Култура
Скапино балетот покажа што е вистински современ танц
Седмото издание на „Танц фест“ Скопје започна синоќа со настапот на танчерите на модните студија „Мак Mоделс“, „Ребис“, „Еурека“, „Прима данца“, „Скопје денс академи“.
Седмото издание на „Танц фест“ Скопје започна синоќа со настапот на танчерите на модните студија „Мак Mоделс“, „Ребис“, „Еурека“, „Прима данца“, „Скопје денс академи“. Пред започнувањето на официјалниот дел од програмата, беше доделена и наградата „Менада“, за посебни достигнувања во областа на танцот, која оваа година отиде во рацете на Елисавета Кушовска. „Танц фест“ го отворија гостите од Холандија, Скапино балетот од Ротердам со делови од претставите „Бисвинг“, „Браво Чарли“ и „Холанд плус“. На сцената покажаа зошто се најдобрата компанија за современ танц од Холандија, бидејќи нивните тела и движења беа уметност сама по себе. Современ танц што се прикажа синоќа е добра лекција за идните поклоници на оваа уметност.„Ова е приказна без приказна. Се распространува во сите правци. Овој елемент е силен фактор и во Келнските концерти, музиката е на Кит Џерет која ја употребувам. Насловот „Браво Чарли“ има повеќе референци. Циркус, бар во Штутгард, театар, Виетнам и воената азбука,“ вели кореографот Марко Гоке кореографот на Браво Чарли.Ед Вуб кореографот на „Холанд плус“ и уметнички директор на Скапино балетот е еден од најсестраните холандски кореографи чија работа е следена од пошироката холандска публика. Во многу кореографии на Вуб тензијата е постигната преку содејствувањето на спротивности, што резултира во интригантен збир на слоеви. Музика, танц, декор и драма се комбинирани во неговата драмска продукција за да создадат нова современа целина. крај/сж
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Две нови награди за „Неми Филмови“ на Господиновски во Русија и Тајван
Анимираниот филм „Неми Филмови“ на Крсте Господиновски, минатата недела освои две нови награди на меѓународни фестивали, наградата за „Најдобар интернационален краток филм“ на „Меѓународниот фестивал за краток филм Вижн“ во Кемерово, Русија и „Почесно признание“ на „Меѓународниот фестивал за анимиран филм КУАНДУ“ кој се одржува во Тајпеј, Тајван.

Ова е втора по ред награда во Русија и втора награда во Тајван, по октомвриската награда на престижниот ТИАФ кој се одржува во Тајчунг.
Во септември филмот ги освои Гранд При наградата на „Меѓународниот фестивал за анимиран филм Аниматор Фест“ во Јагодина и наградата од домашната публика на „Меѓународниот фестивал за краток филм Ѕирни“ во Скопје.

Од премиерата на фестивалот Анеси во јуни, „Неми Филмови“ досега е прикажан на 28 меѓународни фестивали и има освоено 7 награди.
Филмот е во продукција на Фокус Покус Филм и во копродукција на Флипбук Продакшнс, а е поддржан од Агенцијата за филм на Република С. Македонија.
Култура
Кавадарци го слави „Месецот на театарот“ со премиера на Чехов и богата програма во Домот на културата
Домот на културата “Иван Мазов – Климе“ Кавадарци го очекуваат повеќе настани од областа на театарската уметност.
Во четврток, на 13 ноември 2025, со почеток од 19 часот, Театарот при Домот на културата Кавадарци, премиерно ќе ја одигра претставата “Предлог за брак/Мечка“ по текст на Антон Павлович Чехов. Претставата е состав на две едночинки. Режијата е на Микица Илова.
Во првата едночинка играат: Александар Малинков , Ивана Секуловска ,Саше Орешков, а во втората едночинка: Елена Илова, Петар Стојанов , Мартина Илиевска. Суфлер: Дијана Мишова; Костимограф: Сара Милевска; Сценска подршка: тим на Дом на култура Кавадарци; Светло/тон: Пепи Ангелов.
Домот на културата “Иван Мазов – Климе“ Кавадарци е и организатор на манифестацијата “Месец на Театарот“ која годинава се оддржува по петти пат. Манифестацијата ќе биде отворена со изложба на избор плакати од претстави на Театарот при Домот на кутурата Кавадарци изминатите децении.
Официјалниот распоред е:
15.11 (сабота) Свечено отворање на манифестацијата со Изложба на театарски плакати
15.11 (сабота) “Ухљеби“, ДРАФТ Театар, Тузла, Босна и Херцеговина
17.11 (понеделник) “Петок 13“, Народен Театар Струмица
19.11 (среда) “Предлог за брак/Мечка“, Театар при Дом на култура “Иван Мазов – Климе“ Кавадарци
22.11 (сабота) “Госпоѓа Министерка“, Театар “Џинот“, Велес
25.11 (вторник) “Смртта на еден човек на Балканот“, Театар при Дом на култура “Иван Мазов – Климе“ Кавадарци
Сите претстави започнуваат од 19 часот.
Култура
Изложба на Иван Ивановски во Кина
Во Гуангдонг Сан Та Музејот за Уметност во Гуанџоу, Народна Република Кина, на 8 ноември 2025 година, беше отворена самостојната изложба „In Between“ на македонскиот уметник Иван Ивановски.
Куратор на изложбата е Александра Ацеска, а настанот е реализиран во организација на Фликер студио, Зенг Чуан, Чен Хуе Бин (Guangdong San Ta Museum of Art), со ко-организатор Жанг Веи, а изложбата е реализирана со поддршка на Министерство за Култура и Туризам на Република Северна Македонија.

Изложбата е придружена со музиката на Андреја Салпе и Оливер Митковски (Поетроника), студиски сет специјално снимен за оваа прилика.
Фотографиите се на Даниел Коцев – Пазамат, а дизајнот на постерот е на Лиу Чен.
![]()
![]()


