“ од Бугарија кои ни носат јапонски куклен театар по методот на Такеда а за прв пат на „Битолино“ ќе учествува и Театарот „Сенки и облаци“ од Скопје.
„Нашите сцени се место каде што детската насмевка, фантазијата и искрените емоции се во центарот на вниманието. Преку театарот ние не само што раскажуваме приказни, туку и ги воспитуваме идните генерации – во духот на емпатија, разбирање и љубов кон уметноста. Срдечно им се заблагодарувам на сите театари од целиот свет кој изразија интерес да учествуваат. А особено – на децата, нашата верна публика изминатите тринаесет години кои се срцето на сè што правиме.“ – истакна Филип Етмишовски, директор на Бабец театар и Интернационалниот детски театарски фестивал „Битолино“.
Во годината кога Драмскиот аматерски фестивал во Кочани, кој важи за носечка платформа за театарските аматери, е оправдано одложен. „Битолино“ одлучи да ја отстапи својата сцена на аматерските театри и театарски школи од земјата. Оваа година во придружната програма ќе бидат Театар Чекори од Скопје и Театарот при ЈОУ Дом на култура „Иван Мазов – Климе“ од Кавадарци. Фестивалот ќе го отвори и затвори Театарската школа „Бабец“ со претставите „Зборови“ и „Аудиција“. Токму со премиерата на младинската постановка на „Аудиција“ по текст на Александар Галин, Бабец театар ќе го одбележи и својот јубилеен 15. роденден.
Во придружната фестивалска програма е и дводневна театарска работилница за куклен театар „Светот на куклите“ со бугарската режисерка и актерка Ефимиа Павлова. Токму директорката на Државниот куклен театар во Сливен, Бугарија ќе биде претседател на фестивалското жири. Останатите два члена се македонските актери со интернационална театарска, филмска и телевизиска кариера: Тони Наумовски и Мартина Тапарчевска.
Фестивалот е поддржан како проект од национален интерес во рамки на Годишната програма на Министерстовото за култура и туризам на Македонија, Годишната програма за култура на Општина Битола а генерален спонзор е Комерцијална банка АД Скопје.
Култура
Пет книги влегоа во потесен избор за наградата „Браќа Миладиновци“ на Струшките вечери на поезијата за 2025

Пет книги влегоа во потесен избор за наградата „Браќа Миладиновци“ на Струшки вечери на поезијата за 2025.
„Жири-комисијата за доделување на наградата „Браќа Миладиновци“ на СВП за 2025 година одржан на 18 јули 2025 година По завршување на првата, поединечна фаза на работа, во согласност со Правилникот за наградата, Во текот на првиот дел на состанокот, во согласност со Правилникот, едногласно ја усвои следнава листа на потесен избор од пет поетски книги (наведени по азбучен ред, според презимето на авторот):
– „Рубедо“ од Андреј Ал-Асади (Скопје: ПНВ Публикации, 2025)
– „Рајсфершулс“ од Јулијана Величковска (Скопје: ПНВ Публикации, 2024)
– „Маслина и младост“ од Гордана Михаилова Бошнакоска (Скопје: Макавеј, 2025)
– „На ти со Ерос и Танатос“ од Виолета Танчева-Златева (Скопје: Три, 2025)
– „Вообразби: лирски етиди за некој друг свет“ од Бранко Цветкоски (Скопје: Макавеј, 2025)“, се истакнува во информацијата.
На конкурсот, според соопштеното, се пристигнати 37 книги од исто толку автори, кои влеголе во конкуренција.
Согласно планираните програмски активности, читањето на застапените автори во потесниот избор ќе биде на 22 август, додека добитникот на наградата „Браќа Миладиновци“ за најдобра поетска книга меѓу две фестивалски изданија, објавена на македонски јазик, што ја доделува СВП ќе биде прогласен на 23 август.
„На конкурсот пристигнаа вкупно 35 наслови. Покрај паричниот износ, како дел од наградата од 2012 година во издание на СВП наредната година наградената книга ја објавува во превод на еден странски јазик и ја претставува преку промоција и портрет на добитникот“.