Култура
Програма за „Мајските оперски вечери“

„Мајските оперски вечери“ оваа година ќе се одржуваат по 38-ми пат во просториите на Македонската опера и балет (МОБ)
„Мајски Оперски вечери“ ќе се одржуваат од 9 до 31 мај, на свеченото отворање ќе се емитува претставата „Љубовен напиток“ од Гаетано Доницети под режисерската палка на Саша Николовски – Ѓумар во режија на Гордан Драговиќ – Черногорски од Србија. ПРОГРАМА: 09.05.2010 – 20ч.-Свечено отворање Гаетано Доницети„Љубовен напиток“ – премиера Диригент: Саша Николовски – ЃумарРежисер: Гордан Драговиќ – Черногорски(Србија) Сценограф: Марија ВетеровскаКостимограф: Љупка AрсовскаКореограф: Тања Поповиќ(Србија) Солисти: Марко Фрузони (Италија)Елвира Фатикхова (Русија)Владимир СаздовскиГоран НачевскиКатерина Стојановска 14.05.2010 – 20ч. Џезепе Верди„Травијата“ Диригент: Џонатан Веб (Англија)Режисер: Емил Бошнаков (Бугарија)Сценограф: Живојин ТрајановиќКостимограф: Марија Пупучевска Солисти:Дарина Такова(Бугарија)Ифрим Козмин (Романија)Горан Начевски 18.05.2010 – 20ч.Џакомо Пучини„Турандот“ Диригент: Енрико Довико (Италија)Режисер: Кузман Попов (Бугарија)Сценограф: Зоран НиколовскиКостимограф: Марија Пупучевска Солисти: Марија Драгони (Италија)Александру Бадеа (Романија)Сандра МитровскаИгор ДурловскиНико Исаков (Бугарија) 20.05.2010 – 20ч. Концерт„Вечер на Густав Малер“ Диригент: Пол Вајголд (Германија) Солисти:Горан Начевски – баритонИрена Кавкалеска – мецо сопран 23.05.2010 – 20ч. Лудвиг Минкус„Дом Кихот“ – балет Диригент: Саша Николовски – ЃумарКореограф: Виктор Јеременко (Украина)асс.кореограф: Тања Вујисиќ – ТодоровскаСценограф: Андреј Злобин (Украина)Костимограф: Гана Ипатиева (Украина) Солисти: Јанелис Родригез Ферер (Куба)Хозе Карлос Лосада Моралес (Куба) 26.05.2010 – 20ч. Жорж Бизе„Кармен“ Диригент: Максимилијан Ценчиќ (Австрија)Режисер: Кузман Попов (Бугарија)Сценограф: Живојин ТрајановиќКостимограф: Марија Пупучевска Солисти: Гаља Ибрагимова (Чешка)Иван Момиров (Бугарија)Франсоа Лис (Франција)Олгица Милевска 31.05.2010 – 20ч. Џузепе Верди„Аида“ Диригент: Јануш Пшибилски (Полска)Режисер: Дејан ПрошевСценограф: Зоран КостовскиКостимограф: Елена ДончеваКореограф: Снежана Филиповска Солисти:Марија Хозе Сири (Уругвај)Хозе луис Дувал (Мексико)Лаура Бриоли (Италија)Нико Исаков (Бугарија)Владимир СаздовскиАлександар Стефаноски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Националниот џез-оркестар ќе гостува на фестивалoт Сплитско лето

Националниот џез оркестар ќе гостува на еден од најзначајните културни настани во регионот – фестивалот „Сплитско лето“. Концертот ќе се одржи на 30 јули, на величествениот Перистил во Сплит, во организација на Хрватскиот народен театар.
Овој концерт ја отвора новата сезона на интернационални гостувања за Националниот џез оркестар, со кои оркестарот ја зацврстува својата позиција на меѓународната музичка сцена преку иновативен пристап и силна уметничка визија.
Публиката во Сплит ќе има ретка можност да ужива во уникатна програма што го поврзува современиот џез со традиционалното португалско фадо – во изведба на Националниот џез оркестар и извонредната вокалистка Мариа Мендеш, под диригентство на маестро Владимир Николов.
Соработката на Националниот џез оркестар со Мариа Мендеш започна со незаборавниот концерт во Скопје, во март оваа година. Вечер што нежно допре до публиката, благодарејќи на внимателната и чувствителна изведба која создаде посебна атмосфера.
Настапот на „Сплитско лето“ носи повеќе од музика – тој е израз на културна размена, меѓународна поврзаност и внимателно претставување на македонската уметничка сцена пред европската публика.
Култура
Две нови фестивалски селекции во Италија за „Јон Вардар“

