Култура
Новиот филм на Теона Митевска се снима и во „Јасен“
Сцени со познатата шпанска актерка Викторија Абрил, која ја толкува главната улога во филмот „Жената која ги избриша своите солзи“ во режија на Теона Митевска, се снимаат и во ловниот резерват „Јасен“
Снимањето на новиот филм на Теона Митевска започна на 28 март на повеќе локации низ Македонија. Првите 27 дена снимање на филмот „Жената која ги избриша своите солзи“ се одвиваат во Македонија. Потоа следуваат 12 дена снимање во Германија.Во текот на оваа седмица снимањата се одвиваат во ловниот резерват „Јасен“, каде екипата која работи на филмот ги покани медиумите да присуствуваат на снимањето на една сцена од филмот. Присуството на медиумите се случи на 18-тиот ден од снимањето на филмот.Заедно со актерската и филмската екипа на снимањето на сцената присуствуваа Елизабета Канческа-Милевска, министер за култура на РМ, и Дарко Башески, директор на Филмскиот фонд на Македонија.„Со задоволство присуствувам на снимањето на сцена од филм што се реализира со поддршка на Филмскиот фонд на Македонија, како што тоа е случај со новиот филм на сестрите Лабина и Теона Митевска – Стругар. Македонија треба да биде горда што овој филм со силна актерска екипа се снима во нашата земја“ – нагласи Елизабета Канческа-Милевска.„Ме радува што годинава имаме богата филмска година и со снимање нови филмови и со премиери на снимените филмови кои се поддржани од Филмскиот фонд на Македонија. Ме радува фактот што Лабина Митевска, како продуцент на филмот, за само една година го обезбеди целиот буџет за снимање на филмот. Од друга страна со филмот ќе бидат прикажани најубавите и најнедостапните предели во Македонија, како што е случајот со снимањето во Јасен“ – изјави Дарко Башески, директор на Филмскиот фонд на Македонија.„Имаме одлична актерска и филмска екипа, одличен кастинг и ветувам дека ќе направам добар филм. Големо задоволство е да се прави филм. Бидејќи себеси се сметам за уметник и филмот е уметност треба да продолжиме да правиме уметност. Екипата со која работам ми го овозможува тоа“ – изјави режисерката Теона Митевска-Стругар.Главната улога во филмот „Жената која ги избриша своите солзи“ ја толкува славната Викторија Абрил, која стана светски позната по улогите во филмовите на Педро Алмодовар.Објаснувајќи на кој начин се одвивала комуникацијата со сестрите Митевски, Абрил за медиумите изјави дека навистина ја восхитила нивната љубезна упорност, прво да присуствува на фестивалот „Браќа Манаки“ во 2009 година во Битола, а потоа и да ја толкува главната улога во нивниот филм.„Среќна сум што сум тука, бидејќи морам да признаам дека плачев кога претходниот пат си заминував од Македонија. Сега, на мое задоволство, сум тука да ја толкувам главната улога во филмот на Теона и Лабина Митевски. Откако го прочитав сценариото за филмот толку ми се допадна што немав зборови, останав без здив, бев исполнета со емоции и шокирана од приказната. Потоа и кажав на Теона дека станува збор за неверојатна приказна и дека треба да ја направиме“ – изјави Викторија Абрил.Филмот ја прикажува борбата на две жени од различни општества, од Франција и Македонија, кои ќе се спојат под чудни околности, едната барајќи одговори за загубата на својот син и отуѓувањето од својот сопруг, додека другата трпеливо настојувајќи да го најде својот изгубен сопруг и да го зачува синот. И двете на свој начин одбиваат да ја прифатат општествено одредената улога и се борат да ги преуредат своите животни судбини.„Исто така морам да признаам дека кога го читав сценариото си замислував како тоа би можело да се визуелизира. Но сега, кога почнаа снимањата во Македонија, ќе кажам дека навистина сум изненадена од неверојатната убавина на природата и амбиентот во кој ги снимаме сцените во Македонија. Исто така ќе кажам дека Македонија е неверојатно фотогенична земја. Каде и да поставите камера се добива прекрасен филмски кадар“ – нагласи Абрил.Тоа што најмногу ја изненадило Абрил во текот на снимањето на филмот е што во филмската екипа се зборуваат 15 јазици и дека се функционира како што треба бидејќи сите совршено се разбираат меѓу себе.На денешната средба присуствуваа и актерите Жан Мари Калеи, кој доаѓа од Франција, Арбен Бајрактарај, кој по потекло е од Косово, а веќе десет години живее во Париз во Франција, и актерот Фирдаус Неби, кој по долго отсуство од македонската театарска сцена ја прифатил поканата на сестрите Митевски да учествува во филмот.„Сестрите Митевски работат со многу емоции и љубов и веруваат во тоа што го работат“ – изјави актерот Фирдаус Неби во своето образложение за учеството во филмот.Гостите од Франција Жан Мари Калеи и Арбен Бајрактарај изразија големо задоволство што имаат можност да снимаат во најубавите предели на Македонија. Исто така, објаснија дека нивното пријателство во Теона Митевска во Париз сега се претворило во професионална соработка во нејзиниот филм.Главен продуцент на филмот „Жената која ги избриша своите солзи“ е „Сестри и брат Митевски продукција“, а станува збор за копродукција меѓу „Вертиго филм“ од Словенија, „Entre chien et Loup“ од Белгија и „Osterlicht production“ од Германија.Финансиската поддршка во износ од 1.930.000 евра во најголем дел е од Филмскиот фонд на Македонија, но и од филмските фондови на Словенија и Белгија, како и германскиот МДМ. Филмот е поддржан од „Еуроимаж“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Љутков: Културното наследство не е минато што го чуваме по инерција, туку иднина што ја градиме со свест
Министерот за култура и туризам Зоран Љутков, австрискиот амбасадор Мартин Памер, претседателот на Управниот одбор на ЕВН Македонија, Волфганг Мајер, и директорката на Археолошкиот музеј на Македонија, Магдалена Манаскова, го посетија археолошкиот локалитет Тумба Маџари по повод потпишување Договор за долгорочно користење на парцела во сопственост на ЕВН што е во рамките на локалитетот.
