Култура
Одбележани два значајни јубилеи во НУБ

Два значајни јубилеи, 150 години од објавувањето на Зборникот на браќата Миладиновци и 50 години од постоењето на поетската манифестација „Струшките вечери на поезијата“ свечено беа одбележани во народната универзитетска библиотека „Св. Климент Охридски“ во Скопје.
Два значајни јубилеи, 150 години од објавувањето на Зборникот на браќата Миладиновци и 50 години од постоењето на поетската манифестација „Струшките вечери на поезијата“ свечено беа одбележани во народната универзитетска библиотека „Св. Климент Охридски“ во Скопје.Отварањето на церемонијата беше проследено со поетско читање на песната „Т’га за југ“ од Константин Миладинов. „Ги славиме овие јубилеи во време кога секој аргумент од било која сфера на општествениот живот исклучително е значаен во борбата за зачувување на националниот идентитет и самобитноста на македонскиот народ, историја и култура“ изјави директорот на НУБ „Св.Климент Охридски“ Миле Бошески. Министерката за култура Елизабета Канческа Милевска, изјави дека ќе се пристапи кон изготвување на проект за целосна обнова на спомен-домот посветен на браќата Миладиновци во Струга каде ќе бидат сместени канцелариите на Струшките вечери на поезијата и струшкиот музеј. „Овој спомен-дом ќе биде и свратилиште на сите почитувачи на убавиот пишан збор кои оваа 2011 година ќе бидат дел од чествувањето на петте децении од постоењето на манифестацијата „Струшките вечери на поезијата“ преку која ќе се навратиме на делото на Миладиновци, кое е камен-темелник на нашата литературна дејност“ рече Канческа Милевска. Во втората половина на 19 век започнува македонската преродба во време кога твореле браќата Миладиновци.„Димитријата Миладинов е водечкото име и челник на македонската преродба. Тој со своето дејствување го пробуди чувството за значењето и за убавината на мајчиниот јазик и изврши пресудно влијание на најзначајните писатели и собирачи на народното творештво. Делото на овој будител на просветно, културно и национално поле го следат и го проучуваат ученици Константин Миладинов, Партение Зографски, Рајко Жинзифов, Григор Прличев, Кузман Шапкарев, Марко Цепенков и многу други“ рече претседател на Друштвото на писатели на Македонија, Раде Силјан. „Струшките вечери на поезијата“ за прв пат почнале да се одржуваат на 15 јули 1961 година. Оттогаш, секоја година бројот на учесници се зголемува, а годинава има 67 учесници од целиот свет. „Кој беше тој творечки порив и висина да се потпре еден таков монументален споменик на поезијата, но и на културата и духовното воопшто во Република Македонија. Од денешен аспект станува уште појасно дека тој поттик го изведоа авторите, со силна творечка индивидуалност“ изјави Данило Коцевски директор на манифестацијата „Струшки вечери на поезијата“. Годинава „Струшките вечери на поезијата“ се под покровителство на УНЕСКО. Добитникот на наградата „Златниот венец“ е македонскиот поет – академик Матеја Матевски./крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Премиера на едно од најпопуларните и највесели дела на сите времиња – оперетата „Лилјакот“од Јохан Штраус II

На 25 октомври со почеток во 20.00 часот, на големата сцена на Националната опера и балет ќе се одржи премиерата на едно од најпопуларните и највесели дела на сите времиња – оперетата „Лилјакот“ од Јохан Штраус II. Втората изведба на оперетата е закажана за 28 октомври, во 20 часот.
Диригент е Бисера Чадловска, режијата е на Љупка Јакимовска, сценографијата на Марија Ветероска, костимографијата на Марија Пупучевска, кореограф е Саша Евтимова, хор мајстор е Јасмина Ѓоргеска, а концерт мајстор е Верица Ламбевска.
Во солистичката екипа настапуваат: Васко Здравков, Јане Дунимагловски/Дејан Стоев, Злата Тошевска Димовска, Ана Ројдева, Николина Јаневска/Соња Мадевска, Драган Ампов, Кристијан Антовски, Марјан Николовски, Јаворка Витанова и Тихомир Јакимовски, заедно со хорот, оркестарот и балетскиот ансамбл на МОБ.
„Лилјакот“ е ремек-дело на „кралот на валцерите“ Јохан Штраус II, создадено во 1874 година. Оваа брилијантна оперета претставува маестрална комбинација на љубовни интриги, недоразбирања и комични ситуации, сместени во блескавиот виенски свет на валцери, балови и маскенбали. Штраус со својата непресушна музичка инвентивност и елегантна оркестрација создава партитура исполнета со валцери и арии кои зрачат со духовитост, шарм и живост. „Лилјакот“ е вистинска прослава на радоста, убавината и ведрината на животот – дело што повеќе од еден век ја воодушевува публиката ширум светот и останува вечен симбол на виенскиот шарм и музичката магија.
Култура
Премиера на едно од најпопуларните и највесели дела на сите времиња – оперетата „Лилјакот“ на големата сцена на Националната опера и Балет

