Контакт

Култура

„Танец“ ги промовираше своите активности и цеде „Незаборав“

Објавено пред

Национална установа, ансамбл за народни игри и песни „Танец“ го промовираше некомерцијалното цеде насловено „Незаборав“.

Национална установа, ансамбл за народни игри и песни „Танец“ го промовираше некомерцијалното цеде насловено „Незаборав“. Сите песни се народни во обработка на Ѓорги Димчевски, а изборот на песните е од м-р Владимир Јаневски и Тимко Чичаковски. Учествуваат осум солисти, машка и женска пејачка група, има осум мешани песни и две инструментални дела.„Ги собравме сите наши сегашни и поранешни колеги за да направиме нешто незаборавно, а тоа е цедето кое го нарековме „Незаборав“. Како истражувач етнокореолог работам повеќе од 20 години, а многу често го истражував и  „Танец“. Најважните работи се случувале во 60-те и 70-те години кога „Танец“ плодно работеше во снимање на музичкиот материјал. Во тоа време се издадоа преку 30 плочи кои останаа скриени по витрините или ги купувавме по пазарите, ги носевме од Холандија, Америка и Австралија. За голема среќа колегите ми помогнаа дел од тие материјали да ги најдеме и да направиме една компилација на песни кои се снимени тој период.,“истакна м-р, проф. Владимир Јаневски, претседател на УО на „Танец“.Зоран Џорлев, директорот на  „Танец“ го промовираше новото лого на оваа установа со орото „Тешкото“ и ја истакна новата систематизација во која влегуваат ДМБУЦ, ФМУ од Штип отсек етнокореологија, како и ФМУ од Скопје, отсек народни инструменти. „За првпат ќе имаме соработка со МНТ каде еднаш во месецот ќе правиме едукативни концерти, а првиот е закажан за 17 април. Ќе соработуваме и со МОБ каде ќе ни се отстапува салонот, а на  20 април ќе имаме концерт „Земјо македонска“ посветен на 10 години од смртта на Васка Илиева. Со директорката на Македонска филхармонија, Маја Чанаќевиќ се договоривме да аплицираме за заеднички проект односно за заеднички настап на оркестарот и хорот на „Танец“ со Македонската филхармонија. Ќе имаме копродукции и соработка со повеќе продукции со кои сме во преговори. Предвидени се промоција на концерти за најмладата генерација, концерти на хорот и оркестарот како единки на Скопско лето, Охридско лето, Есенски музички свечености како и нивен настап во Музејот на современа уметност кон крајот на мај и почетокот на јуни. Во рамките на прославата 20 години независна Македонија, ќе имаме концерт во рамките на Битолско лето и затворањето на Илинденски денови на 1 август во Хераклеа. Настап е предвиден и на 11 октомври во Прилеп на 70 годишнината од НОБ,“ истакна директорот на „Танец“, Зоран Џорлев.„Ансамблот „Танец“ е наша најголема гордост и амбасадор во промоцијата на нашите највредни културни, историски и етнографски вредности. Ќе истакнам дека значајна е соработката со останатите институции, бидејќи треба да се даде заеднички придонес за промоција на  културните вредности. Нашите функции се менливи, но оние кои работат во институциите, отишле во пензија и дале огромен придонес за развојот на институцијата се нашите најголеми вредност,“ истакна меѓудругото министерката за култура Елизабета Канческа-Милевска. „Танец“ ќе започне со настапи низ помалите градови каде долго време нема настапувано, па на 15 април тоа ќе биде во Македонска Каменица, а на во 16 април Делчево.крај/сж



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

Со филмот „Совршената дадилка“ ќе се отвори Месецот на франкофонијата

Објавено пред

В четврток, 4 март 2021, во 20 часот, во Кинотеката ќе се одржи премиера на филмот „Совршената дадилка“, со што ќе се отвори Месецот на франкофонијата.

Се работи за екранизација на истоимениот славен роман на Лејла Слимани за кој авторката во 2016 година ја доби Гонкуровата награда, а е во режија на Лиси Борлето (2019, 1h40).
Главните улоги ги толкуваат Карин Вијар, Лејла Бекти и Антоан Рајнхард.

„Еден особено напнат трилер во стилот на Хичкок и Полански, суптилен и динамичен. Филмот совршено ги отсликува стравовите на модерното време“ (критика на магазинот „Трансфуж“), а неделникот „Ле Поен“ ќе напише „брилијантен и истовремено застрашувачки“.

Филмот е со превод на македонски јазик.

Пред проекцијата ќе се одржи промоција на преводот на македонски јазик на истоимениот роман од страна на издавачот „Антолог“, чие издание беше поддржано од страна на Францускиот институт во Париз во рамките на програмата за поддршка на издавачката дејност во други земји.