Локацијата што денес се отстапува за долгорочно користење, во рамките на археолошкиот локалитет Тумба Маџари, станува дел од живата мрежа на научна работа, теренски истражувања, едукација и развој.
Кога јавниот и приватниот сектор застануваат на иста страна, на страната на заедничките општествени вредности, тогаш и ефектот никогаш не изостанува. Со потпишувањето на денешниот договор, локалитетот Тумба Маџари добива нова перспектива.
Љутков упати благодарност до Волфганг Мајер, претседател на Управниот одбор на ЕВН Македонија, до ЕВН како компанија и до австрискиот амбасадор Мартин Памер за континуираната соработка во областа на културата.
Министерството за култура и туризам стои зад оваа иницијатива, активно поддржувајќи ја соработката меѓу јавниот и приватниот сектор, создавајќи широк круг на поддршка и ангажман. Оваа партнерска врска не само што го зајакнува нашиот културен идентитет туку, исто така, го поттикнува развојот на туризмот и на економијата, притоа создавајќи нови можности за локалните заедници. Потпишувањето на денешниот договор не е само правен акт, ова е чин на зрелост на заедницата што го препознава културното наследство како вредност што има смисла само кога заеднички се чува и се споделува.
Култура
Концерт на Дони Мекаслин и националниот џез-оркестар
На 14 јули 2025 година, со почеток во 21:00 часот, во Македонскиот народен театар, љубителите на џезот ќе имаат можност да присуствуваат на извонреден концерт, заеднички настап на еден од најсмелите и највпечатливи саксофонисти и композитори на современата џез сцена, Дони МекКаслин и Националниот џез оркестар. Диригент на концертот ќе биде маестро Владимир Николов.
Името на Дони МекКаслин (САД) стои зад едно од најзначајните музички изданија на 21 век – Blackstar, последниот албум на Дејвид Боуви, на кој токму МекКаслин беше една од клучните креативни сили што го обликуваа неговиот експериментален звук. Од тој момент, МекКаслин продолжува да ги редефинира границите на џезот, создавајќи музика која живее на пресекот меѓу жанровите – каде електрониката, арт-рокот и импровизацијата се среќаваат со слободата на изразот. За тоа сведочат албумите Blow. (2018) и I Want More (2023) – хибриден звук кој не припаѓа на еден жанр, туку на уметноста како процес на преобразба.
New York Times за еден негов концерт напиша: „Сè започна со синтисајзер што пулсира во слободен ритам, за потоа да премине во тенор-соло што звучеше и како бура и како молитва.“
Билетите за концертот може да се набават online на MKTickets и на продажните места на МКТикетс. На самиот ден на концертот билетите ќе бидат достапни и на билетарницата на Македонскиот народен театар (МНТ).
Култура
Изложба посветена на ансамблот „Мањифико“ во Градскиот музеј во Крива Паланка
Ретроспективната изложба посветена на еден од најзначајните македонски музички состави – ансамблот „Мањифико“, кој во своето 31- годишно постоење остави длабоки траги во македонската и меѓународната музичка сцена, ќе биде отворена на 5 јули (сабота) 2025, со почеток во 20,30 часот, во уметничката галерија на ЛУ Градски музеј Крива Паланка.
Изложбата е екслузивен и траен спомен и чествување на богатиот опус на „Мањифико“ со обемна збирка од над 240 селектирани експонати, фотографии, постери, документи, аудио-визуелни снимки и архивски материјали кои сведочат за извонредната уметничка активност и достигнувањата на овој реномиран состав. Меѓу нив е и монографијата „Ансамблот Мањифико мит-легенда или реалност“, чиј автор е еден од основачите и член на овој состав Пантелеј-Панче Кочовски.
Експонатите вклучуваат 32 големи постери и 15 оригинални плакати од концерти и настапи, над 60 паноа, над 200 селектирани уметнички фотографии, аудио и видео касети, ЦД и ДВД изданија, признанија, студиски снимки, концертни програми, сценографски документи и монографското издание.
