Центарот за визуелни и културни истражувања при Институтот „Евро-Балкан“ на 19-ти февруари го организира перформансот „Врати“ на DB Indoš – House of Extreme Music Theater од Хрватска, проекција на видеодела од изложбата „Екстравагантни тела – Естравагантни умови“

Оваа година Центарот за визуелни и културни истражувања при Институтот „Евро-Балкан“ како производ од партнерството со „Контејнер, биро за современи уметнички практики од Загреб“, претставува дел од активностите на интернационалниот фестивал за современа уметност „Екстравагантни тела“ првпат оддржан 2007 г. (Загреб), којшто се занимава со политиките на нормалното, поинаквото и општествено прифатливото. Она што се смета нормално (како и она што не е), идеолошки е втемелено и длабоко втиснато во општеството. Фактот дека постои „поинакво, првенствено се однесува на телото и на умот и предизвикува негативна идентификација, општествено отстранување, страв и омраза. Поинаквото, екстравагантно тело/ум стана краен продукт на креативноста на уметниците кои се презентираат на „Екстравагантни тела“, а со кои можат да се соочат само најхрабрите.Овој меѓународен фестивал го тематизира менталното здравје, но не станува збор за дела коишто имаат рехабилитациска улога во институционална смисла, туку проекти кои го тематизираат постоењето на психичките болести и интелектуалните тешкотии, институциите, институционализирањето, разграничувањето и границите.Во перформансот „Врати“ на DB Indoš  –  House  of  Extreme  Music  Theater  (Хрватска)  станува збор за брзо и експлозивно проаѓање низ три врати, создавање ситуација која го застапува правото на слободна реализација на трансценденталниот симптом на душевно страдање. Првата врата е вратата од автобусот, со воени бегалци кои тргнуваат пред загрепската џамија во сеуште воената зона Богојна во БИХ. Втората врата е од нацистичко психијатарската болница во Австрија, позади која се наоѓаат доктори, медицински сестри, СС-овци и смртта. Третата врата е филмска врата од Летот над кукавичното гнездо. Постои уште една запечатена врата од Kingsley Hall. Позади неа, некогаш одамна живееле Ronald Laing, Mary Burns и сите оние кои во просторот на праксата го остварувале симптомот на душевното страдање на крајниот раб на можното.Цел на перформансот е да се покаже како трансценденталниот симптом се ослободува и живее како конструктивен и активен фактор на социјалната толеранција и човекот наспроти човек. А, неговото изразување е значајно во изградбата на нивото на прагот на толеранција (доколки не е физички авто- деструктивен или деструктивен во однос на другите).„Врати“ е манифест на неостварена идеја на Параинститутот „Индош“ чија цел – со уметничка пракса, парафразирајќи ја идејата на јаинистичката филозофија – да се направи добро на границите на човечките можности и договорените правила кои уметничкото дело би требало да ги почитува.Изложбата во галерија МКЦ, Скопје ќе биде дел од изложбата „Екстравагантни тела – Естравагантни умови“организирана во Загреб на која беа претставени следните автори: Nika Autor, Bobby Baker, Amela Frankl, Tellervo Kalleinen & Oliver Kochta-Kalleinen, Andreja Kulunčić, Siniša Labrović, Carlos Larrondo, Agnieszka Piotrowska, Zoran Todorović, Udruga za samozastupanje.На тркалезната маса ќе земат збор дел од организацискиот тим на фестивалот „Екстравагантни тела – Естравагантни умови“, Олга Мајцен Лин, Сунчица Остојиќ и Мелентие Пандиловски.