Контакт

Култура

Доделени годишните награди на СОКОМ

Објавено пред

На концертот на Македонската филхармонија во рамките на Деновите на македонска музика во четвртокот навечер беа доделени годишните награди на Сојузот на композиторите на Македонија (СОКОМ)

Наградата „Трајко Прокопиев“ за животно дело ја доби музикологот Јелица Тодорчевска за својот придонес во областа на музикологијата и музичкото библиотекарство. Тодорчевска е првиот музички библиотекар во првата музичка библиотека во Македонија, која е основана во 1969 година во рамките на НУБ „Свети Климент Охридски“.Творечкиот опус на Тодорчевска брои 778 наслови кои што припаѓаат на музичката историја на Македонија и на музичката критика за концертната и сценската дејност, сите објавувани во македонската и некогашната југословенска периодика.Најзначајната валоризација на музиколошкиот труд на Јелица Тодорчевска е нејзиното учество во три значајни проекти: Музичка енциклопедија на СФРЈ, Лексикон на југословенската музика и Македонска музичка енциклопедија. Одлуката за доделување на наградата „Трајко Прокопиев“ за животно дело ја донесе комисијата во состав проф. Благој Цанев, проф. Стојан Стојков и проф. Живојин Глишиќ.Комисијата во состав Сони Петровски, Марко Коловски и Бранка Костиќ наградата „Панче Пешев“ за најдобро премиерно изведено дело од македонски автор во текот на 2010 година ја додели на композиторот Живојин Глишиќ за делото Кончертино за гитара и оркестар. Делото беше изведено на минатогодишните Денови на македонска музика на концертот на Македонската филхармонија со солистот на гитара Дарко Багески, а под диригенство на Верислав Шипуш од Хрватска.„Делото е создадено пред 25 години, но во него не отсуствува зрелоста на денешните творби на авторот, туку демонстрира раскош на оркестарските бои со специфичен канонски јазик во кој се обединуваат класичните и современите изразни средства, и инструментално – техничкото мајсторство во користењето на солистичката гитара“ – е нагласено во образложението на комисијата за доделување на наградата.Наградата „Георги Божиков“ за најдобра изведба на дело од македонски автор во текот на 2010 година, е доделена на „Нов лондонски камерен хор“ од Велика Британија. Наградата ја додели комисијата во состав Томе Манчев, Јана Андреевска и Дамјан Темков. „Нов лондонски камерен хор“ настапи на минатогодишните ДММ со програма во  која беа изведени композиции од Ристо Аврамовски, Евдокија Данајловска, Мирослав Спасов и Јана Андреевска.СОКОМ годинава додели и специјална награда на германскиот состав „Саксоквадрат“ од Берлин, за особени заслуги за афирмацијата на македонското музичко творештво.Претходната вечер, 23 март, на Деновите на македонска музика триото „E.A.R Unit“ од амбасадорот на САД Филип Рикер доби признание за меѓународната презентација на американската култура. На програмата „E.A.R. Unit“ беа изведени дела од македонските композитори Панде Шахов, Дарија Андовска и Стојан Стојков, и американските автори Клеј Чаплин, Дејвид Дворин и Ејми Ноулс.Во петок на програмата на 34-тите Денови на македонска музика е настапот на Клавирското дуо „ЛП“ од Србија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Македонската сликовница „Џиновска продавница за фантазии“ на Бистра Георгиева е достапна на три континенти

Објавено пред

По изданието на македонската сликовница „Џиновска продавница за фантазии“ на Бистра Георгиева од една од најпознатите европски издавачки куќи „Трамунтана“, ова детско издание ќе може да се чита на шпански јазик и во сите држави во Латинска Америка, како и во САД. Илустрациите се на шпанската илустраторка Моника Каретеро, а сликовницата е издадена на шпански и на каталонски јазик и веќе неколку месеци може да се најде во книжарниците во цела Шпанија.

„Џиновска продавница за фантазии“ беше промовирана во 2019 година во издание на „Либи“, дел од „Арс ламина – публикации“.

Оваа книга ја претставува детската фантазија сосема поинаква од онаа на возрасните: безгранична, нелогична, разиграна, смешна и максимално креативна. Главниот протагонист е Џинот, кој имал безброј фантазии, па решил да отвори продавница за фантазии за да може секој да ги купи оние што му недостигаат. Оваа сликовница се разликува од другите по својот џиновски формат. Дополнително, станува збор за второ издание за деца на Георгиева, на која ѝ претходи сликовницата „Ото, Ото и Ото“.

Бистра Георгиева и Моника Каретеро, која е една од најпознатите европски илустраторки, соработуваат вторпат. Само еден сегмент од биографијата на Каретеро е дека таа е авторка на повеќе од 70 книги издадени во Шпанија, Англија, Австралија и во САД, а добитничка е и на повеќе престижни награди, меѓу кои за најдобра книга на лондонскиот и шпанскиот саем на книги.