Резервација на влезници во Кинотеката на Северна Македонија, а проекцијата ќе се изведе во согласност со протоколите за заштита од Ковид 19. Бројот на влезници е ограничен на 30.

Прикажи повеќе...

Култура

Мариово и Трескавец во петте финалисти за наградата за најдобра филмска локација

Објавено пред

Агенцијата за филм од денеска ќе биде присутна во рамки на виртуелното издание на Европскиот филмски маркет, кој се одржува во период од 1 до 5 март. Оваа година поради пандемијата, значајниот европски филмски маркет на кој присуствуваат голем број европски и светски филмски имиња се одвива во виртуелен формат.

Оваа година Агенцијата за филм закупи дигитален простор наменет за промоција на македонската кинематографија. На својот промотивен профил вклучени се информации за институцијата, но и она што може да го очекуваме во периодот што следи а се однесува на најновите остварувања кои во моментов се во завршна фаза на реализација.

Ова претставува одлична можност за поголема видливост на македонскиот филм и можност за остварување  контакти и потенцијални соработки важни за развој на дејноста.

Меѓу другото, како дел од активностите во кои Агенцијата за филм зема учество, а се одржуваат во соработка со филмскиот маркет е и претставувањето на нашата млада ѕвезда Сара Климоска, која е дел од иницијативата Shooting Stars во организација на European Film Promotion. Активностите за промоција на 10-те млади европски таленти опфатија бројни интервјуа со медиуми, како и можности младите таленти да бидат претставени пред кастинг-директори и филмски професионалци. Како еден од поддржувачите на Shooting Stars 2021 e и Агенцијата за филм која воедно го номинира македонскиот кандидат за оваа награда за која земјите членки на EFP (37 на број) имаат можност да предложат по еден кандидат, а само 10 ѕвезди ја имаат привилегијата да бидат добитници на истата.

Европската мрежа на филмски комисии (EUFCN) кој е партнер на Европскиот филмски маркет, по четврти пат доделуванаграда за најдобра филмска локација (“Location award”), за локации кои се појавуваат во филмови од изминатата година. Ова е една до најважните награди за промоција на атрактивни локации за снимање на филмови. Како долгогодишна членка на Европската мрежа на филмски комисии, Агенцијата за филм за изминатата година го пријави прилепскиот регион, односно Мариово и Трескавец, атрактивните локации кои се појавуваат во филмот „Врба“ на Милчо Манчевски. Од вкупно 28 апликации, С Македонија се наоѓа меѓу петте финалисти од Словачка, Германија, Италија и Литванија.

Ова е втора година по ред како нашата земја е дел од финалистите, по минатогодишната номинација на локацијата каде е снимена „Медена земја“.

На 2 март ќе се одржи програмскиот дел на Европскиот филмски маркет каде што продуцентите ќе имаат можност да ги претстават своите локации, виртуелно да разменат искуства и да се запознаат меѓу себе, а на крајот следи и доделувањето на Location Award.

Прикажи повеќе...

концерти

Уште еден концерт „Филхармонија за Филхармонијата“

Објавено пред

По првиот камерен концерт, кој се одржа на крајот од минатата година, на кој настапија музичари од оркестарот на Филхармонијата, овој четврток, во 20 часот, ќе се одржи уште еден од серијата со наслов „Филхармонија за Филхармонијата“.

На програмата се дела од Бетовен, Шнитке, Девиен, Шуберт, Премру, Глинка и од Барток. Во рамките на програмата ќе настапат квартет „Вива стрингс“ (Елена Талевска – виолина, Димитар Михајловски – виолина, Дубравка Зајкова – виола, Дејан Теодосиевски – виолончело); триото во кое свират Илза Бафтијари (виола), Илинка Велкова (флејта), Маја Михајловска (виолончело); пијано-триото со Маријана Николовска на пијано, Даниел Лазаровски на виолина, Драган Гоневски на виолончело; групата виолончела на Филхармонијата; трио тромбони (Бранко Илиевски, Никола Ристески и Александар Ниниќ) и триото во кое свират Елена Талевска (виолина), Паскал Краповски (виолончело) и Мерсиха Шукри (харфа).

Прикажи повеќе...

Најново

Македонија34 минути

(Видеоинтервју) Георгиевски: Србите биле три пати пожестоки, па не ги нарекуваме окупатори, зошто да не им простиме и на Бугарите

За експремиерот Љубчо Георгиевски нема ништо спорно ако македонската страна  ги смени во учебниците називите за Бугарите од типот окупатор, номад...

