Култура
Македонски уметници на фестивал во Хрватска

Tројца уметници од Македонија, Никола Узуновски, Филип Јовановски и Оливер Јосифовски ќе бидат дел од овогодинешниот фестивал за изведувачки уметности Perforacije што во Хрватска почна во сабота а ќе трае 25-ти октомври
Фетсивалот е замислен како седмица на различни уметности кои се изведуваат во живо, овој фестивал ќе се одржува паралелно на три локации во Риека, Дубровник и додека централниот дел е во Загреб.Тема на овогодишниот фестивал е новата и децентрализирана продукциска клима , интередисциплинираноста на уметноста, како и граничната и преминувачка уметност.Тројцата македонски уметници настапуваат како претставници на битолскиот АКТО Фестивал за современи уметности кој пак успешно соработува со хрватскиот фестивал веќе втора година.Проектот „Моето Сонце“ на визулениот уметник Никола Узуновски е закажан за 19-ти октомври во Музејот на современа уметност во Загреб.Узуновски се инспирирал за креирање на вештачко сонце при снимање на најкраткиот ден во годината Лапонија, при што забележал дека на едно место тоа не ја допира површината на земјата, туку ја одминува. Тоа е всушност балон со димензии од 4 метри, кој лебди надповршината како вештачки сателит, во кој се наоѓа рефлектирачка површина која ги презема сончевите зраци, за потоа да ги пренасочи на друга површинана земјата. Делото “Моето Сонце” секогаш се изведува на различен начин од претходниот. Првата успешна изведба на овој проект во Македонија се случи на овогодинешниот АКТО фестивал кој впрочем се вклучи и во продукциската подготовка на проектот.Визуелниот уметник и архитект Филип Јовановски ќе се претстави со своето дело „28.03.1934“.Ова дело е објект инсталација која што претставува реконструкција на еден важен настан за градот Битола од првата половина на XX век. Настанот претставувал коктел кој се одржал во Битола на 28.03.1934 год. На коктелот присуствуваа точно 335 граѓани од градот Битола:34 парови од спротивен пол, 16 од ист пол, 67 тројки и 24 останати со недефинирани емоции. Од коктелот пробаа 234 луѓе, од нив со тешки последиципоминаа 59, со трајни оштетувања 38, а кај останатите е констатирана смрт. По тој повод, после оваа катастрофа, градот одлучи во чест на загубените паровикои што присуствуваа на коктелот, да им го овековечи моментот и изложи дел од сеѓавањето на тој момент во градскиот музеј во Битола.Објектот инсталација на Јовановски ќе биде придружуван со музички дел кој е во изведба на еминентниот музички уметник Оливер Јосифовски . Неговот дело наречено „Requiem за…..28.03.1934“ ќ е се изведе на автентичниот инструмент т.н. Олистаклофони.Инструментот е иновација на Јосифовски од 2000 година и работи со помош на вибрации (осцилации) тела кои произведуваат звук во една секунда. Бројот на овие осцилации се нарекува фреквенција и се мери во херци (Hz).Двајцата уметници настапуваат како дел од таканаречена „Ноќ на перформаси, вечер на 7 перформанси и инсталации“ што ќе се одри на 21 октомври (четврток) во AKC Medika, Загреб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Гала Матевска за песната „Студ“ ја доби наградата „Енхалон“ на Струшките вечери на поезијата

Гала Матевска за песната „Студ“ ја доби наградата „Енхалон“ за најдобра песна прочитана од млад автор на Струшките вечери на поезијата.
Одлуката ја донесе тричлена жири-комисија во состав: Стефан Костоски (претседател), Никола Ѓелинчески (член) и Пепи Стамков (член).
„Песната „Студ“ на Гала Матевска изобилува со цврсти поетски слики за кревкоста на телото и тежината на душата. Сликите на месечини што висат од прстите, напукнати коски и облаци над планините ја претвораат природата во огледало на внатрешниот свет. Поетесата не се одмерува со планините во метри, туку со денови, генерации и таги. Времето тече и се преклопува, минатото и сегашноста се судруваат, а вистината се открива преку болката и сеќавањето. Во сржта на оваа песна има мешавина од спротивности: тишина што зборува, неподвижност полна со движење, тага испреплетена со убавина. „Белите океани“ симболизираат и минато и иднина, а последната слика – студот на друго лице што студи на своето – ја нагласува блискоста и оддалеченоста што постојат истовремено. Лирична и искрена, песната ја носи борбата со сопствената тежина, но и потрагата по светлина и возвишеност“, стои во одлуката на жири-комисијата.
64-тите Струшки вечери на поезијата завршија синоќа со меѓународниот поетски митинг „Мостови“ и врачување на највисоките фестивалски признанија, „Златен венец“ на словачкиот поет Иван Штрпка , „Браќа Миладиновци“ на македонската поетеса Јулија Величковска и „Мостови на Струга“ на поетот Матеуш Шимчик од Полска.
Култура
Септемвриска филмска магија во Кинотеката на Македонија

Кинотеката на Македонија ја најавува септемвриската програма, која ќе донесе вистински филмски празник за љубителите на седмата уметност.
Овој месец е посветен на антологиските филмови од историјата на светската кинематографија, како и на значајни македонски играни и краткометражни остварувања. На репертоарот ќе се најдат ремек-дела што го обележале златното време на филмот.
Посебно место во програмата ќе имаат и македонските краткометражни филмови, кои на најдобар начин ја претставуваат енергијата и креативноста на неколку генерации автори. Кратката форма ќе биде претставена преку избор на значајни остварувања, кои ги истражуваат интимните приказни, урбаните пејзажи и социјалните предизвици. Овие проекции се можност публиката да се сретне со зрели авторски визии, а истовремено и да ја почувствува пулсацијата на современиот македонски филм.
Со оваа програма, Кинотеката ја претвора септемвриската филмска сцена во мост меѓу светската класика и македонското авторско творештво.
Публиката ќе има ретка можност да ги доживее најсветлите моменти на филмската историја и истовремено да се потсети на значењето на македонскиот филм како органски дел од европската културна мапа.
Целосна програма
Култура
Со средбата „Продуценти со продуценти“ почна „МакеКоПроДокс форум“

Со целодневна програма што се отвора со средбата „Продуценти со продуценти“, на која учествуваат филмски продуценти од Франција, Балканот и Вишеградскиот регион, на 25 август во Младинскиот културен центар почна седмиот МакеКоПроДокс форум.
Во текот на првиот ден од работата на форумот ќе се одржи презентација на ИДФА и ИДФА Берта фонд, како и презентација и промоција на интернационалните копродукции поддржани од францускиот CNC, Чешкиот филмски центар и Хрватскиот аудиовизуелен центар, додека активностите на Агенцијата за филм на Северна Македонија ќе ги претстави в.д. директорот Сашко Мицевски.
МакеКоПроДокс форумот е единствена платформа посветена на зајакнување на копродукцијата во областа на креативниот документарец низ целиот Балкан. Од своето основање во 2019 година, во рамките на 10-тото издание на „МакеДокс“, Форумот прерасна во витално место за средби на филмски режисери, продуценти, професионалци од индустријата и претставници од филмските центри во регионот.
– Седмото издание на МакеКоПроДокс форумот ќе се одржи од 25-ти до 27-ти август 2025 година во МКЦ, обединувајќи филмски автори, продуценти и експерти од Балканот и Европа, со цел зајакнување на соработката во областа на креативната документаристика. Годинашното издание го поставува прашањето „Кому му е гајле за реалноста?“, истражувајќи ги креативните и етичките предизвици на раскажувањето во денешниот медиумски заситен свет – истакнува Сара Ферро, раководител на индустри програмата на „МакеДокс“.
На вториот ден на форумот ќе се одржат низа пичинг-сесии, како и средби „еден-на-еден“ помеѓу филмски автори и продуценти, а на крајот од денот ќе бидат доделени награди за најдобрите проекти во развој. Форумот ќе заврши на 27 август со презентација на проекти во развој што учествувале со Мини-слејт апликации на програмата „Креативна Европа“.
МакеКоПроДокс форумот е организиран и поддржан од „МакеДокс“, Агенцијата за филм на Северна Македонија, Француската амбасада и Францускиот институт во Скопје – Фонд Екип Франција при француското Министерство за Европа и надворешни работи, Институтот за документарен филм, Интернационалниот Вишеград фонд, Гете институт Скопје, Грчкиот филмски центар, Документарната асоцијација на Европа, фестивалската мрежа „Док араунд Јуроп“, „Сани сајд оф д’док“, МК Деск на „Креативна Европа“ и Младинскиот културен центар во Скопје.