Прикажи повеќе...

Култура

Со филмот „Совршената дадилка“ ќе се отвори Месецот на франкофонијата

Објавено пред

В четврток, 4 март 2021, во 20 часот, во Кинотеката ќе се одржи премиера на филмот „Совршената дадилка“, со што ќе се отвори Месецот на франкофонијата.

Се работи за екранизација на истоимениот славен роман на Лејла Слимани за кој авторката во 2016 година ја доби Гонкуровата награда, а е во режија на Лиси Борлето (2019, 1h40).
Главните улоги ги толкуваат Карин Вијар, Лејла Бекти и Антоан Рајнхард.

„Еден особено напнат трилер во стилот на Хичкок и Полански, суптилен и динамичен. Филмот совршено ги отсликува стравовите на модерното време“ (критика на магазинот „Трансфуж“), а неделникот „Ле Поен“ ќе напише „брилијантен и истовремено застрашувачки“.

Филмот е со превод на македонски јазик.

Пред проекцијата ќе се одржи промоција на преводот на македонски јазик на истоимениот роман од страна на издавачот „Антолог“, чие издание беше поддржано од страна на Францускиот институт во Париз во рамките на програмата за поддршка на издавачката дејност во други земји.

Резервација на влезници во Кинотеката на Северна Македонија, а проекцијата ќе се изведе во согласност со протоколите за заштита од Ковид 19. Бројот на влезници е ограничен на 30.

Прикажи повеќе...

Култура

Мариово и Трескавец во петте финалисти за наградата за најдобра филмска локација

Објавено пред

Агенцијата за филм од денеска ќе биде присутна во рамки на виртуелното издание на Европскиот филмски маркет, кој се одржува во период од 1 до 5 март. Оваа година поради пандемијата, значајниот европски филмски маркет на кој присуствуваат голем број европски и светски филмски имиња се одвива во виртуелен формат.

Оваа година Агенцијата за филм закупи дигитален простор наменет за промоција на македонската кинематографија. На својот промотивен профил вклучени се информации за институцијата, но и она што може да го очекуваме во периодот што следи а се однесува на најновите остварувања кои во моментов се во завршна фаза на реализација.

Ова претставува одлична можност за поголема видливост на македонскиот филм и можност за остварување  контакти и потенцијални соработки важни за развој на дејноста.

Меѓу другото, како дел од активностите во кои Агенцијата за филм зема учество, а се одржуваат во соработка со филмскиот маркет е и претставувањето на нашата млада ѕвезда Сара Климоска, која е дел од иницијативата Shooting Stars во организација на European Film Promotion. Активностите за промоција на 10-те млади европски таленти опфатија бројни интервјуа со медиуми, како и можности младите таленти да бидат претставени пред кастинг-директори и филмски професионалци. Како еден од поддржувачите на Shooting Stars 2021 e и Агенцијата за филм која воедно го номинира македонскиот кандидат за оваа награда за која земјите членки на EFP (37 на број) имаат можност да предложат по еден кандидат, а само 10 ѕвезди ја имаат привилегијата да бидат добитници на истата.

Европската мрежа на филмски комисии (EUFCN) кој е партнер на Европскиот филмски маркет, по четврти пат доделуванаграда за најдобра филмска локација (“Location award”), за локации кои се појавуваат во филмови од изминатата година. Ова е една до најважните награди за промоција на атрактивни локации за снимање на филмови. Како долгогодишна членка на Европската мрежа на филмски комисии, Агенцијата за филм за изминатата година го пријави прилепскиот регион, односно Мариово и Трескавец, атрактивните локации кои се појавуваат во филмот „Врба“ на Милчо Манчевски. Од вкупно 28 апликации, С Македонија се наоѓа меѓу петте финалисти од Словачка, Германија, Италија и Литванија.

Ова е втора година по ред како нашата земја е дел од финалистите, по минатогодишната номинација на локацијата каде е снимена „Медена земја“.

На 2 март ќе се одржи програмскиот дел на Европскиот филмски маркет каде што продуцентите ќе имаат можност да ги претстават своите локации, виртуелно да разменат искуства и да се запознаат меѓу себе, а на крајот следи и доделувањето на Location Award.

Прикажи повеќе...

Најново

Свет9 часа

Во Јужна Африка запленета голема количина на лажни вакцини против Ковид-19

Околу 2.400 дози на фалсификувани вакцини се запленети во Јужна Африка, а во Кина е разбиена мрежа на шверцери на...

