Од денес до 7 април во Битола ќе се реализира работилница за Анализа и стратешко планирање за развој на културата во регионот Пелагонија, како прв обид во Македонија да се воспостави план за развој на културата на ниво на регион.

На работилницата ќе се изработи анализа на потребите, недостатоците, потенцијалите во полето во култура во општините од регионот Пелагонија, ќе се согледаат можностите за креирање регионална визија и цели за развој на културата во регионот и за креирање одредена методологија за изработка на стратегија и план за културен развој.Во работата на работилницата ќе учествуваат триесетина учесници, како претставници на културниот сектор од сите девет општини на Пелагонискиот регион (претставници на општините одговорни за култура, претставници на јавните културни институции, здруженија на граѓани, независни уметници, занаетчиски здруженија, итн.) кои активно работат во општините на Пелагонискиот регион.Работилницата е дел од активностите планирани за 2011 година на програмската целина за Културна политика и културна размена од проектот за Децентрализирана соработка меѓу Република Македонија и регионот Долна Нормандија од Франција.Лидери на оваа програмска целина се Локомотива – Центар за нови инцијативи во уметноста и културата од Скопје (Македонија) и CRECET – Регионален центар за култура, етнологија и техника на Долна Нормандија.Партнери во реализација на програмските активности во Македонија се Центарот за регионален развој на Пелагонискиот плански регион, општина Битола и Министерството за локална самоуправа.Работилницата е програмски уредена и ќе биде модерирана од страна на Биљана Тануровска Ќулавковски и Виолета Качакова (Локомотива, Скопје) и Кристина Кујунџиќ (експерт и соработник од Србија).На работилницата, како поканети експерти и презентери, ќе учествуваат: Маријана Цветковиќ (Србија), Пјер Шмит, Одри Пулмие и Реми Приве (Франција), Биљана Прентоска и Драгана Ќурчоска (Министерство за култура на Република Македонија).Во текот на оваа година како дел од активностите на програмската целина во текот на месец јуни во Долна Нормандија ќе се организира уште една работилница за градење на професионални капацитети во институциите за култура во Долна Нормандија и на локалните културни актери со цел да се зголеми степенот на нивна интернационална соработка во доменот на културата и користењето на вондржавни интернационални фондови за култура.Проектот за Децентрализирана соработка меѓу Република Македонија и Долна Нормандија е поддржан од страна на Регионот Долна Нормандија, француското Министерство за надворешни работи и Асоцијацијата на агенции за локална демократија.Активностите во рамките на проектната целина за Културна политика и културна размена се посветени на развој на културната политика (креирање на стратегии за локален/регионален културен развој), децентрализацијата во културата, поттикнување на партнерска соработка помеѓу националните, локалните институции и граѓанскиот сектор, како и поттикнување на уметничка размена и мобилност меѓу Р. Македонија и Долна Нормандија