Култура
Наградата на 39. ФЕСТ за „Мајки“ на Милчо Манчевски

Филмот „Мајки“ на македонскиот режисер Милчо Манчевски е прогласен за најдобар во рамките на натпреварувачката програма со наслов „Европа надвор од Европа“ на 39. ФЕСТ во Белград.
Филмот „Мајки“ на македонскиот режисер Милчо Манчевски е прогласен за најдобар во рамките на натпреварувачката програма со наслов „Европа надвор од Европа“ на 39. ФЕСТ во Белград.„Имаше само една дилема во текот на носењето на одлуката, а која беше поврзана со филмот ‘Мед’ на Семих Капланоглу, кој со својот квалитет веќе доби неколку награди на големите светски филмски фестивали. Со нашата одлука сакавме да го свртиме вниманието кон значењето на другиот филм“ – изјави режисерот Горан Паскаљевиќ, како образложение на комисијата за доделување на наградата.Наградата „Еритроцит“, која е дело на вајарот Никола Пешиќ, а која „Политика“ ја доделува за најдобриот филм во програмата „Европа надвор од Европа“, годинава ја доби филмот „Мајки“ на Милчо Манчевски.„Наградата ја доделивме поради суптилното истражување на вистината и фикцијата низ три намерно разновидни епизоди и поради храброто поместување на границите меѓу фикцијата и документарноста, со цел да го нагласи и да го пренесе силното чувство на, сè уште, присутниот матријархат во македонското општество“ – објасни режисерот Горан Паскаљевиќ во образложението на комисијата.Покрај него, членови на комисијата за доделување на наградата беа и филмската критичарка Дебора Јанг, уметничкиот директор на филмскиот фестивал во Таормина, Барбара Лори де Лашриер, и филмската критичарка на „Политика“, Дубравка Лакиќ.Содржината на филмот е составена од три приказни кои се случуваат во три различни македонски градови. Првата епизода зборува за моралните дилеми на детенце кое оди во полициска станица за да пријави еден злосторник. Втората приказна е сместена во едно напуштено село и го следи животот на двајца остарени селани. Третата епизода има документарна форма и таа е највознемирувачка: во неа станува збор за шокантната смрт на жени и мајки во средни години кои се убиени од патолошки болен човек кој страда од неизлечивиот комплекс „мајка“./крај/ блиц/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги
Македонската сликовница „Џиновска продавница за фантазии“ на Бистра Георгиева е достапна на три континенти

По изданието на македонската сликовница „Џиновска продавница за фантазии“ на Бистра Георгиева од една од најпознатите европски издавачки куќи „Трамунтана“, ова детско издание ќе може да се чита на шпански јазик и во сите држави во Латинска Америка, како и во САД. Илустрациите се на шпанската илустраторка Моника Каретеро, а сликовницата е издадена на шпански и на каталонски јазик и веќе неколку месеци може да се најде во книжарниците во цела Шпанија.
„Џиновска продавница за фантазии“ беше промовирана во 2019 година во издание на „Либи“, дел од „Арс ламина – публикации“.
Оваа книга ја претставува детската фантазија сосема поинаква од онаа на возрасните: безгранична, нелогична, разиграна, смешна и максимално креативна. Главниот протагонист е Џинот, кој имал безброј фантазии, па решил да отвори продавница за фантазии за да може секој да ги купи оние што му недостигаат. Оваа сликовница се разликува од другите по својот џиновски формат. Дополнително, станува збор за второ издание за деца на Георгиева, на која ѝ претходи сликовницата „Ото, Ото и Ото“.
Бистра Георгиева и Моника Каретеро, која е една од најпознатите европски илустраторки, соработуваат вторпат. Само еден сегмент од биографијата на Каретеро е дека таа е авторка на повеќе од 70 книги издадени во Шпанија, Англија, Австралија и во САД, а добитничка е и на повеќе престижни награди, меѓу кои за најдобра книга на лондонскиот и шпанскиот саем на книги.
Култура
Со филмот „Совршената дадилка“ ќе се отвори Месецот на франкофонијата