Македонија14 часа

Владата доби доверба во Собранието, пратениците од ВМРО-ДПМНЕ не гласаа

За доверба на Владата гласаа 62 пратеници, без против и воздржани пратеници. Одлуката беше поздравена со аплауз од владејачкото мнозинство...

Македонија15 часа

Во земјава засега нема јужноафрикански вид, кај еден од повратниците од Занзибар детектиран британскиот вид на вирусот

Според анализите што денеска се направени во Македонската академија на науките и уметностите (МАНУ), на брисот од пациентот кој пред...

Македонија16 часа

Нови 807 заболени од Ковид-19, починале петмина

Во последните 24 часа се направени 3.312 тестирања, а регистрирани се 807 нови случаи на Ковид-19, и тоа во: Скопје...

Македонија17 часа

(Видео) Почна попишувањето на бездомните лица

Министерката за труд и социјална политика, Јагода Шахпаска, заедно со директорот на Државниот завод за статистика, Апостол Симовски, денеска го...

Македонија17 часа

Министерството за здравство: Задолжителен карантин за лицата што доаѓаат од сите јужноафрикански земји

Министерството за здравство соопшти дека Комисијата за заразни бoлести ќе предложи задолжителен домашен карантин од 14 дена за лицата што...

Регион20 часа

Русија ќе ѝ достави на Хрватска еден милион дози од вакцината „спутник В“

Русија може да достави милион дози од вакцината „спутник В“ во Хрватска во рок од една недела, пишува „Вечерњи лист“....

Регион21 час

Србија е на четврто место во Европа според бројот на новозаболени од коронавирус

Србија е на четврто место во Европа според бројот на новозаболени со коронавирус на сто илјади граѓани, изјави за „Политика“...

Свет21 час

Најопасните мутации на коронавирусот и нивните симптоми

Мутациите се нормална низа во животниот циклус на вирусот и сите негови нови соеви не мора да бидат нужно опасни...

Регион21 час

Во Загреб 25 отсто од позитивните случаи се од британскиот сој, владата ќе купува руски вакцини

Британскиот сој е пронајден кај една четвртина од позитивните случаи на коронавирус во Загреб, а на ниво на цела Хрватска...

Свет22 часа

УНИЦЕФ: Училиштата се затворени речиси една година за 168 милиони ученици

За време на карантинот поради пандемијата на коронавирусот, училиштата беа затворени за речиси 168 милиони ученици во светот на една...

Европа22 часа

Експлозија во центарот за тестирање на Ковид-19 во Холандија, нема повредени

Пред отворањето на центарот за испитување на Ковид-19 во Бовенкарспел, град северно од Амстердам, одекна експлозија. Во несреќата нема повредени,...

Свет22 часа

Тексас контра Бајден: ги укина рестрикциите и обврската за носење маска

Тексас ги укинува ограничувачките мерки – се отвораат продавници и прекинува да важи обврската за носење маски. Гувернерот на американската...

Македонија2 дена

(Видеоинтервју) Георгиевски: Србите биле три пати пожестоки, па не ги нарекуваме окупатори, зошто да не им простиме и на Бугарите

За експремиерот Љубчо Георгиевски нема ништо спорно ако македонската страна  ги смени во учебниците називите за Бугарите од типот окупатор, номад...

Македонија2 дена

Заев за новиот систем против корупција: Ќе се дигитализираат сите обвинителства, нема веќе предмети во фиока

Ќе се екипираат и дигитализираат јавните обвинителства со оперативни истражни центри, за сите 23 јавни обвинителства во државата заедно со...

Свет2 дена

До 60 проценти од луѓето што прележале коронавирус може да се заразат со бразилскиот вид

Шест од 10 лица што прележале Ковид-19 се ранливи на бразилскиот вид П1, покажа истражувањето спроведено во градот Манаус, во...

Топ2 дена

Двајца Косовци осомничени дека пукале во полицаецот во Ѓорче Петров

Двајца Косовци се уапсени под сомнение дека го предизвикале вчерашниот инцидент во скопската населба Ѓорче Петров кога околу 16.30 часoт...

Македонија2 дена

На следниот конгрес СДСМ ќе го смени своето име во согласност со договорот од Преспа

Лидерот на СДСМ, Зоран Заев, вели дека името на партијата сè уште не е сменето поради пречките што ги предизвикала...

Европа2 дена

Во Диселдорф забрана за стоење во место: „Јадете само во движење“

Градската управа на Диселдорф донесе одлука граѓаните да не смее да стојат на едно место на главните шеталишта во градот...

Свет2 дена

Експертите на СЗО против употребата на лекот „хидроксихлорокин“

Лекот „хидроксихлорокин“, за кој поранешниот американски претседател Доналд Трамп тврдеше дека ќе го промени текот на пандемијата, не треба да...

Досие