Култура
Летна школа на Меѓународниот семинар за македонски јазик, литература и култура

Во Конгресниот центар на Универзитетот „Свети Кирил и Методиј“ во Охрид по 43-ти пат е отворена Летната школа на Меѓународниот семинар за македонски јазик, литература и култура
Ректорот на Универзитетот „Свети Кирил и Методиј“, Велимир Стојкоски во обраќањето до учесниците на летната школа, изрази длабока благодарност и задоволство што токму македонскиот јазик го одбрале за главен предмет на нивната едукација и нивната научна ориентација.„Оваа година на семинарот учествуваат сто учесници од 22 земји, од кои 96 се стипендисти, а само четворица сами ги покриваат трошоците за учеството на собирот. Особено радува фактот што од година во година се зголемува интересот кај младите за изучување на македонскиот јазик, оттаму што сите кои го завршиле семинарот иминатите 40-тина години стануваат наши амбасадори на нашата литература, култура и историја ширум светот“, истакна Стојкоски.Министерот за образование Никола Тодоров на отворањето на семинарот го потенцираше значењето на изучувањето на македонскиот јазик, неговата обработка од научен и образовен аспект, неговото негување, особено во овие, како што рече, актуелни историски околности.„Оваа исклучително значајна меѓународна манифестрација во своето долгогодишно постоење одиграла голема улога во афирмацијата на македонскиот јазик, литературата и културата низ целиот свет, рече министерот Тодоров, потсетувајќи дека на летната школа во Охрид досега учествувале повеќе од три илјади учесници од над 45 земји, меѓу кои истакнати македонисти, професори по македонски јазик и литература на странски универзитети, слависти, балканисти, преведувачи, научни работници и студенти кои го изучуваат македонскиот јазик по македонските лекторати низ светот.Работата на годинaшната Летна школа започна со преставувањето на Зборникот од предавањата од минатата година, чиј промотор беше проф. д-р. Димитар Пандев од Филолошкиот факултет „Блаже Конески“ од Скопје. Во наредните денови до 13 јули кога завршува семинарот, најдобрите македонски предавачи, лектори ќе ги воведуваат учесниците на летната школа во тајните на македонскиот јазик и неговите специфики, македонската литература, култура етнографија, па и во основните чекорите на убавите македонски ора. Во рамките на семинарот ќе се одржи и 37-та Научна конференција со учество на шеесетина македонисти и слависти, пишува агенцијата МИА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Македонскиот филм „Лена и Владимир“ освои награда во Седона

Македонскиот долгометражен игран филм, „Лена и Владимир“, во режија на Игор Алексов, ја освои наградата за Најтрансформациски Филм на 31-от Меѓународен Филмски Фестивал во Седона.
„Ова признание значи многу за целиот наш тим кој ги вложи своите срца и души во оживувањето на оваа приказна“, велат од тимот кој работеше на овој проект.
На фестивалот присуствуваше актерот Тони Наумовски, кој посетата на Седона ја опишува како просветлувачкото искуство.
„Седона беше магична; фестивалот, луѓето, разговорите…тоа беше навистина просветлувачки“, рече Наумовски.
Лена и Владимир е македонска фантастична драма во режија на Игор Алексов, и сценарио на Александар Русјаков. Премиерата се случи на 19 октомври 2023 година. Филмот е современа антибајка за два лика исклучени од општеството. Владимир ја изгубил љубовта и се повлекува во самотија, а Лена е девојка од дом за сираци, силувана, малтретирана, никогаш не почуствувала љубов. Кога ќе им се вкрстат патиштата на „чудовиштето“ и убавицата, животите им се свртуваат наопаку.
Потопени во длабоката болка на своето минато, Лена и Владимир откриваат кревка, но издржлива врска што ги надминува нивните поединечни трагедии. Сместено на заднината на шумско светилиште, нивното патување на исцелување и искупление се развива додека тие се движат низ сложеноста на траумата, простувањето и преобразувачката моќ на љубовта.
Култура
(Видео) Сашко Коцев и Бојана Нушкова се суперхерои во апокалиптично Скопје – Македонија ќе го добие првиот Sci-fi филм со светски специјални ефекти

