Во понеделник со почеток во 20, 30 часот, во Концертна сала на Завод и музеј Битола, ќе се случи концерт на класична музика во изведба на Боби Коминовски на саксафон  и Билјана Димовска на пијано

Дуото Коминовски- Димовска редовно настапуваат повеќе години, а како плод на нивното успешно концертирање имаат реализирано заедничко  CD во 2005 година. На програмата вечерва ќе бидат исполените делата од E. Coates  –  Saxo  Rhapsody; од W.  Jacobi  –  Sonata, Allegro, Sarabande, Allegro; од J. Francaix – Cinq  danses exotiques, Pambiche, Baiao, Mambo, Samba lenta, Merengue; A. Grgin – Concertino sopran sax, Slow, Valse, Swing и од V. Monti  –  Csardas. Боби Коминовски е роден 1968 г. во Битола. Музичкото  образование го започнува во Битола отсек кларинет во класата на проф. Панде Татарчевски. По завршувањето на средното музичко учолиште во  1986 год. се запишува на Ф.М.У.  во Скопје во класата на М-р Иван Кочаров (отсек кларинет) и успешно ги завршува студиите во 1991 г. Од 1993 г. работи во музичкото училиште во Ресен во склоп на Пионерскиот центар под раководство на проф. Кирил Петков, додека од 1995 г. е вработен во средното музичко училиште во Битола како професор по кларинет  и саксофон каде како педагог се истакнува со својата работа освојувајки високи награди  со своите ученици на сите републички и  меѓународни натпревари. Во 2000 г. запишува студии на Ф.М.У. отсек саксофон во класата на м-р Стојан Димов каде што под негово менторство ги завршува и магистерските студии во 2004 г. Како доказ за својата успешна педагошка дејност има добиено Признание од Здружението на музичките и балетските педагози на Македонија за  најуспешен педагог во учебната 2006 / 2007 г. Во текот на школувањето освоил повеќе награди како: Прва републичка награда во 1984 г. Прва републичка награда во 1998г.  Трета сојузна награда на натпреварот во Љубљана. Има настапувано со Македонската филхармонија;  со Оркестарот при Ф.М.У. Скопје и Битолскиот камерен оркестар. Редовен член е во жири комисијата на Републичките натпревари, на Мегународниот натпревар “ Охридски бисери” како и на Мегународниот натпревар во Смедерево “ Саксофонијада”.И Билјана Димовска родена 1978 г. е битолчанка. Средното музичко образование го завршува во класата на проф. Маргарита Татарчевска. Во 2000 г. дипломира, а во 2003 г. и магистрира на Ф.М.У. во Скопје, отсек пијано, во класата на проф. Тодор Светиев. Во текот на своето образование има учествувано на повеќе семинари и мастеркласи кај светски познати пијанисти меѓу кои Борис Романов, Павел Егоров, Акилес дел Вињ, Андреј Диев и др. Има настапувано на повеќе значајни манифестации во нашата земја” Денови на Македонската музика” , “Скопско лето’ ,  “ Пролетни вечери”, “Денови на полската култура во македонија” ,” Музички вторник’ , а во 1998 г. во склоп на Меѓународниот фестивал” Интерфест” – Битола настапи на подиум на млади. Добитник е на повеќе државни и меѓународни награди: Втора републичка  награда во 1989, Првa републичкa наградa во 1992,  Прва републичка награда во 1995 год. Во 1996 год. освојува  Прва награда на Меѓународниот натпревар “Нашите деца свират Бах” во Бугарија; како и Специјална награда “Стефан Трајанов”  на  истиот натпревар. Истата година учествува на Меѓународниот натпревар по камерна музика во Белград. Во 1998 г. освојува Специјална награда на републичките натпревари. Во текот на своето образование оценета е со највисоката оценка CUM LAUDE. Како солист има настапено со Оркестарот при Ф.М.У. Скопје како и со Македонската филхармонија. Вработена е во Музичкото училиште во Битола како професор по пијано и музички соработник  каде забележува видни резултати земајќи учество со своите ученици на републички и меѓународни натпревари. Член е на жирито на Републичките натпревари.