Изложбата, со која се одбележуваат 65 години од основањето на славната група, пред се, е посветена на починатите членови на „Мањифико“, сите извонредни музички ументици, на чело со вокалниот солист и ѕвезда на ансамблот, Невенка Кочовска. Во чест на овој екслузивен настан, дел од репертоарот на легендарниот состав ќе отпеат Лидија и Тања Кочовски, наследничките на Панче и Невенка.
„Последно што посакав е да оставам траен спомен на ансамблот преку експонати, сведоштва и фактографија и да ја запознаам македонската јавност со нив“, вели Панче Кочовски автор на изложбата и на монографијата.
Ансамблот „Мањифико“ е основан во далечната 1959 година и во својата 31-годишна уметничка одисеја достигнува интернационална и интерконтинентална афирмација. На својот репертоар има над 320 композиции од Латинска Америка и Шпанија, од кои над 220 на носачи на звук, 80-тина нумери за 30-тина радио станици во поранешна Југославија и Европа, 28 мали музички плочи, 5 ЛП албуми, 4 аудиокасети, 2 ЦД и неколку ДВД изданија. Најголем дел од изданијата се продавани во златен и сребрен тираж.
Во своето над 30-децениско постоење, ансамблот „Мањифико“ има настапувано во над 42 земји ширум светот, вклучувајќи ги: Австрија, Италија, Русија, Турција, Индија, Египет, САД (Индијана, Калифорнија, Илиноис, Мичиген, Невада), Австралија, Азербејџан, Казахстан, Узбекистан, Шведска, Германија, Бугарија, и многу други. Изведени се околу 4300 концерти, со вкупна публика од над 8.700.000 посетители. Ансамблот учествувал и во театарски продукции, снимал музика за телевизија и филм, а во 16 ТВ студија низ Европа и СССР се снимени над 140 телевизиски емисии и блокови, со учество на бројни познати вокални солисти. Има настапувано и за југословенскиот претседател Тито, пред мексиканскиот претседател Лопез Матеоз, како и о победникот на Сан Ремо Тони Далара. Иако главниот репертоар е составен од латиноамериканска музика, на интернационалните настапи „Мањифико“ изведува и македонски и југословенски хитови како музичка идентификација на ансамблот и регионот. Истовремено, како познати филантропи, имаат одржано и преку 600 хуманитарни коцерти, меѓу кои и за земјотресот и поплавата во Скопје.
Покрај Невенка и Панче, дел од „Мањифико“ биле и врвните музичари Крсто Таушанов, Петар Галев, Димитар Томов, Јане Коџабашија, Хозе Свиличиќ, Владимир Нигојевиќ, Миле Барбаровски, Коце Икономов, Миле Лукаров, Димитар Павловски и менаџерот Борис Низамовски.
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
Мотоцилистот удрил во пешакот и избегал, МВР со детали за трагичната несреќа на кејот
Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...
50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски
Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....
СДСМ поднесе 160 амандмани за ребалансот на буџетот
Овој ребаланс е фискално нереален, социјално штетен и без развојна компонента, изјави пратеничката на СДСМ, Сања Лукаревска, на денешната собраниска...
Граѓаните може да пријават недостапна здравствена услуга или злоупотреба на клиниките на веб-страницата на Министерството
Министерството за здравство се отвори за жалби на граѓаните од здравствениот систем. Граѓаните веќе може секоја забелешка, жалба од функционирањето...
(Видео) Лукаревска: Со ребалансот власта крати пари од граѓаните за да се луксузира
Предложениот ребаланс на Буџетот наместо да понуди подобрување на состојбите во економијата е всушност доказ за целосниот неуспех на економската...
(Видео) Објавено какво оружје Америка престанува да испраќа во Украина
САД ја прекинаа испораката на клучно оружје за Украина, вклучително и системи за воздушна одбрана кои беа клучни за Киев...
Мерц: Русија не води војна само против Украина, туку и против нас
Германскиот канцелар, Фридрих Мерц, синоќа изјави дека Русија не води војна само против Украина, туку и против Германија. Во интервју...
Иран: Американските бомби сериозно го оштетија Фордоу
Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...
Арсовска до амбасадорката Агелер: „Не Ви е малку незгодно што на листата со ВИП-гости Ви беа лица што треба да Ви се на црната листа на санкции“
Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...
(Видео) Силна бура во Сиднеј: урнати дрвја, повеќе од 35.000 дома без струја, откажани десетици летови
Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...
Трамп: Израел се согласи на условите за 60-дневно примирје во Газа
Американскиот претседател Доналд Трамп вчера изјави дека Израел се согласил со условите за конечен договор за 60-дневен прекин на огнот...
(Видео) Бомбардер „су-34“ се урна во Русија
Руски борбен авион Су-34 се урна вчера за време на воена вежба во регионот Нижни Новгород, објави руската државна новинска...
Сиљановска-Давкова се сретна со шпанскиот премиер Педро Санчез
Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...
(Фото) Запленети околу 100 килограми марихуана во Струмица, уапсени три лица
Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...
Филипче: Не е време за калкулации, ниту за ситнопартиски интереси, СДСМ останува силен промотор на европската идеја
Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...