Македонскиот долгометражен анимиран филм „Јон Вардар против Галаксијата“ продолжува со успешното фестивалско патешествие, со две нови селекции во Италија. Филмот ќе биде прикажан во главната програма на Ariano International Film Festival, каде што ќе има прајм-тајм проекција овој вторник, 29 јули, како и на International Tour Film Festival во Рим, во текот на октомври.
Двата фестивала имаат за цел да ја промовираат кинематографската уметност преку поттикнување на иновативни стилски пристапи и културна размена помеѓу различни народи и култури. Особено внимание се посветува на дела кои ја комбинираат уметноста со забава, едукација и современа визуелна експресија.
„Многу сум среќен што филмот продолжува да живее на фестивали низ Европа и светот. Италија е посебно значајна за мене, бидејќи е земја со богата традиција во анимацијата и филмската уметност. Овие селекции се уште една потврда дека и од малите земји можат да дојдат големи авантури,“ изјави режисерот Гоце Цветановски.
Овие нови селекции доаѓаат по италијанската премиера во мај на Cartoons on the Bay, најголемиот италијански фестивал за анимација, каде што „Јон Вардар против Галаксијата“ се натпреваруваше за Pulcinella Award, една од најпрестижните европски награди во областа на анимацијата.
Култура
Камерниот ансамбл „Консонанс“ настапи на Охридско лето

Камерниот ансамбл „Консонанс“ со концертот „Мозаик“ вчеравечер се претстави пред публиката на фестивалот „Охридско лето“.
Извонредните уметници, флејтистката Елена Дојчинова, Маја Чанаќевиќ која свири на англиски рог, кларинетистот Здравко Ангелов, Сашо Темелковски на бас-кларинет и Дарко Илиевски на хармоника кои се и професионални музичари во Македонската филхармонија, ја збогатија фестивалската програма на класична музика со дела напишани од македонски композитори.
Концертната вечер започна со „Минијатури“ од Благој Цанев, припадник на четвртата генерација македонски композитори.
-Ова е посебно дело што сакам да го потенцирам бидејќи токму на вчерашниот концерт доживеа премиерна изведба во оваа верзија и за овој ансамбл. Композицијата „Минијатури“ е дело од македонскиот композитор Благој Цанев којшто почина пред пет години и оваа година, ние, на овој начин, јубилејно ја одбележуваме петгодишнината од неговата смрт изведувајќи го ова дело во овој состав. Инаку, аранжманот за овој состав го направи неговиот внук, Филип Иванов, којшто е исто така композитор, вели Маја Чанаќевиќ.
Второто дело што го изведоа уметниците од Консонанс ансамбл „Мозаик“ е посветено и напишано токму за овој состав од Филип Иванов, кој припаѓа на најмладата генерација македонски композитори. На концертниот репертоар беа уште неколку композиции од композиторот Дарко Илиевски кого публиката во црквата „Света Софија“имаше можност да го види со својата хармоника како дел од овој ансамбл.
-Дарко Илиевски свири хармоника, но е и композитор кој пишува прекрасна музика што се базира на македонскиот фолклор. Тоа не се аранжмани на македонски фолклор, туку комплетно нови композиции кои само се инспирирани од македонскиот фолклор, појаснува Чанаќевиќ.
Според неа, „Охридско лето“ преку застапеноста на македонските музичари и композитори на фестивалската програма покажува дека негува посебен однос и почит кон македонското музичко творештво.
-Фестивалот „Охридско лето“ за нас музичарите во Македонија претставува врвот на нашата кариера. Настапот на „Охридско лето“ и со Македонската филхармонија се врвот којшто може да го достигнеме во нашата држава и сме навистина пресреќни поради тоа што директорот на фестивалот Ѓорѓи Цуцковски и селекторката Симона Ѓорчева годинава ни ја дадоа можноста и нè поканија да учествуваме на 65-издание на „Охридско лето“. Со тоа, тие покажуваат посебен однос и почит кон македонското музичко творештво, значи, не само кон македонските музичари, туку и кон македонското музичко творештво бидејќи на нашиот концерт беа изведени дела исклучиво од македонски композитори, додава Чанаќевиќ.
„Консонанс“, основан во 2007 година, е истакнат ансамбл кој на своите почетоци беше составен исклучиво од дрвени дувачки инструменти, но денес во својот состав вбројува и други инструменталисти кои го збогатуваат звукот на овој состав. Музичарите од ансамблот, кои имаат долгогодишно искуство, подеднакво се посветени на оркестарската, соло и камерната музика.