На 25 октомври 2025 година со почеток во 20.00 часот, на големата сцена на Националната опера и балет ќе се одржи премиерата на едно од најпопуларните и највесели дела на сите времиња – оперетата „Лилјакот“ од Јохан Штраус II. Втората изведба на оперетата е закажана за 28 октомври, 20.00 ч.
Диригент е Бисера Чадловска, режијата е на Љупка Јакимовска, сценографијата на Марија Ветероска, костимографијата на Марија Пупучевска, кореограф е Саша Евтимова, хор мајстор е Јасмина Ѓоргеска, а концерт мајстор е Верица Ламбевска.
Во солистичката екипа настапуваат: Васко Здравков, Јане Дунимагловски/Дејан Стоев, Злата Тошевска Димовска, Ана Ројдева, Николина Јаневска/Соња Мадевска, Драган Ампов, Кристијан Антовски, Марјан Николовски, Јаворка Витанова и Тихомир Јакимовски, заедно со хорот, оркестарот и балетскиот ансамбл на МОБ.
„Лилјакот“ е ремек-дело на „кралот на валцерите“ Јохан Штраус II, создадено во 1874 година. Оваа брилијантна оперета претставува маестрална комбинација на љубовни интриги, недоразбирања и комични ситуации, сместени во блескавиот виенски свет на валцери, балови и маскенбали. Штраус со својата непресушна музичка инвентивност и елегантна оркестрација создава партитура исполнета со валцери и арии кои зрачат со духовитост, шарм и живост. „Лилјакот“ е вистинска прослава на радоста, убавината и ведрината на животот – дело што повеќе од еден век ја воодушевува публиката ширум светот и останува вечен симбол на виенскиот шарм и музичката магија.
Култура
Признание од Европа за македонската анимација – „Златната пеперутка“ со Биби и Боби триумфира на MIA Market

Проектот за долгометражен анимиран филм „Златната пеперутка“, базиран на ликовите од популарната анимирана серија „Светот на Биби“, го освои престижното признание MIA Development Award for Outstanding Animation Project на филмскиот и телевизискиот маркет MIA Market 2025 во Рим, кој се одржа од 6 до 10 октомври.
Наградата, во вредност од 5.000 евра, беше доделена на 10 октомври во силна меѓународна конкуренција, од страна на стручно жири составено од истакнати професионалци од европската и светската анимациска сцена. Ова признание претставува значаен успех за македонската анимација и потврда за креативниот потенцијал на домашните автори и студија.
Во образложението на жирито се наведува:
„Наградата МИА за развој на најдобар анимациски проект ја добива Златната Пеперутка на Гоце Цветановски, затоа што ја прикажува моќта на оригиналните брендови како „Светот на Биби“ да донесат свежи, регионално инспирирани приказни на светската анимациска сцена преку различни формати, и како охрабрување за понатамошен развој на визуелниот и анимацискиот стил.“
MIA Market претставува еден од водечките европски настани за филм, телевизија, анимација и документаристика, со повеќе од 2.800 акредитирани професионалци од 64 земји. Годинава, во рамките на 11. издание, беа пријавени над 500 проекти, од кои по околу 15 беа селектирани во секоја од четирите категории: Анимација, Филм, Драма и Документарен филм. Во категоријата Анимација учествуваа седум долгометражни филмови и девет серии.
Листата на наградени проекти беше објавена во повеќе меѓународни медиуми, меѓу кои Variety, Deadline, Prensario International и Cinemaitaliano.info.
„Ова е голем чекор и признание не само за нашиот проект, туку и за целата нова македонска анимациска сцена,“ изјави Гоце Цветановски, режисер и сценарист на „Златната пеперутка“, при примањето на наградата.
За филмот „Златната пеперутка“
„Златната пеперутка“ е еколошка авантура за целото семејство. Биби, Боби, Зази, Зина и роботчето Р-1 патуваат во Колумбија кај нивниот пријател Пепе и неговото милениче, морското прасе Пико. Веселата дружина тргнува во потрага по ретката и мистериозна златна пеперутка, за која Пепе тврди дека ја видел во Амазонската прашума. Нивната мисија ќе ги однесе до легендарниот златен град Ел Дорадо, каде ќе се соочат со бројни предизвици и ќе мора да ги здружат своите сили за да ги совладаат темните сили што демнат во џунглата.
Сценариото го потпишуваат Бруно Велјановски и Гоце Цветановски, режијата е на Цветановски, арт директор е Михајло Димитриевски – Тхе Мичо, а илустрациите за презентацијата ги изработи Иванчо Николовски.
Македонски продуценти се Македонска Крепост, Светот на Биби и Toon Motions Studio, во копродукција со Blurr Studios (Аргентина), Blurr Rojo (Шпанија), The G Seven (Колумбија) и Technoscop Films (Бразил).