„Инатиум. Ситна светлина надеж во бесконечниот темен универзум. Ова небесно-сино парче скапоцен камен беше причината за мир и благосостојба низ универзумот се до еден ужасен ден. Во сега веќе разрушено Скопје гледаме како вселенскиот брод константно го емитува светлечкиот сноп црвена плазма со цел да ја апсорбира енергијата од јадрото на планетата…“ – Вака звучи краток исечок од сценариото на првиот македонски Sci-fi (научнофантастичен) 30 минутен филм „Инатиум“ во режија на Игор Стојановски.
Се работи за многу динимичен проект со импресивни специјални ефекти, чијашто премиера е најавена за оваа година. Филмот е во изработка на Старфал Филм Академија и Старфал Продукција. Сценариото е напишано од Кристијан Поповски, прв асисент на режија е Бојан Јуруковски, а режисер на сет е Гоце Цветановски.
Филмот ја раскажува вечната Битка помеѓу доброто и злото. Тоа е приказна за истрајноста, одлучноста како и надежта на протагонистите да се спротистават на негативните сили. Во универзум на работ од уништување, древниот кристал Инатиум е клучот за спас.
„’Инатиум’ ги спојува зачудувачките визуелни ефекти со моќна приказна. Од динамичниот дизајн на ликови до сложеното создавање на светот, секој детал е дизајниран за да остави траен впечаток. Нашиот тим од индустриски експерти, поддржан од години практично искуство, го оживеа ова визионерско дело претворајќи ја нашата страст за дигитално филмско творештво во незаборавно патување за публиката“, изјави режисерот Стојановски, кој е и продуцент на филмот.
Главните улоги на суперхерои кои се борат со злото ги играат Сашко Коцев и Бојана Нушкова, за кои Стојановски вели дека одлично ја завршиле својата работа.
„Сашко Коцев, нашиот етаблиран актер со своето искуство и вештина во актерската игра ја доловува приказната на специфичен начин, а талентираната Бојана Нушкова со својот професионален пристап, иако дебитант во улогата на главен актер покажа сериозен актерски потенцијал“, рече Стојановски, откривајќи дека дејствието на филмот се одвива на градскиот плоштад во Скопје, што на оваа дело му дава дополнителна специфичност и чувство на патриотизам и припадност кон родната земја.
View this post on Instagram
Тој говореше и за деталите, чувството да се создаде свет на спектакуларни вонземски бродови, моќни артефакти и незаборавна атмосфера.
„Овој проект ги комбинира најновите технологии со креативна визија, покажувајќи ја нашата способност за реализација на висококвалитетна продукција со холивудски стандард. Преку волшебни визуелни сцени на галактички војни, распаѓање на цивилизации и свети ритуали, „Инатиум“ ја истражува вечната борба помеѓу светлината и темнината. Станува збор за краток филм што ги истакнува нашите врвни вештини во VFX, 3D моделирање, концепт-арт и користење на Unreal Engine“, додава режисерот и продуцент Игор Стојановски.
Уникатните костими на суперхероите во филмот ги изработија Фросина Ангеловска-студио Фран (костим на Бојана) и Бојана Стевковска (костим на Сашко).
Култура
Жените во делата на македонските сликари

Во пресрет на 8 Март – Меѓународниот ден на жената, Галерија Матица, организира изложба на четириесет дела од македонски автори кои ги прикажуваат повеќеслојните искуства, борби и триумфи на жените. Секое дело зборува за уникатните приказни за издржливост, сила и убавина што ги носат жените.
На изложбата ќе бидат застапени дела на македонските сликари: Коле Манев, Павле Кузманоски, Тања Балаќ, Синиша Новески, Касиопеја Наумоска, Ниче Василев, Златко Глигоров, Симон Калајџиев и др.
Изложбата ќе биде отворена од 8 до 28 март 2025. Галерија Матица се наоѓа во самиот центар на Скопје, во непосредна близина на Министерството за финансии.