Култура
Почина карикатуристот Владо Јоциќ

Денска во 71-та година од животот во Скопје почина карикатуристот Владо Јоциќ, кој покај со ова звање имаше и академска титула инженер архитект
Владо Јоциќ е роден 1939 година во Пожаревац, Србија, со карикатура почнал да се занимава на 19-година возраст, во весникот Студентски збор. Оттогаш во изминатите години животот му се одвива во знакот на карикатурата. Учествувал во формирањето на младинскиот студентски клуб на карикатуристите Кикс, како и во создавањето на истоимениот прилог за хумор и сатира на Студентски збор.Надминувајќи ги студентските теми и проблеми, со неколку колеги ја покренува рубриката Епицентар во скопски Вечер. Не напуштајќи ја страницата за хумор и сатира во Нова Македонија (со повремени излети до Млад борец, Јеж, Политика, Борба, Весели свет, Ослобоѓење, Павлика, Феферон и т,н.). Во 1966 г. заедно со Славко Јаневски, Цветан Станоевски, Бошко Смаќовски и Дарко Марковиќ учествува во обновувањето на македонското хумористичко списание Остен како уредник за карикатура.Оттогаш работи во Остен, каде што зазема разни функции: уредник за карикатура, заменик главен и одговорен уредник, главен и одговорен уредник, директор на Светската галерија за карикатури.Карикатурите на Владо Јоциќ се објавувани ширум светот: Канада, СССР, Полска, Турција, Грција, Италија, Швајцарија, Германија, Унгарија Романија, Бугарија Чешка, Словачка, Белгија, Холандија, Монголија, Аргентина, Австралија и во сите бивши Ју- републики.Добитник е на 22 меѓународни награди за карикатура во земјата (Светска галерија на карикатури) и странство, како и за новинарство од Здружението на новинарите на Македонија.Со самостојни изложби се претставил во Охрид, Ледница – Полска, Форте деи норми – Италија, Лесковац – Србија, Гостивар и Струга.Учествувал на сите изложби на македонските карикатуристи во земјата и странствоПокрај карикатурите, се занимавал и со илустрација и опрема на книги со над 120 остварувања на тој план. За дизајнот на книгата Скопскиот трамвај од Христо Петревски е награден од Културно-просветната заедница на град Скопје. Објавил две книги со карикатури: Луѓе (Студентски збор) 1972 г. и Кроки портрети на македонски писатели (ДПМ) 1997 г. Автор е на повеќе плакати, за што е наградуван со Прва награда во Краков – Полска и Акшехир- Турција. Добитник е на орден Заслуги за мир на СССР.Преведува од српски, бугарски, англиски, француски, како и од македонски на српски јазик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
„Голдберг варијациите“ на Бах во изведба на Дино Имери – утре во Виена

Македонскиот пијанист Дино Имери, еден од највпечатливите уметници на својата генерација, утре (13 јуни) ќе настапи во Виена – глобалниот и историски центар на класичната музика. На програмата е капиталното дело на Јохан Себастијан Бах – „Голдберг варијации“, кое ретко се изведува на концертните сцени низ Европа, токму поради неговата исклучителна сложеност и длабочина.
Концертот ќе се одржи во престижниот „Бехштајн Центрум“ во Виена, во организација на Амбасадата на Република Северна Македонија, со поддршка од Македонско-австрискиот бизнис клуб и компанијата SSB Infrastructure-Austria.
Ова дело, коешто Имери премиерно го изведе во Скопје во рамки на „Недела на Бах“, привлече големо внимание од публиката и критиката. Програмата бара техничка виртуозност и уметничка зрелост, а само мал број пијанисти во светот се осмелуваат да го стават во својот концертен репертоар.
„Настап во Виена е сон на секој уметник. Особено ми е чест да ги изведам ‘Голдберг варијациите’ – едно од најмонументалните дела на класичната литература, на сцена пред публика која секојдневно слуша врвни уметници и програми. Работев на ова дело повеќе од пет години. Искрено им се заблагодарувам на Н.Е. г-дин Освит Росоклија и на поддржувачите на концертот – без нив оваа реализација немаше да биде можна“, изјави „волшебникот на пијаното“ Дино Имери пред настапот.
Концертот е со слободен влез и отворен за сите љубители на класичната музика.
Култура
Фестивалот Credence Dance почнува на 16 јуни

Третото издание на фестивалот Credence Dance започнува на 16 јуни, а ќе трае до 21 јуни со програма конципирана тематски, Вечери на класичен балет и Вечери на современ танц.
Фестивалот оваа година има и дополнителна програма која ќе се состои од работилници и трибини. На програмата се фрагменти од бисерите на класичното наследство „Лебедово езеро“, „Рајмонда,“„Копелија“, „Дон Кихот“, „Силфида“ и други.
Освен тоа во делот на модерниот и современиот танц премиерно ќе бидат изведени дела на Игор Киров, Бојан Мицов, Џонс Хинг, Франциско Руиз и Јована Петровска кој кореографите наменски ги подготвија за фестивалот.
Овогодинешниот Credence Dance фестивал ќе понуди ексклузивни гости од Кина, САД, Италија, Франција, Германија, Велија Британија итн. Ова е исклучителна и ретка можност да се видат овие уметници на домашна сцена.
Во рамки на фестивалот традиционално ќе биде врачена Наградата за трајни вредности во танцовата уметност. Настанот се одржува во Националата опера и балет.
Фестивалот е поддржан од Министерството за култура и Универзитетот „Св Кирил и Методиј“, Скопје. Влезот е слободен.
Култура
Во Москва излезе „Пиреj“ од Петре М. Андреевски

Романот „Пиреj“ излезе од печат во Москва на инициjатива на Олга Панкина, познат популаризатор на македонските културни вредности во Русија. Таа го преведе уште во 2008 година, го обjави издавачката куќа „Феникс“, Скопjе. Како што обjаснува Панкина, романот на руски веднаш предизвика интерес каj публиката, но сепак книгата не можеше да допре до широк круг рускоjазични читатели. Сметаjќи го романот на основоположникот на современата македонска проза Петре М. Андреевски за ремек дело, таа си постави за задача да го преобjави во Москва.
Оваа година идеjата jа поддржа Центарот за книга „Рудомино“ со коj Олга Панкина плодно соработува веќе петнаесет години (Центарот за книга има обjавено творби на над 20 македонски автори).
Ова издание на „Пиреj“ е многу квалитетно (368 страни, тврд повез) и изгледа современо. На корицата има фрагмент од сликата „Стара куќа“ на Олга Панкина. Блескав предговор за книгата напиша Венко Андоновски, коj даде за руска читателска публика основни информации за историјата која е заднина на личната драма на едно македонско семејство од почетокот на ХХ век, семејството на Јон и Велика, jа подвлече актуелноста на романот и го нарече како најголем македонски бестселер на сите времиња.
Тукушто обjавениот роман веќе заживее своj книжевен живот – почна да стекнува читатели. Минатата недела, од 3 до 7 jуни, беше презентиран на Саемот на книга на Црвениот плоштад во Москва на штандот на издавачот Центар за книга „Рудомино“.