В четврток, 4 март 2021, во 20 часот, во Кинотеката ќе се одржи премиера на филмот „Совршената дадилка“, со што ќе се отвори Месецот на франкофонијата.
Се работи за екранизација на истоимениот славен роман на Лејла Слимани за кој авторката во 2016 година ја доби Гонкуровата награда, а е во режија на Лиси Борлето (2019, 1h40).
Главните улоги ги толкуваат Карин Вијар, Лејла Бекти и Антоан Рајнхард.
„Еден особено напнат трилер во стилот на Хичкок и Полански, суптилен и динамичен. Филмот совршено ги отсликува стравовите на модерното време“ (критика на магазинот „Трансфуж“), а неделникот „Ле Поен“ ќе напише „брилијантен и истовремено застрашувачки“.
Филмот е со превод на македонски јазик.
Пред проекцијата ќе се одржи промоција на преводот на македонски јазик на истоимениот роман од страна на издавачот „Антолог“, чие издание беше поддржано од страна на Францускиот институт во Париз во рамките на програмата за поддршка на издавачката дејност во други земји.
Резервација на влезници во Кинотеката на Северна Македонија, а проекцијата ќе се изведе во согласност со протоколите за заштита од Ковид 19. Бројот на влезници е ограничен на 30.
Култура
Мариово и Трескавец во петте финалисти за наградата за најдобра филмска локација

Агенцијата за филм од денеска ќе биде присутна во рамки на виртуелното издание на Европскиот филмски маркет, кој се одржува во период од 1 до 5 март. Оваа година поради пандемијата, значајниот европски филмски маркет на кој присуствуваат голем број европски и светски филмски имиња се одвива во виртуелен формат.
Оваа година Агенцијата за филм закупи дигитален простор наменет за промоција на македонската кинематографија. На својот промотивен профил вклучени се информации за институцијата, но и она што може да го очекуваме во периодот што следи а се однесува на најновите остварувања кои во моментов се во завршна фаза на реализација.
Ова претставува одлична можност за поголема видливост на македонскиот филм и можност за остварување контакти и потенцијални соработки важни за развој на дејноста.
Меѓу другото, како дел од активностите во кои Агенцијата за филм зема учество, а се одржуваат во соработка со филмскиот маркет е и претставувањето на нашата млада ѕвезда Сара Климоска, која е дел од иницијативата Shooting Stars во организација на European Film Promotion. Активностите за промоција на 10-те млади европски таленти опфатија бројни интервјуа со медиуми, како и можности младите таленти да бидат претставени пред кастинг-директори и филмски професионалци. Како еден од поддржувачите на Shooting Stars 2021 e и Агенцијата за филм која воедно го номинира македонскиот кандидат за оваа награда за која земјите членки на EFP (37 на број) имаат можност да предложат по еден кандидат, а само 10 ѕвезди ја имаат привилегијата да бидат добитници на истата.
Европската мрежа на филмски комисии (EUFCN) кој е партнер на Европскиот филмски маркет, по четврти пат доделуванаграда за најдобра филмска локација (“Location award”), за локации кои се појавуваат во филмови од изминатата година. Ова е една до најважните награди за промоција на атрактивни локации за снимање на филмови. Како долгогодишна членка на Европската мрежа на филмски комисии, Агенцијата за филм за изминатата година го пријави прилепскиот регион, односно Мариово и Трескавец, атрактивните локации кои се појавуваат во филмот „Врба“ на Милчо Манчевски. Од вкупно 28 апликации, С Македонија се наоѓа меѓу петте финалисти од Словачка, Германија, Италија и Литванија.
Ова е втора година по ред како нашата земја е дел од финалистите, по минатогодишната номинација на локацијата каде е снимена „Медена земја“.
На 2 март ќе се одржи програмскиот дел на Европскиот филмски маркет каде што продуцентите ќе имаат можност да ги претстават своите локации, виртуелно да разменат искуства и да се запознаат меѓу себе, а на крајот следи и доделувањето на Location Award.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер