Во сабота, 6 ноември, во Центарот за култура „Марко Цепенков“, со почеток во 19 часот ќе се одржи Вечер на класична музика на која ќе настапат Верица Шотаровска на пијано и Ана Митоска – сопран

Двете уметници на љубителите на класичната музика во Прилеп ќе се претстават со програма која вклучува популарни дела од Хендел, Калдара, Персел, Моцарт, Шуберт, Шуман, Дворжак.Ана Митоска – сопран, е родена во Прилеп, каде започнува да свири пијано од најрана возраст  уште на шест години. Своето музичко образование го започнува на седум  години, изучувајќи пијано во класата на проф. Наде Јанчулеска во основното музичко училиште „Ордан Михајлоски – Оцка“ во Прилеп, кое го завршува постигнувајќи значаен успех  и земајќи редовно учество на годишните концерти во Домот на културата „Марко Цепенков.”Во 2003/04 г. се запишува на студии во Музичката академија во Скопје во класата по соло пеење на проф. Билјана Јакимовска – Јoвановска, а дипломира со највисок успех во јуни 2009 г., во класата на проф. Славица Галиќ – Петровска. Во текот на студирањето покажува особена умешност и афинитет кон изведувањето на ренесансни и барокни композиции.Настапува на повеќе манифестации, како што се концертите на солисти со Оркестарот на Македонската опера и балет, Битолско културно лето, хуманитарен концерт на солисти во Католичка црква во Скопје, концерт по повод годишнина од постоењето на Детската амбасада во Прилеп, концертите „Коста Трпков” на класите по соло пеење од Музичката академија итн.Моментално е вработена во хорот на МОБ, каде зема активно учество како во редовниот репертоар на Операта, така и на манифестации од типот на Мајски оперски вечери, Охридско лето, Денови на македонската музика, Скопско лето..Верица Шотаровска, родена 1983 г. во Скопје, своето музичко образование го започнува во класата на проф. Лепа Мрмевска, за потоа да го продолжи своето надоградување на додипломските и постдипломските студии во класата на проф. Јасмина Чакар. Од нејзините најрани години таа е дел од концертниот подиум на Центарот, настапува на новогодишните, патроните, завршни концерти на музичко-балетскиот културен центар. Забележани се повеќе нејзини полурецитали и рецитали во Скопје, Тетово, Велес, Охрид, Битола, а активно настапува и како камерен изведувач и корепетитор на Скопско, Охридско и Битолско лето.Настапувала на манифестациите: Музичари на новиот милениум, Денови на Македонска музика, Љубители на оперската уметност, Денови на француска музика, настапи на манифестацијата Мулти-култи, за УСАИД Ромаверзитас,  Лекарската комора, со Македонска Филхармонија,… Неколку години таа е дел и од педагошката работа како професр по пијано каде брои многу успеси, концерти, награди со своите ученици.Добитник е на повеке награди во текот на своето школување: две први награди(1994 и 1995) на пијанистичките натпревари во Скопје, прва награда(1996) на Шопенијада во Скопје, прва награда (1998) на меѓународниот натпревар „Николај Рубинштајн” во Париз, трета награда на натпреварот за камерни ансамбли, втора награда (2000) на меѓународниот натревар во Пјетра Лигуре, Италија, трета награда (2000 г.) на меѓународниот натпревар во Шабац, Србија, втора награда (2001 г.) на државниот натпреар во Скопје, специјална награда (2002 г.) на државниот натпревар за кемерни ансамбли  во Штип, специјслна награда (2002 г.) на меѓународниот натпревар во Стара Загора, Бугарија, за пијано придружбаУчесник е на повеке семинари кај еминентни професори: А. Валдма, Р. Кинка, П. Егоров, А. Гекиќ, М. Молова, Ж. Захариева, Ј. Михајловиќ