Македонија2 часа

Потврдени 726 нови случаи на коронавирус во Македонија, седум лица починаа

Во последните 24 часа во Македонија се потврдени 726 нови случаи на коронавирус, 368 оздравени и седум починати лица, соопшти...

Македонија3 часа

Заев за новиот систем против корупција: Ќе се дигитализираат сите обвинителства, нема веќе предмети во фиока

Ќе се екипираат и дигитализираат јавните обвинителства со оперативни истражни центри, за сите 23 јавни обвинителства во државата заедно со...

Свет5 часа

До 60 проценти од луѓето што прележале коронавирус може да се заразат со бразилскиот вид

Шест од 10 лица што прележале Ковид-19 се ранливи на бразилскиот вид П1, покажа истражувањето спроведено во градот Манаус, во...

Топ6 часа

Двајца Косовци осомничени дека пукале во полицаецот во Ѓорче Петров

Двајца Косовци се уапсени под сомнение дека го предизвикале вчерашниот инцидент во скопската населба Ѓорче Петров кога околу 16.30 часoт...

Македонија7 часа

На следниот конгрес СДСМ ќе го смени своето име во согласност со договорот од Преспа

Лидерот на СДСМ, Зоран Заев, вели дека името на партијата сè уште не е сменето поради пречките што ги предизвикала...

Европа8 часа

Во Диселдорф забрана за стоење во место: „Јадете само во движење“

Градската управа на Диселдорф донесе одлука граѓаните да не смее да стојат на едно место на главните шеталишта во градот...

Свет9 часа

Експертите на СЗО против употребата на лекот „хидроксихлорокин“

Лекот „хидроксихлорокин“, за кој поранешниот американски претседател Доналд Трамп тврдеше дека ќе го промени текот на пандемијата, не треба да...

Свет10 часа

Шок-бомби, кациги и импровизирани шлемови на протестите во Мјанмар

Полицијата во Мјанмар активира шок-бомби за да ги растера демонстрантите во Јангон, најголемиот град во Мјанмар. Тие се собраа пред...

Свет21 час

Кина им забрани на наставниците да ги тепаат и навредуваат учениците

Кина воведе забрана за казнување во училиштата што може да предизвика физичка и психолошка траума, бидејќи неколку ученици починаа во...

Свет21 час

Навални, Грета Тунберг, СЗО и Трамп номинирани за Нобелова награда за мир

Приближно 329 номинации пристигнаа за Нобеловата награда за мир оваа година, како одраз на бројни горливи прашања низ целиот свет...

Европа1 ден

(Видео) Франција и Германија сега уверуваат дека вакцината на „Астразенека“ е ефикасна

Поради бавниот напредок на вакцинацијата против Ковид-19, со оглед дека има недостиг на вакцини, француските и германските власти се обидуваат...

Свет1 ден

ОН: Русија е одговорна за труењето на Навални

Според меѓународното право, Русија е одговорна за труењето на рускиот опозициски лидер Алексеј Навални, наведуваат во прелиминарните наоди експертите за...

Македонија1 ден

234 нови случаи на Ковид-19 и седуммина починати

Според податоците од Институтот за јавно здравје, во последните 24 часа регистрирани се 234 нови случаи на Ковид-19 од направени...

Македонија1 ден

(Видео) Oрганизаторите на настани протестираа пред Владата: Наместо да пуштаме гласна музика, една година сме тивки

Со мотото „ПОМЕН – една година тишина“, со транспаренти во рацете „Спасете ја ивент-индустријата“, вработените во продукциските компании за организирање...

Македонија1 ден

Од мај почнува реконструкцијата на Универзалната сала, идејното решение е донација од архитектот

Универзалната сала во Скопје ќе биде реконструирана во постојниот облик и габарит задржувајќи го својот автентичен изглед со цел и...

Регион1 ден

Во Хрватска помалку од 100 новозаразени од коронавирус, од денес попуштање на мерките

Во последните 24 часа во Хрватска се регистрирани 91 нов случај на зараза со вирусот САРС-КоВ-2, а бројот на активни...

Македонија1 ден

Шекеринска: Можевме да не кажеме дека ни е вратен капарот за кинеската вакцина

Министерката за одбрана, Радмила Шекеринска, вели дека, доколку сакале, можеле да скријат дека кинеската компанија за производство на вакцини ни...

Европа1 ден

Германија ги попушта мерките, се отвораат фризерските салони

Фризерите во Германија од денес ги отвораат салоните по двомесечна забрана, што е уште еден претпазлив чекор кон отворање на...

Свет1 ден

„Модерна“ почнува да ја испитува вакцината против јужноафриканскиот вид коронавирус

Испитувањата на вакцината што ја разви лабораторијата на „Модерна“ против јужноафриканскиот вид ќе почнат во средината на март во САД,...

Досие